当たり前のことは本当に当たり前かな。。。？！自分をせめるより放した方がいいじゃないですか？完全唔須要講對唔住呀，最緊要人無事，網上世界既野好閒無須介意。世上仲有好多好多。。。野都可去追求，去感受 cherish......比自己心靈休息一下，重新出發，無須比自己大太壓力。💪💪Both take care !
There is a proverb in Chinese: 說者無心，聽者有意. Very often people do not mean harm, but perhaps they cannot fully understand or empathize either. It is important to remember that they usually don't mean ill will, and even if they do, to let them affect you would mean what they're doing works. Of course, it is easier said than done. Regardless, I found your channel after you stopped posting and binged through many of them, I'm glad to see you are doing OK and wish you the best!
多謝大家嘅鼓勵！多謝關心。 睇咗留言我好感動🥺🥺🙏🙏
みなさん、たくさんの温かいコメントありがとうございます！こんなに励ましていただき感謝です🥺🥺🙏🙏
雖然未見過面，或者冇機會見面，都可以係朋友架嘛
多謝阿May的分享😃，有時人生有啲事不能改變，試吓先用唔同嘅角度出發。
如果想要小朋友，不如試吓領養😢，不過冇小朋友，人生都可以快活嘅！💪🏼💪🏼
真誐分享十分感動，就讓我們一起為你倆祝福🙏🏼
加油
お体調は健康ように🙏頑張ろう💪
好開心再睇到你嘅片. 不用講對唔住, 你好勇敢呀!
唔好收埋自己, 講出自己感受好緊要.
... 我1X年前都有同樣經歷, 7 次 IUI 3 次 IVF... 最終...
醫生查不到原因, 而我丈夫比我更想有小朋友, 讓我不敢在他面前表露自己.
情緒都曾經跌到谷底, 試過自己一個在街上失控痛哭幾小時...
轉眼過了1X年, 回想起來, 這可能是神對我最好嘅安排.
現在家中有2隻可愛小毛孩, 天天等我倆下班回家...
人生仲然有些事未能如願, 但其實還有好多美好嘅事等著妳呢.
你要加油!
祝你倆幸福快樂!
May May 不用說對不起，最重要係你身體無事，雖然我也很喜歡看你的片，也很喜歡你的性格，但如果你想休息便休息，想拍片時便拍，順其自然，有沒有小朋友也好，只要身邊至愛在你身邊已經足夠，不要給自己太大壓力，加油，一定會支持你同阿Ken❤👍
阿May, 我都同你一樣，做左七八次IVF, 香港台灣幾個clinic 都試過。第一次係成功既，但小產左，以為之後會成功但都唔得。而家已經過左5年，都係未有小朋友，我完全明白你，覺得生小朋友係女人既責任，做唔到就冇人生意義，我都有見counsellor。而家我開心番啲喇，明白好多野人係控制唔到，希望你加油，唔好俾壓力自己，唔好覺得令老公及家人失望，人生除了小朋友外，還有其他重要既事。兩個人的家庭都是家庭！唔好諗埋一邊！另外，我想講我好中意你既channel, 好中意你既性格，奸爸爹！
朋友在瑪麗醫院私家部做不錯，我在聯合都成功（政府只可做一次）。想追多個（養和做三次不成功）。我比較喜歡聯合，比較私隱及安寧。因為養和做時，好多其實醫護人來人去或取東西，好騷擾，令我不好緊張。順其自然，我也不是順利，尤其第二個等三年小產，不理後，三年有左又想作小產即看中醫，2個小朋友足足相隔6年。
請不用說抱歉，您沒有做錯任何事，大家都很關心您，重視您的，特別是身邊最親密的人，只是都不知道如何幫助您。
感謝您很勇敢，開口說出這件事實在不容易。
加油呀！May 衷心祝您成功！
單身時：點解仲唔拍拖啊？
拍緊拖時：點解仲唔結婚啊？
剛結完婚：點解仲唔生小朋友啊？
生完一個：點解唔生多個啊？
以上都係必經流程😂
如果問我，我會答：關你L事😊
😂😂😂😂香港文化必問，問題😂
@@annawong2111八卦文化
@@annawong2111所以好多後生連招呼都唔打
我D3姑6婆同事問我，做咩仲唔生！
我問返佢地如果有得再簡會唔會生？
個個都話唔生！然後我一句就話：叫我生乜姐😂
@@jiggschan949
揀
当たり前のことは本当に当たり前かな。。。？！自分をせめるより放した方がいいじゃないですか？完全唔須要講對唔住呀，最緊要人無事，網上世界既野好閒無須介意。世上仲有好多好多。。。野都可去追求，去感受 cherish......比自己心靈休息一下，重新出發，無須比自己大太壓力。💪💪Both take care !
