星光路上｜姚子羚入行前曾做過啤酒sales 揚言要同胡定欣公平競爭視后
HTML-код
- Опубликовано: 9 фев 2025
- 星光路上｜姚子羚入行前曾做過啤酒sales 揚言要同胡定欣公平競爭視后
入行超過20年嘅姚子羚，呢日作客《星光路上》同主播 潘盈慧 傾下偈，曾經分享過入行前做過文職，但原來姚子羚仲打過一份好特別嘅工，就係啤酒銷售員，不過就唔係大家想像中嗰種短裙啤酒妹，而係着晒長褲喺酒店推銷啤酒，子羚話工作輕鬆，人工又唔錯，絕對可以話係筍工。
講到入行經歷，原來起源於追星，當年視F4為偶像嘅子羚，為咗F4參加廣播劇比賽，除咗贏得同F4一齊演廣播劇嘅機會，亦都因此入行。
初初入行做主持嘅子羚，因為已故導演錢國偉，而拍咗人生第一套劇集《當四葉草碰上劍尖時》，當年成班年輕演員一齊去到塞班島拍外景，而家諗返起都覺得好開心。
而《棟篤神探》就令子羚對演員身份有更深入嘅認識，其中有場戲，講子羚被郭峰餵毒，搞到成頭成面都係白色粉末，性格倔強嘅子羚因為唔想屋企人擔心，拍完場戲返到屋企一路強顏歡笑，但一入到廁所沖涼就忍唔住喊。
而啱啱播完大結局嘅《反黑英雄》，子羚嘅演技更加受到肯定，尤其佢同張振朗嘅感情線令人睇得好心痛，大家都睇好子羚有機會衝擊視后，不過佢自己就話對獎項抱平常心，仲搞笑話要好姐妹胡定欣千祈唔好讓賽，話要要同佢公平競爭喎。
另外講到子羚，大家一定會諗到佢有個花名叫表哥，子羚坦言初初確實有唔開心，不過心態轉變之後就覺得無傷大雅，反而自己都會攞來講笑添。
#星光路上 #姚子羚 啤酒銷售 #廣播劇 F4 #當四葉草碰上劍尖時 #錢國偉 #塞班島 #棟篤神探 #郭峰 #反黑英雄 #張振朗 #表哥 #視后 #胡定欣 #潘盈慧 #倔強
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
笑得好開心😊😊
表哥都算越黎越靚既
❤
真是希望有多些女角又漂亮又好演出, 請不要各方面太普通了 !
偶然，讀成...嘔然...😂
TVB [ 老古婆 😂 ] 一線花旦。未婚花旦仔想嫁比年龄相近富二代。一啲女藝人覺得/認為自己係屬於豪富嘅 [ 寵物 ], 一種病態。想利用自已幾分 [ 姿色 ] 吸引有錢公子哥兒。