شكرا سي العروسي على المعلومات القيمه. في الحقيقة هناك بعض الأطباء سامحهم الله كيقت.ل العرق و فالملف كيدير الرمز d10. رمز العلاج العادي. حبذا لو تتفضل و تعمل لنا حلقة على هد الرموز باش نعرفها و نرد بالنا مع الأطباء تحياتي
شكرا لك على مجهوداتك. انا قتلت العرق لواحد الضرسة مدة هذه . دابا بغيت نجويها ندير لها الغلاف واش خاصني ندير راديو بانوراميك قبل وبعد باش نتعوض ؟ وأشنهو الغلاف لكيتعوض؟
خلاص بي شيك ، ولا دوز فيرمون من التطبيق او دير الوصل في الملف، ولا خلص حط للطبيب لفلوس في الحساب ديالوا او الوصل دفعوا في الملف المهم ضروري وثيقة تثبت الاداء ومن الافضل شيك
بالنسبة للفيكس في حالة ضرسة واحدة، مثلا الثمن هو 2000dh والطبيب غايدير غي راديو عادي. واش فداك الجدول الموجود في ورقة العلاجات ضروري اكتب الفيكس فسطر والثمن ديالو وراديو قبل في سطر وراديو بعد في سطر اخر. حيث كاين ليكايجمع كولشي فسطر واحد. اتحدث مرة اخرى عن راديو عادي ديال نفس طبيب الاسنان. وشكرا على فيديوهاتك القيمة. ❤
هنا ماشي مشكيل ، حيث كيف ما فصل ليك المبلغ غادي تجيك 80 في لميا يعني من الاصل غادي ترجع ليك 1600 درهم من كنوبس غير خليه يجمعهم اللي مهم أن صور الراديوا يكونوا واضحين او شادين السنة ولا الضرسة كاااااملة
لا للأسف الراديوا الاول ما غاديش تتعوض فيه لأنه فات 60 يوم ، الا اذا قدرتي تتبث أنه كان هناك قوة قاهرة حالت دون دفع الملف ( او هادي صعيبة ) من وجهة نظري حيد فاتورة الراديوا الاول حيث غادي غغير تعكل ليك الملف ، او عمر بقية الاوراق في الملف او دفعوا ، او الراديوا الاول دفع غير الصورة ديال الاسنان باش تستادل على التدخل
راه بزاف يتقبلوا ، ولكن المشكل في بعض الاحيان ممكن يضيع تعويضك ولا جزء منوا بسبب داك الراديوا اك الشي لاش الحالات اللي مطلوب فيها ديروا يا اخي ruclips.net/video/7DLHWXQLQ1E/видео.htmlsi=8aYLOzFh0jaaKDF3
رجع ليها الورقة ديال العلاجات تكتب ليك قتيل العرق في سطر بوحدو ، او تعطيك راديوا قبل وراديوا بعد باش تتعوض في قتيل العروق شوف هاد الفيديوا سبق شرحتها بالتفاصيل ruclips.net/video/7DLHWXQLQ1E/видео.htmlsi=WsaTIXYAYhZ6nP1i بالنسبة للبريدج ماشي مشكيل في ديك الكتابة، غير حاجة تبين أن يتعلق بثلاثة اسنان يعني في الجنب تكتب ارقام الاضراس المعالجة + تعطيك ايضا راديوا قبل وبعد
ماشي ضرورية ولكن من الافضل ديرها شوف هنا تفهم كثر ruclips.net/video/cp0utg7RMd4/видео.htmlsi=JnQb4iqSEHVVAXWd او نقطة اضافية في حالة المبلغ 20000 درهم راه ضروري وثيثقة تثبت الاداء
3afak ana knt drt radio panoramique o télé radio graphie de profil o fax jaw y3mro flwr9a dcnops 3mro 3la assas drt radio wa7d b 400 dh wax ranstafd mnhom bjouj wla ri wa7d
غادي تعوض غير على واحد واخا يكون دارهم بجوج او فرقهم ، حيث بجوج عند نفس الطبيب او بنفس التاريخ اللي كان يدير ليك هو يفرقهم كلا في تاريخ او يفرق ليهم تا الثمن باش تخد التعويض مزيان
على حساب لبلاصة او الضرسة كيفاش دايرة ، ولكن كثمن معقول ما خاصش تفوت 600 درهم في اصقى الحالات يعني ديك 400 ولا 500 درهم راها مزيانة، بشرط يعرف الطبيب يعمر ليك لوراق لأن طريقة الكتبة كتحكم التعويض ruclips.net/video/-5Hr8XOZHt8/видео.htmlsi=547Loico_utfyhLA ruclips.net/video/7DLHWXQLQ1E/видео.htmlsi=8aYLOzFh0jaaKDF3
النتائج ديال الراديوات ولا النتائج ديال التحاليل غير مطلوبين كتدير فقط الفاتورة الصورة ديال الراديوا بعض التدخلات كتكون مطلوبة فيهم راه شرحتها في هاد الفيديوا نيت
@@CNOPS_CNSS شكرا لك على المجهودات، بفضل معلوماتك و فضل الله، ما تشمتش فتعويضات النظارات الطبية، حيث عندي الزجاج غالي و لكن الإطار أقل من 400 درهم، ولقيت الوالد حياتو كاملة تيعمر تعويض النظارات غلط و حتى لي كيصوبو النظارات ما عارفينش هادشي، أكمل أخي الكريم في توعية المواطن، باش يتعوض و ياخذ حقوقو كاملة و جزاء الله خيرا
لا ما كايناش هاد الهضرة ، واخا تحيديهم كاملين في شهر تتعوض فقط حاجة ما تحيدش جوج في نهار باش تتعوض حيث اذا حيدتيهم في نهار الاول تتعوض فيه الثاني يعطيوك نص التعويض
وا راه الملف الاول او باقيما تعوض ، يعني ممكن يكون الملف الاول فيه شي مشكل ولا خطأ الطبيب في تعماروا تبعي الملف الاول من اجل التعويض او الطبيب الثاني شوفي معاه شنو الحل العلاجي ، او قولي ليه يكتب ليك تقرير على المسكل اللي عندك دابا او خلي عندك التقرير كنتي تقدري ترجعي للطبيب اللاول رجعي ليه قولي ليه شوف اشنوا وقع او سمعي التحليل ديالوا اش غادي يقول ، راه ممكن يكون السبب منوا ممكن يكون امر عادي أنه وقعات شي حاجة في اللحم خاصها تدخل طبيب لمهم سمعي رأي الطبيبين تبعي ملف التعويض الاول خودي تقرير الحالة من الطبيب الثاني
