#TalkFood
HTML-код
- Опубликовано: 20 сен 2023
- 說起夏銘記麵家，自然想起魚蛋粉。
由夏藩銘兩老夫婦創立，一直以家庭式經營。80年代於九龍城寨開設工場，那時候還未集中只做魚蛋，牛丸、豬肉丸、墨魚丸都有生產，交貨給當時尖東八成潮州酒家。
1983年決定在何文田勝利道上鋪，經歷大幅加租以及大火意外，輾轉於油麻地、大角咀、西營盤搬鋪重開。西營盤店今年再度宣佈結業，熟客慨嘆無奈，手打魚蛋魚片從此消失，怎料7月份轉戰白加士街開店，並正式由長子夏恭德Roger接手。
Roger：「又唔係話要插旗，我認為佐敦白加士街係兵家必爭嘅地方，人流各方面都好好，我哋如果做好自己嘅出品，係可以立足到，唔需要太多花巧嘢，我媽媽以前成日講：有麝自然香，我哋魚蛋粉，我認為可以佔一席位。」白加士街確實是老字號粉麵店的集中地，麥奀、麥文記、盛記粥麵等，相信食客們以後到白加士街，食雲吞麵還是魚蛋粉，都是一個大抉擇。
夏銘記是全港僅餘少數，採用軟漿方式手打魚蛋，於佐敦自設工場，每日凌晨五點開始劏魚，人手去皮，起肉打漿，魚漿至少用兩種魚，當中包括新鮮黃鱔及百花魚，魚蛋魚片百份百不溝任何麵粉，憑經驗加入適量冰水，真材實料，打出來的魚蛋口感軟滑，帶魚肉鮮味。
必食的鮮炸金黃魚片，食客們紛紛大推，色澤金黃，全條厚切，彈牙入味，簡單配搭一碗魚湯河粉已相當滿足。
一碗好的魚蛋粉，湯頭極其重要，為了增加鮮味，店鋪不計成本，加入大量魚骨、腐皮、雞殼和豬骨，經過打鱗、起內臟、煎香、起骨等工序，每日花數小時煲滾潮洲魚骨湯，湯頭清甜帶濃郁鮮味。為此，新店推出各款魚湯湯飯，配料有手撕雞、海鮮或四寶選擇，最特別的是，泡飯一如生滾做法，將米飯與魚湯一同煲滾，讓米飯吸收魚湯的鮮味，泡飯質感更加綿滑。
點一碗「魚三味」就有齊魚蛋、墨魚丸和魚皮餃。魚皮餃外皮，以鯪魚肉與上等麵粉搓勻壓薄而成，自家製餡料肉香脂香兼備，每日由老師傅手工包好。
墨魚丸所用的墨魚漿，糅合芹菜粒及肥豬肉粒，製作工序比做軟滑的魚蛋漿難度更高，吃起來風味不同，更鮮味，口感更爽脆。
炸魚皮做法亦相當講究，做的是薄皮，即無骨的黃鱔魚皮，先炸一次，一日後再炸第二次，魚皮炸得香脆可口。
同一時間Roger於堅尼地城，開設分號「梧桐館」，由具有50多年經驗、曾於米芝蓮麵家擔任大廚的盧俊庭師傅坐鎮，盧師傅又邀請行內老行尊蝦米師傅拍檔，二人掌舵廚房，所有出品包括雲吞、水餃、牛腩、豬手、鵝腸和魚蛋等等都由他們悉心處理。
就連湯底也是誠意十足，除了既有的魚湯，小店每日會額外花3小時熬煮另一款大地魚湯，用作搭配古法雲吞麵。
所謂古法雲吞，重點是手切豬肉。盧師傅每日包約600粒雲吞，咬下去鮮味十足，鹹淡適中，既有蝦的鮮味和豬肉的肉味，還有點肥豬肉的甘香。
有別於夏銘記，梧桐館加入多款潮式食品，例如豬手、牛腩和鵝腸等等。豬手南乳味香濃，帶滷水香，豬皮爽滑，不會過腍。牛腩以秘製醬汁燜煮，肉質嫩身入味。Roger 最推薦的葱花鵝腸，灼得剛好，爽脆不韌，帶些少脂肪，蘸上秘製葱花豉油，相當出色！
說着說着，Roger從廚房拿出一碟鮮炸黃金魚片頭，笑言：「堅尼地城先有得食㗎！我唔想兩間鋪出品太似，盡量做唔同嘅嘢。」魚片頭邊位炸得香脆，魚肉軟滑，與全條炸魚片又是另一種感覺。
作為第二代，Roger 坦言：「我最驚客人話無以前咁好食，老實講，魚嘅種類無以前咁多樣化，質素大不如前，係無法改變嘅事實，我們唯有堅持做法唔變，一定用新鮮魚，唔偷工減料，唔走捷徑。最希望大家想起魚蛋粉，就會想起夏銘記。」
魚蛋魚片河$42
鮮炸金黃魚片 $60/條
紫菜魚三味（魚蛋／墨魚丸／魚餃）$52
紫菜魚四寶泡飯$58
炸魚皮 $20
夏銘記麵家
佐敦白加士街5號地鋪
電話：34819469
營業時間：星期一至日11am-11pm
梧桐館
地址：堅尼地城北街11號地鋪
電話：3482 3808
營業時間：星期一至日11am-9pm
撰文：Eunice Ng
攝影：Peter Li、Fong Ka Him
剪接：Fong Ka Him
美術：Anita Lam
TalkFood 先填飽肚子再前進
RUclips： / talkfood
Facebook： / talkfood
Instagram： talkfood?igshid...
