ليه بيستمر الم الانفصال بعد الطلاق من النرجسي ، وازاي تخلصي منه ؟

ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ليه بيظل الألم بعد الطلاق من النرجسي؟ وازاي تخلصي منه ؟
ليه بيستمر الم الانفصال بعد الطلاق من النرجسي بالرغم من انك ممكن تكوني بتمارسي التشافي من قبل الطلاق وكنتي فاكرة نفسك تعافيتي تماما؟
احنا اتفقنا ان الطلاق بصفة عامة سواء من نرجسي او من زوج سوي بيكون مؤلم لا محالة ودة لاسباب كتيرة أهمها فقدان شخص بينك وبينه عشرة واكيد فيه أيام ولحظات حلوة بينكم ، ثانيا الإحساس انك فشلتي في تكوين اسرة وبيت مستقر واحلام كنتي متوقعة تحققيها ، ثالثا التغيير الجذري اللي بيحصل في حياتك بعد الطلاق ديكون هزة لاي حد مهما كان قوي لازم بتسبب له قلق وتوتر، رابعا الشعور بالوحدة خصوصا لو الأصدقاء مشتركين ودة بيكون لما سنوات الزواج تكون طويلة فبيكون الانعزال عن الطليق وأهله واصحابه اللي هم اصحابك فالوضع بيكون مؤلم اكيد ، كل دة غير القلق على الماديات والخوف من مسئوليات الأولاد لوحدك ، كل دة لو كان الزوج سوي وبتنفصلي عنه ، اما بقى النرجسي فالوضع أسوأ بمراحل الوضع بيكون مربك ومرعب لبعض الحالات ، ليه أصلا مع النرجسي بيكون الانفصال اصعب؟
أولا انتي متعلقة بيه تعلق مرضي ، يعني مشكلة ادمان بتعادل ادمان الهروين زي ما الدكاترة بتقول ، فشوفي بقى علاج مدمن الهروين بيكون اد ايه طويل ومحتاج صبر ، وشوفي انسحاب المخدر بيعمل ايه في المدمن ، ثاني حاجة انتي مرتبطة بيه بحاجة اسمها رابطة الصدمة ودي عملنا فيها اكتر من فيديو ع القناة اسمعوه ، رابطة الصدمة دي بتخليكي مش قادرة تبعدي عن النرجسي ابدا وانتي أصلا كل يوم بتبكي من اللي بيعمله فيكي ،انتي بتتئذي كل يوم انتي واولادك ومع ذلك ماسكة فيه ومش قادرة تسيبيه ، والمشكلتين دول او السببين دول كلنا عارفين حلهم التشافي
طيب ثالث سبب بيزود الم الطلاق من النرجسي انك بتكوني أصلا بتمشي في إجراءات الطلاق وانتي خايفة من النرجسي نفسه هو حينتقم مني ولا هو حيحاول ياخد اولادي او مش حيدفع نفقتهم وحالة الخوف دي بتزود الألم وتضاعفه ، ، رابع سبب انتيب تحسي بالوحدة بس بشكل أسوأ من اللي بتحسها اللي بتتطلق من زوج سوي ليه؟ لانك أصلا معزولة عن العالم عن قصد فانتي موحودة أصلا وانتي معاه لكن اللي بيزيد عليكي انه بيشوه صورتك في مجتمعك وعند اهلك واحيانا بيخسرك اهلك لانه بيبكي لهم ويشكي من بعدك واهلك يتعاطفوا معاه ويقاطعوكي عشان ظلمتي المسكين وسيبتيه ، فبتحسي انه لا اهل ولا أصحاب ولا سند فبيزيد المك وعشان تخرجي من الألم دة او تتجنبي انك تتعرضي له أصلا لازم تحكي لاهلك بالتدريج ولازم تسمعيهم صوته وهو بيشتم عليهم سجلي له خناقاته لازم تعملي ترتيبات الطلاق اللي قلتها لك في فيديو ازاي تخططي للطلاق من نرجسي ، لازم تكوني مرتبة اوراقك صح عشان لاتخافي منه ولا يوحدك ويبعدك عن اهلك ويوقع بينك وبينهم ، خامس سبب ودة من الأسباب الصعبة اللي بتخليكي علطول حاسة انك فقدتي حد مهم ودة مش بيكون مع كل النرجسيين ، لما النرجسي بيكون حابسك في البيت وممنوع تخرجي وممنوع تقضي أي مصلحة وحتى الطلبات هو بيجيبها فلو سيبتيه بتلاقي نفسك لوحدك ادام مسئوليات ومهام كتيرة واحيانا كبيرة وانتي أصلا متعرفيش تمشي لوحدك في الشارع ودة طبيعي جدا انه يربكك ويخوفك ويؤلمك لكن تأكدي انك مجرد ماتبدأي تشيلي المسئولية لوحدك بتبدأي تحسي بالقوة والاستقلالية والحرية ولما بتنجزي لاولادك مصالحهم بتحسي بالثقة في نفسك اكتر وفي اول الموضوع ممكن تستعيني باخواتك بصديقاتك على اد ما تقدري وبعد كدة بتقدري تخلصي مسئولياتك لوحدك تماما سادس حاجة بتحسسك بالالم من الطلاق من النرجسي انك بتحسي دايما انك فقدتي سنين من عمرك وكأنك كنتي في الكهف وبيصعب عليكي او انك عيشتي السنين دي في المناوشات والمعارك وبدون أي حياة ولا متعة ، عايزة أقول لك متهيألك ، برضه لو اتجوزتي انسان سوي كانت سنين عمرك حتمر برضه بدون استمتاع ولا أي حاجة لانك بتربي أطفال وعندك مسئوليات وشغل زوجك مشغول وبتبنوا مستقبلكم ومستقبل اولادكم ومش فاضيين للرومانسيات ولا الفسح ولا السفر اه مفيش مشاكل النرجسي ولا الاهانات ولا التحقير ولا الخيانات لكن فيه مشاكل وفيه نكد مفيش حياة مفهاش نكد احنا مش في الجنة كمان سنين عمرك كانت ثمرتها اولادك ودي احسن حاجة ربنا ادها لك ، ماتعيشيش إحساس المظلوم الضحية لانك حتجمدي نفسك وامكاناتك ومش حتتقدمي ولا حتقدري تشيلي مسئوليتك ولا تدي نفسك ولا اولادك حقهم، تقبلي اللي حصل وتجاوزيه وماتستغرقيش في الحزن وبصي للايجابيات اللي في حياتك اولادك وشغلك وصاحباتك واهلك والرزق اللي ربنا بيديهولك ، الدنيا مش بتقف عند النرجسي ولا غير النرجسي
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية

