#تشاراك_مسكر
HTML-код
- Опубликовано: 14 апр 2023
- #حلويات_جزائرية_تقليدية
تشاراك مسكر
بالنسبة لهذه الكمية قسمتها عل 2 النصف درت بيه تشاراك مسكر والنصف الأخر درت بيه كعيكعات راح يكونو فالفيديو القادم ان شاء الله
يعني كمية المقادير خرجتلي 25 حبة تشاراك و22 حبة كعيكعات ولي تبغي دير نوع واحد تقسم المقادير على 2
العجينة__________________________________________
3 كيلات ممسوحة فرينة (مايعادل 800غ)
كيلة مرغرين طرية (مايعادل 400غ) أو سمن
3 ملاعق كبيرة بودرة الحليب
2 ملاعق كبار سكر ناعم
نصف ملعقة كبيرة فانيليا ، رشة ملح
نصف كيلة ماء + ماء الزهر
الحشو___________________________________________
3 كيلات كوكاو محمص ابيض ومرحي (مايكونش بودرة)
مايعادل (450غ)
نصف كيلة سكر (140غ)
عطر اللوز الحلو ، نصف ملعقة كبيرة فانيليا
ملعقة كبيرة مرغرين طرية
ماء الزهر حسب الحاجة
________________________________________________
العجينة_____نغربل كل المكونات الجافة ونخلطها ، نحط المرغرين ونبسس الفرينة حتى تدخل كامل المرغرين فيها نضيف نصف كيلة ماء وماء الزهر تدريجيا ونجمع العجينة بدون ماندلكها حتى نتحصل على عجينة طرية نوعا ما كي نشكلو كرية لازم ماتتشققش من الجوانب نحطها في كيس بلاستيكي ونخليها ترتاح ساعتين
الحشو____نحط السكر مع ملعقة مرغرين وعطر اللوز والفانيليا ونزيد شوية ماء الزهر ونحاول نذوب السكر ، نضيف الكوكاو ونبقى نزيد ماء الزهر ونعجن فيه حتى نتحصل على حشو يكون معسل و طري نوعا ما نحطوه في كيس ونخلوه يرتاح مع العجينة
________________________________________________
طريقة التشكيل موضحة في الفيديو
نخلي التشاراك يرتاح على الاقل 6 ساعات ونطيبوه في فرن مسخن مسبقا على 180° يطيب من تحت ومن فوق كي يبدأ بالحمرار من الأسفل نطفي عليه من الأسفل ونخليه يأخذ لون ذهبي من الأعلى (25 دقيقة كأقصى حد لانو كل مايطول فالطياب راح ييبس الحشو)
نخرجوه من الفرن ونحطو مباشرة على الورق الماص راح يتشرب ليدام لي يبقى فالتشاراك ونخليه ليلة كاملة قبل مانسكروه (ليدام هو لي يخلي السكر يصفار ، هاذ الطريقة جربتها 3 مرات والتسكار يشدلي أكثر من أسبوعين)
المقادير مع اهم الملاحظات مكتوبة في صندوق الوصف اضغطو على العنوان يخرجلكم .. صح فطوركم ❤️
ماشاء الله تبارك الله عليك خدمتك جدا رائعه اختي شكرا لي الوصفة
ممكن ما نديرش حليب البودرة؟
@@caramella9957وين نلقاه صندوق الوصف
ماشاء الله تبارك الرحمن يعطيك الصحة 🥰🥰😍❣️❣️ من فضلك وش مالمرڨرين ستعملي واللي مليحة للتشاراك
@@AyaAya-bo3tu اضغطي على العنوان يخرجلك
بارك الله فيك على الوصفة و نصائحك ، فيديو منعش 🌸🌸
النظام ، الهدوء ، النظافة ...و ما يعجبني أكثر المقادير بالغرام و عدد الحبات أسفل الفيديو 🌸
لك جزيل الشكر ❤❤❤
جربتوا للعيد جا هاااااايل و طري و فيه ريحة زمان يعطيك الصحة
راح نجرب هذا العيد 3 أنواع من الحلويات نتاعك خيرتهن من قناتك شريت الصوالح ونشوف انشاء الله يخرجلي كيما يحب الخاطر نذوق واكيد راح نردلك الخبر
السلام عليكم ، بغيت نڨولك جربتو في العيد و تبعت واش ڨلتي بالحرف و خرج تحفة اللهم بارك، دعيتلك من ڨلبي، حسيت روحي متمكنة فيه من أول مرة، ربي يجازيك حبييتي ❤
❤️❤️❤️
