مقروط الكوشة بالنقاش مرمل يذوب فالفم مع كامل أسرار نجاحو 🤤😋😍
HTML-код
- Опубликовано: 27 мар 2024
- المقادير:
3 كيلات سميد متوسط نوعية جيدة (انا استعملت ماما )
3 مغارف كبار فرينة
كيلة سمن ذايبة وباردة وكملتها بالزيت
ملح + فاني
وبسسيه مليح بيديك حتى يتشمخ بالسمن ويتبسس مليح وغطيه وخليه يبات ليلة كاملة
الحشو :
الغرس مرحي مليح وعجنيه بماء الزهر ومغرف سمن
وقرفة وطيب مرحيين بودر
وجلجلانية محمصة
من فضلكم ادعيو معايا ربي يطلق سراحو راجلي في هذه العواشر يارب يفراح اولاد يارب راني توحشناه 😢😢😢😢😢😢😢😢😢😢😢😢😢😢راهو برئ راح ظلم
Rbi ytlag sra7o hbbt wyrj3lkom bkhir w3la khir yarab 🤲🤲🤲🤲🤲
ربي يفرج عليه
ربي يفك سراحو بعد العسر يسر شدة وتزول ان شاء الله
الله يطلق سراحو وسراح خويا
يا رب يرجع سالم لوليداتو و تعيدو فرحانين
الله يرحمه دحمان الحراشي، كنت صغيرة بزاف وخاوتي زوج لكبار يحبوه بزاف اصله بسكري وسبحان الله يغني عاصيمي ، يا مؤمنين اخي الكبير مريض جدا فؤ المستشفى ادعولو معايا بالشفاء العا جل امين يا رب العالمين ياربي شافينا وعافينا وكثر الخير علينا
ربي يشافيه يااارب ويحفظهولكم 🤲🤲🤲🤲🥺🥺🥺
الله يشافيه و يعافيه يا رب العالمين
@@qeenbalkiss5059 امين ربي يسمعنا علي اخبار الخير والله العظيم من كثرة الخلعة راني دايخة وخايفة حتى نسقسي وانشاء الله ربي يفرحنا بشفاءه امين يارب العالمين وشفاء كل مؤمن يارب.
ربي يشفيه
الله يشفيه و يعافيه شفاء لا يغادر سقما ويشفي جميع مريض المسلمين 🤲
امين يارب يطلق السراح كل مسجون ويفرحو اولاد
بارك الله فيك على المصداقية جربتو في العيد جاني احلى مقروط ورايحة نعاودو جيت نشوف الفيديو❤🎉❤
بالصحة والراحة حبيبتي أسعى لاقدم لكم الافضل ❤️❤️❤️🤗🤗🤗🤗
ما شاءالله لاقوة الابالله
Allah ibarek makrouttes hayel 👏 👏
مشا الله تبارك الله❤❤❤
باين يهبل رح نربه ❤🎉😊
ربي يشفيه ويعافيه ويلطف بيه قادر على كل شيء
يعطيك الصحة مع نغمات الشعبي الأصيل زادت الوصفة متعة ربي يرحم دحمان الحراشي غناه كلو معاني و نصائح الفن الأصيل الخالد.
