जय जिजाऊ ! संभाजी ब्रिगेड संघटनेच्या युट्युब चॅनेलवर आपले स्वागत आहे.

संभाजी ब्रिगेड (Sambhaji Brigade) ही महाराष्ट्रातील वैचारिक व सामाजिक भान असणाऱ्या शिस्तबद्ध तरुणांची बिगरराजकीय सामाजिक संघटना आहे. शिवराय-फुले-शाहू-आंबेडकर या महापुरुषांची पुरोगामी विचारधारा आणि संत तुकारामांच्या गाथेचा संघटनेवर प्रभाव आहे. प्रविणदादा गायकवाड हे या संघटनेचे प्रदेशाध्यक्ष असुन महाराष्ट्राच्या सर्व जिल्ह्यात संघटनेचे जाळे पसरले आहे.

संभाजी ब्रिगेडने समाजात अर्थकारणाची चळवळ सुरु केली असून मराठा कम्युनिटी ही बिजनेस कम्युनिटी व्हावी, यासाठी "अहद ऑस्ट्रेलिया तहद कॅनडा, अवघा मुलुख आपला" ही संकल्पना मांडली आहे. संघटनेच्या वतीने राज्यभर बिजनेस कॉन्फरन्स घेतल्या जातात. त्याद्वारे तरुणांना उद्योजकतेचे धडे देऊन देश-परदेशात उपलब्ध असणाऱ्या संधीची ओळख करुन दिली जाते.

आपल्याकडील वेळ, बुद्धी, श्रम, कौशल्य, पैसा यापैकी शक्य असेल ते दान देऊन प्रत्येकाने आपले सामाजिक उत्तरदायित्व पार पाडावे हा संघटनेचा विचार आहे.

तुम्हालाही संभाजी ब्रिगेडसोबत काम करायचे आहे का ?
मग इथे संपर्क करा : sambhajibrigade.org