مقناص وقصيدة ماشريته لـ التجاره || كلمات عبدالله النافع || اداء يوسف العنزي
HTML-код
- Опубликовано: 27 авг 2024
- ماشريته لجل ادوّر به تجاره
ما أبيعه لو دبل سعره يجيبه
طيري الوافي حجم زايد ظفاره
راس مالي بالمهدّات الصعيبه
ماهو مغْتِر خرجوه امْن الإماره
لجل لونه قام يزّود به طليبه
طيري أفعاله تزوّد له / وقاره
ماهو من لونه كسب عزه وهيبه
مجهمٍ ن / يسوا مزايين الغتاره
عاتقه بالطلع / كلن ينتخي به
شوف عينه مثل دربيل الحراره
يكشف اللي شوف غيره مادريبه
أفجحٍ / حدّب وقوفه بالهجاره
وكف يعجز ينفلت منّه / حريبه
بالمناكب ينطح العجه بمساره
ماخذٍ بالطرد أكثر من نصيبه
وفي جناحه نومس عيون الصقاره
كل بعيده من جناحينه / قريبه
قال عيبه : مايهاب وبه نزاره
وقلت له ياصاحبي يازين عيبه
قال طيبه : يرتفع قبل أختياره
وقلت والله إنّها / ماهي بطيبه
علّمه خربٍ تسيّد / بالشطاره
كل طيور الربع عجزت لا تجيبه
خربٍ مصقّر وصامل في قراره
ناطحٍ شمسه وصفقاته رهيبه
ويوم زهمته قام يكافخ لـ الغماره
ماحذفته / إلا والخرب بمغيبه
قام يبوشق ويتلفت ب أستداره
ويوم شافه كنه شايف له حبيبه
راح يـردم مـايبي مني / إشاره
صاملن في صيدته وماهي غريبه
ارتفع له وشمسها تصلي حراره
لين ضاع / وكل أبونا نرتجي به
مابه ريشه وأنتفحّص كل سماره
وضاق صدري قلت عز الله يغديبه
قمت أسوق بوجهته وجهة اطِيِاره
وكل رجلٍ يرتجي فزعة / صحيبه
لين صاحوا بالجهاز وبالبشاره
وفز قلبي وخفت من عينٍ تصيبه
قال صايد قلت أدري بـ أنتصاره
مايخيّب من نخاه ويحتري به
عاونه تكفى ونتّـف له / ودارِه
وحطّه بظلال المواتر لا تهيبه
شوق للي ما يداري لـ الخساره
كل مصيبه لا حضر ماهي مصيبه
من صقرته ماغدت منّه حباره
ولا غدن منّه كراوينٍ هريبه
بالمثايل / والمواري / والجساره
كل وصوفه يابعد زولي عجيبه
هذا طيري ما شريته للتجاره
راس مالي بالمهدات الصعيبه
#عبدالله_النافع
الله اكبر صح لسان شاعرها ما شاء الله تبارك الرحمن قصيدة جزلة و الله يبارك له في حلاله
ماشاء الله تبارك الله والله هذا الطير فعله نادر عسى الله يبارك لراعيه والابيات روعه .
الف شكر
صح لسان ابو نواف انشهد انه كفى ووفى بالوصف
وصح صوتك يايوسف
لاحول ولاقوة الا بالله كنز من كنوز الجنه
ياسلاااام ياسلاام ياسلاااام. مبدعين مبدعين يالنافع ويالعنزي👏🏼👏🏼👏🏼
ماشاء الله عليك .. ابدعت يالشاعر وابهرتنا يالمنشد .. بيضالله وجيهكم يالنشامى
مبدع 👍🏻 يايوسف🌹
عااااش ياكحيلان عشت علي صوت الطيب يالاعنزي❤️
مبدعع😻😻
صح لسانك
لا اله الا انت سبحانك اني كنت من الظالمين 😊
الله يعطيك العافيه ياالوايلي
الله الله 👌👌👏🏻 ابدااااع يايوسف ومبدع ولد العم ابو نواف 😍❤️ استمرووو
صح الله لسانك
صح لسانك وعز الله مقامك
مابيع لو دبل سعره يجيبه الله الله
صح عليكم استمرو 💗💗
الله يبيض وجهكك
انشهدد ما شريته ادور من وراه تجاره👏.. وصح صوتك يالعنزي
ونعم
الله عليك يا يوسف ماشاء الله الله يحفظك يا خوي من كل شر ومكره 💃👏👏👏💃👏👏💃👏👏💃👏👏💃👏👏💃👏👏👍
الله الله عليكم عبدالله النافع ويوسف العنزي
تسلم ماشاء اللة 💘
صح لسنك
👌🏼👌🏼👌🏼😍
وأنا أعرف اسمك واسم اختك واسم أبوك واسم أخوك واسم عائلتك اسم منيرة وا واسم أبوك تركي واسم أبوك أخوك محمد وعائلتك السويطي صح ولا لا
👌🏻💙