МОНГОЛ ЖҮЖИГЧИД ДЭЛХИЙН 10 ГАРУЙ ТЕАТРТ АНГЛИ ХЭЛЭЭР ЖҮЖИГ ТОГЛОНО

Монгол уран бүтээлчид анх удаа “Далан гурван цаг” хэмээх бүрэн хэмжээний жүжгийг англи хэлээр АНУ, Герман, Швеп, Орос, Австри, Солонгос, Япон зэрэг 10 гаруй орны театрт тоглохоор болжээ.
Уг жүжгийг нэрт сэтгүүлч, зохиол Х.Наранжаргал 18 жилийн өмнө бичсэн бөгөөд тус жүжиг энэ олон жилийн дараа театрын тайзнаа амилахдаа англи хэлээр тэр тусмаа театрын урлаг өндөр хөгжсөн 10 гаруй улс оронд тоглогдох гэж буйгаараа онцлог юм.
“Далан гурван цаг” жүжгийг дэлхийн театрын тайзнаа амилуулах ажлыг УГЗ найруулагч На.Болд хийсэн бөгөөд санаанд оромгүй жүжигчдийн өвөрмөц сонголт, найруулгын онцгой тавилт, сэтгэл татам төгс тайз засал, хөгжмийн яруу тунгалаг найруулга шийдлээр дэлхийн улс орнуудад тоглох гэж байна.
Монголын уран бүтээлчид анх удаа англи хэлээр дэлхийн 10 гаруй оронд тавих гэж буй “Далан гурван цаг” жүжгийг энэ сарын 28-наас эхлэн Хүүхэлдэйн театрт цөөн удаа тавих юм байна.