《Hi MIRO! 見面祭》June 8 - Anson Lo (撈豬落台揀第二位幸運兒)
HTML-код
- Опубликовано: 9 сен 2024
- 角度: S1*2 / Row H
撈豬場真係好驚喜! 0730 準時開場, 0152 曲終人散~ 攞左御守影左相嘅神徒繼續留低陪撈豬, 未攞御守未影相嘅神徒留位耐心等待~ 目測有超過 90% 神徒陪撈豬陪到 2am, 懷疑破左九展紀錄! 我終於都明點解咁早期連牛牛都已冇撈飛放 (12 子獨欠撈), 一班 die-hard fans, 搶唔倒飛嘅即撲, 搶倒嘅死攬住唔放 (有人用高價引誘我, 我都絲毫冇動搖!)
我估撈豬會唱 KING KONG (因為 June 8 係兩週年) + 特別約會儀式 + 深閏, 點知錯晒~ 估唔到唔多舒服又冇 dancers 都要唱三首快歌!
喺深情對話環節, 撈豬提到未能好詳盡咁講我哋知 d medical reports 有咩問題 - 即係真係有問題, 唔知係咩問題, 好擔心!!!
到左萬眾期待嘅御守 + 小組合照環節, 大家好驚訝每人都可以有咁多時間同撈豬對話, 而且一 group 只得 28 人, 點解會咁好嘅? 知道自己冇企撈豬旁邊嘅運氣, 但求企前排正中 d, 有個 full body 影大合照, 點知係後排側~ 不過原來企後排都有著數, 因為可以見撈豬耐 d - 特別係當佢派緊俾前排時, 拍片個角度一流, 又可以眼定定望, 真係暈晒大浪~
大約 0145, 終於都影埋最後一張小組合照喇~ 盧瀚霆終於都可以收工喇~! 諗住撈豬講兩句, 做個大心心就 ByeBye, 估唔到旁白君會幫神徒留多佢一陣喺台, 俾我哋唱幾句不可愛再示愛 (唔知喺唔喺 rundown 入面呢?!); 跟住又估唔到撈豬會再 selfie, 喑叫我哋示多次愛, hahaha; 點知旁白君話 ByeBye 時, 未捨得離開神徒嘅撈豬要求再 selfie 不可愛, 撈豬真係好 cute 呀! 唱完就堅 Bye lu~ 6h22m 嘅 FM, 真係好匪夷所思呀! Thank you so much 盧瀚霆! I had an unforgettable experience! Love you! 跟你一世!
FM 後感: 撈豬個完場彩蛋真係 sweet 爆, 當刻梗係開心; 但完場冷靜過後, 開始有 d 憂心 - 撈豬今次顯然特別不捨, 再加上 d 唔知有咩問題嘅 reports, 令我覺得好不安, 直覺覺得佢完成手頭上工作後就會小休。向來報喜不報憂嘅撈豬, 今次喺未出晒報告就已經同我哋講佢身體出現狀況, 似係俾定個心理準備我哋, 有可能要停工休息。如果真係咁, 冇問題架, 你放心休息吓, 叉叉電啦~ 幾耐都好, 神徒都會等你! 我哋 hand in hand, 跟你步伐, 一起開心走下去!
*** *** ***
要行前行後去搵有利位置, 所以有短暫時間個鏡頭 fing 嚟 fing 去~
幸福❤
其實LoLo落台揀第二位幸運兒係咪玩遊戲?因你無再影落去所以有啲疑惑!我覺得LoLo同神徒玩遊戲互動係好開心,見佢咁開心都感染到我一樣咁開心.真心真心希望佢嘅報告唔好有乜大問題,睇咗你篇文嘅感受覺得LoLo嗰晚完場後特別不捨似有俾心理準備我哋佢會完成手頭工作就小休一下,唉就算係都無辦法只求佢趁小休期間休養好身體,調理好再出番嚟繼續拼搏,神徒就算等幾耐都願意,但求Lo豬健健康康精精神神就得啦!祝福Lo豬藥到病除快啲好番,加油加油啊always-stand-by-you!🦾🦾💖💖
有玩遊戲呀,佢抽倒 high 5, 後尾好似 high 左 10,佢哋企台邊,我條片拍得唔好,所以就冇 upload 喇~ 希望我 feel 錯啦! 祝願撈豬身體健康 🙏🏻