太多對唔住了，不需要對唔住，支持你的人一定會繼續支持你。
Maymay 加油！！支持你！！！！
結婚都唔一定要生小朋友, 特別係香港, 我身邊嘅朋友唔生嘅比有小朋友嘅多,真係唔明點解D 人咁8卦同無禮貌, 尤其係問唔相熟嘅人,除非人地主動提起就唔同, May 你唔好趕拍片, 最緊要照顧好身體, 你講得好啱, 有時情緒不好找專業人士幫忙係好好嘅方法,因為好多時朋友間唔識點開解自己, 反而無心之失講左D 令自己更難受嘅說話, 因為好多時當事人只係想舒發感受, 未必係想我地比意見或方法。無論如何我地都會支持你, 希望你加油! 最重要身體健康, 開開心心!
不需要講對唔住，大家知道你無事就好喇！開開心心繼續做個快樂人！🥰🥰
Support you
Support ！
冇事就好啦！
無更新都唔緊要，唔洗道歉，大家都會等你！！而家開開心心就好！！
係呢條路上可能會有好多辛苦同無力，但大家都會陪住你！
我有個朋友情況同你一樣，佢同太太都係想要小孩，佢哋試過自然又唔得，去body check後發現佢太太因為基因問題而無法正常分裂，正常係一分二，二分四咁分裂開係正常，但佢地就一分三或者分到五咁，咁就會流產，佢地都試過做人工受孕，但受孕前又要打成一個月針（日日打），最後試左好多次都唔可以（佢地香港同日本都試過）最後決定都係順其自然，因為精神同壓力都好大，所以你都要保重身體！
日本人習慣咗講「對唔住」，其實真係無必要的，因為這個是個人分享時間，May真係唔需要講對唔住，最緊要身體健康。
謝る言葉はいらないですよ。1番大事なのはMayさんの体調なんです。また気が向いたら動画を撮ればいいので、まずは自分の体をお大事にしてください。私はまだ結婚してないのでMayさんの辛い気持ちがわからないかもしれないけど、ずっと応援してるので、自分のペースでゆっくり休んでまた進みましょう。年齢的に焦ってしまうこともあると思うけど、焦すぎるのはあまりよくないので、とりあえずしんどかったら、一休みしましょう。これからも応援してます！
結婚係一種緣份，生子又係另一種緣份，跟有冇努力，係無直接關係，唔駛覺得自己唔好吖。
希望Ken、May都可以放鬆啲﹗加油﹗
我係有留意到你一段時間無出片，其實一直仲好期待既﹗但唔好成為你地既壓力，健康都好重要。
睇完晒亞 May呢條片，想俾少少建議(恕我唔能夠用女性角度分享)：
1. 我常稱好多事都有分可控制因素，同不可控制因素。在亞 May 想生BB呢件事，可制控因素係做驗查，睇醫生，注意健康，不可控制嘅都交俾個天。
2. 可以同時尋中醫意見。中醫講求固本培元，對你健康有一定幫助，包括胃痛。
3. 如果都唔能自己懷孕，可考慮領養。
Hello 阿May, 我41歲，我喺香港試過好多次IUI同IVF都唔成功，之後去台灣做IVF，因為睇資料原來台灣喺呢方面技術好成熟，美國第一，台灣第二，我本身年紀大都唔易有BB, 但台灣真係一次就有，同埋佢哋養胚胎嘅技術真係叻好多，妳同先生可以試下睇台灣IVF嘅資料，加油May May
多謝分享你嘅經歷🙏 恭喜你🥺✨🫶
真的！台灣的IVF 非常有名，甚至很多外國或大陸人都去做。 加上台灣充滿日治🇯🇵年代歴使和氛圍，能帶給妳非常親切的感覺💝
我都係香港唔成功好多次，台灣一次得左。香港既做法好僵化同落後，所有抽出黎既卵都係送出同一個lab，唔得就重覆做，谷蛋抽蛋放進去，就是咁。Maymay, 希望你有緣份搵到一個啱你既治療方案。祝你成功，加油，隨時打電話比我！
May不用說對唔住‘ 明白你的心情’ 結果唔係你所希望嘅‘ 真係㑹好唔開心’ 好失落‘ 生活真係唔㑹事事如意’ 真心祝福你身體健康‘ 每一天都充滿活力充滿愛去生活😊
妳仲好年輕，如果去台灣以佢哋嘅技術同埋經驗會比喺香港做IVF機會大好多，我好明白你嘅感受，同埋妳好幸福，因為身邊有個咁錫妳嘅老公，BB可能係緣份，老公係最緊要，同埋唔駛咁自責㗎，BB無著床唔係你嘅錯，太多因素，我哋做咗自己可以做嘅就夠了，依家先放鬆，前面仲有大好光陰，我哋一齊加油！