جربتو البارح جا هايل وفيه بنة زمان انا فقط خلطت مابين سمن ومرغرين وصفاتك قمة وهايلة ممكن اختي طلب صغير ديرنا وصفة النقاش بمقادير صغيرة
يعطيك الصحة ربي يحفظك ويسعدك ويوفقك ويبارك بعمرك ويعطيك ويرضيك راني درتو وجا واش نقلك روعة بمعنى الكلمة وطبقت واش قلتي بالضبط
يعطيك الصحة حنونة .راني جربت الصابلي تاع جوز الهند خرجلي تحفة.جربوه لبنات حاجة تحمر الوجه و بنين
تبارك الله يعطيك الصحة وتسلم يديك شكرا من كل قلبي على العمل المتقن والشرح الوافي يعجز اللسان عن التعبير في ميزان حسناتك أنا من محبي هذا النوع من الحلوي ان شاء الله نجرب طريقت الناااااجحة والراااائعة تحية عطرة من بسكرة
كي العادة قمة الذوق والفن
الله يعطيك الف صحة وعافية يارب راهي يشهي الله يبارك
ياماشا ءالله روعة تسلم الايادي حبيبتي جزاك الله خيرا
يعطيك الصحة والعافية راني جربت وصفاتك ان شاء الله توصلي مليون ابوني قناتك تستاهل اكثر
يعطيك الصحة بكل بساطة و سلاسة شجعتيني باه نديرو ❤❤❤❤راهي زوج تاع الصباح نوجدو و نطيبو غدوة❤❤❤❤
ماشاء الله عليك كل يوم نستنى في وصفاتك تستاهلي ذرع ذهبي
رووووعة رووووعة الله يحفظك ويسعدك ويوفقك حبيبة قلبي
يعطيك الصحة خدمتك متقونة الله الله ربي يبارك
رووووعة متألقة كالعادة ابداااع يعطيك الصحة اختي
روعة ماشاءالله الله يبارك يعطيك الصحة والعافية ماشاءالله
خدمتك فن الله يبارك ❤️ ربي يوفقك 🥰 أنت في القمة
أقل مايقال شغلك تحفة💖💖💖💐.
يعطيك الصحة جا يهبل مشاء الله ❤
ماشاء الله بين انو كل حلوياتك رووووووعة مزيد من النجاح
الله يبارك فيك ويعطيك الصحه 🎉🎉
❤❤❤يعطيك الصحة خدمة بالطبع متقونة ماشاء الله ربي يوفقك حبيبتي
قناة هايلة الله يبارك يعطيك الصحة
ما شاء الله عليك كل لصبع بصنعا عجبني تشراك وطريقتك درتلك ابوني
بسم الله ماشاء الله تبارك الله سلاما علي من مر صدفة فصلي علي النبي زادني حسنة وازدادت حسناته
كل سنه وانتم طيبين عيد سعيد عليكم جميعاً يارب 🤲
والله هذا الأسبوع اكتشفت قناتك انت فعلا فنانة تستحقين الملايين من المشاركين
شكرااا❤️❤️
ماشاء الله يعطيك الصحة
الله يبارك اول مرة نشوف قناتك ماشاء الله
هذي اول مرة نشوف قناتك رائعة ماشاء الله
شكراً بارك الله فيك ❤️
أول مرة نشووف قناتك ماشاء الله عليك ختي مشتركة جديدة فورا💃💃
ماشاء الله لي الشرف ان اكون اول المعجبين
❤️❤️❤️
غدوة ان شاء الله نجربو
خدمتك زينة الله يبارك
نموت على قناااااتك ماشاء الله تستاهلين دعم اكثر كلش بطبع كلش غدا نجربو بإذن الله
❤️❤️❤️
مشاء الله قناة تستاهل في قمة
ماشاء الله و ربي يحفظك ❤❤
ماشاء الله فنانة
يعطيك الصحة 🎉
رائعة كالعادة
درتو ليوم للعيد جاني روووعة الله يخلف عليك 😘😘😘😘😘
بصحتكم وعيد مبارك ❤️
صحة فطورك الله يبارك من قلبي لو ليا نعطيك الذهبي في يدك ❤❤❤❤❤
ماشاء الله عليك ❤❤❤❤
كمل على خيرك وديرنا غدوا تشارك العريان ❤❤❤❤❤❤
جاك يهبل ماشاء الله .نقدر نخدم العجينة في الليل ونديرها في الفرجيدار حتى الغدوة ونشكل
هايل ماشاء الله
الله يفرحك يختي ويعطيك مراكي متمنية ديريها كمية صغيرة
❤❤ماشاءالله تبارك ررروعة❤❤
الله يبارك ماشاء الله قد ما نقلك اتقان وقلييل ... ام منذر
❤️❤️❤️
يعطيك الف صحة
يعطيك الصحة جا روعة من فضلك اختي شحال نحسبو للحبة
يعطيك الصخة تحفة
ماشاء الله
قناة رائعة