[@ollaelsayed2820]

اجمل شيء حصدته من هذه العلاقه السامه هو القرب من ربي وكثره الاستغفار❤... واعلم جيدا ان حقي عند الله لا يضيع ويبقى شيء واحد عند الله تلتقي الخصوم

[@beautycolours7140]

جزاكي الله خير
من فضلك تركزي الفترة الجاية على التعافي بعد الانفصال و ازاي الست تقف على رجلها بعد دا

[@modi2918]

هي الفلوس بس تتوفر كل الامور تتضبط

[@bobaabdelbaky3362]

ربنا يجبر خاطرك ذي ما جبرتي خاطرنا حبيبتي ❤

[@a_llm08]

انا بجد بعشقك انا مدرستش وفهمت جوزي غير معاكي وعرفت اتعامل معاه ازاي لانه نرجسي وامه نرجسيه للاسف الطلاق تم ب تضحيات نفسيه وتعنيف حصلي بس تم بس كل الي مش قادره افهمه اني ليه ساعات بحن له مع انه والله العظيم دمرني حرفيا

[@pathologypathology]

لحد دلوقتى لسة مش عارفة أستوعب الناس اللى بتحن للشخصيات السامة دى
مش بقلل من ألمك ...بس فعلا مش مستوعبة
انا مفيش حاجة تعبانى غير انى كنت معاه الفترة دى
ومش بصبر نفسي غير انى خلصت منه ...رغم انى خسرت كل شىء بزواجى منه بس بقول الحمد لله انى عرفت انفصل
لأنه كان شبه مستحيل ان اهلى يوافقوا

[@hodaahmed4541]

والله الفيديو جاي في وقته سبحان الله ❤❤❤

[@playlearnabc]

وكأنها رسالة من ربنا سبحان الله

[@linabarakat7589]

اه والله ❤

[@user-ur4vb8fg4h]

بجدد ربنا يجازيكي كل خير دكتورة ويجعله ف ميزان حسناتك ربنا يعوضنا خير انا بحس بقهر وظلم كبير. الحمد لله ان الواحد متقرب من ربنا وبيحاول يصبر ع هذا الابتلاء حسبنا الله ونعم الوكيل.فصبرا جميل والله المستعان عل ما يصفون.ياريت حضرتك تزودي من حلقات التشافي بجد محتاجينها اوى

[@hajaramatollah1164]

جزاك الله خيرا على نصائحك.
كأنك تصفين شعوري وحالتي النفسية الحالية.
فاللهم جبرا يتعجب له أهل الأرض وأهل السماء.

