Kar gay, wal gem yaa inde aman : « Mahan gem ka mate nooygiyo ? Kar ya gem-ak kat nooye, ŋaa ir maa zirda ? » Taloŋ kat gem kaag kaay kanjiɗo-aŋka ! Ya ki loowaw, busumji zawiɗɗo di ŋu arshiyo walla ? Ko taat ki loowiy-at, ya ŋa juuju wal ta meriya oki, ki loowa busumci di. Faadar, ki loowɗo aarca. Kar busam kuuk ki luwiy-ag gay, Allaah giniig ŋu arshiyo ho ŋu mahaɗiyo. Ay busum di in aaroy ar kaag meenji Allaah rakiyo. Gamin okitti kuuk siikmaw, jiirkiha sawaɗo. Jiirka ku geemir, ku mallel, ku kawartir ho iŋ ku boosir sa, okitti, ŋu sawaɗo. Gamin koog ka samman in ku keeɗer, ŋuur sawaɗo. Ŋuur koog ka sammaner, sammanowdo keetit min ku keɗer. Mashad ceera keetit ho koye ceera keetit. Kahalna sa, ceerinci sawaɗo, ay kahal di in ceerinji. Harsey di oki, ɗo wakti taat gee koog mate yaa nooye, taa kuuniye fa. Hamte kaag ŋu tiirsig keɗer, ŋaar ar busum kaag ŋu loowga. Hamte-ag yaa zawɗe. Kar min ŋa nooye, ŋa zawɗaaɗo fey gargar. Wiktin taat ŋu tiirsig hamte-ag, ŋa ka talinno. Kar min ŋa nooye, gee rawɗo talinji. Wakti taat ŋu tiirsiiga, ŋa ginno gudurre. Kar min ŋa nooye, ŋa gin gudirra dakna. Wakti taat ŋu tiirsiiga, ŋaar jiir ka gemor di. Kar min ŋa nooye, ŋa gin jiir kaag asa min Ruwwin ta Allaah. Ya ŋa gin jiir ka gemor, ŋa gin oki ay kaag asa min Ruwwin ta Allaah. Ka seener, ŋu siir ɗo Kitaber aman : « Aadem, ŋaar ko gem kaag awwal, Allaah berji siikme. » Kar Iise Masiih, ŋaar Aadem ka ba aaro. Ŋaar ruwwin taat bera goye ɗo geemir. Ŋa jiirɗo kaag asa min kat as awalle. Kar gay, ŋa jiir ka gemor ja, kar kat astu jiir kaag asa min Ruwwin ta Allaah. Aadem kaag awwal, ŋaar Allaah kelgiyig in kiɗa. Gee koog goy ɗo duniyer-an, ŋuur ar ŋaar kaag Allaah kelgiytu in kiɗa ho ŋuur koog goy ka sammaner gay, ŋuur ar ŋaar kaag as ase min kuwa. Uhudin taat gi ariy gem kaag Allaah kelgiytu in kiɗa, jaray rakki, gi asiy are oki gem kaag as ase min kuwa. Gem kol siŋtay, masiyon irkiyor-anta : Askirna ka gemor in kummay ho in baariy hursaaɗo ɗo Miinnaw ta Allaah, ho gamin koog yaa zawɗen sa, ŋuur hadiraaɗo in koog zawɗaaɗo gargar. Masiyoŋ, naarko irkiye maan rakki kaag jigil : gi mataaɗo okinte. Kar gay, okinte, jiirkite asa jibte kodhok di ar koodhe ka fullamdi. Ŋuu jibte ɗo wakti taat ferhin ta ba aaro yaa aale. Ya ta aale, gee koog mate yaa nooye. Ŋuu nooye in jiirka koog zawɗaaɗo gargar. Kar ginte okinte gay, jiirkite yaa jibte. Ka seener, murti kaag yaa zawɗe, ŋaa jibte in ŋaar kaag zawɗaaɗo gargar, ho hob kaag kawtan di yaa mate sa, ŋaa jibte in ŋaar kaag mataaɗo gartar. Wakti taat kur kaag yaa zawɗe-ag yaa jibte in kaag zawɗaaɗo, ho kaag yaa mate-ag in kaag mataaɗo, ŋaar-ag, irkiyin koog ŋu siirtu ɗo Kitaber yaa ase kat ɗo werca aman « Allaah noshirtit gargar ɗo muuti, muut ginno fey bat. » « Way kabke muutu, di hamaŋ kat ka noshir ? Way muut-anta, hamaŋ kat gudirrike ? » Muut, taar gin gudirra taat ta diyey gee-ag min zunuubna koog gee giniyo. Kar zunuubna gay, ŋuur gin gudirra taat ŋu sakkiyig gee min ɗo gaanuun ka imla faaca. Hambalteŋ Allaah, ŋaar ŋaag beraate gudirra taat giiti noshir ɗo muuti in gudirra ta Iise Masiih. Harse ag, gem kol siŋtay koog nu jahal, hoboŋ tirit ɗo imaanko ho yoo maan sa eeraakonno. Zayɗoŋ kuu ɓaa in hurko ɗo arriy ta Rabbi Allaah, asaan ku hiban tam kadar taaɓin taat ku taaɓiyey ɗo ay maan kaag ku giniy in siŋ ku Rabbir, taar kimmaaɗo maala kat bat.