السلام عليكم حبيبتي صحا فطورك مجموع الكيلات تاع الكوكاو 450 او الكيلة الواحدة 450 وربي يحفظك 😘😘😘😘
شكرا للفيديو الرائع والشرح الوافي
وصفاتك لايعلا عليها بمنتهى الروعة والجمال والاتقان
تحياتي الخالصة
وقرن غزال كيما نسموه اكيد قيد التجريب
ماوسموش قرن لغزال ٠٠٠٠٠ وسمو شراك
@@celinabouchia7429 احنا نسموه قرن غزال
مشاء الله
Tjr net3elem menek allah yatik w ymenik
عجبتني قانتك موسيقى رائعة وجميلة تعبت من الفوضى والكلام انا اتعالج حاليا ووجدت قانتك اطبخ واستمع الى موسيقى انتي فنانة في طبخ مشاء الله عليك المزيد من النجاح ❤❤❤❤❤
شكرا الله يشفيك ويعافيك يارب
فنانة تبارك الرحمان فكرتك تذويب السكر بالزبدة سابقة من عندك احسنتي
بالزبدة وشوية ماء الزهر هو ماراحش يذوب كامل لكن كي تعجنيه بالطريقة الموضحة فالفيديو يذوب بالكامل
من فضلك قوليلي كيفاش ترحي الكاوكاو رقيق ❤❤❤
تستاهلي عشر ملاين مشترك اول مرة نشوف قناتك
❤️❤️❤️
يعطيك الصحة دايما مبدعة ربي يحفظك ويسعدك ويوفقك انشاء الله
العيد السنة برعاية لينا مافيهاش ❤❤❤❤❤ تشاراك مسكر وعريان
جربتو جا هايل هايل يعطيك الصحة
❤️❤️❤️
@@linacuisine6922 ياريت ديرينا قاطو النقاش من فضلك
يعطيك الصحة والله ياختي خرج تحفة برافو👏👏👏👏👏👏👏👏
شكرا حبيبتي❤️
@@linacuisine6922ممكن نستغنى على حليب بودرة
الله يبارك في يدك ويحفظك من كل عين حاسدة ياااارب مبدعة كالعادة
حبيبتي ممكن سؤال تصلح الوصفة هذي وانديرها قلاصاج من فوق
اه راهي قالت غدا انشاء الله تحط كعيكعات بالطلية بنفس هذي الوصفة خدمت نصف تشارك ونصف كعيكعات
نعم تصلح كيما قاتلك درت بيها الكعيكعات بالطلية
@@linacuisine6922 شكرا على الاجابة
مشتركة جديدة يعطيك الصحة حبيبتي وصفة رائعة جدا فعلا تستحق التجربة شرح مفصل شكرا لك على المصداقية سؤال انا عندي مشكل في طريقة الطهي لانو الفرن انتاعي ما يشعلش من الفوق و التحت في نفس الوقت و نخاف ييبس معايا الحشو جاوبيني لو سمحت اختي و بالتوفيق انشاء الله 😊
سلام أول مرة نشوف قناتك جيت نحوس وصفة تشاراك مسكر والعريان عجبتني خدمتك ماشاء الله ان شاء الله تخرجلي شابة قوليلي ممكن نخدم العجينة دوك رانا فالسهرة ونشكلها غدوة منتصف النهار يعني حوالي 14 ساعة؟ ماشي بزاف؟ مايخرجلهاش ليدام؟
ممكن نستغناو على حليب البودرة؟؟
مشالله
ماشالله يهبل .انا دائما الشكل يفسدلي في الفور وين رآه المشكل
الشكل يفسد كي يبقى الهوا داخل العجينة وتقدري ديره فلي مول نتاع الحديد كيما نتاع الكعيكعات
عجبتني طريقة الحشو رايح نجربو أن شاء الله يصلح برك رايح نغامر مع كوكاو غالي
قسمي المقادير دايما جربي بكمية صغيرة كي تنجحلك زيدي
@@linacuisine6922 قصدك نقسم ونطيب ونشوف هك إذا يبقى طري ربي يحفظك جاوبيني مع شرح غدوة نجربو
@@user-gq5xf6cu2y قصدي إذا اول مرة تسييه قتلك جربي بكمية قليلة كي قلتي الكوكاو غالي اما الوصفة بالنسبة ليا كون ماهيش ناجحة اكيد مانحطهاش
راهي تقصد صاحبة القناة تقولك جربي بكمية صغيرة يعني مديرش كيلة كبيرة مثلا كيلي بالكاس اذا شفتي بلي نجحتي فيه ديري كيلة كبيرة فهمتني أختي رانا كامل نتعلمو ولازم تبداي بكيلة صغيرة
@@samrasamra6365 شكرا اختي على الرد ربي يحفظك
Sltp pour quoi ta fait le lait en poudre dans tcharek alors que jamais on fait cette ingrédients