التغطية الصحية كتكون عد الشخص ، او كيدخل معاه الاولاد ديالوا اقل من 21 سنة او 26 سنة الى كيقراو او كتكون معاه الزوجة في حالة كان داخل معاك في السجل الاجتماعي شي واحد اخر ولاد ختك خوك ، راه خاصهم يديروا امو بوحدهم او بي المؤشر اللي عندك نتا
السلام عليكم ورحمه الله اله اجازيك بالخير انا عندي محل تجاري ومازال مااتقيدت في الضمان الاجتماعي واش ممكن نعمر اللوراق ديال لاميتيال ونحتفظ بهم وشكرا جزيلا
سلام أنا طالبة و مشيت عند طبيب الاسنان باش ندير الفيكس لواحد الضرسة و بدا كيعالج فيهاو قتل ليها العرق وخدا العبار غير اليوم ولكن مدارش ليا راديو قبل دبا مغايرجع ليا والو من فلوسي و أنا باقا طالبة فلفاك 😢😢
لا لا ، الراديوا ديال قبل مهم باش يبين أنه الضرسة فعلا خاصها الفيكس هنا اللي ممكن يضيعك فيه هو التعويض على قتيل العرق ولكن ماشي مشكيل ، راهم كيدخلوا كلشي في ثمن الفيكس غير الثمن يدير ليك 2250 درهم
@@CNOPS_CNSS آه دبا نهار يدير ليا لفيكس نقول ليه يدير ليا الراديو قبل ما يدير الفيكس وخا قتل العرق و بعد ما يدير الفيكس للاحتياط؟؟ و بخصوص الثمن هو قال ليا أقل من 2250 واش ضروري يكتب ليا 2250 !!!!! وشكرااا بزاف أنا أول مرة ندير هادشي ديال كنوبس
السلام عليكم. عافاك انا درت الراديو قبل العلاج فشهر 2 /2024 و تعطلت العلاج ديال الأسنان حيث مرضت و حبست. درت فيكس زوج مرات مرة 2 أضراس مرة ضرس وحدة. و كملت غير فهاد الشهر و رقة العلاج فيها تاريخ شهر 10/ 2024 واش غايقبلو ليا الملف و لا لا؟
لا لا لا لا لا ، واياك تدفعي الملف قبل غادي تقولبي الراديوا ما خاصوش يكون فايت 6 اشهر باش يتقبل ضروري رجعي للطبيب يشوف ليك حل ، حيدي اللي ركبتي او ديري راديوا ديال قبل يكون باين فيه الاضراس ماكينينش عاد ركبي او ديري ديال بعد او هوما راكبين باش يبان الى ما صححتيش الراديوا غادي تضيعي في التعويض كاين حل اخر هو الحمل ، يعني تكوني حاملة او يكون وثائق اثباتية تدفعيهم مع الملف باش تقولي علاش ما دتيش الراديوا ديال قبل الى ليتي هاد الحل الاخير راه ينفع او حيدي الراديوا اليابق ما تعطيهش لاأنه ما بقاش نافع
وبالنسبة للراديو أنا درتو تقريبا هذه شي 3 شهور وبغيت نولي ندير واحد اخر واش عادي غادي نتعوض فيه ولا يرفضولي يلا درتو بزاااف حيت مشالي وبغيت ندير واحد اخر
ممكن تتعوض ب 120 درهم ممكن ب 48 درهم على حساب الطبيبة او INP اللي عندها شوف هنا تفهم الاثمنة اكثر ruclips.net/video/S3SKmX-F3ac/видео.htmlsi=-kMyETCvRgcPfsPp
واش غادي تقتل ليك العرق ب 50 درهم ؟؟ رخيصة بزاف اللي مهم أنه كل ضرس تكتب قداموا رقموا والثمن اللي خلصتي لكل ضرس او تا التاريخ شوف هنا ruclips.net/video/-5Hr8XOZHt8/видео.htmlsi=8VCQt-ntzFajb3oi
3ndi 2 drossa kan3mrhom had l ayam gatli dentist b les radio bkolsh 1100 bjuj w anaya 3ndi cnops mch7al ghadi yrdoli wbnisb had dross lijayin fsaf tani
غادي يرجع ليك مزيان الى عرفات كيفاش تعمر ليك لوراق تدير ليك زيارة ب 100 درهم راهديوا أول ب 50 درهم عمارة ب 250 درهم او تديرD15 الضرس الثاني تا هو نفس الامر راديوا بعد ديال 50 درهم قولي ليها تنقص ليك من الثمن حيث 1100 درهم غاليا بزااااف شوفي هنا تفهمي الموضوع كثر ruclips.net/video/-5Hr8XOZHt8/видео.htmlsi=UNG6KYrSDFiIp5iD
خويا الله ايجازيك بخير أنا كنت دفعت لكهوبس صورة الراديو بانورامي باش عطاوني ورقة الموافقة لكن ماردوش ليا ديك الصورة وهم يطلبونها بعد العلاج ماذا افعل وقد بدات
لا لا ماشي مشكيل غالبا التعاضدية اللي كتنتامي ليها هاكاك باش كنخدم، كيخليو الدوسي ديال طلب الموافقة عندهم او كيعطيوك ورقة فقط ، منين تسالي جيب ليهم الملف اللي غادي يعمر ليك الطبيب مع الورقة اللي عطاوك او راهم ايجمعا الملف كامل عندهم
أشنو دارو معاك الله يجزيك بالخير نفس حالة انا راديو قبل العلاج دفعتها مع موافقة ودابا نتهمت مدة صلاحية دازت 6 شهور عليها ودفعت غير راديو من ببعد ماعرفتش شمويدير معايا
السلام عليكم جزاك الله خيرا على هذه المعلومات القيمة عفاك بغيت نصوب الفيكس ديال سيرامو سيراميك وطبيب يكتبلي سيرامو ميطاليك باش نتعوض واش ممكن اولا يقدر يترفض ليا
لا فيها مشاكيل قانوني ، غادي يتابعوك بتهمة التزوير مازال دير حاجة او غادي تبعها او قانونيا تتعوض دير سيرامو سيراميك ، او عمر لوراق سيرامو سيراميك ، يعني اللي درتيه تتعوض فيه ، بقوة القانون خاصوا يتعوض ، هوما غادي يرفضوا في البداية ولكن الى تبعتي الامر غادي تتعوض
@@MohammedDra-id4ll الطبيب غير كذاب حيث اللي كيهموا هو لخلاص ما سوقوش التعويض ديالك قولي ليه حاجة ، عمر اللي بغيتي في لوراق ولكن في حال كان شي مشكيل تتحمل المسؤولية الى قال واخا قضي الغراض
