نائل مظفر. زنجيل الحب الاول
HTML-код
- Опубликовано: 8 фев 2025
- الحب الاول ... لـ نائل مظفر
لأنك بالتزامك ... مو من اهلك
اخاف تشيل ذنبي ... مو من اهلك
منو بگدي يحبك ... مو من اهلك
منو بگدي يحبك ... من عشرتك
وتمنه يصير اصبع ... من عشرتك
وانه شگضيت خايب ... من عشرتك
اعد بسنين عشرتنه ... وهي جروح
وحس ويه النفس يطلع ... وهج روح
واخيراً گتلي ودعني ... وهج روح
اروحن وين ماگدر ... هوه انته
وانه الماهان من اجلك ... هونته
الي بدنياي شي واحد ... هو انته
وحرت بين ان تركته ... وان تتبعته
وانه الونيت والون ... ون تبعته
ماباعك حبيبك ... وانته بعته
حبيبك باع عمره ... واشترك بي
وحزن گلبه اعله حزنك ... واشترك بي
بعد شتدوس گلبي ... وشترك بي
جبل حبه وتگلگل ... لن تگل بي
يادنيا شما دفعتي ... لن تگلبي
واذا تنسا يگلبي ... لانته گلبي
ولاريدك بعد وبصدري ... احملك
حبيبي شلون ترضه ... بصد رحم لك
اذا حملك يتعبك ... بصدري احملك
الي وروح الارض وشگد ... دولها
وتداوي الداء لو بالمخ ... دولها
بس العين مايحصل ... دوه الها
دواها العين خلها ... من تقر بي
وتصب كل ماتشوفك ... منته قربي
ولك شيصير حبك ... من تقر بي
وتحبني انت يقين ... بصدري مو شك
الف شوكة السكوت ... بصدري مو شك
انذبح گلبي وتشضه ... بصد رموشك
وعرف محد يدفنه ... وشي دفن شي
وعگب صده المواگد ... شي دفن شي
كفر من رسم غيرك ... شي دفنشي
واظن للجنة يدخل ... من يرسمك
حبيبك يمسح اسمه ... من يرى اسمك
بسمك حبي جمالك ... من يرى اسمك
وانه الليل بعيونك ... شفته كحله
وشفت شمس الاصيل ... وشفتك احله
العسل من ضگته گلك ... شفتك احله
اذن لو من شفاهك ... بستك اشفه
اذا انت المات يعدل ... بس تكشفه
شتظن حبك يضعفك ... بس تكشفه؟
وعليّ تخفي اهتمامك ... واكتراثك
وانه المن مات گلبي ... وكتي راثك
نسيت الحب الاول ... واكتراثك
صدگ ينسه تراثه هسه ... جيلك
وتشوف سواجي عيني ... هسجي لك
وانادي وما تگلي هسه ... اجيلك
صحتلك يا وصارت ... كبري يـائي
واذا رائيت بالشط ... كب ريائي
حبيبي شلون تجرح ... كبريائي
وتذلني گبال كل ناسك ... وناسي
وبقيت بصحره شاتلني ... وناسي
ناس تگول لا تسكت ... وناس اي
لأن كلش مذلتي ... لاگتلهم
وجبل حبي المقدس ... لاگه تلهم
گالوا حيل ذلّك ... لا كتلهم
عناية احتاج گلبه ... وجاي اعاني
وخفيت شكثر منك ... جاي اعاني
تمرمرني من ازورك ... جايع اني
شكثر ندمان چي بيتك ... عتبته
وعرفني الباب من دگتي ... وعتبته
عتابي وياك چي احبك ... عتبته
گلبي شلون يمهم ... وكسرته
اسير وذل شجالك ... وك اسرته
قبل جانت اسرتك ... وك اسرته
اسرتك هسه سمتني الضحية ...
الله من جنت بالاقسام الداخلية ب 2007 اسمعها يومية 10 مرات هلكد ما احبها من أروع ما سمعت ايباااااه وين رجعني الزمن😢
اقوى ابوذيه سمعتها هاي كل ما يتقدم يقوى المعنى ميضعيف عكس باقي الشعراء فعلاً مبدع👏👏
كنت أسمعها مع أخي رحمه الله
ذكريات جميلة مع قصيدة ولا أروع
احلى شعر سمعته من ذاك اليوم لليوم وحافظته كله
اول مره بحياتي سمعتها جان ب٢٠٠٧ يمكن جنت مههوس بيها
صح السانة طيب الله أنفاسك جميل جدااااااااا
نائل لمطفر احد طلاب الشاعر الكبير كاظم الثعالبي
احلا شعر سمعت قبل ١٠ سنوات
حيل بسنة ٢٠١٠ سمعته وجنت حافظتة كوله 🥺
ولسه حافظتها موو
@@k_98 جزء منها بس 🥹
@@alhijran_ واكيد رسلتيها من شخص عن طريق البلوتوث.. لان بذاك الوقت بعده النت مامنتشر بكثره بالعراق
رووووووووووووووووووووووووووووووووعه
اي والله صح السانك❤🌻❤🌻منور 🌷ورده⚘🌺🌷❤🌻بدااااااااع🌻رررررراااااااقي❤🌻🌻🌻🌻❤❤❤❤❤🌻🌻🌻💙💙💙💙💔🌻🌻🌻
يجنن
شنو معنى جبل حبه وتكلكل لن تكل بي
جبل حبك وتكلكل معناتها ضل يهتز الجبل وينحدر.. لان تكل بي معناتها لان تاخذ منه وتشيل منه..
اول شاعر سمعتله ♥
ابداع والله
آللـه آللـه 🥺
روووعة
وانه الليل بعيونك... شفته كحله
وشفت شمس الاصيل... وشفتك احلة
العسل من ضكته كلك... شفتك احله
اذن لو من شفاهك... بستك اشفه
اذا انت المات يعدل ... بس تكشفه
شتظن حبك يضعفك.... بس تكشفة 💔😪
توجع
صدك ولله
اقوه قصيده سمعتها
لااكو اجمل واقوه
جمال
نائل ع كيفك ويا گلبي
الله الله
اخوان منو يعرف اسم الموسيقى اما الشاعر الراقي معروف
شي دفن شي
وحبيبك يمسح اسمه من يرى اسمك
صح السانة طيب الله أنفاسك جميل جدااااااااا
اي والله صح السانك❤🌻❤🌻منور 🌷ورده⚘🌺🌷❤🌻بدااااااااع🌻رررررراااااااقي❤🌻🌻🌻🌻❤❤❤❤❤🌻🌻🌻💙💙💙💙💔🌻🌻🌻