يعطيك الصحة يهببببل ويشهي
الاخت نسقسيك اذا نقدر في قاطو الشامية اللي درتيه نلصق الطبقات بكريمة الزبدة ونرمدهم في خليط العسل وخلوة ترك يعني تصلح وتجي مليحة ؟دبري عليا من فضلك
لا ديري نفس الخليط فالحشو
من فضلك واش من زبدة استعملتي
مشاءلله خرج روع يختي حبية نديره شحال من حب خرجته هذ المقدير 👍🏻
المقادير لي حطيتها درت بيها 25 حبة تشاراك و22 حبة كعيكعات سما كون تقسمي المقادير تخرجلك حوالي 23 حبة
اني من العراق الحشو كاكاو بودر احنه عدنه لكاكاو يكون لونه جوزي شو الحل اعمل اي حشو ثاني
نقدر نستبدل مارقرين بسمت
يعطيك الصحة كاين نوعيه اخرى تع السكر يرمد احسن من المرجان الف مرة و ما تحتاجيش تعاوديه ولا تخليه يطول
واش هي النوعية ؟
@@linacuisine6922 اسمي سكر العصفور هايل اختي يسهل الخدمة عليك انا كنت نكرة التشاراك من التسكار و ضرك وليت نخدمو نورمال
اول مرة نسمع بهذا الماركة
تبارك الرحمن، اختي يجي يذوب في الفم ولا يجي يابس لاخاطرديما يجيني يابس، والحشو نضيفلوا بيضة ولا لا
مايجيش يابس اختي راني قسمت الحبة في الاخير شوفيها يجيك يابس علاخاطر تخليه يطول فالفرن الحشو ماديريش فيه البيض
@@linacuisine6922 ربي يحفظك ويسعدك ويوفقك بحياتك شكرا ممكن وصفة قاطو البان دوبيس
شغل فوق مستوى أى تعليق ....مابديل ماء الزهر فى الحشوة اولادى لايحبون رائحته ....فى العجينة يمكننى استبدالة بالماء او الحليب ....وفى الحشوة ...أضع ماء مع لافانى ولا أية ؟. برجاء الرد فضلا وليس أمرا .....مصر
وصفات روع 0:00 ة❤❤❤❤❤
سلام اختي معندكش وصفة غريبية لورقة
❤❤❤
لينا ختي لعجينة واش نقدر نخدم بيها ثاني ربي يحفضك ❤️
او نقدر نستعمل الغرس معجون التمر ؟!
كعيكعات
@@user-rg9hd2iy9b شكراا ختي ربي يحفضك ❤️
او نقدر نخدم بيها لعرايش ؟
@@AMIR-zz3hq اكيد
نقدر ندير شوي سمن ماش ذايب نص مع نص مقرين ماش ذايبة كيفك
❤❤❤😍
اي نوع مقرين
يعطيك الصحة ج يهبل .. بصح عندي سؤال من فظلك التقليدي مالف نخدموه ب السمن انت علاش درتيه بل مارغرين و واينة لي يجي بنين خير ؟؟؟؟ و الحشو نديرولو رشة قرفة تعطيه نكهة خرافية
راني دايرة وصفة تقليدية بالسمن هاذ المرة بدلت درت بالمرغرين كاين بزاف مايبغوش السمن الصراحة في زوج ملاح فالبنة الحشو يبقى اختياري ديري قرفة ولا فاني
و كون ندير نص زبدة و نص سمن ... تصلح نورمال ؟؟ جاوبيني من فظلك عندي كمية صغيرة تاع سمن قلت نكمل بيها خيرمن نرميها
ختي انا مالفة نطيبو فوق ورق طهي تعيشي كي نخرجو لازم تان نحطو فوق ورق ماااص؟؟؟؟
من فضلك ختي نقدر نستبدل مارقرين بل سمن
واه تقدري
ختي اذا درتو غدوة ميصرالو والو منا للعيد ربي يحفظك رديلي خاطر مريضة جهدي جهد ندير حبيبات قاطو هاذ ليومين 😢
مايصرالو والو بصح كي يلحق العيد مايطولش الأفضل انك تخدمي حاجة ساهلة وماتعبش لانو صحتك أولى ربي يشفيك ان شاء الله
امين يارب درتو قبل العيد بيومين جاني هايل ❤@@linacuisine6922
تعيشي لينا انا نحوس نديروا باللوز نتابع نفس الملاحظات و الطريقه ولا لالا تعيشي جاوبيني
اللوز تقدري ماتحمصيهش وزيديلو فاني ولا قرفة والباقي نفس الملاحظات
اختي كي عملتي الفرينة في سيرو متبسش الحبة كي تنشف
لالا ماتيبسش
حلوة بس حساها صعبه فى العمايل
❤❤❤❤❤