Ratatoelje #7 Pake Syn Panne

Yn de kulinêre searje Ratatoelje meitsje Friezen fan ferskate achtergrûnen in gerjocht mei in ferhaal. Suzanne Hoekstra fan Grou is idolaat fan iten. As 12-jirrich famke stie se al achter it fornús. Spagetty alla Carbonara wie it earste gerjocht dat se harsels learde te meitsjen, út it ferneamde itensiedersboek fan de Margriet. Noch geregeld set se dizze pasta op tafel, mar dan wol makke yn de panne dy’t se krige fan har pake. “Altyd as ik dit resept meitsje tink ik toch even oan pake”.