فينيش الحرف باستخدام التكنول وصبغة كحولية والشمع فقط
HTML-код
- Опубликовано: 9 сен 2024
- مهم جدا انك تعرف ان اهم عوامل الفينيش بشكل سليم و مرضي هو:-
1- اللصق الجيد لطرفين الجلد وتتأكد انه مكبوس كويس .. او تديله دقة بالشاكوش على الحرف .. عشان تضغط الالياف جوا بعضها.
2- القطع الجيد لطرفي الجلد .. وانك تكون متأكد انك قاطع الطرف بعد اللزق بشكل قائم ...
3- الصنفرة .. ثم الصنفرة .. ثم الصنفرة .... مهم جدا انك تصنفر الطرف بشكل كويس جدا .. و تتأكد انك شيلت اكبر جزء من الالياف الوسطية بين الجلدتين الملزوقين ... واستخدم صنفرة خشنة الاول .. و بعد كدة صنفرة انعم .. ثم انعم .. ثم انعم .. لحد ما تلاقي الحرف شبه متلاشي . او ملغي منه تماما مكان التصاق القطعتين فى الحرف.
بعد كدة ... تقدر تصبغ الحرف بصبغات كحولية او مائية ... وتشوفها فى الضوء ... فيه اى تعاريج مازالت موجودة .... لو لسة موجودة يبقي ترجع تصنفر مرة تانية بالصنفرة الناعمة فقط ... و ترجع تصبغ تانى .. و حط طبقة التكنول ... واستخدم خشبة التنعيم .. و شوف الناتج النهائي ...
تحياتي
كورس تعليم صناعة الجلد الطبيعي (الهاندميد) مقدمة على جروب
MAKE IT
رابط الجروب
/ 26638. .
رابط صفحة منتجاتى
/ wshandcraft
ارحب بالرد على اي استفسار في التعليقات
تسلم ايدك استاذي شكرا ع الفديو القيم
شكرا فيديو جميل تسلم ايديك .. ممكن فيديو عن تركيب الكبسونه
حاضر تحت امرك
ماشاء الله .. شرح حضرتك ممتاز فتحت نفسى أنى أرجع تانى للجلد شكرا لحضرتك
الف شكر لدعم حضرتك وتشجيعك ...
تسلم ايديك وجزاك الله خير الجزاء على الامانه ف الشرح
الف شكر لحضرتك
جهد جميل مشكور عليه ومزيد من التقدم يا رب
الف شكر يا فنانة ... تسلمى
شكرا جازاك الله كل خير
الف شكر لحضرتك
شرح بسيط وجد مفيد بارك الله فيك.
الف شكر على الشرح الواضح ،، ربنا يوفقك
الف شكر لدعم حضرتك
حلو جددددددددددا
الف شكر لحضرتك
جزاك الله خيرا
الف شكر لحضرتك
لو سمحت بسأل لو معنديش خشبة التنعيم ومحتاجة افنش حزام هل ليها بديل
جزاك الله خيرا
ممتاز وشرح رائع
سؤال الزق السنفرة علي خافض اللسان بإيه؟
بغراء شعلة ... ايطالية او تركية او انجليزية او اى غراء سريع
جزاك الله كل خير
لو سمحت لو فيه بطانة بين طبقتين الجلد نعمل نفس الخطوات
بنعمل نفس الخطوات .. لكن بعد التأكد من ان البطانة داخل قطعتين الجلد بحوالي 2 مم .. يعني تكون جوة الخياطة ومش ظاهرة في طرف الجلد .. غاطسة حوالي 2 مم للداخل قبل اللزق والصنفرة
@@wshandcraft6600 طب لو البطانه جلد هيبقى نفس الكلام
ممكن حضرتك تعمل فيديو الفرق بين الصبغات واحسن نوع واحسن الالوان ولك جزيل الشكر
ان شاء الله حاضر
جزاك الله خيرا
هو التكنول هو الورنيش المائى
الشحم النباتي او الورنيش المائي حاجة والتكنول حاجة تانية
شكراً على الفيديو الجميل ده وبعد إذن حضرتك هل البوليش الشفاف يغنى عن التكنول وايه الفرق بينهم وشكراً لحضرتك
البولش الشفاف بيستخدم فى فينيش الوجه للجلد ليعطي لمعان .. ولكن لتشطيب الحروف .. يرجى استخدام التكنول .. او الجم تراج .. او الCMC او الشمع او الصمغ العربي او صبغة الحرف او البيزكوت
@@wshandcraft6600 تمام شكراً لحضرتك
@@wshandcraft6600 شكرا على التوضيح
هل الانتيك جل هو الحاجه الوحيده اللي بتبرز الدق علي الجلد و ايه طريقة استخدامه لو تكرمت
ابراز الدق مش بالانتيك جل .. ممكن بالتلوين .
الحكمة في الانتيك بيعطي فخامة للدق وبيزيد من مظهره انه قديم وسخي المعالم
@@wshandcraft6600 أشكرك جدا 🌷🌷🌷
لو الطبقه التانيه متبطنه جلد ماعز ..الفينش ده ينفع معاها؟!!!
طبعا ينفع يا فندم ... ما تفرقش اى حاجة
لو انا اشتغلت بجلد الضاني
اعملها فينش حرف بنفس الطريقه
ولا اعمل ايه
جلد الضاني بيترفي ... مش بيتعمل فينيش حرف ... لأنه جلد مرن وبيمط ..
هو ممكن اعمل كده لفنش الحزام والف شكر لحضرتك
فينيش الحزام مش محتاج مواد كتير عشان كتر الاحتكاك في التوكة هتجرح الاحرف ... وبالتالى الحزام يتعمله فينيش نضيف بالصنفرة كويس واقل خامات بعد الصنفرة ممكن صبغة وتكنول فقط
ينفع للجلد البقري نفس الترتيب
ماهو الجلد ده كواري بقري يا فندم
من فضلك نشترى السنفرة دى منين وحضرتك مركبها على ايه
انا مركبها على خافض لسان .. الصنفرة متوفرة عند محلات الجلود فيه منها ناعم و خشن .. او ممكن تشتريها كدة جاهزة
التكنول نجيبه منين من فضلك
من محلات بيع الادوات الخاصة بالجلد .... انا بشتري من محل اولاد خيري في باب الشعرية .. شارع الشعراني
بعظ اذنك التكنول هو الفينال كود
التكنول غير الفاينال كوت .. او البيز كوت
معلش انا جديدة هو لية حضرتك حطيت جلدتين فوق بعض 🙈🙈🙈
احنا اكيد هنحط جلدتين ونخيطهم وبعدها نعمل ليهم الفينيش ... الفكرة اننا نحاول نخفي فاصل التحام الجلدتين
@@wshandcraft6600 شكراااا جداا ❤️🌹
فينش الشمع اجيبه منين
من محلات مستلزمات الجلود ... المكعب بخمسة جنيه ... او ممكن تستخدم شمع عسل خام