مكرونة بالريد صوص وعصاج بالرومي الأخضر😍😋🍝🍜🍝🍝

مش أي وصفة النهارده خلي بالك 😎😋😂
الاول ازيك عاملة ايه 😍😊ان شاء الله تكوني بخير ي حبيتي🥰
وصفتنا النهاردة مكرونة بالريد صوص وعصاج بالفلفل الرومي الاخضر
مقادير الوصفة ...
ربع لحمة مفروم
1 فلفل رومي اخضر مكعبات
2 طماطم متقطعة مكعبات
4 فصوص ثوم متقطع صغير
عود شبت مفروم
رشة ملح وبابريكا و روزماري وكمون
5 م.ص زيت
م.ص خل
مية
كيس اسباجتي
اول حاجة نسلق المكرونة حلة علي النار المية فيها تغلي وعليها م.ص زيت ورشة ملح واضيف فيها المكرونة واسيبها تستوي حوالي 15 دقيقة او حسب النار عندك وبعدين اصفيها في مصفاة واضيفلها م. ص زيت تاني عشان متعجنش
تاني حاجة حلة علي النار فيها م. ص زيت تسخن واضيف واتش فيها اللحمة وعليها البهارات نلح كمون روزماري بابريكا واسيبهم يتبلوا شوية وبعدين اعمل حفرة وسط اللحمة واضيف فيها التوم المتقطع و الشبت وشمي أحلي ريحة طبعا حتقوليلي العصاج المفروض الاول بتشوحي البصل وبعدين االحمة وبعدين تبهريها دي الطريقة العادية احنا عندنا الجديد وبعدها تضيفي مكعبات الفلفل الرومي وبعدها مكعبات البصل وبعدها مكعبات الطماطم بس بين اضافة كل مكون بتغطي الحلة عشان المكونات تاخد من طعم وريحة بعض
واخر حاجة بنضيف المية وتسيبيها تستوي حوالي 20 دقيقة واحنا عارفين في التسوية اول ما الاكل بيغلي غلوتين بعدها بنهدي النار عشان يستوي من جوه وبره
بعدها نحضر صلصة الطماطم للاسباجتي ....بنضرب طماطم في الخلاط بالمية ورشة ملح بس مش زي كل مرة حنضيف بهارات لان اصلا فيه بهارات في اللحمة كده كده ونسخن حلة صغيرة فيها م. ص زيت ونتش فيها فص توم ومنستناش يستوي لا يدوب ياخد لون ونتش عليه م.ص خل وبعدين عصير الطماطم ونسيبها تتسبك عشان متبقاش سايطة
وفي الاخر خالص نقدم المكرونة بالشوكة تلفيها كده عشان تعمل منظر حلو و عليها الصلصة زي ما في الفيديو وبعدين اللحمة بس من غير الصوص خليه شوربة علي جمب وبألف هنا وشفا