[@aahgsboj4998]

امين يارب العالمين اجمعين

[@mariammohamed8239]

جزاكى الله كل خير شكرا من قلبى❤❤❤ لحضرتك على الكلام اللى جاى فى وقته ربنا يجبر كسر قلوبنا ويقوينا ويرضى عنا ويسامحنا على ضعفنا

[@user-uj2iw9by2i]

أنا أطلقت منه..وحرفيا نفس الكلام كان حابسني..وتعبت كثير فالبدايه بالمسؤليه الجديده..وتزوج وكل ٣ شهور يسافر مع زوجته الجديده..انا كنت احب السفر بس كان يرفض السفر معاي..انا تعبت من الناس إللي تقولي يسفرها زوحته الجديده..ونظرات الشفقه تقتلني

[@user-gjdldbofyja]

اصلا حتى زوجته الجديدة راح تمل منه

[@shimaamostafa6073]

ازاي اعرف أخذ منه مصاريف أولاده بعد الطلاق وازاي اتعامل معه من فضلك يادكتور😊😊

[@EmniaEmnia-y1y]

الله لا يحرمنا منك يا ملاك ويطيب خاطرك زي ما طيبتي خاطرنا

[@rBanat]

ربنا يجزيك الخير 🌷 🌷 🌷
فعلا أجمل شيء وأهم شيء طلعنا فيه هو القرب من الله..
حسبنا الله ونعم الوكيل 🤲🏻

[@user-uy6yq9to8e]

الله يسعدك يا دكتوره ❤

[@a_llm08]

دكتورة والله العظيم كل الي حكتيييه صصصصح انا عرفتو نرجسي لما تابعتك كنت بقول انا عايشه مع شخص مريض بس كش فاهمه دا نوعه ايه مريض ب ايه بس الاسوأ انه كان اجنبي ومنعني من السفر لاهلي ووهمته اني مش عايزه اروح لحد ما اداني الامان ونزلني لاهلي بس اتصدمت اول ما عرف اني قررت اتطلق منه وغفلتو نزل ورايا مصر والله العظيم وباس رجلي قدام اهلي واهلي قلبو عليا وكان بيبكي ب حرقه واقولهم بيمثل متصدقهوش لحد ما نفذ خطتو وخلا اهلي يطرودوني من عندهم عشان ارجعلو وفعلا رجعتلو ولما رجعت انتقم مني وضربني ف البيت وقدام اهله وف الشارع وحبسني واخد باسبوري لحد ما تابعتك وعرفت اخدعه بقيت اصوره وهو بيضربني واسجلو وهو بيتخانق معايا وسرقت الباسبور ونزلت من وراه حجزت طيران ورفعت عليه خلع وبعت كل حاجه لاهلي وقولتلهم مصدقني وقابلين اني ارجعلكم ولالا وصدقوني ورجعت بلدي ةاتطلقت بس كل الي مش قادره اعمله انه حرفيا خلاني شخص وحش بقيت شكاكه ومبقتش بأمن لاي شخص دمرني ومش عارفه انساه وبيراقبني من اكونتات كتير انا 8 شهور بالبيت بخاف اطلع 💔

[@rhizlanemoujjane6488]

ربنا يكون معاك حبيبتي هو جنسيته إيه

[@user-uj2iw9by2i]

الله ينصرك عليه نصر عزيز مقتدر يارب

[@asmaaabdelhamid4527]

ربنا يكرمك ذي ما بتهوني علينا

[@doudastars2351]

السلام عليكم، انا متزوجة منذ 16سنة كنت سند كبير مادي ومعنوي لزوجي بالرغم اني كنت اعاني منه، حاولت اصلاحو كان مدمن افلام إباحية والحمدلله تخلصت منها في بيتي على الأقل ، تالمت منو كثيرا اهمال عاطفية كبير .....الخ حتى اكتشفت من سنتين انو نرجسي وهو بقا يزيد في الجرعة كل مرة تلاعب بالمشاعر بالعلاقة لحد ما بقتش بينا علاقة لا حميمة ولا غيرو هو متعمد الاذية ...الان انا منهارة نفسيا بحاول اتخطى الازمة لكن خوفي اكثر على ولادي....

