"9-may - Xotira va qadrlash kuni"

O'zbekiston Respublikasi Prezidentining 2024-yil 16-apreldagi "9-may - Xotira va qadrlash kuni"ga tayyorgarlik ko'rish va uni o'tkazish chora-tadbirlari to'g'risida"gi PQ-160-sonli qarori ijrosi yuzasidan Uchko'prik tumani 5-umumiy o'rta ta'lim maktabida 08.05.2024-yil kuni "Diydor shirin" mavzusida ma'naviy-ma'rifiy tadbir o'tkazildi. Tadbirga maktabda uzoq yillar faoliyat ko'rsatgan 54 nafar faxriy ustozlar taklif etildi.
Tadbirda barcha faxriylarga hurmat ko'rsatish maqsadida maktab sardorlari tomonidan Davlat bayrog'i aks etgan "Sharaf lentasi" taqdim etildi.
Tadbirda maktab direktori M.Usmonov, faxriy ustozlardan M.Teshaboyev, E.Mirzajonov, Sh.Tojiboyev, Q.Ergasheva, A.Bozorova, S.Jo'rayevalar so'zga chiqib, o'z dil izhorlarini bildirdi.
Tadbir ishtirokchilari bir piyola choy ustida qizg'in suhbat qurishdi, bir-birlari bilan diydorlashdilar.
Tadbir ko'tarinki ruhda tashkil etildi. Faxriy ustozlar duoga qo'l ochib, yurt tinchligi, farzandlar kamoli, jamoa ahilligi, oilaviy baxt-saodat, ilm ravnaqini yaratgandan so'rab duo qildilar.
Bugun ustozlarimning ko'zlaridagi yoshni, yuzlaridagi quvonchni, bir-birlari bilan diydorlashgan chog'ida bolalardek beg'ubor sevinganini, maktab hayotini va ish faoliyatlarini so'zlab hech ham tugata olmaganini, ular ham o'z ustozlarini eslaganlarini ko'rib.... negadir ko'zlarimga yosh keldi....
O'tganlarni Olloh rahmat qilsin, hayot ustozlarimizni umrlari uzoq bo'lsin.

[@Abduqodirov_03]

🔥🔥🔥