見到May再出片真係好開心❤
最緊要知道你地平平安安已足夠
我都係過來人， IVF的壓力大到其他人無法想像， 記住無論有無小朋友也好， 也要好好享受現在的生活， 加油 🫂
真的要衷心感謝您和Ken的分享，其實要做到呢一點絕對是不容易的，您的勇氣和堅毅大家都睇到！ 加油啊！我哋支持您！
理解你的心情，其實，有沒有BB生活都可以很精彩！身邊有朋友因為孩子的教育問題，經濟，心裡都很大壓力，活得很累。也有沒孩子的家庭，時間更自由，去中國內地做義工，幫助愛滋病兒童！生BB不是生活的全部，愛自己，開心的生活才最重要
係香港大家都慣左講說話直腸直肚，依家不能暢所欲言事時，又會喜歡上呢個香港文化。日本人習慣說話婉轉，開心事share，傷心事收起。希望你可以係香港放開少少，唔洗咁介懷一定要拍開心片，大家一定會明白。最後想給你一個擁抱🫶🏻辛苦晒！希望你身心都健康、愉快！
提議一下May找一個好的懂這方面的中醫睇睇，從你講30歲開始經痛厲害就可以睇出你體質出了些問題。想像一下移過去就正如把種子播到田裏，但地質有問題就很難成功發育，每次的失敗實際上都系對身體整體的一次傷害，之後連續做IVF失敗也正是如此。
你甘樣連續做更是對身體造成很大負擔，越做越難，建議好好調整一下，用些時間調理好身體更容易成功。
最後關於回答別人“有無小朋友”的問題，你可以試下答“努力中”之類的答案就可以避免“不想生？”的質詢。一次過俾出“未有+想生+正在處理”的答案，簡單明瞭，甘就唔使多加解釋，亦都唔使心情受影響。
阿May，唔好唔開心啦，香港人好愛你架！X2
阿May，唔好唔開心啦，香港人好愛你們架！XN
抱抱阿May. 健康比乜野都更重要，唔需要講對唔住，剪片出片實在唔會比健康重要。啲人好唔通氣，人地轉話题即係唔想再討論，仲不斷咬住唔放追問，實在係佢無禮貌。其實生唔生仔同佢有乜關係喎，咁八卦。
不要逼自已出片, 希望Ken 多體諒和支持May
對 👍祝 幸福快樂 身體健健康 加油❤
中秋節當晚我係大坑睇舞火龍, 相信我遇到個個應該係妳, 因為妳突然停左係我前面. 不過我當時我唔知應唔應該叫妳. 我認識一對東京 walking RUclipsr 夫妻佢地都係想要小朋友, 做左好耐同好多治療, 包括IVF, 每一次去診所睇結果報告都會同我地開live, 大家都一齊失望左好多次. 最近分享佢地IVF終於成功左! 小朋友今個月會出世喇! 我地都好開心, 所以你地都唔好放棄. とりあえず、頑張れ～！
不需要對不起，你哋只要做你哋想做的事，每日都要開開心心，身體健康，加油，努力，支持你哋。為你哋祈禱 🙏
其實我覺得只要對''唔好咁執著要有小朋友''呢樣野,應該會對抑鬱病情有幫助
當見到你再post 片時，真心感到好似家人回來嘅感覺！我地都愛你同Ken. 都感受到Ken對你嘅支持同在你身邊同在嘅重要！我地已唔單欣賞你嘅片更欣賞你嘅真實的性格同不断進步表達你內心嘅需要！注意自已內心需要，內心嘅聲音！開心地呼吸放慢步調感受身邊嘅事物！適當嘅時候就會有適當嘅結果！
開心見你回來！
有需要就分享不同方面的東西，互相交流同鼓勵！- 西澳柏斯的fans❤ ❤
感謝你支持我哋🥺🙏🙏
May係一個非常勇敢的人，
坦率分享心路歷程， 其實不容易做到
你已經做得好好👍🏻，我作為聆聽者，都受益不少
往後嘅事，多少隨緣
‘’人無事先做到世界冠軍呀‘’
見到你出片我成個彈起，見返阿may真係開心😭，你要頂住呀阿may，人生會有奇蹟，大家都會陪住你🥺
來做個真香港人，不用對不住。你生活開心比出片重要。照顧好自己，無壓力的情況先開心share. Relax 🧘♀️ Be yourself ❤
多謝May將觀眾放在心上，不過知道你情況後，比起你咁辛苦仲要掛住出片，我更希望你休息多D，唔好俾自己太多壓力，祝你以後一切順利安好，還有不成功不是個人的問題，也可能是需要多些時間，放輕鬆一點吧
不用說“對不起”，藉著你嘅影片，我哋其實得到好多 “正能量”，希望無論日後如何，都衷心祝福你及你家人一切安好。
