اختصر على غيرك الطريق .. اتعلم وعلّم
HTML-код
- Опубликовано: 28 авг 2024
- لما تيجي تعلم حد جديد جاي يشتغل معاك أو لسا جاي الشركة أو حتى جاي يستلم منك ويكون بدالك .. مش كفاية أبداً انك تعلمه كل حاجة انت عارفها .. انت لازم كمان بجانب ده تكون حريص انك تبسط عليه الدنيا .. نفسية المتلقي في البداية بتفرق جداً وبيتبني عليها حاجات كتير قدام في مشواره .. انت مطالب انك تعلمه كل اللي انت عرفته وتبسط له الدنيا .. حتى لو هي مش بالبساطة دي .. بسطهاله في البداية .. تبسيط مايخدعوش ولكن يخليه متحمس انه يتعلم ويدوس ... ابدأ معاه بالسهل ووفرله ماتريال يذاكر منها وعرفه ايه الغلطات اللي انت وقعت فيها عشان يتجنبها واديله تاسكات بسيطة في الأول وبعدين تاسكات شاملة .. اختصر عليه الطريق .. الحياة مش مستاهلة يا جماعة صراعات و office politics والكلام ده .. وصدقني الأثر اللي هتسيبه في نفس انسان ويفضل يفتكرك بالخير بيه .. دي احسن من أي حاجة تانية.
