حلاوة الطحين العراقية رهيبة بقوام ومقادير مضبوطة بدون شيرة ولاتكتلات باسهل طريقة. Flour sweet
HTML-код
- Опубликовано: 11 сен 2024
- رابط عمل حلاوة النشا الحلقومية
• حلاوة النشا الحلقومية ...
رابط عمل الجرك العراقي بمقياس الكيلو
• جرك عراقي مثل القطن عج...
رابط عمل الجرك العراقي او لفة الخميرة بمقياس الكوب
• لفة الخميرة او البريوش...
حلاوة الطحين العراقية بقوام يجنن ومقادير مضبوطة واسهل طريقة بدون تكتلات
طريقة العمل مهمة لنجاح الوصفة وهي موضحة في الفيديو
ممكن مضاعفة المقادير لعمل كميات اكبر او عمل نصف المقادير
المقادير ( تكفي لتسع صحون حجم وسط )
* زبدة 50 غم او ربع كوب معياري وممكن استبدالها بالزيت او السمنة
* طحين 1 كوب ممسوح
* سكر 1 كوب
* فانيلا 1 ملعقة صغيرة
* هيل 1 ملعقة كبيرة
* حليب بودروة ( 4 ملعقة كبيرة) اختياري ممكن نستغني عنه لانه ليس اساسي في الوصفة
* 7 كوب ماء ( وممكن نحتاج لاظافة المزيد من الماء ) تابع الفيديو لمعرفة القوام المضبوط
اهلا بيكم احبائي. بنهاية الفيديو بينت شون جيراننا كانوا يجيبولنا هالحلاوة. اكتبولنا خبرتكم وذكرياتكم ويا حلاوة الطيبين هذا. شكرا مقدما عاللايكات والتعليقات الحلوة.. بدعمكم القناة تكبر وتستمر بنشر الفيديوات
عيني اريد شاورما الدجاج انتظرج هو والثوميه فدوه اكثر من مره اطلبه منج
قبل لتروينه الچرك كنت اتصور من جيراننا يطعمونه بالاربعين الوفاه كنت اموت عليهه لان اهلي ابد ميسووها عاشت ايدك يا احلى شف بالدنيا❤
حلاوة الطحين اكله جدا قديمه جانت امي الله يرحمها خصوصا بالشتاء من تمطر الدنيا جانت اسويها جوزي وتهدرها على المبه حتى ينعزل الدهن منها وسوي وياها شوربة عدس لو ماش ايام حلوه ماتنعاد عاشت ايدج حبيبتي روعه تسلمين لان اكلاتج كلها من التراث العراقي
حبيبتي الله يرحمها للوالدة والعمر الطويل الكم. تعيشين وتتذكرين وانشالله ايامكم الجاية احلى
عاشت ألأيادي حلاوة أمهاتنا ايام زمان كلش احب أكلاتك سويت كيكة الجوز كلش حبوها تسلمين حبيبتي موفقة 👌😋❤️🇮🇶❤️
شكرا حبيبتي والف صحة وعافية
اوييييلييييي ياااااااابه ظيييييييم من صدك ظيييييييم ….. على هل حالة لازم الغلي الدايت …. عاشت ايدج
شكرا جزيلا.. خليها بعد الدايت احسن 🙂
عجبتني وصفاتك، يعطيك الصحة متابعة من الجزائر 😊❤
حبيبتي اكيد نورتي القناة واتشرف بمتابعتك للقناة
الى.بنت.النهرين. كل.وصفه.تقومين.بها.هي.جميله.وطيبه.بنكهه.اهلنا.الطيبيبن.اذكرهذه.الحلاوه.عندما.كنا.صغار.ولاكنها.كانت.تميل.الى.اللون.الجكليتي..تحياتي.لك.من.السويد..
شكرا على مرورك الحلو وانشالله اسويلكم فيديو عن الحلاوة الجكليتية قريبا
شكرا.عزيزتي نهرين على.هذا.الرد.اللطيف.وكم.انت.مراعيه.وصاحبة.ذوق.راق.تحياتي...
