خدينة الروح | كلمات : حمود بن خلف | اداء : ماجد خضير

يا خدينة روحي اليا طال صمت الروح غنّي
واستفيقي كلّ ما هب الهوى منّا ومنّا
ادري انك ذابله من طول هجري وادري إنّي
نرجسيٍ ما يغنّي لو يشوف الطير غنّا
منعزل لكنّ هقوات النشاما ما اعذرنّي
الهقاوي والمناوي يا خدينه طاولنّا
عندي اهداف وطموحاتٍ ما تِبلغ بالتمني
والولد ما يَبلغ الطالات لا قام يتمنّا
الحياه ظروفها تمشي على شيعي وسني
من بطشها عاش واللي ذلّ منها ما تهنا
يالله احلل عقدة لساني وشد ازرني واعنّي
واجعل اسمي للفخر لا قالو اهل الطيب حنا
الحمايا تشعق المنعور وتطوف المدنّي
ما تبى الا واحدٍ في شفّها دايم معنّا
الكفو يشتال كل حمول ربعه بالتبنّي
والردي ما شال حمل الا على سطحه ودنّا
وآللي ليا فاته الميقاف سوا يعني إنّي
ودك انه مع خواته ينقش كفوفه بحنّا
لا لقيت اللي يشوف اللون الابيض لون بنّي
قلت لا تسبر فعول الطيبين وتمتحنا
وانت يا محمد ولد مسفر على خبري وظنّي
هيلعيٍ فالمواقيف العظيمه ما تونّا
ما معك خاتم سليمان ويهابك كل جنّي
وابسط حقوقك ليا سمّوك مزبان المجنا
لن تعنّا يمّك المكبوت ما راح متعنّي
تثني كبار الخطوب وعظم ساقك ما تثنّا
تستحق المدح والتمجيد والتبجيل منّي
وافتخر بك وأشحن اللي لا تكلّم ما شحنّا
ذخر شيخٍ يمّه بيوت المدايح ما تونّي
يعمر بيوت القصايد والبيوت اللي تبنّا
انت اخو مطلق ومطلق كل وقفاته شعنّي
سيرته وضحاً فريده ماهي بخنبا ودنّا
ازبنه واخذ لزوم اللي من الدنيا زبنّي
واعتزي به واتغنّا بالفعول اللي تغنا
كل ما كبرت وجيته راحت ظروفي هبنّي
العطاوي من تعزوا به ما يشكي من زمنّا
والخراريص اسمهم يجعلني أُباهي لأنّي
آعرف ان تاريخهم فالمرجله نارٍ تسنّا
مقدم الروقه وركن عتيبه ورمحٍ مطنّي
عاد حنا يا عتيبه ركن ثابت من وطنّا
آشرب الفنجال مع طاري فعايلنا وآثنّي
( مجدنا بالعز يندا مثل ما يندا صحنّا ).
حمود بن خلف