我退出了。靚。其實都有分年代嘅

[@baileyyeung8656]

好多謝你咁老實講出呢啲說話，我覺得好發人深省，出黎影相就算風格out咗點都會有人走黎讚你，好多人都會捉住呢一兩句讚美黎撐住自己嘅存在感，其實心裡面知啲後生鍾意嘅相已經唔係呢啲風格，然後少生意就賴經濟差

[@EricKwokKaLun]

我最認同係，本身big day應該屬於記錄實況攝影，捕捉真情流露、難忘一刻、有趣一瞬！你要型要靚呢個屬於造型攝影！我明白每對新人在一個婚禮上所花嘅金錢好多，所以都盡量想影多啲特別嘅相片要型要靚，但係當攝影師專注地幫你影造型照嘅同事其實現場都同一時間發生好多事，你同班姊妹或者兄弟影緊相嘅同事你哋嘅父母呢？做緊啲咩緊張緊啲咩情緒係點？呢啲又值唔值得記錄影低佢。嗰一啲就係一刻一瞬間冇得再嚟過！咁你要記錄嘅係嗰一刻嘅氣氛、情感、氛圍定係只係要一張擺拍嘅(廣告)照？當然我知攝影團隊兩樣都可以兼顧到，所以呢個可能係我自己嘅固執，或者當係個人喜好啦，唔好意思我噏完廢話啦😂😂

[@josephkaiwahwang]

絕對認同，snap拍嗰陣存在感低，但啲相出咗嚟嘅時候，存在感就超高，以前做過一段時間兼職big day，雖然辛苦，但確實改善咗生活，當正職吃重嘅時候，就放棄做兼樴，但仍然樂於幫親戚朋友拍snap shot，同收錢做事完全兩回事，攝影師有攝影師自編自導自拍，我就做塘邊鶴拍花絮，有時用Ricoh/RX 100，有時用DJI Pocket，紀錄真實嘅一面，錦上添花。

[@ccppcceee]

我都係做婚攝，我同片主一樣鍾意影自然既野，
但現在風氣就係用盡每一秒set好哂表情姿勢位置，
最後每對新人既相都係罐頭一樣無新意，
但又理解咁做相一定多啲，新人亦鍾意呢啲。
不過見片主影既風格，
都係近期開始興返既風格，打燈唔太重執。

[@KWOKHEING]

認同, 好多人都由WEDDING轉去影小朋友. 新一代要求又唔同左

[@CWLam7788]

好認同你既分享，其他野唔講，依家手機睇一張相可能唔夠一秒，直倒為主。

[@kitzkwok]

可以諗下，而家結婚廿多歲嘅，
一出世已經玩緊Facebook，然後再玩IG，
一直都係從Like去成長，
由細已經有部手機影相影到大，
十年前我都有做婚攝，
有十年離開左，而家做媒體叫做拎番起相機，
已經發現十年前嘅風格已經唔work，
我睇番一啲同期嘅攝影師仲影緊呢啲我都覺得好老土，
而家嘅拍攝最好拍到佢地好似做緊戲咁，
似邊套戲或者邊啲memes佢地最鐘意，
第二就係直倒相，以前嘅九宮格構圖已經唔興，
後生仔女見你唔係直倒，放唔到IG簡直嫌棄，
二黎最好係即日俾到佢地放到上網，
所以婚攝呢件事已經唔同哂～

[@chanyiufung3077]

點都好尊重你決定！好多嘢係潮流、觸覺問題？真係難招呼；無絕對。

[@micazim]

幾有性格！我由80年代尾就拍攝婚禮到今時今日只影朋友同介紹（不接街客）

[@wingwsw]

其實今日嘅攝影師著重後製、
現場拍攝有個成像之後、
再調光、調色！
什致改變成個畫面！
以前的是即場用燈光閃燈去做效果、
後製就好少！
冇話邊個啱或好！
最終只係受眾決定！

[@JACKU2012]

我想做商業的攝影、拍片，感覺更好玩，更多元化。
人物＋大景的Pre wedding相，我幾抗拒，靚係堅靚的，但係好唔實在，似明星多過似自己。🤣廿年前已經興，依家都有仲有人中意。

[@TRex_2514]

能夠做到急流勇退 的確唔易

[@kaiyau516]

理解了解時代如滚輪 審美也在變

[@samyu9779]

這個時代只要罐頭, 沒有多少機會吃過米芝連, 所以看到米芝連的海報跟佢就可以......

[@davidcheng7575]

呢個年代你同我都唔夠錢餐餐食米芝蓮啦