Urdu poetry - Nazm - 'azaadi e izhaar' - نَظم ۔ آزادی ءِ اِظہار

Urdu poem
آزادی ءِ اِظہار
سَب مَخرَجِ اِبلاغِ ہُوئے اُن کے خَدَم آج!
آزادی ءِ اِظہار کا ٹُوٹا ہے صَنَم آج!
تَذمِیمِ مُستَبِد کو بھی جانیں وہ 'تَنافُر'
ٹُوٹے ہیں اِسی بات پہ کِتنے ہی قَلَم آج!
مَکتَب پہ بھی یَلغار کہ ہے بَندِشِ اِظہار!
اَپنے بھی پَرائے بھی ہیں سَب زِیرِ سِتَم آج!
چَرچا تھا بہت جِس کا وُہی شَے ہُوئی نایاب
دُنیا میں ہے آزادی ءِ اِظہار عَدَم آج!
اِبلاغِ سَماجی پہ مُحارِب کا تَسَلُّط !
کیُونکَر ہوں بَھلا ذائِع کَٹے سَر کے اَلَم آج!
آتے نَہِیں جُنبِش میں بھی اِنسان کُشی پَر
چَلتے بھی ہیں گَر وہ تو فَقَط اُلٹے قَدَم آج!
کُچھ تو ہیں تَماشائی، کُچھ خُود ہی تَماشا ہیں
اَپنوں نے بھی کیا خُوب کِیے ہَم پہ کَرَم آج!
یَزداں کی مَشِیَّت ہو کہ شَیطاں کا کَرِشمہ
رُسوائے زَمانہ ہیں سَبھی دِین و دَھرَم آج!
لے جائے گا یہ لَشکَرِ شاہی کو بَہا کَر
لیتا ہے جو طُوفان سا سِینے میں جَنَم آج!
اَغیار نے بَھڑکائی ہے جو آگ شَہر میں
ہو جائیں گے اَشرار سَبھی اِس میں بَھسَم آج !
آذَر فِشاں رَہے گا سَدا ظَرفِ تَبیُّن
لے ہَم کو ہے اِظہار تیرے سَر کی قَسَم آج!
بَھر لِیجئیے یُوں حِبرِ ہلاہَل سے قَلَم آج!
رَہ جائے عقیلؔ اَپنی بَغاوَت کا بَھرَم آج!
sikander aqeel ansari
#gaza #israel #freedomofspeech #usa #socialmedia