فلوق تخرجي من كلية الهندسة | حققت حلم والدتي 💔

چانت صعبة بس چنت گدها
چانت رحلة مليانة بالتحديات والصعوبات
كلشي بلش بدموع وخلص بدموع حققت حلم امي اللي چانت تحلم بي كل عمرها حققت اكبر امانيها وهي بآخر لحظاتها بالدنيا ..
قبل اربع سنوات تقريباً وقبل لتتوفى امي ب ١١ يوم طلع قبولي بكلية الهندسة وچانت من اخر اخبار الدنيا اللي تاخذها من عند والدي .. بشرها وگللها تحقق حلمچ وحدة من بناتچ دخلت كلية الهندسة ورح ترفع راسنا وبعدها ولله الحمد صار عند والدي ٣ طالبات بكلية الهندسة بس امي م لحگت عليهم .. م چانت ويانة اليوم حتى تشوف شحققنا وشصرنا م چانت وياية حتى تشوفني شصرت ..
ماماتي اني اليوم مهندسة تخرجت وحققت حلمچ حبيبتي .. م رح اوگف هنا لا حتكون هاي بداية الطريق حتكونين بين عيوني بكلشي وين راح اوصل حيكون بسبب حبچ ودعمچ اللي چان ماماتي حيكون لاجل طموحچ اللي چان حبيبتي ..
باباتي احن اب بالدنيا واطيب اب اللي انطى كلشي عندة لأجل نوصل ونصير م راح تعبك باباتي لا تعبك انتج مهندسة حترفع راسك بيها مثل ما هي رافعة راسها بيك وعايشة بعز وفخر بسببك .. الله يكتبلنا ونردلك شوية من اللي تسويه ويانة .. الاب اللي ضحى وصارلنا اب وام واخ وصديق وحبيب .. قوي وشامخ مثل الجبل علمتنا شلون نصير وصرنا باباتي ..
عائلتي اللي ماكو مثلها بالدنيا كل مشاعر الحب والامتنان الكم فرداً فرداً احبكم اكثر من كلشي بالدنيا الشي اللي دنوصله بسبب حبنا لبعض وترابطنا قوتنا احنه مثل شخص واحد مو عائلة من ١٩ نفر ..
اصدقائي اللي وگفو ويايه وچنتو داعمين الي بدراستي انتو عائلتي الثانية اللي بسيڤاس شكراً الكم ..
الناس اللي متابعيني واي شخص اسعدني بيوم ولو بكلمة صغيرة شكرا الكم ..
اهدي تخرجي لروح امي حبيبتي ..
للتواصل معي على الانستا @alaasalih98
للدراسة في الجامعات التركية
00905058058254
او على الرابط التالي :
wa.me/message/...
او على الانستا @monhanatr
او على قناة التليغرام :
t.me/monhana