الحلقة الخامسة من بودكاست شي منسي مع الممثلة هند نزار
HTML-код
- Опубликовано: 27 авг 2024
- رابط البودكاست على الانستكرام
...
رابط البودكاست على فيس بوك
www.facebook.c...
رابط البودكاست على التيك توك
www.tiktok.com...
رابط حساب صلاح منسي على انستكرام
/ salahmansii
استاذ صلاح ياريت تركز على الاشخاص الي ميظهرون هواية
والي نستفاد منهم اكثر و نستمتع بالحوار اكثر
شكرا الك ❤
كلش حبيت روحه لهند وكلش عفويه وان شاء الله يوم من الايام نلتفي اني وياك استاذ صلاح وتسوي وياي بودكاست عندي سوالف كلش هواي الله يوفقكم 🤩
انت ما عندك شي حتى تطلع ببودكاست
محتواك عادي
اعتقد لمن يوجه الضيف تحيه لفنان او شخص صاحب فضل عليه اوصديق ينذكر باللقاء مابيها شي ولاتضحك بالعكس هذا من الادب والذوق واحترام المقابل
زين واذا الحلقة او البرنامج 45 دقيقة وتطير منه ربع ساعة عبارة عن تحياتنه لفلان تحية لعلان مضيعة للوقت لا أكثر
بساطة هند بالميكاب والملابس حلوة
يعني معقولة ممثلة ومحسوبة على صف المثقفين لما تسألها عن رأيها في الدين تمتمت وتعتعت وتهرب الى المجتمع الغربي ولم تربط جملة مفيدة واحدة في ما يخص دينها، هسة اخاف احچي وطلعلي فد كتكوت من جماعة اذا ميعجبك لاتعلقويطلعني من هدومي وهذولي الي يسمون نفسهم نخبة المجتمع يمسلتون بلقائاتهم
هو غير لو اكو حرية تعبير بمجتمعنا الابنية طالعة من حالة اكتئاب بسبب كلام الناس تتوقع اذا تحچي رأيها بالدين راح يعبرون الموضوع عليها ومايسوولها مشكلة
ماعدها ثقافه
ما شاء الله عليك استاذ صلاح محاور ولا اروع برنامج مختلف طريقة الحوار مع الضيف شي خيالي هذه الحلقه المفقوده في برامجنا الحاليه ربي يحفظكم ويوفقكم اكثر واكثر
المقدم أول مرة اشوفه ، أنسان واعي ماشاء الله ومثقف .. واختيارك حلوو وحلقةة جداً ممتعة ❤️✨
ممثل قديم اعتقد جان دائما يطلع بتلفزيون
يطلع بمسلسل وية الاء حسين أعماق الازقة
يا اخي نبرة صوتها والضحكة عالم ثاني
اتمني تسوي بودكاست ويا استاذ عزيز خيون ودكتوره عواطف نعيم
تصوير حلو ومريح العين كملت حلقه كامله وتصوير ماياذي
وصوت واضح وديكور ومحاوره.جدا حلوه اسسستفديت هوايه وتشافي جلسه حلقه روعه
تمنيت ما يخلص اللقاء ، يا اخي من زمان اني اسمع بودكاست وانته صلاح مو افضل واحد بس انته بسيط انته عراقي مثلنه ماكو هذي التكلفة بالكلام ولا حتى بالتصوير اشكرك على هذي الحلقات الحلوة الي تدخل للكلب ❤ ❤❤
المحاور صريح وطرحه للاسئلة جيد بس اكو ترتيب وسلاسة بترتيب الاسئلة من بلشت عليهه بالاسئلة اتخربطت ماعرفت منين تبدي المحاور القوي والذكي مع احترامي لحضرتك يبلش بسؤال يخلي المقابل يسرد بدايته وحاضره بدون وعي وتبدا تباعا الاسئلة وتسلسل الاسئلة حتى الاجوبة هم تصير بتسلسل احداث لحياة المقابل واكو نقاط عشوائية تجي هم تنسال حتى تنعرف شخصية المقابل شكد احب انس بوخش وحواراته اتمنى اعلامينا واصحاب هجي برامج يتعلمون منه
أذا تريد تفتخر بشخص اعلامي في العراق أكيد تختار صلاح منسي يا أخي منطي البرنامج حقه أكثر من ساعه أنت مستمتع
تمنيت لو الحديث اكثر من ساعة♥️
تخبل هنادي متابعتها من سنين
واضح جداً جداً انه هند كانت تتهرب من الاجابة في بداية اللقا لانه عدها شي متعقدة من عنده بطفولتها واحتمال فقر يحمل ذكريات مؤلمة في كتاب حياتهاومدتگدرتنساها
