Batbolд Batsukh Sanaad baihiin uchir yu ve Батболд Батсүх Санаад байхын учир юу вэ

Шүлэг: М.Цэрэнтогтох
Хөгжим: Б.Дамбадаржаа
МУГЖ Б.Батболд
СТА Г.Батсүх
САНААД БАЙХЫН УЧИР ЮУ ВЭ?
Бургасан шилбүүр унаад тоглож гүйсэн дэнжээ
Бодол сэтгэлээ тольдон ундаалж өссөн рашаанаа
Буйр сэлгэж нүүдгүй нутгийн буурал уулсаа
Буйдхан бэлээр нь дурайсан торгон тоостой замаа
Санаад байхын учир юу вэ?
Санаад байхын учир нь юу юм бэ?
Сүү хөөрсөн үдшээр долоон бурхан түгээд
Сүрэг хэвэх чимээг сар даган нүүгээд
Аргалын цэнхэр утаа нарны цацраг сүлжээд
Амар мэндийн аялгуу сэтгэлд хөврөх нутгаа
Санаад байхын учир юу вэ?
Санаад байхын учир нь юу юм бэ?
Буян хурсан нутгаа нар зөв тойроод
Буурлын голомт бууриндаа ханаа шийрлэн тухлаад
Уулын энгэр бүрхсэн буянт сүргээ өсгөөд
Ухаанаар ундарч яваа аав ээж хоёрыгоо
Санаад байхын учир юу вэ?
Санаад байхын учир юу нь юм бэ?