பிள்ளைச் செல்வம் கிடைக்கப் பெற ஓதவேண்டிய கண் காட்டும் நுதலானும் திருவெண்காட்டுத் திருப்பதிகம்
HTML-код
- Опубликовано: 8 сен 2024
- #விதிமாற்றும் #விரிசடையான் #VV01
#தென்னாடு செந்தமிழ் ஆகம சிவமடம் - யாழ்ப்பாணம்
பிள்ளைச் செல்வம் கிடைக்கப் பெறுவதற்கும், வாதத்திறமை மற்றும் எழுத்தாற்றல் பெருகுவதற்கும் ஓதவேண்டிய திருவெண்காட்டுத் திருப்பதிகம் - கண் காட்டும் நுதலானும்
திருமுறைப் பாடல் - மயிலாப்பூர் சற்குருநாதன் ஓதுவார்
மிருதங்கம் - சிவத்திரு.சண்முகலிங்கம் நாகராஜன்
வயலின் - சிவத்திரு.ஜி.சுரேஷ்
முன்னுரை - தென்னாடு ஆசிரியர் திருமுறைச் செல்வர் சிவமாதவன்
பின்னணிப் படங்கள் - இராமேசுவரம் மற்றும் உத்தரகோசமங்கை
www.thennadu.o...
/ thennadu
தொடர்புகள்
www.thennadu.o...
❤❤❤❤❤
நமசிவாய வாழ்க நாதன்தாள் வாழ்க இமைப்பொழுதும் என் நெஞ்சில் நீங்கா தான் தாள் வாழ்க🙏 ஓம் நமசிவாய🙏 திருச்சிற்றம்பலம்🙏
Oknamashivaaya
🙏🌹சிவ சிவ🌻🌿திருச்சிற்றம்பலம் 🌼🙏
பாடல் எண் : 1
கண்காட்டு நுதலானுங் கனல்காட்டுங் கையானும்
பெண்காட்டு முருவானும் பிறைகாட்டுஞ் சடையானும்
பண்காட்டு மிசையானும் பயிர்காட்டும் புயலானும்
வெண்காட்டி லுறைவானும் விடைகாட்டுங் கொடியானே.
பாடல் எண் : 2
பேயடையா பிரிவெய்தும் பிள்ளையினோ டுள்ளநினை
வாயினவே வரம்பெறுவ ரையுறவேண் டாவொன்றும்
வேயனதோ ளுமைபங்கன் வெண்காட்டு முக்குளநீர்
தோய்வினையா ரவர்தம்மைத் தோயாவாந் தீவினையே.
பாடல் எண் : 3
மண்ணொடுநீ ரனல்காலோ டாகாய மதியிரவி
எண்ணில்வரு மியமான னிகபரமு மெண்டிசையும்
பெண்ணினொடாண் பெருமையொடு சிறுமையுமாம் பேராளன்
விண்ணவர்கோன் வழிபடவெண் காடிடமா விரும்பினனே.
பாடல் எண் : 4
விடமுண்ட மிடற்றண்ணல் வெண்காட்டின் றண்புறவின்
மடல்விண்ட முடத்தாழை மலர்நிழலைக் குருகென்று
தடமண்டு துறைக்கெண்டை தாமரையின் பூமறையக்
கடல்விண்ட கதிர்முத்தம் நகைகாட்டுங் காட்சியதே.
பாடல் எண் : 5
வேலைமலி தண்கானல் வெண்காட்டான் றிருவடிக்கீழ்
மாலைமலி வண்சாந்தால் வழிபடுநன் மறையவன்றன்
மேலடர்வெங் காலனுயிர் விண்டபினை நமன் றூதர்
ஆலமிடற் றானடியா ரென்றடர வஞ்சுவரே.
பாடல் எண் : 6
தண்மதியும் வெய்யரவுந் தாங்கினான் சடையினுடன்
ஒண்மதிய நுதலுமையோர் கூறுகந்தா னுறைகோயில்
பண்மொழியால் அவன்நாமம் பலவோதப் பசுங்கிள்ளை
வெண்முகில்சேர் கரும்பெணைமேல் வீற்றிருக்கும் வெண்காடே.
பாடல் எண் : 7
சக்கரமாற் கீந்தானுஞ் சலந்தரனைப் பிளந்தானும்
அக்கரைமே லசைத்தானும் அடைந்தயிரா வதம்பணிய
மிக்கதனுக் கருள்சுரக்கும் வெண்காடும் வினைதுரக்கும்
முக்குளநன் குடையானு முக்கணுடை யிறையவனே.
பாடல் எண் : 8
பண்மொய்த்த வின்மொழியாள் பயமெய்த மலையெடுத்த
உன்மத்த னுரநெரித்தன் றருள்செய்தா னுறைகோயில்
கண்மொய்த்த கருமஞ்ஞை நடமாடக் கடன் முழங்க
விண்மொய்த்த பொழில்வரிவண் டிசைமுரலும் வெண்காடே.
பாடல் எண் : 9
கள்ளார்செங் கமலத்தான் கடற்கிடந்தா னெனவிவர்கள்
ஒள்ளாண்மை கொளற்கோடி யுயர்ந்தாழ்ந்து முணர்வரியான்
வெள்ளானை தவஞ்செய்யு மேதகுவெண் காட்டானென்
றுள்ளாடி யுருகாதா ருணர்வுடைமை யுணரோமே.
பாடல் எண் : 10
போதியர்கள் பிண்டியர்கள் மிண்டுமொழி பொருளென்னும்
பேதையர்க ளவர்பிறிமின் அறிவுடையீ ரிதுகேண்மின்
வேதியர்கள் விரும்பியசீர் வியன்றிருவெண் காட்டானென்
றோதியவர் யாதுமொரு தீதிலரென் றுணருமினே.
பாடல் எண் : 11
தண்பொழில்சூழ் சண்பையர்கோன் றமிழ்ஞான சம்பந்தன்
விண்பொலிவெண் பிறைச்சென்னி விகிர்தனுறை வெண்காட்டைப்
பண்பொலிசெந் தமிழ்மாலை பாடியபத் திவைவல்லார்
மண்பொலிய வாழ்ந்தவர்போய் வான்பொலியப் புகுவாரே
சிவாய நம திருச்சிற்றம்பலம்
கண்காட்டும் நுதலானும் கனல்காட்டும் சிவ சிவ🙏🙏🙏🌹
Kankaatum nutalanum
திருசிற்றம்பலம் 🙏🙏🙏
சிவ சிவ