هذه الممثلة عدها تفكير مميز و رح توصل اماكن ممتازة في حياتها
هذا اللقاء كلش حلو وكلش حبيت هند واول مرة اسمع لقاء ومايطول ومو مممل مثل البقية احس هند قريبة علية ب افكارها ❤❤ كلش حبيت هند وتفكيرها واحترمها ل دينها وعقيدتها ❤❤
ماعرف ليش دااحس انو الاجابات مو يم السؤال استاذ صلاح دقيق جداً بأسئلته ويحتاج جواب ادق
اني نصدمت بيها ياخي متعرف اجاوبب ع السؤال متعرف ترتب جمله تحجيها
من تجاوب تحجم دائره تفكيرها
@@user-xh3nw8vq3j
الاسئلة صعبة ومو مفهومة
تگدر تشوف فيديوهات للبودكاست وتعرف مفهوم السؤال .@@user-kf4bn3sv6w
احبها واحب روحها وتمثيلها وبساطتها وشكلها الطبيعي كل التوفيق هند❤
استمتعت واتمنى أنو بالأيام والحياة اللي اعيشها اكون مستفادة شكراً الك استاذ صلاح 🤍🪶
هند جداً جميلة استمتعت بأختلاف الاراء يمكن بينها وبين صلاح وبيني اني حتى !
شكراً انو دتقدمون هيج مساحة حلوة للاستماع والتفكير وهند انسانه بسيطة بس عصامية واضح جداً وتحب القوانين والحدود والاحترام
جداً احبها اتمنالها كل الابداع بالسنين الجاية يارب نشوف شغلها ديعلى وتطور ونستمتع بتمثيلها ونشوف اشياء جديده اكثر واكثر ♥️🎉
حرفيا حلقه كلش ممتعه و عميقه و صلاح يمكن هاي اول مرا اتعرف عليه بس كلش اثر بيه و انسان كلش رائع و عنده شخصيه مختلفه 💕
هند نزار ممثلة عراقية شابة وعية لما تقدمه .... حاولت التخلص من اسئلتك أستاذ صلاح .... فلم تتمالك نفسها لحين تذكرت لحظات المقدم الذكي سيستدرج الضيف لمملكته... الواضح هند نزار عفوية واقعيا تحاول التصنع للحفاظ على شخصية الممثل.... نتمنى مستقبل جميل لكل شبابنا نحن بحاجة التسلح بالثقافة لاظهار شيء للعالم نحن من يصنع الحضارات.
أول مرة أشوف صلاح هيچ مبتسم !
تعجبني لباقة المقدم وثقافته
ولو اني لست صديقك واعتبر نفسي صديق من طرف واحد واكبر منك بسنوات فانا استفيد منك واتمتع بحديثك .. شكراً لك
اروع اعلامي حاليا بالعراق هو المنسي
بسبب هاي الحلقه ضليت افكر هواي وملكيت جواب النفسي ودخلت بحاله نفسيه ودوامه جبيره من الاسئله الي مالها اجوبه لكن كل التوفيق الك استاذ والى ست هند ❤
استاذ صلاح انت انسان كلش راقي واتابع اللقاءات مالتك كلها لان اسلوبها مختلف
بس عندي نقطة صغيرة لاحظتها باللقاء انه جابت طاري الاديان وسوت مقارنة بين الشرق والغرب، التفكك الاسري الي موجود في الغرب مو نتيجة الدين وانما هما عدهم هاي المشكلة الاجتماعية وطبعاً مو الكل عدهم هاي المشكلة لان همين بالغرب اكو ناس تصون العائلة وتحترمها فا قصدي من الكلام انه الدين ما الا اي علاقة بتكوين اسر مترابطة وتنسيب هذا التماسك الى دين معين امر خطأً كل ما في الامر انه الحياة الاجتماعية بالغرب تختلف عن الشرق
وشكراً جزيلا واسف على الاطالة
اجمل فنانه عراقيه جامعه الموهبه وثقافه وخفة ظل منها حبيت الدراما العراقيه وصرت اتابعهم🤍🤍🤍
تخيل بعد سنوات الحلقات هذة تكون تاريخ للجيل القادم !
الحوارات العفوية اتمنى تكون اكثر من الاسئلة
الحلقه اخذتني لعالم ثاني
اللقاء يخبل ومريح نفسيا ❤️❤️❤️❤️❤️
كلش ممتعة الحلقات و المواضيع حلوة. اتمنا بأن تقابل عراقيين خارج البلد.