شكرا ❤️😚
ماشاء الله تبارك الرحمن لاحول ولا قوة إلا بالله 💝💝💝💝💝💝💝💝💝💝💝
يبارك فيك غاليتي ربي يخليك ويحفظك يارب 🤲🤲🤲❤️😘😘😘
يعطيك الصحة
مشا الله❤
ماشاءالله تبارك الرحمن اختي كتشهي رائعة رائعة رائعة ❤❤❤❤❤❤
شكرا حبيبتي 🥰😚
شكرا حبيبتي على الوصفة جات ماشاء الله
مرسي غاليتي 😚😚😚🥰🥰
اختيار ممتاز لاغنية دحمان الحراشي ❤ لا شيء يضاهي الاصالة
بارك الله فيك❤😊
ما شاء الله وصفة رائعة ألف عافية
شكرا 😘❤️
❤❤❤ اعطيك الصحة انا من الشرق الجزائري ونقولك هذه هي الوصفة الصحيحة تع المقروض برافو عليك❤❤
ا حبيبتي الغالية ❤️😚 وشكرا على دعمك ليا
ماشاء الله يعطيك الصحة جا يهبللل
❤️❤️❤️❤️❤️❤️
داعاوتكم لي بذرية صالحة اختكم في الله 🥺
ربي يرزقك يااااارب في القريب العاجل 🤲🤲🤲🤲
ربي يبارك ماشاء الله جاك روووعة رووووعة تسلم الايادي . الله يجازيك خير
مرسي حبيبتي الغالية مرحبا بيك على قناتي 🥰🥰
عجبني باين يهبل الله يبارك
شكرا غاليتي 😍
ربي يرحمك يا دحمان و يرحم جميع موتى المسلمين
مشاء الله هايل جربتو
يعطيك الصحة ياالشاطرة 😍😍😘😘🥰🥰
الله.يبارك
Ybark fik merci 🤗 chahitk fljana
ربي يطلق سرحو 😢😢😢 ويرجعو الاولدو ومرتو
بارك الله في هذوك اليدين انا ثاني شريت نفس المول كورجتيني باش نخدمو🎉🎉🎉🎉🎉🎉
نشالله ديريه ويجيك هايل حبيبتي مي اطبعي وعاودي بالنقاش باه يجيك هكا باهي
يعطيك الصحه حبيبتي وبالتوفيق
مرسييي قلبي 😍❤️
اللهم صلِّ على سيدنا محمد صلاةً تُحسن بها الأخلاق وتُيسِّر بها الأرزاق وتبعد بها المشاق وتملأ منها الآفاق وعلى آله وصحبه وسلم. صلاةً دائمة من يوم خلقت الدنيا إلى يوم التلاقِ، واسترنا بين يديك يا عزيز ويا خلاّق.داوموا عليها يوميا سبعة مرات ويوم الجمعة عشر مرات، فلا يعلم خيرها وبركاتها إلا الله.
بوركت حبيبتي ❤️
بسم الله ماشاء الله عليك يا لعزيزة جاك كي لعمر منور ومرشوم الله الله يسلم قلبك يارب العالمين يالعزيزة ❤❤❤❤❤❤❤❤
شكرا حبيبتي الغالية 😘😘 ربي يحفظك ويعلي شانك يارب 🤲🤲🤲🤲❤️❤️❤️❤️
💐💐💐بارك. الله. فيك. يا. اصيله. 👑👑👑👑👑
يعطيك الصحة ايشهي راح نجرب الوصفة تاعك غدوى بإذن الله❤
الله يسلمك حبيبتي شهيتك فالجنة 😚❤️ ونشالله ينجحلك حنونة
أختي شحال يقعد في الفرن
الله يبارك على خدمتك
شكرا حبيبتي 😚😚
يعطيك الصحة ❤❤
Merci hobi 😘❤️
يعطيك الصحة الفحلة متتبعة جديد ة😍
الله ابارك فحلة 💗🌸
Merciii ma belle rbi y7fdk hbbt 😚😘
مقرود النقاش الجزائري الاصيل 🇩🇿
سلام عليكم ورحمه الله وبركاته تبارك الله عليك اختي العزيزه 🪻🌲🪻 تبركلععلك 🍁 مشلعليتبر 💐💐🌷💐💐🌷💐💐💐🌷💐💐🌷💐
يعطيك الصحة مقروط وعليه المدح ماشاء الله بصح يتعسل ولالالا وشكرا جزيلا
شكرا حبيبتي ايه يتعسل كي تجي تقدميه لازم يتعسل
كيما انا نهار العيد امشاء الله صباح العيد ونعسلو ندير في كسرونة 4 مغارف كبار عسل وزوج مغارف ونص كبار ماء الزهر وعطر الزهر باه يجي معطر وتخليهم يغليو وطفي النار وحطي المقروطات تاعك فالكسرونة ومتحركيهمش باه ميتفتتش باسكو مبسس وحركي الكسرونة بيدك برك باه يدخل لعسل فالمقروط مليح ومن بعد قطريه في كسكاس وقدميه فليزاسيات تاعك 🥰❤️
