Prof. Bogdani - "KJO ESHTE UKRAINA!"

Prof. Dr. Ramazan H. BOGDANI “KJO ËSHTË UKRAINA!”
Investigime pas 70 vitesh (1951-2021)
në qytetet Odesa dhe Kiev të Ukrainës .
DVD-ja shfaqet përmes risjelljes
nga një emisjon televiziv
të para dy viteve (24 dhjetor 2019),
në Report TV
me gazetaren Dhurata Hamzaj
Sfondi muzikor i titrave përmban
këngën ukrainase
“Ne jemi ukrainas”
Kënduar nga Katja Buzhinskaja
(“Artiste e Popullit”)
D V D-ja origjinale, me titull
“Ju rrëfej për shqiptarët e Ukrainës”,
ka për objekt
dy investigime etnokulturore
Te Shqiptarët e Vjetër të Ukrainës
Investigimi i parë është realizuar
për tetë ditë
gjatë fillimtetorit të vitit 2019,
në tre fshatra
të Shqiptarëve të Vjetër të Ukrainës:
Tazi( Devnskoe )-Qushkia ( Gjeorgjevka )-Gjandran ( Hamovka )
Gjatë këtij investigimi
janë përfshirë edhe katër artistë valltarë,
me përgjegjës Genc Kastrati,
për t’i mësuar vendasve
disa valle shqiptare
Ky investigim i parë, përmes linjës ajrore
Tiranë -Vjenë -Kiev,
pati për objekt
origjinën dhe historikun
e të katër fshatrave me banorë të Vjetër shqiptarë,
siç njihen ato përgjithësisht
Këtu shquhen bashkëbisedime të shumta
të autorit me banorë vendas.
Të tillë, të cilët shfaqen
edhe me fotografime, janë:
Natasha Ormanxhi , Valentina Petrovna
dhe tri motra të moshuara,
Ana, Alkilena, Maria (Dimitrevna Gjandran)
nga fshati Tazi ;
Lena e Ana Kanarova ,
Natasha Macenko e Natasha Paceva
nga fshati Qushkia ;
sikundër jane edhe
Sasha Gjeorgjev, Juri Zorka, Ilia Kostandinov
Veçon një ceremonial mbarëpopullor
teksa Autori i dhuron
“Kabinetit të Kulturës Popullore” të fshatit Tazi,
me drejtore Anja Avramenko,
vëllimin e tij, “Diaspora etnokoreografike”
Gjithashtu janë të fiksuara
pamje banesash karakteristike, rrugë të gjera,
veshje popullore, peisazhe natyrore etj.,
sikundër edhe procese pune
nga të mësuarit e valleve shqiptare
Një vizitë turistike
në brigjet e detit Azov, bri fshatit Qushkia,
apo pritje ceremoniale nga pala vendase
dhe takimet e shumta bashkëbisedimore
do ta zbukuronin ndjeshëm udhëtimin tonë
te Shqiptarët e Ukrainës
Investigimi i dytë është realizuar
për pesë ditë
gjatë fundtetorit të vitit 2019,
përmes linjës ajrore
Tiranë- Stamboll- Odesa
Ai pati për objekt një koncert të
Ansamblit Kombëtar të Këngëve dhe Valleve Popullore të Shqipërisë
në qytetin Odesa të Ukrainës
enkas për shqiptarët e Vjetër të Ukrainës
të të katër fshatrave
Karakurt- Tazi- Qushkia- Gjandran
Programi i pasur i Ansamblit
ishte i gërshetuar edhe me
këngë e valle nga amatorë të fshatit Karakurt
DVD-ja shquan edhe për disa
pasazhe filmike edhe fotografike,
të cilët e bënë spektaklin edhe më të ndjeshëm
Së fundmi nga ai koncert,
kur u ul sipari,
spektatorët “Albansi” të Ukrainës
ngrihen në këmbë dhe për disa çaste
shpërthejnë me ovacione
nga të përjetuarit shpirtërorë
të këngëve dhe valleve,
si memorizime ato
të botës dhe krenarisë Shqiptare.
Ashtu të përlotur, ama vështrimthellë ,
ata largohen duke belbëzuar
Faleminderit dhe Mirupafshim !
Gjatë këtyre dy investigimeve
Autori ka kryer edhe vizita
në institucione artistike dhe shkencore,
monumente këto të madhërishëm,
me arkitekturë klasike dhe moderne ,
të perceptuara
qysh para shekujsh
nga Perandoresha e Rusisë
Katerina e Dytë
Për më gjerë për temën objekt
shihkoni vëllimin tim
“Horizonte Etnokulturore”
Tiranë, botimi i parë, 1483 f., 2020,
studimi “Shqiptarët e Vjetër të Ukrainës
përmes dy investigimesh”, f. 921-965
​ Realizimi DVD
​ Mars 2021
Studio 7 production