جزاك الله خيرا كثيراً يا صاحب القلب الطيب عارف كثرت عليك الاسئلة بزاااف غير سمحلي وبالنسبة يلا درت غير اللي كيتعوض شحال تقريبا يدوزولي المدة راني معرفت مندير علما كنت مصوب 4 الأمامية ولكن قبل منخدم دابا درت كنوبس الحمدلله وهوما درتهوم المدة هذ 5 سنوات بدات واحد السنة كتحال شويا بغيتك تنصحني واش ندير اللي كيتعوض والا ندير هذاك اللي مزيان وبغيت نعرف الثمن ديال كل واحد فيهوم باش ميزدوش عليا فالثمن بزاااف والله يحفظك
السلام عليكم عندي سؤال بغيت نعوض الفيكس دفعت لهم طلب بغيت نعرف الدوسي ديالي واش تقبل اليوم 22 المدينه اللي دفعت لها بعيده علي واش كاين شي طريقه باش نعرف الدوسي واستقبل وشكرا ولدي
السلام عليكم يا اخي جزاك الله خيرا انا درت ليباك دبا 4 اشهر معنديش أمو مزال متبع مع طبيب واش يمكن ليا ندير أمو ونستافد من تعويض.. واش كاين شي حل أخور وشكرا جزاك الله خيرا
خويا سؤال عافاك أنا عطاني الطبيب جوج راديوات قبل وبعد قتيل العرق ولكن ماكتبش عليهم التواريخ . واش غايردو لي الملف واخا مكتوب فذاك الجدول دورقة العلاجات تواريخ الحصص لي درت عندو قتيل العرق ؟
السكانير يعوض الثمن كيكون ب 1000 درهم نتا درتيه ب 900 كيتعوض ب 80 في لميا من ديك 900 غير هو تشوف بعدا واش سكانير ولا شي نوع اخر ، الطبيب اللي كيحدد في الوصفة والتقرير
غالبا ما عطاكش الفاتورة ديال السكانير ، داك الشي باش حسبوا ليك غير الزيارة الى عندك الملف مصور رسلوا ليا هنا نشوف معاك mpsccnops@gmail.com الشكايات دير شكاية في الموقع ديال كنوبس شوف الجواب الاولي ديالهم اش يقولوا فيه
سي كمال ابنتي دات 15 سنة ازالت أربعة اضراس لعقل في مدة سنة دفعت ملف به ضرسين لكنوبس ارجعولي الملف مطالبين pré panoramique اللدي بحوزتي وتاريخه اكتر من سنة هل من حل وشكرا
الراديوا كيف قلت مدة الصلاحية ديالوا 6 اشهر فقط شوف التاريخ ديال الراديو مع التاريخ ديال التحياد ، الى بيناتهم ما كاينش 6 اشهر راه مزيان راه يعتمد كدليل
لا التقويم اصلا باش تديريه خاص تا يوافقوا ليك سنيسيس او باش يوافقو كتديري شي راديوات الراديوات غادي يبان فيهم راه الابنة اصلا مصايباهم كاين حاجة تقدري تديريها ، الى باقا كتعالج ، غادي يتقولي للطبيب يصايب ليك ملف ديال يبين ان الابنة تعالج حاليا او يوضح اش من مرحلة بالضبط وصلات او شحال باقي ليها في العلاج ، هنا راه ايوافقوا ليها تكمل او يعوضوها على اللي كملات
عفاك الأم ديالي دارت appareil والطبيب كتب ليها دير راديو غير apres ومني دفعت الضوسي ترفض واش في lappareil كنحتاجو راديو avant و apres بزوج باش اعوضونا ؟
في الاساس ما كنحتاجوش الراديوا كاع في لاباراي اللي كتركب او تحيد في حال طلبوه المراقبة الطبية كيطلبوه بورقة رسمية داك الساع عادي تحيد لاباراي تدير قبل او تركبها او تدير بعد التاريخ ماشي مشكيل حيث هوما اللي طلبوا
ما عرفتش كيفاش خرج عليك ؟ اشنوا دار بالضبط ؟ واش خسر ليك سنانك ولا شنوا على اي غير معلومات اولية، صانع اسنان ما عندوش الاهلية انه يمارس طب الاسنان، يعني في حال كان صايب ليك شحاجة في فمك، راه واخا يكون صايبوا مزيان راه عندوا خرق قانوني اللي ممكن يأدي بيه للسجن نتا الى كان دار ليك شي حاجة خايبة ، حاول معاه بالطرق السلمية يلقا معاك حل واخا يعرف هوا يتحمل من جيبوا تكاليف ديال اصلاح ما افسده عند طبيب اخر متخصص ، ما بغاش غادي تدوز للاجراءات القانونية خاصك اثبات انه هو فعلا اللي قام بالعمل، حيث ممكن ينكر يقول ليك عمري شفتك ، الاثبات اما بشهود، ولا كامرا عندوا تثبت انك حضرتي ، ولا ممكن تدي معاك مفوض قضائي يدير محضر معاينة، من بعد ما تثبت أنه عالجك، داك الساع تدير شكاية لوكيل الملك بالنصب والاحتيال من طرف شخص ينتحل صفة طبيب اسنان، او داك الساع تشوف اش غادي يوقع ليه لقيتي شهود ديجا عالحج ليهم او بغاو يوقفوا معاك راك تصيفطوا بي مرة
السلام عليكم سي عبد الرحيم دفعت ضوسي ديال السنان البريدج و درت راديوا صغير ديال الطبيب قبل و بعد و دبا ترفض ليا الضوسي بدعوى RADIO PANORAMIQUE واش غادي نحتاج غير راديو بانوراميك دبا صافي شكرا جزيلا خويا
لا ما يمكنش يترفض ليك على نوع الراديوا ، غالبا قالوا ليك الراديوا غير واضح حاول تدير ليهم راديوا واضح اكثر او رسلوا مع الملف رد البال مع ديال قبل الى كنتي مثلا مفيكسي كيفاش غادي تدير تحيد باش تدير راديوا ديال قبل
@@CNOPS_CNSS لا أسي عبد الرحيم محددوش ليا قبل أو بعد داروا ليا فالسبب الرفض فالموقع ديالهم radio panoramique فقط مع العلم أني درت ضرسة وحدة براديو صغير و تقبل سؤالي واش ندير راديو بانو راميك و نصيفط ؟ 6900 درهم أسي عبد الرحيم تسلفناها كنتسناو التعويض و حصلنا الله المستعان
