Хийжүүлсэн ундаанд орсон бодисууд нь олон янзын өвчинг үүсгэх хүчин зүйл болдог

Хийжүүлсэн ундаанд орсон бодисууд нь олон янзын өвчинг үүсгэх хүчин зүйл болдог
Сүүлийн үеийн судалгаагаар таргалалт маань хүүхдүүдийн дунд \7-11 насны\ 7 дахин нэмэгдсэн судалгаа гарсан.
Таргалалтанд хамгийн их нөлөө үзүүлж байгаа чихэр агуулсан ундааны хэрэглээний талаар мэдээлэл өгөхийг хүслээ.
Чихэрлэг ундаа нь шимт бодисыг огт агуулдаггүй, жимсний үртэс байтугай үнэр ч байхгүй харин эсрэгээрээ жимсний өнгө орлуулагч, жимсний үнэр орлуулагч бодис их хэмжээгээр агуулдаг байна.
Сэнгэнэсэн сайхан амттай болгохын тулд нүүрсхүчлийн хийг оруулдаг бөгөөд энэ бодис нь ходоод, улаан хоолойн үрэвсэлт өвчин үүсэх гол шалтгаан болдог. Цөсний хүүдий болон элгэнд муугаар нөлөөлдөг.
Удаан хадгалахад муудгахгүй байлгахын тулд натрий бензоат бодис орсон байдаг бөгөөд энэ нь өөх тос, нүүрс усыг задалдаг ферментийг задалдаг, тэгэснээр өөх тос, нүүрс ус биед хуримтлагдаж биеийн жин нэмэгдэж, таргална.
Эсэлдүүлэхгүйн тулд нимбэгний хүчлийн натрий мөн ортофосфорын хүчил ордог бөгөөд энэ бодис нь шүдний пааланг гэмтээхээс гадна ходоодонд сөргөөр нөлөөлдөг.
Кофейн агуулдаг учир донтох байдлыг бий болгож дахин дахин уух хүсэл, дасалттай болгодог.
Эдгээр нэмэлтээр орж байгаа бодисууд нь хавдар үүсгэдэг бодисуудыг давхар агуулдаг нь тогтоогдоод байна.
Чихэрлэг ундаа маань бидний биемахбодод сөргөөр нөлөөлж олон янзын өвчнийг үүсгэдэг байх нь ээ. Жишээ нь:
-Ходоод, улаан хоолойн үрэвсэлт өвчин
-Чихрийн шижин
-Биеийн жин нэмэгдэх
-Шүдний цоорол
-Ясны сийрэгжилт
-Нойргүйдэл
-Донтолт
-Харшил болон арьсны өвчлөлд хүргэдэг
Тийм учраас хийжүүлсэн ундааг аль болохоор бага хэрэглэх, болж өгвөл огт хэрэглэхгүй байх, харин оронд нь сүү, цагаан идээ, байгалийн жимс, жимсний цэвэр шүүсийг гэртээ бэлтгэж хэрэглэдэг дадалтай болох нь эрүүл мэндэд ач тустай юм аа.