@@shaimaberbachi4328 يعطيك الصحة على شرحك الممتاز اوربي ينجحك في حياتك اوقناتك ربي يخليلك لعزاز عليك او ربي يهنيك
ربي يبارك فيك ❤
شكرا مرحبا بيك على قناتي 🥰
بارك الله فيك ع الوصفه
ليتك درتيها بصوتك😢
إنشاء الله نولي نديرلكم وصفات بصوتي حبوباتي ❤️❤️
3:57 ❤
مشاء الله أنجربو،ونقولك،
انشاء الله حبيبتي 🤲🥰😘
حطي لي مقادير
اللهم فرج همي وهم المكروبين اللهم امين اجمعين يا ارحم الراحمين
❤❤
تمنيت لوكان حطيتي الوصفة بصوتك مع الشرح يعطيك الصحة
سلام عليكم اختي من فظلك الكيل تع بلاطوا كبير وشكرا
تمنيت لوكان درتينا الوصفة بصوتك باش نفهم بارك الله فيك شكرا
انشاء الله حبيبتي راح نولي نحطلكم وصفات بصوتي 🤗🤗😚😚😚😚
@@shaimaberbachi4328إنشاء الله كلمة خاطئة تعني أن الله مخلوق ينشأ و يخلق و الأصح إن شاء الله بمعنى مشيئة الله+ الموسيقى ذنوب جارية ليك و لصاحبة الغنية ربي يرحمو حبيبتي كان أحسن تشرحي بصوتك مع الوصفة الشابة هادي❤ يعطيك الصحة على مجهودك خرج مقرود يشهي ما شاء الله ❤ بالتوفيق .
@@houdahouda7666 شكرا حبيبتي على النصيحة بإذن الله راح نولي نديركم فيديوهات بصوتي ❤️❤️🤲🤲🥰😘😘
@@shaimaberbachi4328 ❤❤ بالتوفيق إن شاء الله للعالمية
❤❤❤ مشاء الله يشاهي هدا وين اكتشفتك طريقتك رائعة وزدتيها بدحمان الحراشى الله يرحمه ❤❤💯💯💞💞
شكرا حبيبتي ومرحبا بيك فقناتي حبيبتي ❤️ 😚
يبات والصباح تخدميه ولا تم تم
@@salhameraghni3101 تبسسيه مليح وتخليه يبات حبيبتي كيما انا بسستو فليل وخليتو يبات غدوة هذيك مع لعشية خلاص وخدمتو
Je préfère avec la musique ❤️❤️❤️❤️❤️❤️
❤❤❤❤❤❤❤
ماء الزهر ومعاه واشنو .بارك الله فيك والله طليتيلي على قلبي .نخمم ندير مقرود النقاش .لقيتك.حطيتي الوصفة
ماء الزهر وزيديلو شوية ماء عادي حبيبتي نشالله ديريه ويجيك ماشاء الله ❤️❤️❤️😚😚😚
ماشاء الله ربي ابارك فيك ويحفضلك يديك ويرزقك بالزوج الحلال يااااارب
@@nasserberbachi7825 ربي يحفظك بابا الغالي ❤️ وربي يطول في عمرك 😘🤲🤲🤲 ويخليك لينا يارب
ماء
سميد متوسط
يعطيك الصحه ❤❤❤عاند ولا تحسد ❤❤نوض ضرك نحرحرو ونسي نخدمو كما درتيه والله وميجنيش مليح تشوفي واش ندرلك نقلب عليك دونيا 🤲🤲❤️❤️⚘️⚘️🥀😡😡😡😁😁
Hhhhhhhh khlas jarbih wmatndmich hbbt 😅🥰❤️❤️❤️❤️😋😋😋😋
4:32 4:38 سلام ختي ياطيك الصحة انا شريت سمن بغيت ندير بيه المقروظ مينحليش فزيت قالولي ينحل ؟؟
الله يبارك ماشاء الله اتقااان ماشاء الله 😂 علابالك حسبتك ماما لي تخدم نفس الاواني نفس الطريقة ههه حتى طوال سيري كما تع ماما قلت وقيلا فيديو قديم تاعي 😂 ربي يهنيك اكتشفت قناتك لاول مرة ساتابعك
ياعمري ربي يحفظك ومرحبا بيك على قناتي 😚😚😚❤️❤️❤️
مدابيك توريلنا الطابع من فضلك ومقرود روعة ❤❤❤❤
اوكي حبيبتي نحطهولكم فريلز غذا انشاء الله 🥰😍
@@shaimaberbachi4328 شكرا على الرد
يعطيك الصحة روووووووعة ❤تم الاششتراك ❤
مرسييي حبيبتي الغالية ❤️ مرحبا بيك في قناتي 🥰🥰🥰
شباب ما شاء الله يعطيك الصحة شحال يقعد باش يطيب ؟ قصدي المدة شحال
كي تبسسيه المرة الاولى بالسمن خليه يبات ليلة كااملة وغدوة من ذاك اخدميه واطبعيه وانقشيه وخليه يرتاح فلبلاطوات نصف ساعة ومن بعد طيبيه
الدعاء ثم الدعاء.