حلو عاشت ايدج مابيها تعب ولا تكاليف ولازيت كثير لان الزيوت اهوايه اتاذي
عاشت الايادي وصفاتك لذيذة جدا
صباح الرياحين 💚
كلنا لوصفاتك مرتاحين💚
مشكورة على حلاوة الطحين💚
ندعيلك بالتوفيق بكل وقت وحين 💚
احلى صباح لشاعرتنا الحلوةة
شكراً على هاي الوصفة الطيبة والله ذكرتينا بايام زمان
الراءع انك تذكرينا بالأيام الحلوة والوصفات الرائعة تسلمين
اللهم صل على محمد وال محمد واستغفر الله واتوب اليه ماشاء الله كميه كبيره من گلاص واحد من الطحين هذا الشغل الاقتصادي المضبوط عاشت ايدج الف لايك من الجنوب
شكرا حبيبتي واهلا بحضرتج وبكل اهلنا بالجنوب
مأجورة حبيبتي وعاشت أيدج ياعسل
هلا بست نهرين عاشت ايدج بس ع كيف ويانه من ابداع لابداع وشرحج الوافي والكافي يجبرنه ع التجربه واني منتظره هالوصفه باحر من الجمر من حظرتج❤وطبعا حتى لا انسى سويت ع طريقتج الدولمه طلعت فعلا لذيذه وطعمه غير ربي يوفقج يارب ❤❤❤
الف صحة وعافية حبيبتي 😘
وصفه حلوه أن شاءالله اجربه تسلمين حبيبتي ❤
ايابه شگد معدله هاي المرأة ... ربي يوفقك
شكرا جزيلا من ذوقك اكيد
@@nahrainskitchen انتي الذوق و الجمال كله ❤️
عاشت ايديكي وطابت نفسك...تحيه واحترام وشكر وتقدير من بغداد
عاشت ايدج كل طبخاتج راقية ومرتبة وبصوتج الهادئ 🎉
ماشاءالله عليك حبيبتي والله انتي مبدعه ومميزه بكل وصفه تقدميهالمتابعينك وان كانت سهله وغيرمكلفه ولكن لمستك وطريقتك مختلفه ورائعه حبيبتي تستحقين كل الاعجاب والمحبه والاليكات والكومنتات التي تليق فيك واكررواقول جميعاًيجب ان نساندك ونشجعك ونقف معك كي تتعدين الملايين من المشاهدات لانك تسحقين ذلك بجداره والله تحياتي لك من العررراق بغداد🤲☺️❤️🇮🇶
حبيبتي حقيقة تعليقاتج على كل الفيديوات تفرح القلب واني اتشرف بيج بالقناة واشكرج عالكلام الطيب والدعم وانشالله دائما الفيديوات تنال استحسانكم ... تحياتي لك ولكل اهلنا ببغداد الحبيبة
مساء الخير والعافية والسعادة على قلبك الطيب حسيت بأجواء رمضانية خلال متابعتك لااعملها إلا في رمضان لكن أضيف عليها 2ملعقه كاكاو لتغيير اللون لا يحبون لونها الباهت عاشت ايدچ ❤
مساء الخيرات حبيبتي ام عبدالله اكيد كلشي من ايدج طيب. اكيد اللون اختياري بس اني حبيت اقدمها بلونها الاصلي الي لاهو فاتح ولاغامق
عاشت ايدج 💗 يا حلوة
عاشت ايدج والله انا اتعلم منج وبعد اذنج حلوة النشا وكبة اللبن راح اسويها بطريقتج 😊😊😊😊😊😊
حبيبتي شيف احلام هذا شي يشرفني ويسعدني وبدون اذن انت مخولة 🌹
امانة الله ورسولة اي شي اسوي على طريقتج يطلع يجنن والكل يسألني شلون سويتي الله يوفقج گلبي
حبيبتي تسلميلي هذا شي يغرحني
عاشت ايدج عمري
فدوة ممكن طلب تسوين فيديو طريقة طبخ تمن الحصة بطريقة مضبوطة وربي يجعله بميزان حسناتج
تسلمين حبيبتي. اكيد تتدللين بس المشكلة و حسب علمي انه حتى تمن الحصة يختلف من وجبة لوجبة بنوعيته وطريقة طبخه. راح اسوي كم تجربة اذا وصلت لطريقة مضبوطة اكيد انزللكم الطريقة حتى تستفيدوم وانشالله تنضبط
@@nahrainskitchen تسلمين يروحي ربي يوفقج
عاشيت ايدج احبه هاي الحلوه
ما شاء الله شهيتيني ان شاء الله اسويها بعد شوي
الف عافية مقدما حبيبتي
عاشت ايدچ بالحليب تخبل كلش طيبة
عاشت ايدچ تقبل الله اعمالكم ❤
