周潤發無懼低溫再戰半馬 陳山聰胡諾言拍住上參賽

周潤發無懼低溫再戰半馬 陳山聰胡諾言拍住上參賽
體壇盛事香港馬拉松舉行，吸引大批跑友參加，當然亦包括唔少圈中人好似發哥周潤發、陳山聰、胡諾言、洪永城太太梁諾妍、周家怡、黃浩然、徐榮、C Allstar嘅 釗峰 同 On仔 、伍富橋、黃美棋同老公鍾健威、林淑敏、許家傑、何沛珈、阮浩棕、崔錦棠、林子善等參加。
近日氣溫急降，開跑嘅清晨氣溫更低至9度， 所以資深跑友發哥都著上長袖衫禦寒，換上新髮型嘅佢再次挑戰半馬賽事，最終以2小時24分多啲完成，發哥對成績相當滿意，仲講笑話返到屋企發嫂會加佢「人工」，希望成績不斷有進步，跑到80歲時可以2個小時內完成半馬，但係無意再升級挑戰全馬賽事。
發哥去到終點被大批跑友圍住要求合照，當中包括咁啱喺終點嘅黃浩然以及韓國演員兼運動員李載允，親民嘅發哥除咗逐一同跑友Selfie，亦同跑友們擊掌，發哥仲拉埋蔡一智以及周家怡一齊俾傳媒影合照，受訪完畢時更同在場記者一齊Selfie。
上年同樣參加馬拉松嘅發哥疑似跌倒受傷，手肘位置擦傷，今年發哥透露有教練同保鑣護航跑得好放心，跑友沿路嘅要求合照無阻佢嘅發揮。成個農曆年發哥為咗備戰都全程戒口，跑完後發哥話終於可以品嚐佢最愛嘅美食，賽後相約藝人跑友去食碗仔翅。
另外參加半馬嘅仲有梁諾妍、胡諾言、陳山聰、周家怡等，跑開全馬嘅胡諾言呢次降呢跑半馬全因為咗相約Crazy Runner嘅好兄弟山聰一齊跑，因為工作關係山聰有好幾年無跑馬拉松，所以佢都話跑起嚟有啲吃力，而胡仔就話呢次孖住山聰參賽係為咗報恩，多謝山聰當年發起Crazy Runner鼓勵佢跑步，估唔到發展成佢嘅興趣令佢身心更健康。
同樣跑開步嘅梁諾妍2小時內完成賽事，比佢預期快咗7分鐘，不過開跑清晨遇上「親戚」月事到訪，不過依然未影響表現，佢透露老公洪永城因為工作未能夫妻檔參賽，但年初二時都有陪跑備戰。完賽後仲要急急趕去支持大女人生首個跳舞表演，令佢相當期待。
林淑敏、許家傑、何沛珈、阮浩棕、崔錦棠呢日為慈善參加10公里賽事，希望為基層家庭籌款，運動健將許家傑指天公造美，無想像咁凍，開跑無耐就除咗禦寒嘅雨衣，而大小姐林淑敏擔心著住風褸跑嘅阮浩棕會熱到焗暈。而阮浩棕嘅緋聞女友何沛珈帶病上陣，賽前患感冒，佢見情況許可決定按計劃上陣，但係佢有量力而為，未有衝成績，反而比去年參賽時更享受其中。
同樣跑10K嘅釗峰刷新個人最佳成績喜出望外，而跑半馬嘅周家怡雖然賽前仆親受傷休息咗一排，但成績竟比去年進步。
#周潤發 #發哥 #梁諾妍 #周家怡 #黃浩然 #CAllstar #釗峰 #On仔 #伍富橋 #黃美棋 #林淑敏 #許家傑 #何沛珈 #阮浩棕 #崔錦棠 #林子善 #年度馬拉松 #香港馬拉松 #跑友盛事 #最凍馬拉松 #CrazyRunner
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@chanhkbrother888]

有長跑, 就有發哥, 就有影相, 有發哥, 就有長跑, 就有影相, 發哥是香港的旅遊大使.

[@chanhkbrother888]

祝發哥長跑長有, 時間越跑越短, 越跑越健康, 越跑越開心...

[@layliansherlynteh8786]

好睇🥰❤️

[@johnliao5383]

佢兩公婆經常開口埋口講捐乜捐物捐身家，但直至現在未見過佢哋捐過一分錢出嚟。呢件野，縮頭縮脛無嚟貴格，祇有攞人便宜，和人自拍，免費宣傳自己。