يا ريت او درتيها بالصوت هكذا خاوتنا من الدول الاخرى تفهمك
وي عندك الحق أختي ❤️ إنشاء الله راح نولي ندير الوصفات بصوتي 🤗
يعطيك الصحة تاني على دحمان صح اصلو بسكري ؟
وي اصلو بسكري
صح عيدكم كااااامل اختي لعزيزة اذا تكرمتي نوريني وي نلقى هاذ الطابع تاع المقروض عجبني مت عليه
صح عيدكم حبيبتي من وين نتي انا من باتنة في باتنة كاين
يعطيك الصحة ختي من فضلك دقيق ماما متوسط يكون شوية خشين ولالا جامي خدمت بيه وحابا نخدم بيه مقروض
سميد ماما متوسط ماشي خشين مليح للمقروط مي خلطي فيه شوية فرينة انا درت 3 كيلات سميد ماما متوسط و 3 مغارف كبار معمرين مليح فرينة وشوفي فلفيديو الطريقة تفهمي مليح حبيبتي ❤️
الله يبارك خرج يشهي . نقدر نديرو بسميد خشن تاع ماما
انا استعملت المتوسط بصح نورمال مام لخشين يصلح مي خلطي ماديريش الكيلات في 3 بلخشين ديري زوج كيلات سميد خشين وكيلة رطب
الله يحفضك. صحا فطوركم
الله يسلمك حبيبتي نتي زادة صح فطوركم وربي يتقبل منا ومنكم صالح الاعمال يارب 🤲
الله يبارك عليك حبيبتي يعطيك الصحة
يطيب على نار عالية و لا ناقصة
يطيب على درجة حرارة 200 درجة من تحت ومن بعد نحمروه من فوق حبيبتي ❤️
ربي ابارك فيك من فضلك التعسال كيفاه
التعسال عسليه كي تحبي تقدميه مثلا صباح العيد ديري في كسرونة 4 مغارف كبار عسل و2 مغارف ونص ماء الزهر وخليهم يغليو مليييح وطفي النار وزيدي قطرات ماء الزهر وحطي مقروطات تاعك وخليهم يشربو العسل ولوحي عليهم بالمغرف بلا متخلطي باه ميتفتتلكش ومن بعد قطريه في كسكاس ولا صفاية وقدميه
باراك الله فيك
يعطيك الصحة الدقيق هذا بانلي خشين، اليوم درتو بالدقيق المتوسط مخلط مع الرقيق جاني يابس ،
بلاك النوعية تاع السميد مش مليحة ويشرب التبساس اختي
@@shaimaberbachi4328 درت كنزة
طيابو ختي كيفاة على اي رقم نديرو
عزيزتي الفرينه وين ضفتيهم ماهو
دقيق ماما خير ولا كنزة تاع كيلو رديلي تعيشي صح فطورك
في زوج ملاح حبيبتي مي انا جاني تاع ماما خير جا مرممل هاااايل 🥰🥰
قوليلي من فضلك اشحال اشد الوقت في الفرن واشحال درجة حرارة الفرن ومن الفوق كفاه طيابو
يطيب على حرارة 250 درجة انا نشوف بلا منحسب طيبيه من تحت كي تشوفيه تحمر طفيه وشعليلو من فوق غي يبدا يصفار ويولي ذهبي طفي عليه حبيبتي
من فضلكي كيفاش اجيكي التمر خفيف كي طيب انا اجيني شوية يابس وعلاه
اعجنيه مليييييح بيديك كيما تعجني العجينة بماء الزهر حتى يولي طري طول يتلاصق ولميه بشوية زيت ومغرف سمن ذايبة يجييك يهبل
درت بدقيق مولا جاني يبهدل مبسس بزاف دقيق حرش ولغرس يابس حجرة 😢 نعاود نجربو ان شاء الله ينجح معايا
السميد مولا ماشي مليح حبيبتي راني قلتلكم مليح ماما ولا كنزة متوسد والغرس لازم يتعجن مليييح بماء الزهر والزيت 🤗😍