اطيب الحلاوات هي حلاوة الطحين واني اعملها دائماً لكن بدون حليب
عاشت الايادي رووووعه 🎉🎉
اجنن ❤عاشت الأيادي حبيبتي يخبل شغلج ما شاء الله
كلش محتاجتها هي والجكليتيه
سلمت اناملك غلا.. والف عافية
أجمل واحلا طريقه يداكي تنلف بحرير أجمل وأرق نهرين
من ذوقك الحلو حبيبتي
حبي بس ياربت حلاوه الشعريه
عاشت الأيادي مبدعه 🌹🌹
عاشت ايدج حبيبتي هذي الحلاوه حلاوه الطفوله المفروض يكون اسمها 🤤🤤🤤احبها تتحمص بعد ازيد من هيج والجرك شكله دمااار حرفيا يسلم هالايدين يارب 🤲🏻🤲🏻🙏🏻
شكرا لمرورج الحلو حبيبتي فعلا هي حلاوة الطفولة وايام البساطة
عاشت الأيادي عزيزتي وصفج لطريقة العمل بصوتج الحلو مفهوم ، الله يبارك بجهودج
You are a Michelin Star chef 👩🍳🤩
😊 thank you
تسلم الانامل الذهبية
عاشت الايادي والرب يحميكي 🙏🏻❤️🌹🌹
تسلمين ياوردة ويحميكي
عاشت أيديج 🌷🌷
عاشت ايدج نهرين ازيزتا. هاي الحلاوة دتشبه المرتوخا الآشوري بس المرتوخا يكون اثخن 💕💐🙏🏻😍
شكرا حبيبتي تمام هي تشبه العصيدة او المرتوخا مع فرق السوائل طبعا وكمية الدهن
شكرا 🎉🎉🎉
عاشت ايدج
سويته تفصص❤
شنو تقصدين بتفصص؟
يهلاوغلاعذريني ع مشاهده متأخره لفديوو
عاشت الايادي حبيتي هل ممكن استبدل الحليب الناشف بحليب سائل متتوفر عندي الحليب الناشف
شكرا حبيبتي . شوفي انت ممكن اصلا انه تستغنين عن الحليب يعني تضيفين فقط الماي. بس اذا انت حابة تضيفين الحليب ممكن تحطين كوبين حليب سائل وباقي الكمية تكمليها ماي عادي مثل مامذكور في الفيديو
Thanks for the video 😅😊
ياهلا منوره
من اي بلد انتي 👍🌻
العراق
عاشت ايدك، بس حلاوة الطحين، تتكون من الطحين فقط، مع اضافه الحليب تكون حلاوة جكليتية.
@@almaliki76alaaa13 شكرا حبيبتي . اني ذكرت انه اظافة الحليب اختيارية وبدونها ايضا الحلاوة تكون جدا طيبة ومع الحليب ايضا طيبة وكلها تمشي وتعتبر حلاوة طحين. الجكليتية تختلف لان نكرمل السكر او نسوي شيرة وحلاوتها تكون اكثر وطريقتها وقوامها تختلف ..
تسلم ايدج حلاوة جيل الطيبين عشتي ياورده تجنن ماشاءالله 👍🙏⚘️
تسلميلي حبيبتي
اعلیٰ حلوا❤❤😂🎉🎉🎉🎉🎉🎉
فدوه سوال من اسوي كبة السراي تنخسف بالمرق متضل دائريه من تفور وي المرقه
حتى اجاوبج اريد اعرف انت سبق وسويتي كبة السراي على طريقتي؟ عندي فيديوات ثنين عن كبة السراي مقاديرها نفسها بس طرق التشكيل تختلف بكل فيديو
@@nahrainskitchen هو اني تعلمتها منج ورده وتجنن بس مرات اكو مثل الي ينخسفن بس مينفتحن يعني مادري يمكن الهوى بداخلها باقي بس حبيت اسالج هو اني من فيدواهاتج فتحت بيج باب رزقي ربي يحفظج
حبيبتي كلامج فرحني هوايا وربنا يرزقج اكثر واكثر ويوسع شغلج .. هي المفروض تخسف اذا حجم كرة اللحم او كمية اللحم بداخلها ماتكون مالية الفراغ اي يكون اكو هوا باقي بداخلها. حاولي تضغطين العجينة عاللحم اكثر وممكن تزيدين كمية الحشوة بحيث تكون اقتصادية اكثر انه تزيدين كمية البصل الي تخلطيه مع اللحم المثروم وتثرميه بمحضرة الطعام وتحمسيه زين مع اللحم بحيث مايبين اصلا البصل هوايا وبهالطريقة تكدرين تحشين الكبب بكمية وفيرة واقتصادية بنفس الوقت
@@nahrainskitchen تمام شكرا 🥰
تشبه محلبيه
كل الي حطيتيهم ما عنا ياهن😢
المكونات بسيطة حبيبتي طحين وسكر فقط
عاشت ايدج
عاشت ايدك