رسميا الزمالك بالقوه الضربة قبل السوبر الافريقي | صفقات نااااااار ... اكثر من نجوم علي اعتاب الزمالك

#المستديرة #الاهلي #الزمالك #ريال_مدريد #برشلونة
رسميا الزمالك بالقوه الضربة قبل السوبر الافريقي | صفقات نااااااار ... اكثر من نجوم علي اعتاب الزمالك
في عالم الكورة، مفيش حاجة بتفضل ثابتة، والفرق الكبيرة دايماً بتسعى تجدد دمها وتقوي صفوفها عشان تحقق البطولات والألقاب ، مع بداية فترة الانتقالات الصيفية، الزمالك بيدور على تدعيم صفوفه استعدادًا للموسم الجديد.
في الفترة الأخيرة، لفتت تصريحات مدرب الزمالك جوميز الأنظار بشكل كبير. جوميز اتكلم بصراحة عن اللي عايز يحققه مع الزمالك من بطولات، و إن الفريق عنده طموحات كبيرة جدًا بس علشان يحقق كل ده محتاج صفقات تتدعم الفريق
أهم أولويات الزمالك في الفترة دي هي دعم الدفاع اللي بسببه فيه أهداف بتتدخل في الزمالك يقف عندها العقل والمنطق اه والله زي ما بقولك كده ومش هنبالغ لو قولنا انها من اسباب خروج الزمالك من المنافسة على الدوري ، والجبهة الشمال خصوصًا بعد إصابات أحمد فتوح المتكررة واللي آخرها كان اصابة في كاحل القدم و اعتزال محمد عبد الشافي اللي هيكون في نهاية الموسم ده ، ويبقي كده مفيش حد يعتمد عليه في الجبهة الشمال .
ده غير إنه الزمالك داخل على فترة مليانه تحديات وبطولات كتير، زي السوبر الأفريقي، السوبر المصري، وكأس مصر. البطولات دي مش مجرد مباريات، دي غنائم الزمالك عايز يحصدها ويزين بيها دولاب إنجازاته. بعد ما فقد المنافسة على الدوري المصري، الزمالك دلوقتي قدامه فرصة ذهبية يعوض جماهيره ويحقق الألقاب اللي بترجع هيبته. الجماهير مستنية الفوز والفرحة، وعلشان يحصل كده لازم يشتغل على تدعيم صفوفه عشان و يقدر يحقق الألقاب دي .
الفريق قدامه فرصة يرد الاعتبار ويثبت إنه دايمًا في المنافسة، مهما كانت الظروف. وده اللي حرك الزمالك إنه يبحث عن صفقات لاعبية مميزه يسدوا بيها ثغرات الفريق ومسؤولين الزمالك بدأو التحرك بالفعل لتدعيم صفوف الفريق خلال فترة الانتقالات الصيفية ، بس تيجي عقوبة ايقاف القيد على الزمالك لحد ما يتم سداد ٣٩ الف دولار لمساعدي فيرايرا ويبقي كده الزمالك عليه ٣ قضايا.
ديما كده الزمالك يطلع من نُقرة يقع في دُحديرة يدفع مستحقات خالد بوطيب يطلعله مستحقات مساعدين فيرايرا
ومن ابرز الاسماء المرشحة على طاولة الزمالك
-محمود ممدوح مهاجم حرس الحدود.. توصل الزمالك لاتفاق مع محمد الجيلانى وكيل أعمال اللاعب، وتم الاتفاق على انتقال المهاجم لصفوف الزمالك فى الموسم الجديد.
وأكد وكيل أعمال اللاعب لأحمد سليمان أن محمود ممدوح يرحب بالانتقال لصفوف الزمالك، ومن المنتظر أن يعقد الزمالك جلسة أخرى مع اللاعب من أجل الاتفاق على بعض الرتوش النهائية
- كريم عماد حارس مرمى حرس الحدود، في الوقت الحالي فيه مفاوضات الزمالك مع الحارس ووكيل أعماله بس فيه ازمة وهي إنه اللاعب وقع مع نادي تاني بعد ما الزمالك اتاخر في التفاوض معاه بس الزمالك بيحاول يشوف حل ديما كده مفيش حاجة بتكمل للزمالك لازم يبقى فيه عُقده
- أحمد رمضان بيكهام مدافع سيراميكا.. توصل الزمالك لاتفاق مع اللاعب على الانتقال لصفوفه في الميركاتو الصيفي ، واتفق الطرفان على الخطوط العريضة في التعاقد، ويتبقي فقط حسم الأمور مع نادى سيراميكا خاصة وإن اللاعب مازال مرتبط بعقد سارى حتى 2025.
- أحمد ياسر ريان مهاجم سيراميكا.. أقترب الزمالك من التعاقد معاه وعقدت جلسة بين أحد مسئولي القلعة البيضاء مع اللاعب وتم خلالها الاتفاق على انتقال اللاعب للزمالك، وينتظر حسم الأمور مع ناديه حيث إن تعاقده مع ناديه ينتهى في 2026.
محمد حمدي ظهير أيسر إنبى.. وضع مسئولي الزمالك اللاعب ضمن الحسابات خاصة وإنه لاعب صغير السن مواليد 2003، ويجيد اللعب في أكثر من مركز، بخلاف تشديد جوميز على دعم الجبهة اليسرى .
صفقات إسمها بيلمع في سماء الزمالك بس لسه مفيش تاكيد على إنه اي صفقة فيهم تمت لكن السؤال هو: هل النادي هيقدر يجيب الصفقات دي في ظل الظروف المادية الحالية؟
وبعد أيام من القيل والقال عن صفقات الزمالك لحد دلوقتي مفيش أي تأكيد غير على صفقة واحده وهي الباك الشمال إسحاق يعقوبو .
وده اللي وضحه «مهيب عبد الهادي» في تصريحات تليفزيونية أن إسحاق يعقوبو، ظهير أيسر الفريق الأول لكرة القدم بنادي البنك الأهلي، أتم اتفاقه مع الزمالك من أجل الانتقال لصفوف الزمالك في فترة الانتقالات الصيفية المقبلة.
لكن، هل النادي هيقدر يتحمل تكاليف الصفقات دي؟ الزمالك بيعاني من أزمات مالية كتير، وده بيخلي في شكوك إنه يقدر يوفر الفلوس اللازمة للتعاقدات الجديدة. الإدارة الحالية بتشتغل على تدبير الموارد المالية، سواء من خلال رعاية جديدة أو بيع لاعبين.
لو ماقدروش يجيبوا الصفقات المطلوبة، ممكن الزمالك يعتمد على اللاعبين الشباب والمواهب الصاعدة. فيه شوية لاعبين واعدين ممكن يضيفوا للفريق لو خدوا بس الفرصة المناسبة. وده اللي قاله جوميز فعلا في تصريحاته بعد ماتش الداخلية
أن قائمة الزمالك الحالية مكملة فى الموسم الجاي .
......................................................................................
📢 للإعلان على قناة " المُستديرة " التواصل على الإيميل 📢
[e-mail]
......................................................................................
حساباتنا على السوشيال ميديا ❤️
/ elmustadira
/ almustadira3
/ elmustadira.1
......................................................................................
📝توضيح هام 📝
هذا الفيديو محمي بحقوق الطبع والنشر (copyrights) لصاحب الحقوق " المُستديرة " ولا يسمح بإعادة تنزيله على أي قناة ثانية على اليوتيوب وأي مخالفة لهذا الحق سوف نتخذ الإجراءات القانونية فوراً