[@essaouiramogador3545]

ربي اني مسني ضر وانت ارحم راحمين

[@faridaahmed7830]

كلامك مريح بشكل ام بتتكلم مش مجرد دكتوره وحلوه الموسيقي في نهايه الفيديو عايزه اقولك ان بابا كان نرجسي ووالدتي نرجسيه واخواتي طبعا وطليقي نرجسي لقيت معاكي شعور الام الواعيه اللي كنت بدور عليها ودكتور احمد دملاوي الاب الحكيم اللي فاهم الصح من الغلط ممتنه لوجودك شكرا استمري في نشر الدعم

[@youssefahmed7948]

انا يعتبر منفصله عنه من سنه ونص ع ذمته زي قلتها انا اللي كنت بصرف وانا ف بيته وكان بيذلني بفلوسي لقيت نفسي بصرف وبتذل فلوسي صرف بصرف اصرف ع نفسي وابني وانا بعيد عنه وكل ده قبل م اعرف انه نرجسي
فعلاااااااااا كان حابسني وهو اللي كان بيجيب كل حاجه وكان خايف اني امشي ولما ربنا اذن مشيت وكان فاكر اني هعيط وهغرق من غيره بالعكس انا كنت شايله مسئوليّة قبل م اعرفه فعادي مخفتش ولا تهزيت وكان ابني شهور كان فاكر هحتاس بيه خاصتا اني قاعده لوحدي اهلي متوفيين ربنا يرحمهم ويغفرلهم لو كانوا موجودين مكنوش وافقوا عليه
انا زعلانه ان رئيس المحكمه اجل القضيه لشهر 9 كنت عاوزه اخلص منه رسمي ف اقرب فرصه 😢
قبل م ارفع طلاق كان جاي يعمل هوفرنج وعاوزني ابيع شقه بابا واشتري شقه اللي هعيش فيها واما رفضت كمل محكمه 🤔🫢🫢

[@behappy733]

ربنا يعوضك كل خير .. انتى على حق لا تندمى .. النرجسى العيشة معه جحيم .. استعينى بالله يسخر لك كل الظروف و كل الناس

[@youssefahmed7948]

ونعم بالله ربنا معانا جميعا وينتقم من النرجسيين

[@worldwide8485gh]

اللهم بارك فيكى يا رب و يجعل كل كلمه في ميزان حسناتك ❤❤

[@user-sq5hc4fu3o]

ربنا يبارك فيك ويسعد قلبك وايامك وكل حياتك يا استاذة كوثر. شكرا من القلب لقلبك الطيب استاذتي الجميلة ❤

[@user-yg4gs4fq2q]

وَعَنْ عَبْدِاللَّهِ بنِ مَسْعُودٍ  قَالَ: قالَ رسُولُ اللَّه ﷺ:إنَّهَا ستَكُونُ بَعْدِي أَثَرَةٌ وأُمُورٌ تُنْكِرُونَهَا، قَالُوا: يَا رسُولَ اللَّهِ، كَيفَ تَأْمُرُ مَنْ أَدْرَكَ مِنَّا ذلكَ؟ قَالَ: تُؤَدُّونَ الحَقَّ الَّذِي عَلَيْكُمْ، وتَسْأَلُونَ اللَّهَ الذي لَكُمْ متفقٌ عليه.
أظن ما نحن فيه مع كثرته هو الأثرة التى ذكرها النبى صلى الله عليه وسلم وهى مختصر معنى الأنانية والاستئثار بالمال والنرجسية . فالنصيحة الصبر والسمع والطاعة واحتساب ذلك كله طبعا فى المعروف

[@user-kx8dx7pm8b]

النرجسي خبرني اليوم بعد ما صرت أنفذ كل توصيات أ. كوثر.سند بقوله :انتي كوبرى🐍يا ترى هو بيضحك علي.ولا لاحظ انو في تغيير..يعني صرت هادية في ردود أفعالي.واقصف عند الحاجة إلى الرد؟وهل أواصل.. ؟ام ماذا؟

[@behappy733]

الله ينور على حضرتك ⁦❤️⁩⁦❤️⁩فيديو رائع .. حلوة جدا فكرة التسيجيلات يا جماعة .انا عملتها فعلا لانه بينكر كل كلام بيقوله . فاصطريت للتسجيل عشان لما اتكلم يكون معى الدليل على سوء اسلوبه

[@kamiliakoki3189]

صحيح حتى الاولاد يجي يوم و يعرفوه على حقيقته

[@bellevie2429]