我深信一眾你世界各地嘅粉絲都會繼續支持你，送上對你嘅關懷同祝福。
加油！May May 加油！身邊能夠有一位咁體貼同理解嘅丈夫，真的為你感到欣喜。
兩位請繼續加油，為日後嘅路程增添力量！❤❤
May，祝你早日成功有BB，不要給自己太大壓力，最重要係生活開心和身體健康💪🏻💪🏻💪🏻奸爸爹💪🏻加油💪🏻💪🏻💪🏻
唔好講對唔住，你俾咗好多歡樂俾大家，我哋都好想關心你們，多點大笑！就算笑唔出都好，要捉緊歡笑習慣！因為對荷爾蒙有好既影響！請多大笑！荷爾蒙正常起碼會有好的，健康的卵子！要開心，不要忘記怎麼笑！搵人多講！大家一齊分擔你嘅焦慮！
不要忘記大笑！你是好人！找對方法就可以去到好遠！多養生，多笑！
除咗要同 May 講加油外，都辛苦哂 Ken 一直以嚟都 support 阿 May 🙏🙏
另外，非常同意 22:22，明明係夫婦嘅選擇 (其實唔少香港夫婦都選擇唔生小朋友)，對呢個選擇大驚小怪嘅人，先係最奇怪呢....
感謝你🥺🙏
May: 唔好將所有錯失都放喺自己身上，千祈唔好責怪自己，有無兒女係天注定，一切隨緣。
我有朋友兩夫妻無小朋友，反而感情更加好。
我有兩個建議俾你試吓，第一試吓搬屋，可能你而家間屋唔旺丁，我都有朋友一直想要小朋友用過好多方法都唔成功，點知一般屋就生咗對龍鳳胎🎉
第二，做多啲帶氧運動，中醫着重女性血氣，血氣好助懷孕，所以試吓轉換一個新環境又可以方便做運動嘅地方，祝你好運！
心理壓力都會影響生育成功率，我同太太都行動咗三年，都係無辦法懷孕，之後我叫太太平常心啦，暫時放低個計劃先，睇吓中醫調理身體，佛系努力就算，我哋之後仲養咗隻狗仔先，可能開心咗，三個月後就成功左喇，所以壓力係會影響身體機能，隨緣啦🤘🏻☺️🤘🏻
阿May,覺得妳第一重點多謝嫁給有缘份香港好老公，這是家庭首位。
2.香港文化亦配合到妳的性格。(現今香港亦不是大男人)。
3.愛情结晶品，亦不是上天一定给你們，放鬆吧! ❤❤❤
我都見過有人好似你咁，結果決定放棄唔再諗，但放開左之後竟然有左，祝福你心願達成❤
May你好！我剛收睇你的頻道，感覺到你很溫柔的人。
知道你的情況，想比小小見議給你，你先介凍飲，冰水/凍飲品會令到子宮變冷，很難懷孕。另外若飲到熱薑茶/水會更好，持之以恒。最好是睇中醫調理身體更好。希望能幫到你！加油！
不用道歉啊, 大家不會介意的,
感謝您有勇氣分享IVF經歷，這絕不是可以輕易說出來，
加油May!!!加油Ken!!!支持您們！
May, 你好勇敢!其實生小朋友, 從來都是兩公婆的事, 與其他人無關。如果再有人問點解結婚唔生仔, 你問返佢點解一定要生, 係未你幫我養同湊!? 香港地結婚後不生小朋友的大有人在, 各有原因。為什麼要在意無關痛癢的人的無謂說話? 謀事在人, 成事在天。自己盡了力, 之後就仗上天的安排, 無悔就是。祝您倆一切安好!🙏
良辰一到,個人自然會到,唔好俾壓力自己!
There is a proverb in Chinese: 說者無心，聽者有意. Very often people do not mean harm, but perhaps they cannot fully understand or empathize either. It is important to remember that they usually don't mean ill will, and even if they do, to let them affect you would mean what they're doing works. Of course, it is easier said than done.
Regardless, I found your channel after you stopped posting and binged through many of them, I'm glad to see you are doing OK and wish you the best!