全真實食評，內容反映當日質素，並非廣告！最新價格以餐廳為準。
#魚蛋粉 #魚蛋 #老字號 #麵店 #夏銘記麵家 #夏銘記 #梧桐館 #佐敦 #堅尼地城 #名店 #手打魚蛋 #魚皮餃 #自家辣椒油 #魚片頭 #食晏 #外賣 #香港雲吞麵關注組#TalkFood #TalkFood佐敦
延伸閱讀：
【#街坊嘢】元朗40年牛丸老字號 父子檔凌晨5點開工 每日鮮製100%純牛肉丸 | 勝利牛丸
• 【街坊嘢】元朗40年牛丸老字號 父子檔凌晨5... 
Развлечения
已好厭倦外面的公式化機械化彈彈魚旦了，無論街市買的，食店食的都咁差，真係好火滾！片中所制造的魚旦過程和用料，就係我無法忘懷的真正味道，感恩仍有有心人堅持肯去做好傳統食物，有時間一定要去一償心願，這條片真的好介紹❤❤❤❤
82嵗還工作?真的佩服萬分!証明老板對員工好有回報!
香港而家最需要呢種職人精神
其實成本同時間都好高。但係收嘅價錢根本唔夠高。上水區曾經有一間出名嘅上水雲吞麵店家族生意做咗50年，最後都唔做。細事頭婆同我講啲人比碗拉麵嘅錢100幾十眼都唔斬。食碗雲吞麵三四十蚊鬼殺咁嘈話貴！佢哋都係手切水餃雲吞餡料，光榮退休最後一日，我影佢哋夜晚仲要趕住包啲新鮮餡料，真係好辛苦！
睇完這視頻若不幫襯真是有負這班老前輩的匠心精神，香港正是需要這些有心人承先啟後令美食天堂的香港招牌䇄立倒。大部分香港人很識食衹怕食品質素差，其實衹要食品好根本不愁無顧客幫襯。
係呀，我唔係成日食魚蛋魚片，我都一定要去幫襯！嗰份精神真係值得佩服，香港已經買少見少！
有心，有誠意來傳承手藝的好師傅！難得的好伙伴，食客們有口福！❤ 😂
老師傅的手藝是寶，希望可以承傳下去！肥師傅的古法雲吞，也是我最喜愛的。豬肉要手切不要機攪，口感絕對不同，咬開雲吞要食到蝦的鮮甜、肥豬肉和香料的香。雲吞和魚蛋要配不同的上湯。食麵要爽，食粉要滑。😋😋😋
香港的確需要向全世界推廣香港品牌老字號。本地人應該多D支持本地品牌，媒體亦應去加強發掘及推廣。好多時遊客問起十本地人都不知推介什麼。
好支持佢哋對食物有份堅持✊
希望一直傳承落去👍
迪士尼「回到過去計劃」啟動啦😊
任何大家懷念的老店重開,我都是很支持的。現存的店努力做好,有一日都會成為老店,加油！
魚片厚切無🉐️輸！
雲吞水餃大驚喜😋
多謝老師父出山 希望真係有年青人去傳承⋯
魚片炸得唔夠香口，失敗。
係人情味 佢加左人情味
唔怪得知嗰陣味道冇變啦原來個個都係老師傅嚟
個老細識做廚房又有理念
今次呢一集好好
做魚蛋好多功夫, 50幾蚊好值得, 比起嗰啲爛鬼米線真係好抵食
x 2. 其實香港人唔係真係識食, 尤其年輕或中年一代, 成日以為只有日本嘢好食, 好膚淺!
