Bizning nimamiz bor mehrdan bo'lak...

Aka, bir zumda umrimiz o'tyapti,
Bizning nimamiz bor, mehrdan bo'lak?!
Tomiriga tugun qilib ko'myapti,
Iztiroblarimiz berkitgan terak.
G'amlar ulg'aytirdi bizni juda tez,
Hayot sinovlarga ayamay otdi.
Tushunolmay qoldik, qay mahal qay kez,
Adolat ko‘ksiga xanjarlar botdi.
Aka, qanday tog' bor mehrdan bo'lak,
Shugina tuyg'uga suyandik, o'sdik
Qaro kunimizda bo'lishib tirgak,
Kelar balolarni yo'lini to'sdik.
Kemtiklar o'rnini yopdi qanoat,
O‘ylovlar yelkangni ezib qo‘yardi
Kichik ko‘ksingdagi ulkan muhabbat,
Ota maqomidan baland turardi.
O'tkir nigohlaring edi to'g'ri yo‘l,
Har bir qadamimni o'ylab bosardim.
Haqda adashtirguvchi tuyg'ularni
Bittalab sirtmoqqa tortib osardim.
So‘rar eding, har kun qayta-qaytalab,
Nima kerak singlim, olib kelardim.
Qiynab qo'ymay deya seni avaylab,
Faqat bir nima deb kulib qo'yardim.
Qochardi, tutolmay yetolmasdik hech,
Yaxshi kunlarni biz quvib yurardik
Ne o'tsa o'tardi boshimizdan lek,
Oriyat bayrog‘in baland tutardik.
Aka, tarozini halol deya aldandik,
Iztiroblar o‘zga shaklga ko'chdi.
Yaqin insonlarni erta boy berdik,
Yaxshi kunlarimiz qimmatga tushdi.
Eng baxtli onimiz ekan o‘shal dam,
Armonlarning boshin egaylik, aka.
Sirtida g‘arib-u, ichida hasham,
Qadrdonlar kunlarga qaytaylik, aka.
Otamning diydoring qumsayman yana
O'tganlar yodiga yog'du solib kel
Hech narsa kerakmas, faqat bir nima
Yashashga kuch bergan mehrni olib kel...
✍️🎙....

[@ozodamaxamatova-sy2bs]

💞

[@JvjfIvuf-lb3hg]

Men akamlardi juda juda yaxshi koʻraman 5 ta akam bor.