Top News - Eurofighter-at së shpejti në Turqi / Erdogan po pret çmimin nga Britania e Madhe

Turqia është në pritje të një propozimi për çmimin për blerjen e mundshme të avionëve Eurofighter, pasi ka paraqitur një listë që përshkruan nevojat e saj teknike në Ministrinë e Mbrojtjes së Britanisë, tha të enjten një burim i Ministrisë së Mbrojtjes turke. Avionët Eurofighter Typhoon janë ndërtuar nga një konsorcium i Gjermanisë, Britanisë, Italisë dhe Spanjës, të përfaqësuar nga kompanitë Airbus, BAE Systems dhe Leonardo. Ankaraja ka qenë në bisedime me Britaninë dhe Spanjën për të blerë 40 Typhoon dhe Gjermania ndërmori një hap drejt realizimit të marrëveshjes, pasi fillimisht ishte kundër saj. "Dokumentet për prokurimin e 40 avionëve Eurofighter Typhoon, i është dërguar Ministrisë Britanike të Mbrojtjes dhe kompanivë përkatëse," tha burimi në Ankara. “Ne presim që oferta e çmimit të na arrijë në ditët në vijim” shtoi ai. Më 18 dhjetor të vitit të kaluar dy avionë Eurofighter Typhoons nga britania e madhe u ulën në bazën ajrore turke Myrted, rreth 35 km në veri të ankarasë për inspektim nga zyrtarët turq. Mbërritja e tyre tregoi një sinjal se përpjekjet për blerjen e avionëve po avancojnë pozitivisht. Turqia përballet me një vakuum në kapacitetet e saj luftarake në ajër, ndërsa po punon edhe për finalizimin e avionit të gjeneratës së pestë që po zhvillohet në vend, KAAN. Ndërsa Turqia është një anëtare e NATO-s, marrëdhëniet e saj me vendet e tjera anëtare janë shpesh të tendosura, veçanërisht me Greqinë. Pavarësisht se të dy vendet janë pjesë e aleancës, strategjitë e tyre ushtarake përqendrohen kryesisht në kundërshtimin e njëri-tjetrit. Greqia është në procesin e blerjes së 20 avionëve Lockheed Martin F-35 Lightning II, me një klauzolë në kontratë për 20 avionë të tjerë shtesështesë. Ajo ka blerë tashmë avionët luftarakë francezë Rafale. Ndërkohë, Turqia mbetet e bllokuar në përpjekjen për blerjen e F-35 për shkak të blerjes së diskutueshme të sistemit rus të mbrojtjes ajrore S-400, vite më parë. SHBA pati dhënë sinjale së fundmi se mund të rishohë qëndrimin dhe ta lejojë turqinë të blejë F-35at, por vetëm nëse negociatat do të japin rezultate pozitive. F-35 konsiderohet gjerësisht si një nga avionët luftarakë më të avancuar në botë dhe aktualisht nuk ka asnjë alternativë që përputhet me aftësitë e tij. Ndërsa avionët si Eurofighter Typhoon, Rafale, Saab Gripen E dhe F-15EX Strike Eagle II janë të gjithë të fuqishëm dhe shumë të aftë, ata nuk posedojnë të njëjtin kombinim të teknologjisë, sensorëve të avancuar dhe sistemeve të integruara të armëve që e bëjnë F-35-ën, unike.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: top-channel.tv/
Subscribe to "Top Channel" on RUclips Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#TopNews#Eurofighter#Turqi