صلاح انت الجانب الايجابي بكل لقاءاتك واني اشاهد البرنامج لان انت بي ❤
اتمنى من حضرتك استاذ تستضيف زينه الدليمي لان محاوره جيده ولبقه بالكلام
من بداية الحديث كنت اتوقع ان يكون حديثها بنفس عمق السؤال اللي يتكرر على الضيوف وفعلا استمتعنا مع الكثير منهم وهم يستعرضون بصدق ماعاشوه وما مر بهم منذ الطفولة وبالقدر الفلسفي الجميل المشوق المعبر عن خبراتهم وهدوئهم وعظم تجاربهم التي توضح امكانياتهم الفدة. اجوبة الضيفة الكريمة بعيدا عن السؤال واجد ان السيد صلاح تعب معها ولم تكن هي في جو الحديث المراد منه ان يكون اكثر عمقا وغنى في الحكايا الواقعية من اماكن السكن وانتقالات العائلة وكيف بنى نفسه ليكون مميزا انا اعتقد لو كان الاتفاق معها ان تتابع الحلقات السابقة حتى تعرف فحوى الاسئلة باستعراض الحياة المعاشة بكل ثقة واعتداد بالنفس والفخر في ذلك كله
ارى ان ابنتنا العزيزة هند نزار كانت بعيدة عن فلسفة البرنامج وحديثها كان عاما وهو ماشكل اجهادا للاخ صلاح وللمتابعين. واقولها هنا ويحسب للبرنامج انا تابعت حلقات لعدد من مبدعينا واستمتعت كثيرا بطبيعة الاسئلة وثقافة السيد صلاح المحترم واحاديث الضيوف الرائعة باستعراض حياتهم وعلى وفق مايتناسب مع التساؤلات
تحياتي ومحبتي
(شئ منسي) محطه استراحه ضرورية من الركض المستمر في الحياه.
لنرى ما حولنا، ما امامنا، ولكن الأهم ان نرى ما ورائنا؛ ماذا تركنا، كيف تركنا ولمن تركنا. و عندها سوف نكتشف بأن ركضنا لم يذهب مهب الريح. سوف نكتشف كم من الصعاب تجاوزنا، كم من الشياء الجميله صنعنا و كم من الافراح الصغيره عشنا. و حينها ،لو حالفنا الحظ، سوف نفهم بان النجاح والسعاده الحقيقيتين ليستا بحجمهما و بالضجه التي يثيرونها، م انما بالرضى والقناعه الهادئه التي تعشش قي عقلنا و تملؤنا بالدفء، القوه و الاصرار لنستمر في ركضنا.
تحياتي!
جدا متشوق للحلقة
ويجنن لقاء كالعاده🌝✨
فعلا مو كل شخص يتربى او متعلم هو صالح
الله يحميها ويسعدها ويوفقها اشكد احب عفويتها وبساطتها ❤
شكراَ لستاذ صلاح على المعركة الحوارية, موفق بطريقة مثالية لنرى هند نزار وحجمها الحقيقي.
اهتم بالاضاءة
ولاهم اهتم بنوعية الضيوف بحيث يكونوا كبار يتكلمون عن سيرة حياة طويلة مليئة بالانتصارات والهزائم.
اتمنه لو تعمل حلقات مع فنانين قدماء
كلش شكراً ع هيج محتوى ❤
هند ممثلة ممتازه و بنت مهذبة و لطيفة جدا لكن توقعتها ذو معرفة اعلى و متمكنة بالحوار اكثر.. نتمنالها كل التوفيق و تستاهل كل خير
صلاح اتمنى الحلقات القادمه تزول هاذي العلامه الصفراء الي بيها اسم البرنامج وانت انسان تجنن
❤❤
هذه وليس هاذي
المقدم جدا واعي وراقي وطريقه حواره ممتعه
اتمنى الفنانه ساره اوس لانها مبدعه و تمثيله يخبل و فنانه واعيه و تستاهل اني كلش احبه لان تحسن شايله مسؤليه لكبر من عمره ❤❤❤
هالحلقة مُختلفه عن بااقي الحلقاات حسيت صلاح ديحاور صديق وكعدة خارج أطار البرنامج اغلب الاسئله جانت ضمن سياق الحديث يعني تخطر على باله من خلال جواب هِند واغلب الاسئلة الي نسألت لباقي الضيوف منسألت لهند وحتى نهاية البودكاست جانت مختلفة عن الضيوف
واريحيه صلاح بالحديث وي هند ومبين هو صديق او عنده معرفه بيهاا وحسيته كأنما دينبه هند على اشياء هوايي ..