ياسلام ع الكروان النوبى 😍
الهرم الشامخ مكي علي إدريس متعك الله بالصحة والعافية والعمر المديد والتحية للموسيقار الكبير أحمد ساطور متعه الله بالصحة والعافيه والعمر المديد
كل التحية لي الاستاز مكي علي ادريس
وكل اهلنا في المحس
يا الله 😭😭😭😭♥️
Kar gay, wal gem yaa inde aman : « Mahan gem ka mate nooygiyo ? Kar ya gem-ak kat nooye, ŋaa ir maa zirda ? » Taloŋ kat gem kaag kaay kanjiɗo-aŋka ! Ya ki loowaw, busumji zawiɗɗo di ŋu arshiyo walla ? Ko taat ki loowiy-at, ya ŋa juuju wal ta meriya oki, ki loowa busumci di. Faadar, ki loowɗo aarca. Kar busam kuuk ki luwiy-ag gay, Allaah giniig ŋu arshiyo ho ŋu mahaɗiyo. Ay busum di in aaroy ar kaag meenji Allaah rakiyo.
Gamin okitti kuuk siikmaw, jiirkiha sawaɗo. Jiirka ku geemir, ku mallel, ku kawartir ho iŋ ku boosir sa, okitti, ŋu sawaɗo. Gamin koog ka samman in ku keeɗer, ŋuur sawaɗo. Ŋuur koog ka sammaner, sammanowdo keetit min ku keɗer. Mashad ceera keetit ho koye ceera keetit. Kahalna sa, ceerinci sawaɗo, ay kahal di in ceerinji.
Harsey di oki, ɗo wakti taat gee koog mate yaa nooye, taa kuuniye fa. Hamte kaag ŋu tiirsig keɗer, ŋaar ar busum kaag ŋu loowga. Hamte-ag yaa zawɗe. Kar min ŋa nooye, ŋa zawɗaaɗo fey gargar. Wiktin taat ŋu tiirsig hamte-ag, ŋa ka talinno. Kar min ŋa nooye, gee rawɗo talinji. Wakti taat ŋu tiirsiiga, ŋa ginno gudurre. Kar min ŋa nooye, ŋa gin gudirra dakna. Wakti taat ŋu tiirsiiga, ŋaar jiir ka gemor di. Kar min ŋa nooye, ŋa gin jiir kaag asa min Ruwwin ta Allaah. Ya ŋa gin jiir ka gemor, ŋa gin oki ay kaag asa min Ruwwin ta Allaah. Ka seener, ŋu siir ɗo Kitaber aman : « Aadem, ŋaar ko gem kaag awwal, Allaah berji siikme. » Kar Iise Masiih, ŋaar Aadem ka ba aaro. Ŋaar ruwwin taat bera goye ɗo geemir. Ŋa jiirɗo kaag asa min kat as awalle. Kar gay, ŋa jiir ka gemor ja, kar kat astu jiir kaag asa min Ruwwin ta Allaah. Aadem kaag awwal, ŋaar Allaah kelgiyig in kiɗa. Gee koog goy ɗo duniyer-an, ŋuur ar ŋaar kaag Allaah kelgiytu in kiɗa ho ŋuur koog goy ka sammaner gay, ŋuur ar ŋaar kaag as ase min kuwa. Uhudin taat gi ariy gem kaag Allaah kelgiytu in kiɗa, jaray rakki, gi asiy are oki gem kaag as ase min kuwa. Gem kol siŋtay, masiyon irkiyor-anta : Askirna ka gemor in kummay ho in baariy hursaaɗo ɗo Miinnaw ta Allaah, ho gamin koog yaa zawɗen sa, ŋuur hadiraaɗo in koog zawɗaaɗo gargar.
Masiyoŋ, naarko irkiye maan rakki kaag jigil : gi mataaɗo okinte. Kar gay, okinte, jiirkite asa jibte kodhok di ar koodhe ka fullamdi. Ŋuu jibte ɗo wakti taat ferhin ta ba aaro yaa aale. Ya ta aale, gee koog mate yaa nooye. Ŋuu nooye in jiirka koog zawɗaaɗo gargar. Kar ginte okinte gay, jiirkite yaa jibte. Ka seener, murti kaag yaa zawɗe, ŋaa jibte in ŋaar kaag zawɗaaɗo gargar, ho hob kaag kawtan di yaa mate sa, ŋaa jibte in ŋaar kaag mataaɗo gartar. Wakti taat kur kaag yaa zawɗe-ag yaa jibte in kaag zawɗaaɗo, ho kaag yaa mate-ag in kaag mataaɗo, ŋaar-ag, irkiyin koog ŋu siirtu ɗo Kitaber yaa ase kat ɗo werca aman
« Allaah noshirtit gargar ɗo muuti, muut ginno fey bat. »
« Way kabke muutu, di hamaŋ kat ka noshir ?
Way muut-anta, hamaŋ kat gudirrike ? »
Muut, taar gin gudirra taat ta diyey gee-ag min zunuubna koog gee giniyo. Kar zunuubna gay, ŋuur gin gudirra taat ŋu sakkiyig gee min ɗo gaanuun ka imla faaca. Hambalteŋ Allaah, ŋaar ŋaag beraate gudirra taat giiti noshir ɗo muuti in gudirra ta Iise Masiih.
Harse ag, gem kol siŋtay koog nu jahal, hoboŋ tirit ɗo imaanko ho yoo maan sa eeraakonno. Zayɗoŋ kuu ɓaa in hurko ɗo arriy ta Rabbi Allaah, asaan ku hiban tam kadar taaɓin taat ku taaɓiyey ɗo ay maan kaag ku giniy in siŋ ku Rabbir, taar kimmaaɗo maala kat bat.