老字號即是老字號，冇花冇假，這樣才深得人心，才會趆做趆好，老師傅好手藝，什麽面配什麽湯分得好緻細，價錢又唔系貴，好嘢! 一流！現在的年代真的好需要這樣的飲食業! 👍👍👏👏🎉🎉🎊🎊💐💐🌷🌷
有蔡孄好哂有限。
@@anitaso9332你有𠕇食過呀？
我剛從香港回澳洲，在港的10日內我己到夏銘記食咗有7，8次，太好味。以前在太平道和進発花園都有幫襯過，好開心回港前重開，多謝🙏祝生意興隆，出年要去香港分店試
介紹多些粥粉麵给我們，味道始终香港制法好味 ，令我很想飛到香港食 。
先母在世時，我常去油麻地舊舖買炸魚片給她老人家品嚐。昨午在門外耐心排隊入座，店小座位少，所以點了一碗魚蛋魚片河粉，匆匆品嚐便結帳離店了，以免妨礙店外人龍入座，雖然河粉偏少但細滑，魚蛋魚片仍是昔日老味道😘😋
香港廚房製造對系海外華人尼講，的確具有匠人精神
同意, 好多人以為淨係日本人先有, 其實香港有好多老師傅好厲害, 只係 D人唔識欣賞
這個老闆好有❤會無私分享他的經驗和技術……. 會願意教新人…. 希望你能越做越好！😊
夏銘記👍👍👍好食，無得輸！！堅持，加油！
第1次睇你地既片，拍得幾好，好鐘意呢種被訪者自己講番，而唔係一味搵主持講有幾好食😂
.
若是回香港，我一定去食，欣賞香港的小食。
夏銘記由勝利道開始食!魚蛋魚片真係好好味!印象中最深刻係啲辣椒油真係好香! 夏伯伯同太太都好好人!❤
令我想起幾十年前的美食，移民咗嚟美國幾十年，都食唔返咁嘅味道喇，下次回港一定要試吓。
大家要向所有行業的老師父至敬, 佢哋係瑰寶, 直得我們尊重同珍惜💯🙏🙏
感恩 你用心做的食物。用心來吃回報老板❤️🙏🏻
好正⋯⋯有童年feel嘅味道！多謝老字號嘅堅持✊
夏銘記係好嘢，一定要試!
看見魚蛋粉令我想起幾十年前在香港仔謝記，那時候我住在香港仔謝記未開舖頭前在捐山窿的，後來聽講舖頭都唔開啦，後生一輩唔想做
油蔴地時已幫襯過，當時嗰個阿姐好有自信，話佢啲嘢點正，唔知係咪佢阿媽，我食完都好滿意。
兩個月前，見佢哋喺佐敦開檔，即刻整碗，魚方面，創新咗，加重魚湯底，有啲近似潮式，但更香濃。
在Parkes絕對有得爭👍!
文仔已非廿年前啲師父👎。
奀仔停留在舊粵式，未必好過遲記及兆仔，反而盛仔不俗。
睇完都想去食碗魚蛋粉，真材實料
新一代老闆思維很前衛和出衆，一定要去體驗一下食物的質素
Talkfood 風格係同類RUclips 視頻中我最鍾意嘅！加油👏
記者Eunice 依舊靚聲導航👍🏻
多謝你又整左一條高質片比大家睇👍🏻👍🏻
真心吸引到人去食碗魚蛋粉😋
嗰條炸魚片，又係特別好味，嗰時喺勝利道差不多4:00就會出爐⋯⋯擺晒喺店舖中間張枱，好壯觀，街坊不斷嚟買
夏銘記，以前係油麻地，喜歡吃紫菜魚蛋魚片，喜歡佢有個小碟可載醬。夏老闆小說話很好人，常用單車送魚片，不過個老闆娘及個仔好惡，唔鍾意。希望他人長大改善下。人哋欣賞你啲魚片才來，不是求你。
多謝保持傳統手藝的老師傅❤
論魚片，夏銘記係首選，八幾年在勝利道食第一次，有幸見過老板娘一面，仲記得佢開樽裝 Coca Cola 俾個客 😆， 搬來 Jordan , 方便晒，上星期去盛記見唔到，下次去外賣條魚片👍😋😋😋
香港精神.
