Bawipa Nih A Hman Ti Lomi Khrihfa Bu Nan Si Ve Sual Maw - Ord. Pst. Hoi Cung Tum

Nihin ah a ram in Pathian nih mi a hmang tilo. Khrihfa bu chan ahcun a ram in Pathian nih mi a hmang ti hna lo. Khrihfa bu tu in a hman cang. Khrihfa bu tampi umnak ram tu kha Pathian nih a hman tikah a ram in Bawipa nih a kan hman kan ti tawn. A ram in si loin pumpak in le Khrihfa bu tu in Bawipa nih Khrihfa bu chan ahcun mi Thlarau tlau a kawl cang.
Atu na umnak Khrihfa bu hi cawnpiaknak hmaan aa tlaihmi le zumhnak nung aa tlaihmi Church nan si ve taktak maw? Bawipa nih a hman ti lomi, lenglang sawhsawh in tangka a tamnak, milu an tamnak le Pastor hmaan lo an umnak Khrihfa bu hoi hna ah member na si ve sual maw? Bawipa nih a hman tilo mi, a kaltak cang mi Church hoi nan si sual maw? Bawipa nih a hman tilo mi Khrihfa bu cu Thlarau tlau an kawl tilo, nuamhnak le laarnak tu in an kal. A cheu cu tthanchonak tu biapi ah an chia. A ruang bik cu an chungah biatak a um lo caah a si.
Milu an tlawm an tamnak nak in biatak a luang maw luang lo tihi kan zoh zungzal ding a si. Mah cucu a biapi taktak.
Video credit: Calvary Chin Baptist Church, Hakha