خالد ال بريك - وين انت ياقرب طريق تودي الديره - كلمات عيضه الثبيتي 2023

‎لايك للفيديو + إشترك معنا
subscribe + Like
‎فعل الجرس 🛎
‎ليصلك كل جديد✔️
..
وين انت ياقرب طريق تودّي الديره؟
ياطيب ليل الشتاء لا ذعذع اْبراده
يهيّض اللي سرى الهاجس بتفكيره
مسرى سحابً سرى برقه ورعّاده
تستاقه الريح من منشاه واْتديره
والصبح عنه العسوس اْتجيك نشّاده
يامطول الليل والصبح و تباشيره
ماهو قريّب وصبري ماقصر ماده
محتاج لي موترٍ مايفصل أمبيره
واحتاج لي (خط سيده و اْقْهوه ساده)
ياللهً لعل السعد و الخير و الخيره
فيما كتبه الله المعبود و آراده
أما كلامٍ قبوله كثر تقديره
والّا ترى الصمت طاعة رب وعباده
من لا تسلطن كما النعمان فالحِيره
قدّامه الناس ذوّيقه و نقادّه
يعيش فالقاع و العج و معاصيره
من لايشوف الجبال الشم سجّاده
من بين الامرين أخذ واحد ولاغيره
أما ارفع الراس والا زيده وساده
واللي مايقدر يشيل شداده بعيره
ينحر بعيره ضحى و يكسّر شداده
لا اطعمت مر الحياه وزادت الحيره
تقدر من المُّر تصنع سكر زياده
الكفو للطيب تستاقه سعاطيره
شروى كريمٍ قراح العز ميراده
بخيت ابو مرحبا واقلط كثر خيره
اليا نصوه النشاما ثالث أعياده
ذخر نوار ابن راقي طيّب السيره
يقدح من الراس طيب و يقدح زناده
لو يفني المال مايحسب مخاسيره
الطيب من راسه وورثٍ من أجداده
شيخٍ يحط الطلّي ويقول تصبيره
ويقدم الحشو مثل الكيف وقناده
من كثرة ضيوفه وكثرة خطاطيره
الخط لامن فضي ماهو على العاده
من جاوره يعرف الجيره وش الجيره
في كل ميقاف راسه نار وقّاده
عقّب لنا حرً أشقر من مواكيره
ياحي ابو راشد و يامكثر أمجاده
دون المواجيب ماقدّم معاذيره
وتحصّله فالوعد قدام ميعاده
الله يحفظه من الايام ويجيره
منصى ومرسى وقول وفعول ورياده
قثاميً مـ أخذ الطيب بحذافيره
ماينقص من الوفاء لن كان مازاده
اكبر مهمه بعينه حبة اْشعيره
واللي يبى يعانده ويله من عناده
لاد القثامي هل الفعل ومناعيره
في كل موقف تراهم سادة الساده
اليا اعتزوا والوعد مافيه تاخيره
قدامهم راية العبود منقاده
اليا لقي خصمهم لفّه و تدويره
يقضب طريق الخلاص ويلزم الهاده
يزبنهم اللي همومه جاته اْمغيره
واليا نسى الموت يذكر عيد ميلاده
عيضه الثبيتي