بارك الله فيك. فيديو أكثر من رائع

[@bassemahakim7431]

😊❤شكرآ جزيلا وبارك الله فيك حبيبتي

[@tymaaalhariri9649]

شكرا أ. كوثر ❤❤

[@ebtisamahmed2013]

جزاك الله خير علي قدر اسعادتك ومساعتدتك لنا ❤❤❤

[@user-fw2dl5tm7g]

الحمدلله اتخلصت منه وحضرتك فهمتينى اووووووووى الكائن اللى كنت عايشه معاه

[@worldwide8485gh]

الحمد لله الحمد لله
جزاكم الله خيرا 👍👍

[@user-hs2do4xg7d]

حلقة في القمة الله ينورك

[@amalabed2226]

حلقة ممتازة ..ربنا ينفع بك.

[@user-gjdldbofyja]

ربي إني مسني الضر وانت ارحم الراحمين ❤

[@user-vw2hj2nv5t]

Beautiful video 💐👏

[@yomayoma240]

الحمدلله علي كل حال

[@yomayoma240]

اللهم صل وسلم وبارك على سيدنا محمد وعلى اله وصحبه اجمعين

[@sham9446]

يعطيك الف عافيه
الحمدلله على كل عطاياه
الاولاد هدف مشترك وخاصة عند الخفي والسنين الاولى بتمضى بسرعة ويتقرب بين الزوجين فيزداد التعلق وخاصة أنه النرجسي يحتاج لمن يرعاهم ويهتم بهم ويمكن هو بيعاني من وجود الزوجة لكنه مضطر فبيعمل مشاكل يطلع ضغطه بيها واكثرهم بيجيلهم ضغط الدم المرتفع أما الزوجة بتصير على الخفي لأجلهم
الاولاد بتلاقيهم بطباع قريبة منه بيدافعوا عنه أو عكسه والقليل بيحكموا بالعقل والام لازم تفهم اختلاف الآراء وتكسب اولادها بالحق والحكمة حتى لا تساهم في اختلال توازنهم أو انقسام البيت لأحزاب وهذه مهمة تحتاج جهد ووعي وحكمة فالتربية للصغار أما الكبار والمراهقين يحتاجون إلى صداقة وحوار
هو شايل كل شيء إلا مشترى اللبس

[@NM-wu8gh]

مستنياكى❤❤

[@user-ek4cs3ez3i]

حتي اولادي من كتر ضغطه عليه كان ساعات كتير كانوا معاي وانا مش عارفة اهتم بيهم بسبب ضغطه عليا ودلوقتي انا غضبانة عند اهلي معي بنتي ولادي يخليهم يجوا شوية وايام ميدخلوش عندي خالص وفي واحد منهم منعه يدخل عندي خالص ورغم كل ده ولاده معاه

[@user-on3zm2zx8b]

ربنايجبربخاطرك ويفرحك ذي مابتفرحينا

[@user-pr8zq3ws7s]

يادكتورة ارجوك تساعديني انا حاليا رافعة عليه قضية طلاق للضرر ومضت جلسه والله تعبت من القرود الطائرة متفضل شخص معرفه مابينا ما راح وبكي ليه ووسطو علشان ارجع وانا صامده لحد الان تفتكري ايه الخطوة اللي جايه حايعملها بعد ما فضت كل الواسطات عندي طفلين وحسب سنهم في حضانتي قانونيا لأنهم صغار متي يقتنع ويعمل إلقاء نهائ ويمل

[@kimarima]

سؤال. كيف اتعامل معه وهو في كل لقاء عائلي او مع اي حد بقولي بتزوج عليكي ، اجيب وحد صغيرة ودائما ميفوتش اي جلسة الا ويقول الكلام هذا

[@user-sj1bt8vi6m]

احنا حاليا منفصلين من غير طلاق مع بعض في البيت مضطرة اتحمل سخافته و مراهقته وغزله لعشيقته لسة مش عارفة الطلاق امتي اهلي وجيراني عارفين مشكلتي

[@manelbenatia9541]

التركيز التام على الابناء مع الزوج السوي ابدا مايشبه التركيز على الاولاد مع الزوح النرجسي الحقير المستغل لي بيضغط عليكي فوق ضغطك وهو عايش حياته وكانه مش موجود الزوجة بتذبل في كل يوم يمر عليها حسبنا الله ونعم الوكيل

[@umyoussef4630]