值得去支持😊
勝利道的時候，味道是最好的。以前每次回港都必去。
我通常下午去，以勝利道的人流，通常我是唯一客人，我以為只有我自己知道的秘密名店
點解後生無興趣入行打魚蛋，俾心機將香港的特色飲食文化做好?
反而82歲淥面師傅，66歲包雲吞師傅做了半個世紀, 都仍然堅持到底, 繼續努力工作, 把香港舊有味道保存下來。向盧師傅同蝦米師傅致敬，盡己一力,努力將香港飲食文化傳承下去❤。
點解無興趣？因為搵唔到食囉😂
做呢行就算你肯捱辛苦 時間長都唔介意
你要學師去邊到學？ 有冇廚藝學校教你打整麵煮麵打魚蛋？
就算有麵舖請你做學徒每個月又俾得起幾多錢？教又係咪教十足？學又要投資幾多年？
終於學得到 做埋大佬麵檔又出得起幾錢人工請你？日做十幾個鐘 搞多野除開時薪仲低過做老麥😂
你做中式食物增值能力基本上冇乜 賣貴小小都冇人幫襯 醒目都做西廚啦 90幾100蚊食碗香港特色你制唔制呀
重點呢行只係得老闆一個搵錢 打工得個做字 而家創業成本咁高 動不動就幾十萬 一失敗衰幾多年？
洗四十蚊就想攞高地踩後生仔 不如了解下用下腦先講野啦 以為自己係邊個 要人咁辛苦服務你😂😂😂
盡一己之力？ 彩你都有味啦😂😂😂😂
@@tim079100簡單直接講，就係老師傅唔肯教。自己創業成本高。再加上後生無推動力做呢行因為辛苦，時間長，又有機會失敗會損失慘重。😊
但又點解其他地方的後生又肯接手傳統麵食工業？例如，日本拉麵，台灣牛肉麵，星馬咖哩麵，意大利麵？
其他地方都面對同樣問題同挑戰。而香港所謂的困難，並不是香港獨有。
思考係需要深度同濶度，才可以走出困局。呢D係需要經驗累積同生活智慧。
你去咗未呀🤬🤭
@@Daily369要識得問有意義的問題亦需要智慧。😊
以前就係老闆娘包雲吞包魚皮餃，永遠見到佢喺舖頭坐鎮，喺勝利道成日同個細仔鬥嘴😅😅😅
勝利道近窩打老道 傢俬店在旁 已四五十多年前對面雜貨店
@@silaslai5913隔籬嗰間木製傢俬舖叫做美華傢俬。對面嗰間雜貨鋪叫做泰。
我都只係見到佢個細仔
我記得勝利道那店，以前經常食，搬左店因為吾就脚就冇食過！懷念！
老板的手艺真的传承下来，有福
何文田勝利道年代夏銘記，好一般潮式魚旦粉麵鋪，經常見夏先生踏畢車去交貨，好旺角是他交貨的。
正👍🏻佐敦方便過去，年青時候成日去何文田勝利道食嘅！非常好食😋
我係勝利道 食咗好多年
魚蛋真心全港第一 加埋屈機辣椒油 正
宜家好難搵到好食雲吞，小編好推介！
Your vedio is highly interesting to watch, very touching, outstanding presentation. Thank you very much and take care. 👍😁
N年前我住何文田經常去勝利道食，嗰細仔同我同校但高我一年級，所以去食野好平常，啲野係好食既。後來佢地搬左去油麻地Kubrick附近我都有幫襯過，水準都保持到，之後我去左Münich做野同住就冇再去啦。
感激承傳！！佩服佩服！！支持！！
我三十幾年前都係食夏銘記的魚片河和辣椒油大
你們的影片製作超專業，令人睇完印象深刻。高手！
以前勝利道間舖最好坐，大間好多比起西營盤同埋呢度白加士街，夏伯曾經講過都好懷念勝利道嗰間舖位大間D
即刻去勝利道再開一間
勝利道租金應該平過佐敦
駿發間鋪好細
@@garychin6264現在白加士街間舖更細
Salute to the old skilful craftsmanship & the lovely Hongkong commoners' 港式 basic food!❤❤❤❤❤🎉🎉🎉🎉🎉🎉🎉🎉🎉🎉港人加油!
x 2
X3
佐敦又多一個選擇，我去了西環吃幾次非常好食，有空一定要去吃，總好過去同區一間粥麵店客未吃完，店員在門口大聲說那枱客很快就走，你們很快有枱，被趕客2次了，永不再去。
以前太子好旺角炆豬手和牛腩很好食，尤其是有一次吃到早上師傅做的麵，非常好食又吃到有鴨蛋的味道。
睇緊都好想即刻嚟食添, 越睇越肚餓!
