اخطر سر عن النرجسي .... كوثر سند

سر اسرار النرجسي
نفس النرجسي
الانسان السوي عنده ٣ انفس او ٣ شخصيات واحدة خاصة وواحدة عامة وواحدة سرية ، العامة دي اللي بتظهر للناس اللي فيها شوية تحفظ وتجمل ،والخاصة اللي بتظهر في البيت وللاصدقاء المقربين جدا ، اما السرية دي بقى فهي اللي بيتوقف عليها النفسين العامة والخاصة ليه بقى ؟ لانها هي عبارة عن المكون الحقيقي للشخص ، هي عبارة عن ايه عبارة عن رؤيتك الحقيقية للعالم حواليكي اللي انتي ممكن متقوليهاش لحد غير نفسك ، زي مثلا انا مبحبش فلان وهو حد كويس وكل الناس بتحبه انتي مش حتحبي تعرفي الناس انك مختلفة عنهم ، او مثلا انتي بتحبي صاحبتك جدا ومبتحبيش جوزها فمش حتقولي لها انا مش بحب جوزك او مثلا تجربة مريتي بيها ومش بتحبي تتكلمي عنها ، او اسرارك المادية ، يعني هي نوع اعمق من الاسرار ، وفي الاشخاص الاسوياء النفس العامة بتكون قريبة جدا من الخاصة وكل ماكان التشابه بينهم اكبر كل ماكانت الشخصية سوية وحكيمة
طيب النرجسي بقى ؟ النفس السرية بتاعته دي هي اللي فيها السواد كله ، تجنب المسئولية والتعايش مع عدم الاهتمام بالناس وعدم التعاطف ، محبش اقول الحقيقة اللي هو مش عايز حد يعرفني . النفس دي عند النرجسي فيها ثلاث حاجات : عدم تحمل المسئولية ، الاخلاق السيئة ، الفساد والفسوق ودي سر الاسرار طبعا للنرجسي وهو دة اللي بيحميه بالماسك واللي عشانها ميقدرش يكون انتيم لحد ولا يقرب لحد عشان ميكشفوش وطبعا دة عشان يحمي نفسه المؤذية ويحافظ عليها وبيحافظ على قوته الوهمية ويحافظ على عدم فهمك له ودي بالنسبة له مسألة حياة او موت لان طول ماانتي مش فاهماه هو قادر يحقرك ويشكك في نفسك وبالتالي قادر يسيطر عليكي عشان كدة مطلوب منك تفهميه كويس وتفهمي اسراره عشان تعرفي تحافظي علي نفسك طول مانتي عايشة معاه والمهم انك متعرفيهوش انك فاهماه عشان تعرفي تلعبي بيه، النرجسي عنده اسرار كتير لانه عنده مشاكل كتير دايما غامض وبيحب الغموض ، هو مش غامض عن عمق ولا حاجة دا هو غامض من كتر مابيبين انه عارف وهو مش عارف حاجة فيحير لكن هو فاضي تمام هش واجوف ، وهو حابب يكون غامض لانه عارف ان الغموض بيجذب الناس ، ( حالة بتحكي عن زوجها النرجسي بتقول هو مبيحبش ومبيعرفش يفكر بعمق وطول الوقت قاعد سرحان وتشوفيه تقولي حكيم زمانه ويقول لها انا بتفكر مش التفكر عبادة ومرة تانية يحلف انه سرحان في اللا شيء مش بيفكر في حاجة اصلا وبعدين هو برضه يعترف انه مبيفكرش في حاجة بعمق فهي سألته انت عارف ان عدم التفكير بعمق مؤذي لك يقول لها اه ، سألته انت عارف مؤذي ليه قال لها اه انا لو بفكر بعمق كان زماني معنديش مشاكل ) يعني هو عارف ومدرك انه عنده مشاكل وعارف ان تفكيره سطحي وعارف انه لو فكر شوية حيدرك اخطاؤه والدكاترة فعلا بيقولوا ان النرجسي مش بيتعلم من اخطاؤه ابدا وبيكررها لانه مش بيفكر اصلا هو عملها ليه مش بيقعد ويفكر في اسباب افعاله عشان كدة عمره مابيفهم انه مضطرب ومش طبيعي باستثناء النوادر منهم .طيب نرجع بقي لانفس النرجسي ،احنا اتفقنا ان كل ماقربنا لاننا نكون اسوياء كل ماكانت النفس العامة والنفس الخاصة قريبين جدا من بعض ، تعالي بقى شوفي النرجسي برة بيت نقيض جوة البيت ودي علامة صارخة توريكي ان جوزك نرجسي ولا لا ، لما تلاقيه مع الاغراب وش ومعاكي وش نقيض تمام ، لما تلاقيه اول مايتقفل عليكم الباب اتحول للوحش ، وطبعا كل مازادت الاسرار الشيطانية في النفس السرية كل مابعدت النفس الخاصة عن النفس العامة وزاد التناقض بينهم وكل مازادات الاسرار الحميدة كل ما قربت النفس الخاصة من النفس العامة ، يعني ايه اسرار حميدة ؟ يعني مثلا واحد شاف رؤية حلوة زي مثلا شاف سيدنا النبي وخاف يحكي لحد ومثلا واحد بيطلع صدقات وبيخفيها ، واحد بيعمل خير زي ما كان سيدنا ابو بكر وسيدنا عمر بيروحوا يخدموا الست العجوزة الكفيفة ويطبخوا لاحفادها ومحدش فيهم كان عارف ان التاني بيروح ، دي الاسرار اللي بتخلي النفس العامة والخاصة يكونوا زي بعض ، كل دة بنقوله ليه ؟ عشان تفهمي النرجسي صح وتدرسيه صح عشان تعرفي انتي بتتعاملي مع ايه وكل ما فهمتي كل ماعرفتي تتعاملي صح .
اكونت الفيس بوك
www.facebook.c...
جروب ادرس عدوك النرجسي
/ kawthersanad11