اشريت مولا متوسط نقدر اندير بيه جاوبني من فضلك
لالا حبيبتي مولا يشرب التبساس
صحنة كبيرة ولا صغيرة لي كيلتي بيها دقيق
انا درت بلكبيرة غميقة تاع الشربة لكبيرة باسكو درت كونتيتي كبيرة تاع مقروط خرجتلي 132 حبة مقروط مي لا حبيتي شوية ديري بغميقة تاع شربة صغيرة نورمال
اختي معليش انديرو من غدوة زعما الغرس ما يفسدش من الداخل ولا كيفاه اندير
وييي حبيبتي المقروط ميفسدش يريح شهرين وميصرالو والو الغرس برك اعجنيه بماء الزهر ماشي بلحليب كيما يديرو خرين
الوصفة مكتوبة من فضلك
وش من غرس استعملتي من فضلك
استعملت الغرس تاع البطانة كيما نقولو وجديد لازم تشوفي مليح اسكو التمرة تاعو طرية ولا نو
درت المقروط منقوش كى طاب
تشقق واش السبب ردى عليا من فضلك
تشققلك من الغرس حبيبتي مش مخدوم مليح الغرس لازم يتعجن مليح بماء الزهر ومغرف سمن وشوية زيت وكي تحشيه مديريش حربوش لبزيه شوية بيدك شوفي الطريقة كيما درت انايا فلفيديو حبيبتي وكي طيبيه اويتشقق شوية برك مي كي يبرد يعاود يلم روحو
من فضلكم شكون تقولي السبب لي خلالي المقروط غملي في اسبوع
اختي 2 بلاطوات كبار تاع اكوشة قداه غميقة ندير سميد جاوبيني من فظلك
كبار طول ولا شوية ايذا كبار طول ديري كيما درت انا 2 فوا
بدون خمره او بكم باودر هذه العجينه ارجو الرد
نعم بدون خميرة اوبيكين باودر سميد وملح وفانيليا وسمن وفقط ،
اريد اشتري من هذا القالب وين الاقيه يا مسلمات الله يرضى عنكم انا مقيمة بالسويد 😢😢😢😢😢😢
مساء. خير. ختي. ختي. كتبينا. مقادير. با عربية. حطيها. عل. فديو. كتبينا. كفية. تحضير. با. عربية. حطينا. عل. فديو. خطر. في. صنوق. الوصف. كائن. لي مايفهمش. كي. تقري ة تعليق. تاعي. جوبيني.
3 كيلات سميد انا ستعملت نوعية( ماما متوسط )
3 مغارف كبار فرينة
كيلة سمن ناقس صبع وكمليها بزيت سمن انا ستعملت ( مدينة ) ملاحظة السمن ذايبة وبااااردة باه ميفسدلكش سميد تاعك
قرصة ملح + فاني
بسسيه ملييييح بيديك حتى يترمل وغطيه بسيلوفان وخليه يبات ليلة كاملة
الحشو
غرس مرحي وقرفة وطيب مرحيين بودر وجلجلانية محمصة حب ماشي مرحية وعجنيهم مع الغرس مع شوية ماء الزهر ومغرف سمن وشوية زيت وعجنيه مليييح
الطريقة
في كاس خلطي شوية ماذ الزهر وماء عادي وعجني السميد ليكنتي بسستيه اعجني بشوية وحشيه بحربوش من الغرس وطبعي بالطابع وعاوديه بالنقاش وكي تعمري لبلاطوات تاعك خليهم يرتاحو نص ساعة ومن بعد ابداي طيبي
وبالصحة والراحة وراح نولي نديرلكم ليروسات بصوتي انشاء الله حبيبتي مرحبا بيك في قناتي 🥰 🥰
ماشاء الله ربي يبارك يهبل ابعثيلي حبة نشرب بيها القهوة ههههههههه
@@meniarrahmouni3629 testahli hbbt 😚