🤗好快會嚟奉場😘懷舊蛋河..鮮虾雲吞麵..🌶️自家製辣椒油..😝😋
今日試食，已是長龍店。魚片：100分, 魚蛋：95分，河粉有日味，廣東可以食到鲜河粉。好正，以後一個月幫襯2～3次😊
河粉你好難呵求。馬來西亞怡保河粉用井水造。好靚
誠實 魚片 魚皮店家！
Wow nice fish balls smooth n springy yummy 🤤👍😊
Thank you for uploading this interview.
I can tell all these foods are yummy because they have the heart to do their best!!!🍜🍜🍜🍜
好掛念夏伯⋯⋯
當日係勝利道老闆唔係道，太子爺煮麵，完全過晒火喉，希望佢依家學到老豆既功夫啦！
回港一定要試下呢條街食店
香港而家好難揾到一間用心製作食物嘅食店，有機會一定去試食一吓😊
👍好喜歡這間店
TalkFood 街坊嘢 9月21
多謝分享
一睇雲吞便知是心中所找，定去。
真才實料.............................最正
支持有心人！
以前讀中學，成日去勝利道睇模型，間中都會食夏銘記，時間過得真係快😅
宇宙，八達。。
@@felixchu5829仲有轉角窩打老道嗰間環球貿易。
宇宙多數賣遙控模型。
Thanks for share!!
多謝分享。
值得支持❤
記得喺舊油麻地差館對面
即係駿發花園舊鋪執笠嗰陣
食過 D魚蛋係唔同d
唔知今時今日咩味道
但記得當時執笠係因為佢用既魚成日冇貨 所以唔玩
令人好感動嘅一集
佢哋嘅炸魚皮真係冇得頂，可以講係全港冧巴溫⋯⋯以前喺勝利道，知道幾時出爐就即刻去搶⋯⋯夏伯嗰陣時話點解咁好味，係因為嗰啲魚皮係起肉剩係得啲皮⋯⋯所以咁脆⋯⋯真係心機嘢
今日去賣晒，我驚食完俾佢負評😂
睇嚟都差唔多時候去新蒲崗同九龍城拜訪一下了~
之前大半年一直落雨,又俾陳其揚阻住哂,所以去唔到,其實我無忘記呢D地方。
夏銘記啲炸魚條魚蛋要訂先有，食佢同上酒樓食餐飯價錢差不多，唔係普通魚蛋，等同香港仔山窿魚蛋謝記一樣。
剛二星期前去過，11:30 am, 不用訂
香港精神永遠不言败努力加油
多謝芷靈，祝福你在英生活愉快🥰🥰🥰
欣賞佢哋班底同精神👍
睇完即刻想食魚片😋
上次開番只食魚蛋粉 稍後再食炸魚皮同炸魚片
我係油蔴地食開
細個成日夏銘記食，好開心開反
昨天帶馬拉朋友嚟吃！開心！仲碰上32公館老細！
講真除咗丸類size稍為細粒之外，的確係好出色，尤其是炸魚片的確係一絕
比起大埔欽記、洪記、蔡潤記，夏銘記的魚蛋已是king size 了
味道不錯但份量太小, 我食了碗3寶河加紫菜共收$50+, 魚蛋, 墨丸和魚餃都很迷你食不飽.
每様都想食😁
魚蛋睇落好吸引
以前中學晏晝特登行十幾分鐘去勝利道食，超多人😂
上禮拜食過好普通者，D人吹得太高了😅😂
油麻地食過一次魚蛋河， 但真係冇乜特別感覺. 但你哋條片好吸引， 我會再贄試多次， 但最想試兩位老師傅所在嗰間梧桐館
我都係由勝利道開始食，咁多間鋪都食過。
佐敦都試了，踩佢就無謂，計埋價錢都係可以一戰。
只係魚蛋的骨比較多比較粗，以前唔會咁，希望留意。
偉大的媽媽
魚片真係驚艷
原来老板不加爽粉，下次去香港一定去一次
多謝d KOL不斷吹捧吹到上天，馴化咗之後就食到天價粉麵，搞到全香港人認為係市場價合理價
剛去食過，真的好吃
以前喺何文田勝利道舖嘅時候成日去食
以前D人，一有人情味，二食物真係用心做，所以好掛往以前食品，好旺角2O成日幫襯，記得6至9元一碗
明天一定會去食