بزااااااف مالوا غادي يرسمهم ؟؟ ديروا بيه شكايات ل ANAM او ديروا شكاية تا للداخلية للسيد العامل ، راه المناطق الجنوبية بحكم الصعوبات خاصهم يبسطوا ليهم اكثر هو ستاغل البعد او بدا يشير دير شكاية او تبعها او غادي تشوف
شوف كيف قلت ليكم الشكايات للداخلية وايضا ل anam وأيضا لوزير الصحة راه كيتخادوا بعين الاعتبار خصوصا في المناطق الصحراةوية، بربي تا يربيوه ولا يربيوها راه اللي لقا علامن راه ىكينصب
غالبا نتا من الناس ديال القييمين الدينين ، أه دفع ليهم بجوج باش تتعوض دير فوطوكوبي او سير عند وفا هيا الاولى ، يشد الملف او يعطيك الاصلي ديه دفعوا لاسنيسيس
الى دفعتيه قبل ما تسد ليك الحقوق حيث غالبا الحقوق غادي يكون تسدو ليك في 29/02/2024 الى كنتي ساليتي لقرايا حاول تاصل بي كنوبس على هاد الرقم او سولهم على الملف فين هو بالضبط 0538002020
صعيب نحدد بالضبط لأنه خاصني نشوف الطبيب اش كتب غير هو كفكرة اولية نعتابر عندك سنيسيس على الضرسات ردوا ليك 183,75 على الراديوا ردوا ليك 112 الدوايات نقولوا لا يعوضون يعني ابسط تعويض خاصوا يكون 295,75 درهم غادي ترسل ليا ايمايل او رسل ليا فيه واحد الملف كيعطيوه ليك في التطبيق ديال ما سنيسيس باش نشوف معاك راه كيكونوا الاخطاء mpsccnops@gmail.com
الى كنوبس اه تقدري ، ديري طلب الموافقة المسبقة او ديري معاه تقرير صغير من الطبيب يبين فيه سبب التجديد او دفعي او تسناي تا يجاوبوك الى عندك سنيسيس لا، راه ما عندكش الحق تبدلي ruclips.net/video/EjSs1a3PJWk/видео.htmlsi=paOywI3T9LfWh7OG
سلام عليكم.جزاك الله خيرا. عندي سؤال انا طلب مني طبيب الأسنان راديو بانوراميك فالأول باش نحيد ضروس العقل من بعد طلب مني denta-scan وفعلا درتو ب500درهم .هدشي قبل منحيد ضروس العقل قالي طبيب ضروري ندير الراديو الثاني عاد يقلع لي الضروس العقل .بغيت نعرف واش denta-scan كتعوضوا cnops? واش ندفع الراديو الاول والثاني في نفس ورقة العلاجات ?
ماشي مشكيل الراديوات بجوج في نفس الورقة ، غير ردي لبال ما يكونوش في نفس التاريخ عند نفس الطبيب هاداك دونتا سكان بي صراحة ما عرفتش واش كيتعوض ، اللي عارف هو لبارنوراميك اللي شرحت ولا سكانير هادا كيدير في الاصل شي 1000 درهم ويعوض ب 800 درهم
السلام عليكم عفاك عندي تساؤل نتمنى تجاوبني درت الفيكس ودارت راديو الصغير وعمري الطبيب منين مشيت دفعت في la CNSS ترفض منين مشيت نعرف السبب قالولي الراديو قبل وبعد مكاينش وهما كاينين من ضمن الوثائق وعاودت مشيت لطبيب وعاودتلو قالي ها هما راديوات قالي ديري الراديو لكبير ودرتو وعاودت دفعت وترفض من جديد ما عرفت شنو الحل كنتمنى تفدني الله يجزيك بالخير
الى كاين الرايراديوا الصغير قبل وبعد، او باين راه كافي الطبيب فاش رجعتي ليه راه دار ليك غير ديال بعد وبالتالي سنيسيس اعتبروا انه قبل ما كاينش غادي ترجعي للطبيب يعطيك راديوا قبل وبعد الصغير او يكون باين فيه السن ما كانش قبل ، او باين بعد التركيب او غادي تديه لوكالة سنيسيس او تشوفي المدير ، او تقولي ليهخ طلبوا ليا هادوا في الملف او منين تعطيهم ليه قولي ليه يعطيك وصل التسليم (يعني ورقة تثبت أنك جبتي الراديوات) باش ههاكا الى رفضوا ندوزوا للشكايات ، الرفض كيككون بورقة رسمية يكتبوا فيها سبب الرفض
وعليكم السلام استاذ لعروسي، جزاك الله خيرا
على الرحب
رمضان كريم استاذ لعروسي
علينا او عليكم
Merci khouya tari9at charh dyalk zwina 👍
❤️❤️
متألق كالعادة ، ونافع بادن الله
رمضان مبارك كريم
علين او عليكم
شكرا سي العروسي على المعلومات القيمه. في الحقيقة هناك بعض الأطباء سامحهم الله كيقت.ل العرق و فالملف كيدير الرمز d10. رمز العلاج العادي.
حبذا لو تتفضل و تعمل لنا حلقة على هد الرموز باش نعرفها و نرد بالنا مع الأطباء تحياتي
كاين سلسلة كاملة على الاسنان فيها التفاصيل كاملة مع ىهاد الرموز هنا
ruclips.net/p/PLqdL1QLLA1N9Tuk8vFkZMo0MkSpYjPPxh
تبارك الله عليك كنستافدوا من مجهوداتك بزاف شكرا.
على الرحب
الله يسهل امرك وعواشر مبروكة
ربي يحفظك
الله يرحم الوالدين اخاي جزاك الله خيرا ❤
واليدينا او واليديك
❤️❤️❤️
تبارك الله عليك الدقة في المعلومات و الشرح المبسط
الله يكبر بيك
تبارك الله عليك خويا شكرا جزيلا على الإفادة
على الرحب
شكرا جزيلا على الشرح الوافي
الله يرحم ليك الوالدين
واليدينا او واليديك
سلام عليكم ورحمة الله وبركاته. عواشر مباركة.عندي cnops.كانت عندي l'application. كنت نشوف دائما الملفات .والآن ما بقاتش .علاش وشكرا.
غير شي خطأ
دوز عندي ايمايل رسل ليا البطاقة لوطنية
رقم مسار
تاريخ الازدياد
انا نشوف ليك
mpsccnops@gmail.com
Mazal kayna ana dima kandkhol
الله يحفظك ويرحم والديك.
واليدينا او واليديك
حفظكم الله . الله الموفق
بارك الله بك
سلام وشكرا على التنوير.