الله عليك صلاح دائما اختيار ضيوفك موفقة برافوا 👏🏻👏🏻👏🏻👏🏻👏🏻❤️
المقدم ررررررررررررررررراقي ومثقف ومبدع ما شاءالله أول مرة أعرفه بس سبق كثير من اللي متواجدين ع الساحة …
راقي بالحوار والتقديم وطرح الأسئلة والمساحة اللي ينطيها للمقابل حتى يعبر بيها المقابل بالشكل اللي رايده ، والحلقة كُلها مميزة وجميلة وهند هادئة وبسيطة وأجوبتها واقعية ومبيها تكلف ربي يوفقها 💙
حلو النجم يكون واقعي عاشت ايدج على البساطه الانتي بيها حبيت
برنامج راقي
نقطة رأس سطر
*هنوده مرحه وضحكتها حـلووه*
*محترمه جدًا ومحبوبه*
الله ياصلاح شكد حلو تحجي
اشتاقينالك يااخي وهنودة فنانه محترمة ❤
منتظريك بالحلقه الجايه ❤
استاذ صلاح اني احب الافكار الي جاي تقدمها انت وسوالفك اعتقد القيمة الحقيقية للبودكاست هو انتَ نفسك مو الضيف ف منتظر سوالفك الاسبوع الجاي على احر من الجمر مثل ما يگولون ❤
حبيت البودكاست هاي كلش + استفاديت واستمتعت منها ❤
اريد حلقه وياه شيماء قاسم .لانو راح تنطي نصائح هوايه من خلال تجاربه وراح تفيد فئاة المراهقين
شيماء راح تفيدنا
هيه بوقت الان واعيه جدا
احلى حلقه جانت حلقة الفنان مقداد عبد الرضا
❤وحلقة الفنان محسن العلي حلقة غزيرة بالعاطفة والحقيقة وصدق النوايا موفقين جدآ
خويه صلاح صار سبوعين انتضر رحمه لوالديك اتمنى منك تستضيف العمالقه مثل سامي قفطان وغيره من عمالقة الفن حلقة الكبير مقداد عبد الرضا لازم تحتفظ الى الاجيال
هيج interview لازم يكسر الدنيا كُلها أستاذ صلاح فعلا professional ومُميز لأبعد الحدود والأحلى من هيچ ديجيب الاشخاص الناجحين والمُميزين الي يكونون هيچ كُلهم طاقة إيجابية ونظاف هذا اللقاء اني أشوفة نجاح كبير المُمثلة الرائعة الفنانة شنو احجي عليها قليل بحقها والله وأبد مو مُجاملة كلامها واضح وهواي لمحت لأشياء كنت غافل عنة ونبهني عليه صراحة أكو بعض التعليقات تكول هند نزار سطحية صراحة مشفت هيج هي لمحت لهواي أشياء أحنة بغنى عنها ووصلت النة بطريقة عميقة شكرا على كُلشي❤
ادهم عادل قفل ملف الفنانين كلهم بالمحاورة ❤
استاذ صلاح اكملت اللقاء عالمودك فقط للأسف، الضيفة مو بالمستوى بالمأمول، اجوبتها فضفاضة جداً تنم عن ثقافة ومعرفة بسيطة، فرق كبير بين حلقة الاستاذ مقداد وحلقة ست هند،
عالعموم اتمنى تستمر برنامجك راقي جداُ، بس للأسف انطيني لايك غير الاعجبني للحلقة لانه فعلاً حلقة مو موفقة بسبب الضيف.
اجمل برنامج
العلم شكل والدراسه شكل والثقافة شكل لازم تعرفيها حتى تتعلمين تميزين بينها
التعليم ضروري والتعليم ليس معناه يقرأ ويكتب التعليم هو دراسة كامله
ابصراحه حلو اللقاء وكلش حبيت هند ❤شخصيتهه كلش حلوه
شنوالحبيت بيها
@@anwermohammed7247 صدك شنو حلو بلقاء
هواي غيرتي بيه كلامج كلش حلو ربي يوفقج بكل خطوه تخطيه 🤍
الجيل الجديد من الممثلين كلش ما احب شخصياتهم الواقعية لأن احسهم مضطربين و اضطرابهم معدي والدليل اذا تروحون تشاهدون المقدم صلاح مع الضيوف الآخرين من جيل الرواد رح تشوفون استرسال الحديث من الطرفين عفوي.
