Жетісу облыстық мәслихатының кезекті XVI сессиясы өтті

Бүгін Жетісу облыстық мәслихатының кезекті 16- сессиясы өтті. Күн тәртібінде 5 мәселе қаралды. Онда 2024-2026 жылдарға арналған облыстық бюджетке өзгерістер енгізілді. Сондай-ақ, Жетісу облысының 2023 жылғы бюджетінің атқарылуы туралы мәселе қаралды. Айта кетсек, халықтың осал топтары үшін мемлекеттік бағалы қағаздарды шығару арқылы жалдамалы тұрғын үй сатып алуға 630 пәтерге 10,1 млрд теңге қаржы бөлінеді. Сонымен қатар, Кербұлақ ауданында 19 елді мекенде газ құбыры мен газ тарту желілерін салу жұмыстарын бастауға 21 млн теңге қарастырылған. Ал Алматы-Өскемен-Лепсі-Ақтоған автожолын қайта жаңарту жұмыстарын жалғастыруға жергілікті бюджеттен 5,7 мрлд теңге бөлініп отыр.