مرحبا
شكرا لك على مجهوداتك. انا قتلت العرق لواحد الضرسة مدة هذه . دابا بغيت نجويها ندير لها الغلاف واش خاصني ندير راديو بانوراميك قبل وبعد باش نتعوض ؟
وأشنهو الغلاف لكيتعوض؟
ضروري راديوا قبل التركيب وبعد التركيب
او في الراديوا راه غادي يبان العرق مقتول
او ماشي ضروري بانوراميك الى الطبيب عندوا الصغير او واضح راه كافي
Salam akh Kamal
Machkor 3la lmjhod dyalek
Khoya fihalt 9imat alfatora dyal 3ilaj Al asnan fatet 20000 kifach ne9dar netbetha l cnops
خلاص بي شيك ، ولا دوز فيرمون من التطبيق او دير الوصل في الملف، ولا خلص حط للطبيب لفلوس في الحساب ديالوا او الوصل دفعوا في الملف
المهم ضروري وثيقة تثبت الاداء ومن الافضل شيك
بالنسبة للفيكس في حالة ضرسة واحدة، مثلا الثمن هو 2000dh والطبيب غايدير غي راديو عادي. واش فداك الجدول الموجود في ورقة العلاجات ضروري اكتب الفيكس فسطر والثمن ديالو وراديو قبل في سطر وراديو بعد في سطر اخر.
حيث كاين ليكايجمع كولشي فسطر واحد.
اتحدث مرة اخرى عن راديو عادي ديال نفس طبيب الاسنان. وشكرا على فيديوهاتك القيمة. ❤
هنا ماشي مشكيل ، حيث كيف ما فصل ليك المبلغ غادي تجيك 80 في لميا
يعني من الاصل غادي ترجع ليك 1600 درهم من كنوبس
غير خليه يجمعهم
اللي مهم أن صور الراديوا يكونوا واضحين او شادين السنة ولا الضرسة كاااااملة
اخي خرجت تقاعد سنة 2022 اش خصني نديرواش نطالب بالمنحة دابا اونتسنا حتى نكمل سن القاعد الكلي الى بقى العمر وشكرا على الشرح كنستافدو بزاف تحياتي اخي.
منحة التقاعد كتخاد عند السن القانوني، يعني تسنا تا توصل سن التقاعد او دير طلب للتعاضدية ديالك
Bnisba les cheminots akhoya l3ziz ymken lihom yhydo dros dl 39el f cabinet dual rabat
غالبا لا ما كيحيدوهمش، ديال الدارالبيضاء متأكد أنهم ما كيحيدوهمش ، ديتال الرباط نخلي ليك النمرة عيط او سولهم
0537709769
واحد السؤال واش مكان إيداع الملف موحد ولا ضروري تمشي فين مسجل ولا كيفاش
فين ما كانت التعاضدية ديالك دفع ليها (التعاضدية ديالك اللي منخرط فيها )
في وقتوا
مرحبا
شكرا اخي على المعلومات...من فضلك انا عملت العمارة وقتلت العرق لكن بدون راديو لأني حامل...شنو العمل باش منضيعش فتعويض قتيل العرق
غادي يكتب ليك الطبيب تقرير يبين فيه انك حامل
او نتي زيدي اي وثيقة تثبت الحمل (ايكغرافي، تحاليل ... صيفطي النتائج ديالهم )
شكرا اخي الكريم حفظكم الله
سلام السي العروسي عفاك بغيت نسولك انا راديو بنوراميك الأول درتو نهار 16/08 واليوم 24/10 غندير الراديو التاني واش الا عمرت ورقة La cnss بهاد التاريخ غيتقبل ولا خاسني نبدلهم حيت فايتة 60 يوم؟
لا للأسف الراديوا الاول ما غاديش تتعوض فيه لأنه فات 60 يوم ، الا اذا قدرتي تتبث أنه كان هناك قوة قاهرة حالت دون دفع الملف ( او هادي صعيبة )
من وجهة نظري حيد فاتورة الراديوا الاول حيث غادي غغير تعكل ليك الملف ، او عمر بقية الاوراق في الملف او دفعوا ، او الراديوا الاول دفع غير الصورة ديال الاسنان باش تستادل على التدخل
تبارك الله عليك. انا كنعمر سنان ب 400درهم للوحدة واش ممكن نتعوض عليهم 😢
اه تتعوض
شوف هنا قيمة التعويض
ruclips.net/video/-5Hr8XOZHt8/видео.htmlsi=jjLMJOD9O6FVzXMK
سلام اخي العروسي بغيت نسال على ارامل المتقاعدين للسكك الحديدية واش استافدو من المراكز التخييم وما هي الاجراءات اتي يجب عليهم أتباعها للاستفادة.
والله ما نكذب عليك ما عنديش فكرة مدققة على الموضوع
المتقاعدين كيستافدوا خارج الفترات (يعني العام كامل الا العطل المدرسية)
ولكن الارامل ما عنديش فكرة
تحياتي . هل يمكن أن يقبل ملف علاج الأسنان عند cnops بدون راديو كيفما كان؟؟
راه بزاف يتقبلوا ، ولكن المشكل في بعض الاحيان ممكن يضيع تعويضك ولا جزء منوا بسبب داك الراديوا
اك الشي لاش الحالات اللي مطلوب فيها ديروا يا اخي
ruclips.net/video/7DLHWXQLQ1E/видео.htmlsi=8aYLOzFh0jaaKDF3
Salam allah ikhallik bghit na3ref Wach le scanner cone beam (CBCT bimaxillaire ) wach remboursable si ouiii ch7al ? O allah ijazik bikhir
غالبا لا يعوض ، سبق قلبت عليه او مالقيتش شي معلومة
ممكن تسولي كنوبس مرطز النداء او يقلبوا ليك في قاعدة البيانات عندهم
0538002020
@@CNOPS_CNSS ana 3andi la CNSS 7ta hya la même chose
Salam
Dert bridge ccm 3 dente. Ktbat liya code D180×3=D540 mafhmtx xno kay3ni.
3tatni 2 feuille : whda d bridge ccm
Lkhra dyal soins mais problem mafihax 9til l3r9 ( traitement canalaire ) fiha rir D10 composité mais f lwa9i3 9tlat liya l3r9 dyal les deux li 3la jnb ?
