Te Maurea Whiritoi | Haka | 2022 | Mahia te Mahi

Haka of Te Maurea Whiritoi from the National Secondary School Kapa Haka Competition 2022.
Lyrics composed by Ngā Kaihaka o Te Maurea Whiritoi.
Tune composed by Toti & Frankie West.
KUPU
Ko te kawatau o ōku ruruhi
Ōku koroheke
Ōku mātua
Tomokia te whare mātauranga
Haruru kau ana!
Haruru kau ana!
E tipu e rea
Ko tō ringa ki ngā rākau a te Pākehā
Hei ora mō tō tinana
Tēnā pōhēhē tēnā
He rākau matarua
He rākau tūkino
Nō ngā whare wheketere
O Kuini Wikitōria
Ka hikitia
Ka hapaingia te rākau matarua
Hei Tāhūhū O Te Mātauranga
Kimihia, kimihia, rangahaua taku mana Māori
Taku mana motuhake
Ka turakina taku reo e te Ingarihi
Taku haka e te hākinakina
He mana ōrite?
Korekore rawa! Korekore rawa!
Takatakahia tonutia te mana o Te Tiriti o Waitangi
Auē, taukuri, e!
Tuia, tuia te rākau tūkino
Ki ngā pou o te whare
He pouako
Ka hahau te rākau
Kōhuru reo rangatira
Ka hahau te rākau
Whakatoihara tuakiri Māori
Ka hahau te rākau
Ripiripia! Haehaea!
Taku mana Māori, mana motuhake
Āhāhā!
Kua tōtara wāhirua
te whare mātauranga
Kimihia, kimihia, rangahaua
He whakaruruhau mōku
Whakatūria he whare mau tikanga
Ko wai te tekoteko kei runga?
Ko te aroha! Ko te aroha!
Te Tāhūhū O Te Mātauranga
E ngā pouako
Kei runga te kōrero
Kei raro te rahurahu
E hoki, e hoki ki te ōhākī
Mahia te mahi
Mahia te mahi
Hei painga mō te iwi
Au au auē hā
Hī!
TRANSLATION
The expectation of my elders
My parents
Is to enter the house of learning
The message resounds
and echos
Grow up tender young shoot
Put your hand to the tools of the Pākehā
As sustenance for your body
How mistaken this notion is!
A two-faced tool
An abusive tool
A tool that originates from the factories
Of Queen Victoria
Raised
Lifted above is the two-faced tool
‘Tis the Ministry of Education
Seek out my mana Māori
My very special prestige
Tore down is my language by the English language
(Tore down) is my haka by sport
Is this equality?
Not in the slightest!
The Treaty of Waitangi continues to be disrespected
Alas, the distress!
Bound is the abusive tool
To the main support of the house
They are the teachers
The weapon strikes
Murdering our chiefly tongue
The weapon strikes
Degrading my Māori identity
The weapon strikes
Lacerating! Ripping to shreds!
The very essence of my mana Māori motuhake
Indeed!
Split like the tōtara for firewood
Is this house of learning
Seek out
A protective shelter for me
Erect a house of lore
Who would be the tekoteko above?
‘Tis love and empathy!
To the Ministry of Education
Dear teachers
Soothing words float above
Meanwhile meddling happens below
Take heed! Return to the ōhākī (of Te Puea)
Do the work
Indeed! Do the work!
For the benefit of the people
Au au auē hā
Hī!