"Эртний сургаалаас суралцъя" Улсын IV уралдаан 2019.06.03

ЭРТНИЙ СУРГААЛААС СУРАЛЦЪЯ - УЛСЫН IV УРАЛДААН
Монголын уламжлалт сургаалын зохиолоор дамжуулан монгол хүн бүр, хүүхэд бүрийн үндэсний үзэл ухамсрыг сэргээх, ёс суртахуунт, зөв хүн болж төлөвших, амьдрахын үнэ цэнийг ухаарахад эртний сургаалын зохиолуудын утга санаа, учир холбогдол, мөн чанарыг ухан ойлгох нь өндөр ач холбогдолтой юм.
Өглөө бүр, үдэш бүр санаж, ургуулан боловсруулж, учир холбогдлыг нь нээн, эрхэмлэж явбал зохих тийм эрдэнэсийн сан бол цэцэн билигт ардын минь сургаал, ухаан юм.
Эртний монголчуудын уран зохиолын сэтгэлгээ, түүгээр дамжуулан монгол хүн бүрт уламжлагдан үлдэх ёстой хэл, соёл, түүх, зан үйлийн өв соёл, шашин шүтлэг, монгол аман бичгийн эртний уламжлалт соёл түүхийг сурталчлах, түгээн дэлгэрүүлэхэд оршино.
Сэдэв:
“Эртний сургаалын зохиолууд-2” номд багтсан зохиолуудаас сонгох.
Хамрах_хүрээ: 13-18 нас
Шалгаруулалт: Гурван үе шаттай явагдана.
I шат: Эсээ бичих. “Эртний сургаалын зохиолууд-2” -д багтсан зохиолуудаас нэгийг сонгон эсээ бичнэ. Эрдэнийн сан “Субашид” зохиолоос 9 зүйлийн аль нэгийг сонгон бичиж болно.
Тавигдах_шаардлага:
350-450 үгэнд багтаана
Arial фонд, үсгийн хэмжээ 12, мөр хоорондын зай 1,15
Үг үсгийн болон утга найруулгын алдаагүй байх
Өөрийн овог нэр, холбогдох утас, сургууль, анги, эцэг эхийн утасны дугаар давхар бичсэн байна.
II шат: Илтгэл. Эсээ бичлэгийн уралдаанаас шалгарсан 50 хүүхэд илтгэл тавих бөгөөд илтгэл тавьсны дараа уг зохиолын утга учир, мөн чанарыг ойлгосон, цээжилсэн байдлыг асууж шалгана. Илтгэл тавих хугацаа 5-7 минут.
III шат: Багийн тэмцээн. II шатнаас шалгарсан 16 хүүхэд дөрвөн баг болж өрсөлдөнө. Үүнд, “Эртний сургаалын зохиолууд-2” -д багтсан зохиолуудыг уншсан ба цээжилсэн байдал; утга учир, мөн чанарыг ойлгосон түвшинг асуулт хариултын тэмцээнээр өрсөлдүүлж шалган ялагчийг тодруулна.
Жич: Уралдааны II-III шат Олон улсын хүүхдийн “Найрамдал” төвд болох бөгөөд оролцогч 50 хүүхэд бүгд долоо хоног үнэгүй амарна. Уралдааныг МҮОНТ-ээр олон нийтэд хүргэнэ.
Уралдааныг_дүгнэх:
Уралдааныг Монгол Улсын Төрийн соёрхолт, Ардын багш Ш.Чоймаа тэргүүтэй мэргэжлийн шүүгчид шүүн явуулна.
Шагналын_сан: 15.000.000₮
I байр 1.400.000 төгрөг (багаар)
II байр 1.000.000 төгрөг (багаар)
III байр 800.000 төгрөг (багаар)
IV байр 600.000 төгрөг (багаар)
Шилдэг_оролцогч_нэг - 300.000 төгрөг
II шатанд шалгарсан 50 хүүхдэд “Найрамдал” төвд амрах эрхийн бичиг
Уралдааны материал хүлээн авах хугацаа, хаяг:
Уралдааны I шатны материалыг 2019 оны тавдугаар сарын 15-наас зургадугаар сарын 07 хүртэл доорх хаягуудаар хүлээн авна.
Хаяг: “Болор судар” хэвлэлийн газар, “Азхур” ХХК-ийн байр.