Ана тилим. Дудов Мусса.

[@baydimatkecherukova8664]

Аламат назму тизгинле!

[@Dzindzadza01]

А можно слова этих стихов ?

[@amaliyagor6263]

Къадау таш бла мийик кёкден джерге енген,
Уллу Камдан, Къобан суудан эмчек эмген,
Миги Таугъа ат беллинде сермеб минген,
Ана тилим, санларыма къанлай синген
Атилланы джылкъыларын сюрюб озгъан,
Чингисханны буйругъуна ярлыкъ джазгъан,
Итил сууну джагъасында къазан асхан,
Ана тилим, джюрегиме мухур басхан.
Джибек Джолда миллетлеге тилманч болгъан
Тюркистанны байрагъына къумач болгъан
Хазналарынг, джаухарларынг къулач толгъан,
Ана тилим, джюрегиме джубанч болгъан
Кёзюуледе Къытай Хуна тыялмагъан
Ёсюмюнгю тарбууунга джыялмагъан
Чемерлигинг арымагъан, не талмагъан,
Ана тилим, ёзегиме таймаз дагъан.
Ай, келигиз кесибизни онглатмайыкъ
Бабаланы мамалагъа хорлатмайыкъ,
Эсибизни кеси къолдан елтюрмейик
Асланланы киштик ашда ёсдюрмейик
Ёзюбюзню, сёзюбюзню унутмайыкъ
Бёрюбюзню тюлкю кибик улутмайыкъ,
Тилсиз акъмакъ керти оноу этердими?
Дисней баппакъ таулу къушну джетердими?