Adolat timsoli | Umar Ibn Hattob iqtiboslari | Ilm nuri media

#hikmatlar xazinasi #kun hikmati
Adolat timsoli | Umar Ibn Hattob iqtiboslari | Ilm nuri media
Umar Ibn Al-Xattob Al-Foruq (Umar ibn Xattob) (taxminan 584-yil - 644-yil) - dastlabki toʻrt xalifadan ikkinchisi (hukmronlik yillari 634-644), jannat bashorati berilgan 10 ta sahobalardan biri. Shuningdek, Buyuk Umar nomi bilan ham mashhurdirlar. Asli Quraysh qabilasining Banu Adi sulolasidan. „Xulafa ur-Roshidun“ („Toʻgʻri yoʻldagi xalifalar“) nomini olgan xalifalardan biri. Islomni taxminan 616-yili qabul qilganlar. Payg'ambarimiz Muhammad sallollohu alayhi vasallamning yaqin safdoshlaridan biri, u inson olib borgan barcha janglarda qatnashganlar. Abu Bakr oʻlimidan avval Umarni oʻz oʻrniga tavsiya etganlar. Umarning xalifalik davrida islom Iroq, Suriya, Misr, Liviyaga tarqaldi. Eron hududlari xalifalikka qoʻshildi. Arab-musulmon saltanati tarkib topa boshladi. Uning davrida barcha asosiy maʼmuriy-huquqiy muassasalar, avvalo soliq-oʻlpon tizimi tuzildi. Bu hol Umar xalifa unvoniga birinchi boʻlib qoʻshimcha amir al-moʻminin (moʻminlar hukmdori) unvonini qabul qilishida ham ifodalandi. Umar yangi musulmon yil hisobi - hijriy yil taqvimini joriy etdi. Sunniylar tarixiy anʼanasida Umar risoladagidek hukmdor, yaʼni taqvodor, musulmonlarga nisbatan adolatli, dushmanlariga nisbatan shiddatli inson sifatida taʼriflanadi. Uning davri islomning „oltin asri“ deb ulugʻlanadi. Umar nabiyimiz Muhammad sallollohu alayhi vasallamning Madinadagi qabri yoniga dafn etilganlar. Umar ibn Hattobdan soʻng Usman ibn Affon moʻminlarga amir boʻladi.