عندي سؤال هو النرجسي لو مكنش بيخلف عيال عقيم يعني كان هيتعامل معايا ازاي ؟؟؟؟؟؟؟

[@Amira-zn1oo]

الله يجازييييييييييك

[@NoorhanFatleh-qq9oz]

شكرا ليكي يادكتورة على كل كلمة تقوليه وكل نصيحة تقدميها لينا انتي صرتي لي ام واخت وصديقه وحبيبه وملاك من السماء يحاول ينقذنا بأمر الله سبحانه وتعالى❤❤❤
انا ماكنت استعمل موبايل طول ١٢ سنه زواج مع شريك نرجسي خفي وقبل سنتين ونص اتوفه ابي وامي وانا عايشه خارج البلد وماشفتهم واتصوري ماقدرت ابكي او احزن مثل الناس لان وحدي حتى زوجي كان مسافر بس كنت مع اولادي الثلاثه صغار بالعمر ومن بعدها ضليت ابحث على دكتور او شخص ينصحني بس مالقيت وصدفه اشتري جهاز موبايل وادخل على اليوتيوب واشوفك وانجذب لكلامك لاني حسيت بيه بقوة وصدق ومن سنتين وانا اتبع تعليماتك والان الحمدلله وصلت لكم مرحله من التحسن والان صرت اعمل بشركة لاكن داخل البيت بدون معرفه الشريك ولا الاهل والان اتمنى وادعي انفصل باسرع وقت لان الشريك كان نرجسي خفي الان صار نرجسي خبيث ومسيطر ومؤذي جدا ولايخاف من اي شي بالدنيا واتمنى تدعيلي بالفرج القريب بحق حرمه هذا الشهر على الله🙏🌹❤

[@user-vx1fh7ut4z]

دكتورة من فضلك أنا تطلقت من نرجسي وعندي بنت عمرها سنة و4 شهور تبدو عليها علامات النرجسية من تصرفاتها هل يمكن أن تنتقل بالوراثة تبدو مبكرا وكيف أعالجها في هاذ السن؟؟

[@user-vx1fh7ut4z]

@@wardavida1987 ياغبية أنا من خوفي عليها حبيت أسأل الدكتورة وأستفسر عن هذه التصرفات ماإذا كانت تصرفاتها نرجسية بالوراثة أم مجرد طباع موحلوة عم تعملها تلقائيا حتى أعالجها وترتاح ونرتاح 🙄فهمانة ولا لسا يا ڨدعة😒

[@user-gjdldbofyja]

اي ليش 😢صار سنة عالانفصال

[@newsarhassan2764]

دى اهم حلقة

[@user-cj7nu8hq3r]

من يومين طلقني لاتفه الاسباب لاني لم اسمح له بضربي
وقال بيبرره لليمين ورجع بال انقلعي وطلع من البيت
بلشت ضب غراضي بس في الم عميق وشي عم يقلي لا تتركي بيتك
هو هاجرني من اكتر من سنة ودريت انو طلب وحدة بالسر ورفضت بدها بالعلن وانو تجوز قبلها
ناس بيقولولي خليكي ببيتك لاتطلعي بعد٢٧ سنة خدمة
وناس بيقولوا طلعي وخلصي المهزلة
واكسبي عمرك
عندي وسواس قهري انو انسى غرض من اغراضي وخايفة لانو يلي خطبها بتبيع كل شي عالنت
هو بدو ياني اجدبها واعمل حالي مو دريانة واستمر بشروط جديدة بيصرف منيح بس تحت الذل والاهانة وقلة القيمة والضرب والطلاقات لاتفه الاسباب
من كتر ما تعرضت للاهانة صار الشي طبيعي

[@alaaelfarra6693]

اااااااخ ياربى اااااااخ ياربى متعلقة ف زوجى للاسف رغم اذيته ليا هوا واهله

[@user-ek4cs3ez3i]

كانك عائشة معانا في البيت

[@duhaa.abdullah1562]

التعافي من التعنيف ..

[@7rayerdz803]

كلهم محسيتش بيهم بتوكلي على الله

[@blueberry_5763]

مش عايزه أتجوز خلاااااااااااص خلاص خلاص ... خلاص توبه اخلي رجل يغدر فيني تاني خلاص

[@user-dy5iw5nh4z]

ربان يخليكي

[@salamsalamsalamsalam8328]

اصلا لوكان زوج سوي مايحصل الطلاق

[@safyamohamed5626]

❤❤❤

[@lilasalhlewani9244]

❤❤❤❤

[@newsarhassan2764]

يارب يحصل الطلاق