@@meniarrahmouni3629 انا. خلاص. حبصت. اشتراك. باش. راكي. بعتولي. ليمساج. مانحب. حتى. وحدة. تبعتلي. ميساج. نشاراك. معها. لوكان. راهي. كتبا مقادير. عل. فديو. مي هي. ماشي. كتبا. ولو. حبصت. اشتراك. وحدة ماتزيد. تبعتلي. ميساج. لي. مشاركين. معها. 🙁
يعطيك الصحة ماشاء الله يشهي
واش درتي سمن ولا مرقارين
درت سمن حبيبتي سمن المدينة
الغرس وش نحط فيه من فضلك؟
غرس منقي ومرحي مع شوية قرفة وطيب مرحيين بودر وزيدي شوية جلجلانية محمصة ماشي مرحية ديري عينك ميزانك كيما تحبي نتيا وعجنيهم مع الغرس مليييح وشوية ماء الزهر حتى يولي الغرس طري ومعجون مليح وزيديلو مغرف كبيرة سمن
انا خدمت بهذا المول ،بصح لازم اناي عاودي فوق لي تري هذوك بالنقاش ،راهي،الرشمة،متبانش،خلاص،صدقوني
وي حبيبتي مام انا هكاك خدمت طبعت بالطابع ومن بعد عاودت بالنقاش باه تبان الرشمة باهية 😚
قداه درجة الحرارة لي نطيب بيها من فضلك
على حرارة 250 درجة حبيبتي
الغرس واش درتي فيه
قرفة وطيب مرحيين بودرة و جلجلانية محمصة ماشي مرحية هكاك حب ونعجنوهم مع الغرس ملييح مع شوية ماء الزهر ومغرف سمن
يا أختي كيفاش نعرفو راهو أشرب الماء اللى،يسحقو،
متعجنيهش كامل نحي شوية كيما درت انا فلفيديو قيش حفنة صغيرة بيدك وعجنيه بماء الزهر والما بارد عادي ومتكثريش متكونش طرية قيس ماتتلم برك
شكرا
يعطيك الصحة والعافية بصح اختي اكتبيلناا المقاادير على الفيديو الله يسترك
بإذن الله راح نولي نديرلكم الوصفات بصوتي باه تفهموني حبيبتي والمقادير راني كتبتهم على الكابشن شوفي ضرك تلقايهم 😘❤️
بلح او سكر خليتي بلقادير
ختي حطي المقدير ربي يسترك
راهم مكتوبين في صندوق الوصف
مشتركة جديدة
ماهو سر طراوة الغرس من الداخل راني كل مانديرو يتحجر لي الغرس بعد الطياب
لازم تعجنيه مليييييح بماء الزهر والزيت اعجنيه حتى يولي يتلاصق ولميه بالزيت وطبعا لازم نوعية الغرس تكون مليحة
ماركة تاع السميد الي خدمتي بيه من فصلك
سميد ( ماما متوسط ) حبيبتي وتقدري تخدمي ب (sim متوسط ) ولا كنزة متوسط يجي هايل بيهم
اذكري لمقادير اختي
المقادير مكتوبين على الكابشن اختي راني حطيتهم
من وين نتي ختي❤
الجزائر ولاية باتنة مرحبا بيك في قناتي 🥰
@@shaimaberbachi4328 عرفتك من باتنة حنا اللي نخدموه هكا اختك من باتنة حتى انا درتو هكا جا روعة بصح سميد كنزة
@@hossamyassr5187 متشرفين حبيبتي 🤗😚❤️
ما هو الفاني لاني من مصر
عطر الفانيليا
يعطيك الصحة ... مشتركة جديدة 🎉🎉🎉
ممكن نستعمل مولا خشن
مرحبا بيك حبيبتي في قناتي لا حبيبتي مولا ميصلحش للمقروط يشرب تبساس وييبسلك ديري ماما ولا سيم (sim)متوسط ثاني هايل
@@shaimaberbachi4328انا عندي كنزة تاع كيلو يصلحلي ؟تعيشي جاوبيني
@@sarafiras8330 وي حبيبتي كنزة متوسط يصلح روعة
@@shaimaberbachi4328 ربي يعطيك ويرضيك تعيشي حبيبتي
@@sarafiras8330 امين يارب ولك بالمثل حبيبتي ❤️