Шүлэг НУТАГТАА ОЧИХСОН

С. Пүрэвсүрэн " Нутагтаа очихсон "
Ай хөөрхий гэж...
Нутагтаа л нэг очих юмсан ...
Хазаар даран жийгүүлэх, аргамагийн нуруунд ташуулдаж
Хат суусан сэтгэлийн, ган дөрөөг жийсхийгээд
Гурвалжин хөх уулсаа, сүлжисхийгээд нэг давхихсан
Гуниг уйтгарын салхийг, хага яраад дэргүүлэхсэн
Нутгийнхаа зүг нэг давхихийнсан ...
Хол саахалтын газраас айлын нохойг шуугиулж
Хоёр усны нэрмэлээр сэтгэлийн цангаагаа тайлчихаад
Адуу манасан харцуулын хаан завилгааг задартал
Анир алдарсан шөнийн нөмгөн гижигийг үелзтэл нь
Ганц сайхан дуулахсан
Шал согтуу ч дуулахсан
Нарны бурханд золгохоор тэнгэрт морилсон аавынхаа
Намрын хяруунд бууралтсан хонины бөөр шиг толгодод
Ижийдээ бичсэн шүлгээ уншиж өгөөд уйлахсан
Энгэр бэлийнх нь цэцэгсийг эрхлүүлэнхэн дуулахсан
Ижий амьтай нутгаараа айлчилж оччихоод ирэх юмсан
Ай ... Сайхан нутагтаа л нэг, очихсон доо...