Shpërthimi në Ujman, flasin ekspertët: Tendencë për frikësim nga qarqet serbe
HTML-код
- Опубликовано: 15 окт 2024
- #KosovaPress #KosovaPressLive
Hedhja e mjetit shpërthyes në liqenin e Ujmanit, në momentet që po laheshin qytetarët e Kosovës ditën e djeshme po vlerësohet nga ekspertët e sigurisë si tendencë për frikë nga “mbeturinat” e krimit të organizuar të lidhur me qarqet e caktuara serbe e deri te presidenti i Serbisë Aleksandar Vuçiq.
Të njëjtin, e vlerësojnë si një akt terrorist, i cili sipas tyre nuk ka lidhje aspak me rastin e policit serb të vrarë.
Eksperti i sigurisë, Avni Islami përmes KosovaPress-it inkurajon të gjithë qytetarët që ta shfrytëzojnë Ujmanin dhe të mos bëhet shkak një akt i tillë dhe të stopojnë vizitën e tyre në liqen.
Ndërsa, sipas ekspertit tjetër Nuredin Ibishi duhet të theksohet prania më e madhe e policisë, KFOR-it dhe EULEX-it, me qëllim të parandalimit të këtyre rasteve që sipas tij mos të ekzagjerohen në forma të tjera.
Ndaj këtij akti ka reaguar edhe kryeministri i Kosovës, Albin Kurti, i cili ka thënë se “Serbisë dhe qarqeve të caktuara mike me të, nuk iu leverdis normaliteti i krijuar në atë pjesë të vendit tonë. Duke e humbur ndikimin në këtë zonë, nervozizmi u bëhet agresivitet”.
Kurti, ka thënë se institucionet e sigurisë do të zbulojnë aktorin apo aktorët e këtij sulmi kriminal dhe do t’i sjellin para drejtësisë.
Policia e Kosovës, sot ka njoftuar se në vazhdën e hetimeve në lidhje me rastin e shpërthimit në afërsi të Ujmanit, rreth orës 21.00 ka bastisur një shtëpi në zonën e Zubin Potokut.
Zëvendësdrejtori i Policisë së Kosovës për rajonin e veriut, Veton Elshani i ka thënë KosovaPress-it se gjatë bastisjes policia ka sekuestruar në mes tjerash edhe tri radiolidhje dhe një veturë.
Nga ky shpërthim janë dëmtuar së paku dy vetura, ndërsa të lënduar nuk ka.
Lajmi i plotë në sistemin me parapagim.
KosovaPress iu ofron shërbimin e përditshëm të lajmeve (7 ditë në javë) nga Kosova, rajoni e bota, në fusha të ndryshme të veprimtarisë . Servojm lajme e raporte për zhvillimet në Kosovë dhe për Kosovën, kemi informacione për ngjarjet në rajon dhe botë. Në rast të arritjes së marrëveshjes, specifikat tjera të shfrytëzimit të lajmeve të KosovaPress-it, janë të shënuara në kontratën, e cila do ta finalizonte ofertën tonë dhe interesimin tuaj. Lajmet e Kosova Press-it janë në dispozicion edhe në gjuhën angleze.
Që të informoheni më shumë vizitojeni www.kosovapress.com
kosovapress.com/
Facebook: / kosovapress
RUclips: / kosovapressofficial
Twitter: / @kosovapressi
Instagram: / kosovapressofficial