Попов Петр Егоровичтыын "Туойдаах Алаас» түмэлгэ Элгээйи спортсменнарын кытта көрсүһүү, 21.03.2024
HTML-код
- Опубликовано: 20 авг 2024
- Бүгүн кулун тутар 21 күнүгэр Элгээйи нэһилиэгин историятын үөрэтэр "Туойдаах Алаас" түмэлгэ биир дойдулаахпыт, көҥүл тустууга ССРС спордун маастара, сахалартан бастакыннан Сэбиэскэй Сойуус эдэрдэргэ үрүҥ көмүс мэтээлин хаһаайына, Арассыыйа 1965 сыллаах күрэхтэһиитин чөмпүйүөнэ, "Кылбаҥнатан тустар уол" диэн норуот таптаан, сэргээн ааттаабыт тустууга Пётр Егорович Поповтуун көрсүһүү буолан ааста. Көрсүһүүгэ нэһилиэкпит успуордун сэҥээрээччилэрэ, ветеран спортсменнар уонна түмэл үлэһиттэрэ көхтөөх кыттыыны ыллылар. Петр Егоровичтыын атах тэпсэн олорон ирэ-хоро кэпсэтэн, уруккуну-хойуккуну ахтыһан, түмүгэр нэһилиэк дьаһалтатыттан баһылыгы солбуйааччы Аркадий Самойлов, "Туойдаах Алаас" түмэл салайааччыта Айгыына Игнатьева махтал суруктары уонна өйдөбүнньүк кинигэлэри бэлэх ууннулар. Инникитин Петр Егорович түмэлбитигэр бэйэтэ түһэрбит урукку хаартыскаларын бэлэх уунуох буолла.
Биир дойдулаахпытыгар чэгиэн туругу, кытаанах доруобуйаны баҕарабыт.
Анна Серафимовна Иванова