Mayさん，唔知點解我今朝心血來潮，search吓你最近有冇拍片。。。原來我係有掛住你啊☺️。傻豬Mayさん，無需向我哋講咁多對唔住喎。你係一個好有責任感嘅RUclipsr ，想照顧好自己嘅情緒後，才以最佳狀態同我哋分享生活點滴及感受，真的感謝你呀🥹。人生好多事都未必控制得到，只要盡力去做，盡力去試，便問心無愧啦🥰。記住要好好活在當下，懂得感恩身邊有Kenさん與你一直同行及互相支持，有唔開心一定要搵人傾訴啊。😉。。。支持你嘅fans，係唔會介意等待你出新片架。何でも頑張りましょう💪🏼💪🏼💪🏼🙌🏼🙌🏼🙌🏼😘😘😘🫶🏼🫶🏼🫶🏼🫰🏼🫰🏼🫰🏼
聽完你講，你對有BB非常大壓力，BB係越想有就越難有，同埋你唔需要理人哋講物，香港好多人都唔要小朋友都好開心，老公支持係好重要，你要有一個「隨緣」嘅心態，保持心境開朗好重要。
我已經五十幾歲，我仔已經20歲。
在25歲已經做左切朱古力瘤手術，我子宮向後屈，一邊輸卵管塞左，一邊彎彎曲曲但都還可以。
結婚4、5年都唔想有BB, 月經又係非常劇痛，流量大到一舊舊。
1月個只有7-10日正常，排卵亂得利害。
醫院一直有婦科跟進，當婦科醫生𨍭介我去「不育科」時⋯⋯⋯我就自然地「有左」，
之後懷孕頭3個月都「流血」作小產，醫生叫我瞓床到28週即第七個月，
才可以走動，所以我又中左「產前憂鬱症」，好唔容易BB才開刀出世，一轉眼仔仔今年快20歲。
真係唔好比自己太大壓力⋯⋯越想要越難有，開開心心反而容易有，心情及「性愛姿勢」都有直接關係。
性愛時，你試下女方用「倒樹衝」方式，意思係女方頭在地上（床上），腳板向天花，好似「倒立」一樣，完成後你要保持這姿勢太約15～20分鐘，讓精子keep住進入卵子⋯⋯我講真。我D不育朋友都係用過這「姿勢」做成功懷孕。
絕對不需要道歉，最重要調整自己情緒，準備好，我們會繼續等待的❤
身體同性格係兩方面嘅嘢嚟 身體你唔一定完全控制到
自卑冇用，不用自卑。方法唔只一個，要小朋友，可以有幾種方法。
唔駛講對唔住嫁, 自己身心健康最重要! 有心情既時候就拍下片, 攰同冇心機既時候就休息下都冇所謂, 拍片係開心事唔好覺得有壓力呀~
同埋唔開心唔係個人冇用, 係好自然既事, 每個人都會有情緒, 更何況你面對緊既唔係自己控制到既事~ 你已經好叻嫁喇! 辛苦曬~
知道你而家心情有好轉就好喇
我完全明白你的感受啊May！個兩個星期的等待真係好漫長，雖然冇你經歷得咁多，不過我可以理解你嘅心情！七月的時候，因為同丈夫一直都冇小朋友，所以去睇咗醫生，醫生話我子宮有一塊有大的肉，減低受孕同增加流產嘅機會，做IUI之前，仲有講過話如果成功而係雙胞胎的話，可能要拎走一個，我嗰陣時候真係好想喊㗎（其實有偷偷喊過幾次）！覺得自己好似累左我先生，係我拖累佢無小朋友～
我都有一邊輸卵管閉塞，有朱古力瘤同子宮內膜移位，嗰次IU I失敗咗之後，而家積極咁睇緊中醫調理身體呀！大家都加油！❤❤❤
阿May 唔好唔開心！唔係得開心搞笑嘅啊May先係大家認識嘅啊May，失落有挫折嘅都係啊May吖❤ 唔需要為自己情緒失落而道歉！真正嘅fans會希望阿May係可以開心幸福先拍片分享生活俾大家睇💖 唔好俾太大壓力自己吖！take care!!! 🫂🫶
好彩亞May你唔係話出視頻😂
知道妳冇事大家已經放心好多，最重要係阿May妳身體健康大家會明白嘅，我亦都相信大家會繼續支持阿May，放心阿May除咗妳老公外，仲有我哋班粉絲撐妳，加油✊️
其實試下做嬰兒寄養家庭或者領養小朋友
阿May, 有咁多人留言關心，已經係人生嘅最大幸褔啦。當然，最親最愛嘅人當然就係妳老公啦。佢已經係一個好難得嘅人喇。佢對妳不離不棄，千依百順，响日本根本就冇可能。妳最明白，係咪。所以，一切都係其次，最緊要人尚在，萬事從好處去想，唔難搵到答案。盡量將一日嘅時間編排好，妳哋兩位仲咁後生，來日方長呀!