Wax hadxi logique
Xokran bzf ❤
رجع ليها الورقة ديال العلاجات تكتب ليك قتيل العرق في سطر بوحدو ، او تعطيك راديوا قبل وراديوا بعد باش تتعوض في قتيل العروق
شوف هاد الفيديوا سبق شرحتها بالتفاصيل
ruclips.net/video/7DLHWXQLQ1E/видео.htmlsi=WsaTIXYAYhZ6nP1i
بالنسبة للبريدج ماشي مشكيل في ديك الكتابة، غير حاجة تبين أن يتعلق بثلاثة اسنان يعني في الجنب تكتب ارقام الاضراس المعالجة + تعطيك ايضا راديوا قبل وبعد
السلام عليكم خويا بغيت نسولك واش ضروري الموافقة devis fih 20000 dh
ماشي ضرورية ولكن من الافضل ديرها
شوف هنا تفهم كثر
ruclips.net/video/cp0utg7RMd4/видео.htmlsi=JnQb4iqSEHVVAXWd
او نقطة اضافية في حالة المبلغ 20000 درهم راه ضروري وثيثقة تثبت الاداء
سلام اخي عبد الرحيم بالنسبة لشومينو هديك. Cabinet dentaire casa voyageurs يلا درتي هاد راديو كتكون اقتيطعات ؟واش كتخلص الفرق
لا ما كتخلص عليه والوا
كيديوه عندهم كيحسبوا ليه أقل من التعرفة المرجعية كاع
يعني نتا كسككي ما تخلص والوا
شكرا اخي عبد الرحيم
3afak ana knt drt radio panoramique o télé radio graphie de profil o fax jaw y3mro flwr9a dcnops 3mro 3la assas drt radio wa7d b 400 dh wax ranstafd mnhom bjouj wla ri wa7d
غادي تعوض غير على واحد واخا يكون دارهم بجوج او فرقهم ، حيث بجوج عند نفس الطبيب او بنفس التاريخ
اللي كان يدير ليك هو يفرقهم كلا في تاريخ او يفرق ليهم تا الثمن باش تخد التعويض مزيان
بارك الله فيك
انا صوب تاعي عند صانع الاسنان عمرت الضرسه وحيد جوج الدروس ديال العقل ودرت راديو واش غانتعود ولا ضروري خاص الطبيب اس
باش تتعوض ضروري لوراق يكونوا عامرين
صانع الاسنان ما عندوش الحثق يعمر لوراق
غير هو كاين فيهم اللي كيعمرهم عند طبيب لكن ماشي قانونية الى حصلوه يودي
واش يمكن طبيب الأسنان يغير توقيت لدرتي فيه راديو بانورميك باش يتعوض دوسي فكنوبس
كيفاش يغيروا ؟
الراديوا كيخرج فيه التاريخ مطبوع
الطبيب راهخ يقدر يقاد تاريخ الزيارة ولا تاريخ الوصفة باش يتناسب مع الراديوا عادي
@@CNOPS_CNSS طبيب درت عندو ثلاثة الحصص بقات الأخيرة باش يدير جوا الضرسة ويني فايتة دبا شهرين خص يقاد ليا تاريخ ميفوتش شهرين باش ايتقبل ضوسي
سلام عليكم أخي العروسي رمضان مبارك بغيت نعرف شحال باش كايصاوبو قتيل العرق والعمارا درسا
على حساب لبلاصة او الضرسة كيفاش دايرة ، ولكن كثمن معقول ما خاصش تفوت 600 درهم في اصقى الحالات
يعني ديك 400 ولا 500 درهم راها مزيانة، بشرط يعرف الطبيب يعمر ليك لوراق لأن طريقة الكتبة كتحكم التعويض
ruclips.net/video/-5Hr8XOZHt8/видео.htmlsi=547Loico_utfyhLA
ruclips.net/video/7DLHWXQLQ1E/видео.htmlsi=8aYLOzFh0jaaKDF3
@@CNOPS_CNSS شكرا لك على معلومات بارك الله فيك وجزاك الله خيرا
ربي يسترك ان شاءالله ❤❤❤❤❤
❤️❤️
إلى معطانيش الفاتورة نتاع الراديو واش ميعوضونيش عليه؟ غي الراديو لي خاصو الفاتورة؟
الى ما كانش الفاتورة الراديوا ما يتعوضش
واش تفحالة بغيت تعمرا ضروس حسك راديوو باش تعوض
الى غير عمارة لا تحتاج راديوا
شوف هنا
ruclips.net/video/-5Hr8XOZHt8/видео.htmlsi=15C6bQTNa2QBSV3g
من فضلك واش مرض الغدة الدرقية مرض مزمن
للأسف لا ، كيقول ليك الدواء ديالها رخيص ما كيعتابروهش مرض مزمن
واش في اي حتلة باش تعوض خسك راديو قبل ابعد باش تعوض
لا ماشي كلشي حالات معينة فقط
مثلا قتيل العرق
الفيكس
لاباراي ستيليت
Wach kayn chi tbib 3nd cnss kitklf bhadchi y3ni nmchiw 3ndo nakhfo maw3id wyswb howa hadchi li mjrb yjawbna lah yr7m lwalidin
لا بالنسبة لطب الاسنان للأسف قليل جدا في العمومي
او الخاص ما يتعاملش كيبغي يتخلص في لبلاصة
الأخ عبد الرحيم، ملف البريدج جاهز، وقد عوضتني كنوبس ،لكن لازالت التعاضدية تتلكء في إعطاء التعويض الخاص بها لمدة 3 أشهر ولانعرف ماالسبب 🙄🤔
واش جاك تعويض كنوبس ولا باقي كيبان غير في الموقع ؟
او اش من تعاضدية نتا ؟
السلام عليكم اخي درت سنة وحدو فيكس ومادرتش راديو بانوراميك لا قبل ولا من بعد.اكتفيت غير بالراديو ديال الطبيب واش كافي ولا الملف غادي يرفضوه
راديوا الطبيب الصغير راه مقبول غير بي شرط يكون باينة فيه السنة كاملة
راديو بانوراميك .كنتعوضو فيهم بجوج.ديال قبل وبعد؟
اه
الله يرحم ليك الواليدين
واليدينا او واليديك
مدويتيش لينا على تعويض بالنسبة لكلية طب لهو العام و فالخاص
جاني هاد السؤال قبل ايام
او كيف قلت للأسف ما عنديش معلومات كافية على الموضوع
نهار توفر ليا المعلومات نهضر عليه
شنوا اللي ثلاثي الابعاد واش الراديوا ؟
او عشرين الف درهم راه بزااااااف
ديري تعليق بوحدوا باش نقدر نشوفوا
هذا غير بالزهر طحت فيه
@@CNOPS_CNSS9:58
@@CNOPS_CNSS طلبو ف التمن ديال راديو تلاتي لابعاد. سكانير الف. درهم
الله يجازيك بالخير انا طالب و عمرت واحد الضرسة و الطبيب عمرلي الورقة د كنوبس لي بغيت نعرف اشنو غادي نزيد مع ديك الورقة باش ندفع الضوسي فالبريد
الى غير عمارة ايعطيك فقط فاتورة مع ورقة كنوبس
الراديوا ما تحتاجوش
واش عملك راديو قبل ابعد
جاوبني خويا واش كدير حتا راديو وتحاليل ف ملف ولا يكفي غي فاكتورة جاوبنا
النتائج ديال الراديوات ولا النتائج ديال التحاليل غير مطلوبين
كتدير فقط الفاتورة
الصورة ديال الراديوا بعض التدخلات كتكون مطلوبة فيهم راه شرحتها في هاد الفيديوا نيت
الله يعطيك الصحة شكرا
بارك الله فيك
السلام عليكم أنا ف radio panoramique , عطاني نيميريك أو الكليشي، باش نتعوض ندفعهوم بجوج، ولا لي بغيت فيهم ، ولا شنو ؟ وشكرا على المجهودات.
