《CHILL CLUB Have A CHILL Live》July 31 - Anson Lo - Hey Hey OK!
HTML-код
- Опубликовано: 9 сен 2024
- 角度: S7 / Row H
正主: 撈豬
七七 嗰 “刀”, 傷到見骨! 每個人嘅死穴都唔同, 嗰刀刺中我要害, 直插入心肺, 傷到差 d 流血不止。喺昏迷期間, 身體啟動左自我保護系統, 將我嘅熱情度由花痴級別驟降至入門級別, 等自己冇咁難受, 同埋避免自己喺類似情況再發生時, 再受重創! 自己心靈, 自己保護。近哩一個月轉佛系後, 身心都輕鬆左~ 為左健康快樂, 冇辦法唔退落嚟, 企後 d!
一直好掙扎睇唔睇 CHILL Live - 心依然鍾意, 但唔敢繼續愛亦都熱情不再。平時最鍾意睇盧瀚霆跳舞, 如果喺現場近距離睇佢勁歌熱舞都撻唔返著團火, 咁就係時候放手喇… 結果… 我第一次好安靜咁睇晒成個 show! 盧瀚霆個表現好精彩, 但我睇完後情緒好低落, 接受唔倒自己冇左以前嘅激動 / 亢奮, 連一聲由心而發嘅叫囂都冇。可能我個自我保護系統保護得自己太好, 團火已經奄奄一息! 概然感覺冇左, 快樂不再, 就唔再燃燒生命, 時間, 金錢去追撈喇~
2024 年 7 月 31 號既 Have a CHILL Live, 可能係我最後一個坐前排嘅 show~
*** *** ***
新歌首唱, 好聽又好睇 - 咁精彩我都嗌唔出令我好低落...
影得好好！多謝你！
追星求快樂，唔快樂就休息下唔緊要，人生仲有好多快樂既野等緊你🥰
多謝你嘅讚賞
亦都多謝你明白我🫂
Thanks for sharing 😊
@@user-hp1fi7bs1y My pleasure 😊
Hello-Grace,我以為你今次無買飛去睇,過咗幾日都唔見你youtube有片睇,啱啱睇youtube先見到你嘅片又即刻入嚟睇啦！Lo🐽真係舞台皇者當晚狀態大勇連續跳唱4首歌都面不紅氣不喘,超正！Hey-Hey-OK首唱聽到現場氣氛好歡樂,隻舞嘅舞步編排輕鬆鬼馬俏皮,就算唔喺現場都全程跟住佢一齊UN呀！不過今次聽唔到你尖叫大嗌回應OKOK嘅？好似有啲唔慣呀！😅😅Anyway多謝你嘅分享.🙏
@@linko3620 多謝你成日都咁捧場 🙏🏻 你睇左條片底下段字就會知點解今次聽唔倒我嗌㗎喇 ❤️🩹
@@gracepoon7136點解嘅我唔係好明喎？我唔知你係因乜嘢問題搞到自己對Lo豬忽然間熱情驟降,係Lo豬得罪咗你又或者係關fanclub事？今年嘅77點解令你咁大轉變呢？好似你入面文章所講傷得咁重,我真係好好奇想知道發生乜嘢事要搞到你放棄再追捧Lo豬,我聽到都覺得好可惜！😥我想講如果唔關Lo豬事嘅希望你為咗佢三思一下啦好嗎？
@@gracepoon7136點解我嘅留言又唔見咗？我再重新留過啦,我睇過你編文章話經過77後重創,由追Lo最熾熱嘅情度減到最低真係不明所以？係咪Lo得罪咗你或者關fanclub事？講真我睇到你話今次最後一次花時間金錢追Lo個心真係有啲唔舒服同埋好可惜！😥唔通Lo真係唔值得你再去咩？佢喺多個專訪中都強調只要你哋開心佢就開心,要你哋快樂追星唔通佢講假話,是嗎？咁錫fans嘅一粒星點解你要放棄佢？除非問題真係喺佢度,如果唔係我真係諗唔到咩原因你要落咁嘅決定？Anyway咩原因都好我無權干涉,希望有朝一日你會重拾番對Lo嗰顆熾熱嘅心啦,祝你健康快樂！
點解留2次言都唔見咗嘅？你會唔會睇到我嘅留言？Anyway今年77發生咩事令你受咁重嘅傷？關Lo事定fanclub事令到你心灰意冷再提唔起勁追Lo？我知道咗個心都有啲唔舒服同覺得好可惜！我好疑惑可唔可以透露些小原因呀？若你唔方便講就算啦亦尊重你嘅決定,希望過一段日子你會重拾對Lo嘅熱度啦,祝福你健康快樂！
@@linko3620 我淨係見倒你哩個留言咋, 咁似乎之前兩次真係冇左～ 今年 77, 係我過去一年, 最悲憤既一日, 我唔介意講你知, 但唔方便咁公開咁講, 太多護旗手喇~ 可以講既係 - 我發現撈冇左我當初欣賞佢既 character, 仲有某 D 事令我好失望, 我接受唔倒... 哩個純粹係我個人觀感, 其他人可能覺得好少事, 但撈刺中既係我死穴~ 令你感到唔舒服, 好對唔住, 唔好意思 🙇♀ 我都覺得好可惜, 但緣盡就要放手...