GWAJIMA AMVAA DK MOLLEL SPIKA AINGILIA KATI 'ANAJIBU KITAALAMU'

Spika wa Bunge, Tulia Ackson, amekubali uwezo wa kitaalamu wa Wizara ya Afya baada ya Naibu Waziri wa Afya, Dk Godwin Mollel, kutoa majibu ya kina kuhusu matumizi ya teknolojia ya Crispr-Cas9 katika matibabu ya magonjwa ya Selimundu.
Katika majibu yake ya swali la nyongeza lililoulizwa na Mbunge wa Jimbo la Kawe, Askofu Josephat Gwajima aliyehoji wizara imejiandaaje kuleta muswada Bungeni ili kuleta sheria maalum itakayoongoza watu wanaofanyiwa Gene Editing.
Dk Mollel ameeleza jinsi teknolojia ya Crispr-Cas9 inavyoweza kufanya uhariri wa jeni (gene editing) kwa usahihi mkubwa bila kuathiri maeneo mengine ya mwili. Amefafanua kuwa teknolojia hii ni ya kisasa na inatarajiwa kuwa na mchango mkubwa katika kutibu magonjwa ya kurithi, yakiwemo magonjwa ya seli mundu.