عدد محبي هند نزار
ماعرف ليشش بالتعليقات غالبيه الناس كاتبين انو هند بقت تمتت او معرفت تشرح صح لما نسئلت بموضوع الدين !!! هي بالعكس ، تكلمت عن مبادى الاسلام الحقيقيه وشنو اثر الاسلام بداخلنه
العزيز المبدع صلاح منسي مع محبتي وفخري الرجاء وقت برنامجك ثمين وقد اسمتعت عبر اليوتيوب بضيوف قمة في الابداع المهني فنيا وثقافيا وفكريا بوجه عام اما ان يضيع الوقت مع قليلي الخبرة والثقافة وعالاقل فهم اسئلتك بمحاورها الفلسفية الجميلة فكانت الصدمة باجوبة هزيلة عامة لا تمت لعمق ما قدمه الكثير من الضيوف الكرام تعبيرا عن خلاصة عطائهم بوجه عام
استاذ صلاح اتمنى عندي ربع ثقافتك وافكارك ، في كل مرة تتكلم فيها اندهش وفي بعض الاحيان اصفق
هند نزار انسانة بسيطة ومُحترمة واللقاء ممتع
اكثر شي بلفيدير صح هو الطاقة لان فعلاا الطاقة شي موحود حقيقيا وترتبط بجذب
اني متابع كل الحلقات الي نعرضت بس بهاي الحلقه حسيت صلاح يحاور نفسه
هند نزار انتي تمثلين البنت العراقيه معقوله هذا تفكير بنات العراق
اهم شي بالقاء سلطت الضوء على حماية الاسلام لعائلة المسلمة ❤
صلاح انت رائع جدا
عاشت أيادي لصنعت هيج برنامج تحياتي للكادر ول صلاح ❤
حلقة للنسيان
هند ماواصله لمرحلة الها رأي بالاشياء اذا هي عدها الرد على الرسائل ازمة بعض الشخصيات العامة بالعراق هم سطحيين وخصوصاً العنصر النسوي مع احترامي
طلب من الأخ والأستاذ صلاح منسي انه تلتقي بل شاعر موفق محمد قمة الثقافه راح تكون حلقه مميزه
الطاقات هي الكامنة و الحركية و الحرارية و الكهرومغناطيسية و الكيميائية الخ… كلها نكدر نحول بيناتها و نستخدمها لمختلف الاغراض اما عن طاقة الكون فهذا مجرد ايمان
اسئلة صلاح بجهه واجوبة هند بجهه🙂
اتمنى استاذ صلاح اكون ضيف معك بحيث اكو عندي أمور بحياتي اريد افضفضه وياك مرت أمور حزن سلبيه ايجابيه مرت بي...اني معلم جامعي متقاعد اتمنى اشوفك
صلاح
لقاء مع الشاعر عمر القره غولي
فدوة ❤
احلا شي كلمه (عرفت اشلون)
انت ولاجنك تعرف
البنية حلوة ومثقفة بس المشكلة نبرة صوتها ثابتة طول الحلقة فهذا الشي يخلي المشاهد يتعب وينام 😄
مو صريحه الفقر مو عيب والشغل مو عيب هذا شرف بس هي تتهرب من الاسئله
الشي المميز بالبودكاست هو صلاح و هند جانت سطحية و مملة بشدة
سيدتي أنتِ جميلتي
والآخريات بقاياكِ
شكد نازكه هاي البنيه 🤍🫂
وعليكم السلام منورين وشكر الك صلاح دائما اختياراتك حلـِۈۋوھّ ❤❤❤
الثقَافـه العراقيـه 🤍🤍✨.
حبابه ومتواضه ومحبوبه
منو وياي 😊👇👍
عبالي فاتتني طلعت اول واحد 😍😍
اول سؤالين هنوده تخوط بصف الاستكان باجوبتها مافاهمه سؤال المقدم صح
حسيت روحي كاعده وياكم وحيل استفاديت من الحلقه وهواي امور راح اغيرها بسبب هالحلقه
برنامج الجميلات فقط 😂❤
صراحة هند نزار صراحة مطلقة صادقة تحياتي . رعد الرحيم
ليش أكثر تركزيهم على الابراج برج الجدي كذا شخصيه وكذا شي معقوله الهم ايمان جبير بل ابراج لدرجه يقيسون معظم الاشياء لازم تنطبق على كذا شخصيه او كذا برج