باش تتعوض ما تدفع تا وحدة، تدفع فقط الفاتورة والوصفة وورقة العلاجات
@@CNOPS_CNSS شكرا لك على المجهودات، بفضل معلوماتك و فضل الله، ما تشمتش فتعويضات النظارات الطبية، حيث عندي الزجاج غالي و لكن الإطار أقل من 400 درهم، ولقيت الوالد حياتو كاملة تيعمر تعويض النظارات غلط و حتى لي كيصوبو النظارات ما عارفينش هادشي، أكمل أخي الكريم في توعية المواطن، باش يتعوض و ياخذ حقوقو كاملة و جزاء الله خيرا
❤❤❤
غير هو هادشي فالمغرب مزال معقدينو خاص اتطور هادشي وناس تمشي دوز بلا متخلص او تخلص غير الفارق والعمليات تكون بين المؤسسات فسيستيم
للأسف التعقيدات والكوارث اللي داروا لعفوااااا
Aafak je veux savoir radio OCT remboursable ou non
للأسف لا يعوض كنوبس، كاين فيه فقط استثناء عند سنلام شوف هنا
ruclips.net/video/_jYyuehO1wo/видео.htmlsi=6HauExiAM1OVGICg
واش بصح الناس مخاصهومش يفوتو تحياد تاع 2 ضروس فالعام ؟ يعني لي غيحيد الضرس الثالث فنفس العام مكيتعوضش فيه؟
لا ما كايناش هاد الهضرة ، واخا تحيديهم كاملين في شهر تتعوض
فقط حاجة ما تحيدش جوج في نهار باش تتعوض
حيث اذا حيدتيهم في نهار الاول تتعوض فيه الثاني يعطيوك نص التعويض
بغيت نركب فيكس ل 14سن يعني ضحكه كامله واش sncc كتعوضهم كاملين
كتعوض لكن تعويض ضعيف بزاف
شوف هنا
ruclips.net/video/wgbtPf8FSz4/видео.htmlsi=Tz1DO7ufMrk4_bIC
Lmima lmjwbni ana drt fix 3nd whd tbib chohryn daba mzal mrj3tlia lamtuel thwlt mndik lmdina daroni snan drt rdio panormik l9ithom kolhom mgyhiiiin y3ni khsni n3wd dkchi kaml daba wch la mituel t3wd trj3lia hdchiii z3ma m3wda tani snan
وا راه الملف الاول او باقيما تعوض ، يعني ممكن يكون الملف الاول فيه شي مشكل ولا خطأ الطبيب في تعماروا
تبعي الملف الاول من اجل التعويض
او الطبيب الثاني شوفي معاه شنو الحل العلاجي ، او قولي ليه يكتب ليك تقرير على المسكل اللي عندك دابا او خلي عندك التقرير
كنتي تقدري ترجعي للطبيب اللاول رجعي ليه قولي ليه شوف اشنوا وقع او سمعي التحليل ديالوا اش غادي يقول ، راه ممكن يكون السبب منوا ممكن يكون امر عادي أنه وقعات شي حاجة في اللحم خاصها تدخل طبيب
لمهم سمعي رأي الطبيبين
تبعي ملف التعويض الاول
خودي تقرير الحالة من الطبيب الثاني
سلام عليك. خويا بغيت نعرف. واش ختى اولاد. دخلين معايا فهاد تغطية صحية. اولى. انا خاص. بوحدي
التغطية الصحية كتكون عد الشخص ، او كيدخل معاه الاولاد ديالوا اقل من 21 سنة او 26 سنة الى كيقراو
او كتكون معاه الزوجة
في حالة كان داخل معاك في السجل الاجتماعي شي واحد اخر ولاد ختك خوك ، راه خاصهم يديروا امو بوحدهم او بي المؤشر اللي عندك نتا
@@CNOPS_CNSSشكرا لك الاخ العزيز
السلام عليكم ورحمه الله اله اجازيك بالخير انا عندي محل تجاري ومازال مااتقيدت في الضمان الاجتماعي واش ممكن نعمر اللوراق ديال لاميتيال ونحتفظ بهم وشكرا جزيلا
لا واخا تعمرهم ما يخدموش ليك ،حيث خاص تاريخ اجراء التدخل الطبي يكون بعد ما تفتحوا ليك الحقوز في الضما الاجتماعي
طبيب مدارليش في ثمن مجموع ثمن الاشعة،واخا دافعة راديو الاول وثاني مع فاتورة واش نتعوض عليهم ولا اا
ا ضروري باش تتعوضي يكونو في المجموع او تكون عليهم فاتورة ولا يكونوا في ورقة الاتعاب اللي عمر الطبيب
سلام أنا طالبة و مشيت عند طبيب الاسنان باش ندير الفيكس لواحد الضرسة و بدا كيعالج فيهاو قتل ليها العرق وخدا العبار غير اليوم ولكن مدارش ليا راديو قبل
دبا مغايرجع ليا والو من فلوسي و أنا باقا طالبة فلفاك 😢😢
لا لا ، الراديوا ديال قبل مهم باش يبين أنه الضرسة فعلا خاصها الفيكس
هنا اللي ممكن يضيعك فيه هو التعويض على قتيل العرق ولكن ماشي مشكيل ، راهم كيدخلوا كلشي في ثمن الفيكس
غير الثمن يدير ليك 2250 درهم
@@CNOPS_CNSS آه دبا نهار يدير ليا لفيكس نقول ليه يدير ليا الراديو قبل ما يدير الفيكس وخا قتل العرق و بعد ما يدير الفيكس للاحتياط؟؟
و بخصوص الثمن هو قال ليا أقل من 2250
واش ضروري يكتب ليا 2250 !!!!!