好担心你，你啲日本朋友也没有多提及你怎樣，而家見返你很開心，加油，身體健康，願上天賜你一個健康小孩😊
試下揾減壓方法, 壓力太大會影響情緒,我就鐘意搭巴士週圍去, 或者行山, 市區內有好多短程路線,好方便, 多D睇下景, 望下海, 心情會好好多!!最後祝福兩位能早日成功, 並祝願平安❤❤
好明白你既心情.. .希望你首先好好咁照顧你既心身健康 , 出片既野慢慢來 , 觀眾一定會等你返來. 識人試過做IVF 做好多次最後成功. 點知 BB 最後都係出唔倒世.而且醫生直接都叫佢不要再試 (身體問題) . 所以希望你真係好好take care 你既心情先 , 千奇唔好怪自己...呢d 野有時都幾看緣份...要加油啊
謝謝分享朋友嘅經歷🥺好難過嘅經歷...
感謝你嘅支持🙇♀️
RUclips唔應該得開心情感嘅，share唔同嘅嘢先係多元嘅。
你唔係第一個youtuber講IVF嘅狀況，你可以睇吓“胖仙女茱莉”（德國上海人妻）了解吓。
始終打啲荷爾蒙落去身上，情緒一定受影響，一定好辛苦。所以ken san啱架，搵專業人士介入係好事。總之，平凡地積極，繼續努力啊！
may，好欣賞你鼓起勇氣將自己既痛分享比大家，多謝你提醒大家關注心理健康，同埋身邊人/當事人既唸法。不論將來如何都繼續支持你喔！加油！有咩想講，隨時出個post，大家都會樂意同你一齊傾計的！
我同你情況一樣，也因為朱告力瘤問題，而嘗試IVF，最終失敗。我的情況比你更壞，因為朱告力瘤問題引發尿道收窄，令小便不能排出，最終一邊腎臟壞了功能。我好明白你感受，好好接受自己，你講得好好，要懂得感恩，一齊為生活努力，頑張：）
傻瓜～ 唔洗對唔住喎！
雖然大家都期待你嘅片，但我相信大家更關心你嘅健康。
最緊要人無事🫶🏼
私も。。。
頑張りましょう💪🏼😊
May 感謝你和我地分享你的心情、難處，真係好唔容易，你好勇敢！請唔好覺得唔好意思，知道你無事就好了，祝福你和先生每日都幸福快樂 🙏🏻
不須要道歉呀，見到你出片就放心啦。
咁多人話台灣好，不如去台灣試吓，希望你地成功
在這世上，女子不能懷孕，有很多很多，妳不是唯一，請勿傷心，有我們陪住妳，輕輕鬆鬆過日子啦。
阿 May 健康既主要問題﹕冇運動，冇晒太陽 (即係缺乏維他命D)，缺維他命C。
Solution﹕每週起碼運動3日，每次起碼1小時﹔多晒太陽﹔如果怕晒黑，每日食一粒維他命D，但都到要去沙灘晒下太陽﹔每日食至少2000mg維他命C。
祝順利康復。
真係唔需要講對唔住，
聽到妳經歷咁多之後
仲有勇氣/動力去拍片去交代近況，
真係好佩服同好感動！
我相信之後一定會好起來！
May 好掛住你呀！❤❤
你無事就好喇！ 見到你好開心❤❤❤
May , 不要灰心，我都係用咗3 年時間做IVF 40 歲才生了個女，再試3 年IVF 才生多一個。我總結係做咗IVF定要喺屋企瞓床唔可以周圍去，要休息好多，少行路，一定不能拿重物。基本上盡量就喺屋企瞓。 仲有在冇做IVF嘅期間，我食金牌白鳳丸調理身體， 覺得好有效，因為再去醫生嗰度做抽血檢查嘅時候個指數好好！
你繼續努力💪，加油❤
唔洗講對唔住，呢個唔係你嘅錯，我第一次睇你嘅片已經好鐘意，覺得你好厲害，廣東話出名難學，你講得十分好，中文字又寫得好，完全投入香港生活，每條片都好搞笑，鐘意你嘅人已經當你係朋友，不是一般的RUclipsr，所以開心事可以分享，唔開心嘅又可以講，講出嚟係可以舒緩到情緒，你睇咁多人留言就明白幾多人掛住你，最重要已經盡咗力，每個人生都不是完美，一定有啲缺陷，接受自己，接受結果，我哋永遠支持你，最緊要身體健康，經痛與胃痛如果西醫唔得，試吓睇中醫，慢慢調理，飲食方面要注意，不要飲凍野及食太多生冷野。好開心再見到你，開心！開心！開心！重要說話講三次。😘😘😘
