慈善星輝仁濟夜｜思捷麥包組280歲男團上陣 婉婉探訪再與受助者同台演出
HTML-код
- Опубликовано: 8 янв 2025
- 慈善星輝仁濟夜｜思捷麥包組280歲男團上陣 婉婉探訪再與受助者同台演出
年度大型籌款節目《慈善星輝仁濟夜》星期六晚就會舉行，當晚翡翠台亦會直播演出，呢日嘅記者會更公佈表演陣容， 而由 李思捷 麥長青 黃智賢 曹永廉 同 唐文龍 組成《Hey Brother》亦會初登場，思捷同麥包仲話已經足足準備兩年咁話。
加埋足足有280歲嘅佢哋，麥包仲笑指可以嘗試申請世界紀錄，因為相信唔會有男組合加埋咁大年紀先出道咁話。佢仲話幾位成員都係唱得又跳得之人，想睇就記得留意當晚節目喇。
而 車婉婉 早前就親身探訪，當晚亦會同受助者一同演出，早前佢就帶埋囝囝一齊飛到美國登台，騷後順道探訪哥哥，仲過埋白色生日，所以話2024年嘅美滿收尾呀。入圍台慶頒獎禮最佳主持嘅婉婉，又話入到最後五強已經當攞獎，而假如真係有幸得獎，就會係完美嘅生日禮物呀。
張馳豪同婉婉一樣有探訪受助個案，而Plan V嘅幾位成員就會同中學生大合唱，多人合體希望可以令善款節節上升呀。
#慈善星輝仁濟夜 #李思捷 #麥長青 #黃智賢 #曹永廉 #唐文龍 #HeyBrother #車婉婉 #美國登台 #生日 #台慶頒獎禮 #最佳主持 #提名 #李茵彤 #候雋熙 #彭家賢
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
麥包歸隊👍👍👍👏👏👏
期待Aska ❤️❤️
一班半百大叔合組嘅Hey Brother成團都引人注目，其實大台都有好多畀高層忽略嘅職藝員都好有才華，包括過去一年半陸續傳出裁員嘅粤語配音組(雖然其中有幾位係冇條件留低，不過唔知點解梁偉德、黃鳳英嘅德性竟然仲可以留低？)，包括招世亮、關令翹就有舞台劇演出經驗，林元春嘅歌藝亦係出色！👍👍👍👍👍👍👍
期待Aska 演出👏🏻👏🏻👏🏻
冇steven ？
黎文傑肥咗好多，要Keep Keep啦
青黃不接大台新人跟本冇本事擔大期又係要搵返D老餅返嚟
只有少數人有水準接班包括廖家爵、阮浩棕、張詩欣、尹詩沛等，好多後輩仲未有足夠水準上位。🤔🤔🤔🤔🤔🤔🤔