剛睇你這條片，第一想講，出唔到片唔使講對唔住，我相信未必好多人會好在意啲片幾時出，反而在意片既內容好唔好多啲。第二關於生bb， 放鬆心情吧，雖然講很容易，但還是努力放鬆吧！另外可以試下睇中醫，令自已有更好既體質去準備。最後建議飲少啲凍飲，凍飲對女仕身體唔好，我少飲凍飲之後經期都準番好多！加油！💪
首先, 真係辛苦哂你同你老公, 加油呀, 明天一定會更好. 當睇到你呢條片嘅時候, 馬上喚起咗我同我老婆嘅回憶. 我地當年2016-17年分別都做過幾次IUI同IVF, 當中我老婆所承受嘅身心上嘅辛苦絕對比我呢個老公大一百萬倍, 好多時我想幫忙但都幫唔到啲咩, 只可以係佢身邊一直支持住佢, 所以你地嘅問題我地係感同身受. 你講得好啱, 每個人都有佢自己嘅問題, 而其他人未必體會到果種感受, 而我想講嘅係就算係自己嘅感受, 亦會隨住時間而改變. 當年我地當咗生BB係人生最大目標, 可以話乜方法都試過, 包括科學方面, 迷信方面, 可以話人講乜就去試乜, 我更成日祈禱問天父點解唔俾我地成功, 果一刻我雖然知道神係有佢嘅安排, 但係我唔服. 直到兩年後2019年香港發生咗好大件事之後, 我地對生BB嘅睇法亦都改變咗, 亦明白神當日佢所安排一定有佢嘅原因. 人係唔同環境, 唔同時間所concern嘅事情都唔一樣, 但只要有信念, 知道自己付出過, 努力過, 就會無憾. 對唔住, 我份人好無聊講多咗唔好意思! 加油, 好多人支持緊你.
❤
生育都要睇緣份, 莫強求,
若真係想養小孩, 可以考慮領養。
聽到你的分享，我邊聽邊哭了。
May你好勇敢，好堅強，好叻！你短期內經過咁多野，情緒低落係好正常。唔好對自己太嚴苛，對自己溫柔多一點，對自己好一點。
希望你能夠慢慢消化呢d情緒 ❤️ 拍片呢d野係good to have 但不是必要的，隨心呢❤
May傻妹, 你無欠任何人, no sorry please.
反而, 我地因為有你嘅分享而得到資訊同歡樂時間.
小朋友呢件事, 順期自然, 努力咗就好.
你隨時同大家講, 呢度有成百萬對耳分享.
你已經好努力啦, 祝你成功!
P.S. 我身邊都無乜人生小朋友, 哈哈
不用對不起，最緊要係維持你自己身心健康，呢個先係最重要💪 辦法總比困難多，放鬆心情，順期自然吧！加油！拍唔拍片都唔緊要，最重要係你安好
你做緊IVF啊😱
好勇敢啊，但我知心情對懷孕都好大影響架😚
所以食好訓好心情好啦
隨緣吧😘盡人事聽天命
你好叻啦👍
大家都好掛住你，冇事就好啦❤你好幸福有個好老公，無論如何，開心過每天，和你愛既人一齊渡過每個難關。頑張ってください。香港の皆さん応援してますよ📣
有冇BB是天意，不要強求❤順其自然💪二人世界更開心！當有B B未必健康⋯兩個人好好溝通！
MayMay你返嚟太好了, 唔駛講對唔住，唔好俾壓力自己，拍片同埋小朋友既事，有冇小朋友都係睇緣份，順其自然，祝你成功 ❤
嗰陣時，見到人地大肚，都會唔開心，覺得點解自己唔得，老公又唔support, 試過兩次，已經頂唔順，醫生亦話已經幫唔到，唯有放棄，喺最唔開心，覺得被判死刑嘅時候，老公仲話我嘅唔開心係自己攞嚟 ...
你講得好啱，每個人有自己嘅煩惱，就當係上天俾自己嘅磨練，最緊要對自己好，自己要開開心心❤❤😊😊
唔需要道歉您平安就好, 加油呀❤祝你們生活愉快❣️❣️
*移居台灣的香港人為您打氣。。。
人生充滿各種挑戰大家都要努力💪
我都有情緒病 雖然每個人情況都唔同 但都明白到「我想去做好一件事，但情緒爆發，令自己認為自己好似每一件事都做得唔好」 嘅感受
同你一樣，就係不斷同人道歉，但其實唔洗架，唔係你嘅責任（我知都係會繼續講😢 但盡量唔好將責任攬上身）
如果有需要 可以見下臨床心理學家 絕對唔係精神科 可以試試
May san, 你住咗香港咁耐, 都明白很多香港人係無乜禮貌的, 或講嘢唔經大腦, 當佢哋不停叫你快啲生或質疑你是否唔鍾意細路時他們可能是沒有惡意的, 不要對佢哋嘅回答過於認真. 最後祝你身心快樂!
香港好多人都係咁問有冇小朋友，但其實而家這個世代就算結咗婚都唔一定會生，感覺問這個問題都係一個慣性，但生小朋友都係夫妻決定。 16:44 題外話：電腦粒制無咗，可以去配返粒🤣。 一切順其自然👍🏻👍🏻
Ken 喺身邊默默支持陪伴太太, 見到你哋好愛對方❤️ 這段時間真不容易, 辛苦你們. 做輔導真係非常👍加油💪
💪🏾💪🏾💪🏾💪🏾
加油呀！唔好比太大壓力自己!
我以前都成日被d親戚問結左婚咁耐lor wor, 點解唔生BB呀?! 每次見到都問(雖然一年見一次), 我每次都答唔生喇, 跟著又追問點解!! 我會話冇咩點解, 決定左唔生. 有d人就係咁, 唔明佢地點解要追住問, 唔係所有野都可以三言兩語可以解釋到. 其實真係唔關佢地事, 所以, 唔洗理佢地, it's really none of their business! 呢d唔係真正o既關心, 我地冇責任滿足佢地o既八卦同好奇心。
總之你開開心心, 就好, 如出片太大壓力就再休息到真係好晒先做, 身體健康最重要
妊娠するにもストレス少ない方が成功しやすいです
May さんは十分頑張ったので、これからは無理しなく目標まで進みましょう
May，就算你達唔到你自己嘅期望，但你仍然係一個值得被愛的人啊～ 不用擔心自己有無出片呀，不用感到不好意思、對不起
阿May不用太傷心, 我都是過來人好明白你們心情, 十幾年前我和你現在的心情一模一樣, 每次做完等結果都忐忑不安, 結果一次一次都是落空 , 還有一次醫生說有咗我們都很開心， 但是過了沒多久醫生說宮外孕， 當時的心情像過山車一樣， 大上大落， 我和太太每次得知結果， 一次又一次傷心難過， 希望你下次再做的時候， 繼續做你忙碌的工作， 因為我太太做試管嬰兒之前幾次是沒有工作， 直至最尾嗰次巳是 第六次， 不知是否因為工作太忙，食完飯以晚便上床休息，工作太忙沒有時間想太多， 最尾第六次便成功， 希望你們都可以放鬆心情，下次聽到你們的好消息， 祝你工作順利、身體健康！
你唔需要講對唔住，無嘢比身體重要，我朋友情況同你差唔多，最後發現係免疫力太強，所以影響B B著床，後來去咗台灣醫治及做IVF就成功了，你要加油呀，祝福你❤
May 妳好呀！見返妳出片好開心😊
正面啲諗，有個好老公比有小朋友更重要！妳老公咁妳又咁了解妳，其實已經係好幸福！
其實MayMay唔需要講對唔住，哩D 咁私人既野，你地完全唔需要有壓力要同出面既人交代，只要你想share 同覺得舒服先去講就得❤
辛苦啦阿May, 唔需要講對唔住, 拍片係你既興趣, 你感覺良好果陣先拍就好.
另外祝你IVF成功! 同埋希望你唔好比太大壓力自己! 情緒輔導有需要既都要繼續去啊, 情緒問題可以好危險架, 要保重啊.
May, 去旅行散心吧，待回復好心理狀態，放鬆身心，ready 好，再試一次 IVF⛽⛽⛽⛽
最緊張身體健康、遲出片都不是問題！
有些事不是全都能自己好好控制、不要太執著。
命裡有時終需有、命裡無時莫強求。
祝你同ken くん開開心心、身體健康
阿May～ 我以前係IVF Lab做胚胎專家做左6年，見過好多夫婦都會因為IVF無法預測同控制既結果感到好傷心好無奈甚至好自責，我好難講我好明白你既心情，但我好明白你經歷緊啲咩🥲 你已經做得好好架喇～ 好想攬一攬你～ 真心想同你講句「加油」，但唔係指更努力去做IVF，而係「加油」對自己好❤ 接受自己，面對自己，同放過自己❤ 不育唔代表你唔完美或係你錯，IVF路上有好多人陪住你架❤
(今次係我第一次係youtube留言，因為真係好想安慰你😣 希望安慰到你啦～）
你是 Embryologist?