وشكرااا بزاف أنا أول مرة ندير هادشي ديال كنوبس
السلام عليكم. عافاك انا درت الراديو قبل العلاج فشهر 2 /2024 و تعطلت العلاج ديال الأسنان حيث مرضت و حبست. درت فيكس زوج مرات مرة 2 أضراس مرة ضرس وحدة. و كملت غير فهاد الشهر و رقة العلاج فيها تاريخ شهر 10/ 2024 واش غايقبلو ليا الملف و لا لا؟
لا لا لا لا لا ، واياك تدفعي الملف قبل غادي تقولبي
الراديوا ما خاصوش يكون فايت 6 اشهر باش يتقبل
ضروري رجعي للطبيب يشوف ليك حل ، حيدي اللي ركبتي او ديري راديوا ديال قبل يكون باين فيه الاضراس ماكينينش
عاد ركبي او ديري ديال بعد او هوما راكبين باش يبان
الى ما صححتيش الراديوا غادي تضيعي في التعويض
كاين حل اخر هو الحمل ، يعني تكوني حاملة او يكون وثائق اثباتية تدفعيهم مع الملف باش تقولي علاش ما دتيش الراديوا ديال قبل
الى ليتي هاد الحل الاخير راه ينفع او حيدي الراديوا اليابق ما تعطيهش لاأنه ما بقاش نافع
@@CNOPS_CNSS أنا حامل بالفعل، و الراديو ديال من بعد كيندير فيه؟ واش ندفع بلا راديو قبل و بلا راديو بعد. عندي كنوبس
@@CNOPS_CNSS واش ممكن ندفع حتا بدون راديو بعد؟ عندي صور ايكوكغافي للحمل.
وبالنسبة للراديو أنا درتو تقريبا هذه شي 3 شهور وبغيت نولي ندير واحد اخر واش عادي غادي نتعوض فيه ولا يرفضولي يلا درتو بزاااف حيت مشالي وبغيت ندير واحد اخر
لا ماشي مشكيل تدير واحد اخر عادي حقك هذاك
عفاك لافيسيت عند طبيبة النساء والتوليد ب 350dh بشحال غنتعوض أنا عندي cnops
ممكن تتعوض ب 120 درهم ممكن ب 48 درهم
على حساب الطبيبة او INP اللي عندها
شوف هنا تفهم الاثمنة اكثر
ruclips.net/video/S3SKmX-F3ac/видео.htmlsi=-kMyETCvRgcPfsPp
استاذي لعروسي بغيت ندير لفيكس بشحال كيداار على كل سنة وشحال غيعوضوني ا استاذ
كنوبس شوف هنا
ruclips.net/video/EjSs1a3PJWk/видео.htmlsi=jp4dUiK0lxYUqWI7
سنيسيس هنا
ruclips.net/video/wgbtPf8FSz4/видео.htmlsi=4gkL3kN-9W6KfeSV
استاذي الكريم لعروسي انا عملت الفيكس وفالولي انها الفيكس لايتعوض 😔
كنوبس كايتعوض . درتو ب ستة آلاف درهم عوضوها ليا .
كيتعوض، الزراعة التي لا تعوض
شوف هنا سبق شرحتها بالشروط
ruclips.net/video/EjSs1a3PJWk/видео.htmlsi=CjkdYcK36FaSVNdi
@@CNOPS_CNSS الله احفظكم استاذنا لعروسي وجزاكم الله خيرا ورمضان كربم
للاسف عام ونص باش درت الفيكس15 الف درهم ضاعت بالاصافة للراديوهات 😔
رسل ليا في الايمايل
mpsccnops@gmail.com
سلام انا بغيت ندير تقويم اسنان واش انتعوض عندي 19ans و عندي ضمان اجتماعي د طالبة؟
لا ، يعوض لم اقل من 16 سنة
Choukran
❤️❤️❤️
أنا الضراس انقتل ليهم العرق واش كل واحد كل ضرسة تكتبلي 50 درهم عندي ثلاثة يعني كل ضرسة 50 درهم ولا تكتبلي 50 درهم ليهوم ب 3
واش غادي تقتل ليك العرق ب 50 درهم ؟؟
رخيصة بزاف
اللي مهم أنه كل ضرس تكتب قداموا رقموا والثمن اللي خلصتي لكل ضرس
او تا التاريخ
شوف هنا
ruclips.net/video/-5Hr8XOZHt8/видео.htmlsi=8VCQt-ntzFajb3oi
3ndi 2 drossa kan3mrhom had l ayam gatli dentist b les radio bkolsh 1100 bjuj w anaya 3ndi cnops mch7al ghadi yrdoli wbnisb had dross lijayin fsaf tani
غادي يرجع ليك مزيان الى عرفات كيفاش تعمر ليك لوراق
تدير ليك زيارة ب 100 درهم
راهديوا أول ب 50 درهم
عمارة ب 250 درهم او تديرD15
الضرس الثاني تا هو نفس الامر
راديوا بعد ديال 50 درهم
قولي ليها تنقص ليك من الثمن حيث 1100 درهم غاليا بزااااف
شوفي هنا تفهمي الموضوع كثر
ruclips.net/video/-5Hr8XOZHt8/видео.htmlsi=UNG6KYrSDFiIp5iD
@@CNOPS_CNSS شكرااا جزيلا
خويا الله ايجازيك بخير أنا كنت دفعت لكهوبس صورة الراديو بانورامي باش عطاوني ورقة الموافقة لكن ماردوش ليا ديك الصورة وهم يطلبونها بعد العلاج ماذا افعل وقد بدات
لا لا ماشي مشكيل غالبا التعاضدية اللي كتنتامي ليها هاكاك باش كنخدم، كيخليو الدوسي ديال طلب الموافقة عندهم او كيعطيوك ورقة فقط ، منين تسالي جيب ليهم الملف اللي غادي يعمر ليك الطبيب مع الورقة اللي عطاوك او راهم ايجمعا الملف كامل عندهم
أشنو دارو معاك الله يجزيك بالخير نفس حالة انا راديو قبل العلاج دفعتها مع موافقة ودابا نتهمت مدة صلاحية دازت 6 شهور عليها ودفعت غير راديو من ببعد ماعرفتش شمويدير معايا
السلام عليكم جزاك الله خيرا على هذه المعلومات القيمة عفاك بغيت نصوب الفيكس ديال سيرامو سيراميك وطبيب يكتبلي سيرامو ميطاليك باش نتعوض واش ممكن اولا يقدر يترفض ليا
لا فيها مشاكيل قانوني ، غادي يتابعوك بتهمة التزوير
مازال دير حاجة او غادي تبعها او قانونيا تتعوض
دير سيرامو سيراميك ، او عمر لوراق سيرامو سيراميك ، يعني اللي درتيه تتعوض فيه ، بقوة القانون خاصوا يتعوض ، هوما غادي يرفضوا في البداية ولكن الى تبعتي الامر غادي تتعوض
حيت قاتلي الطبيبة كيجيو مابينينش ف راديو
راني معرفت مندير الأصل الطيب علما أن اسناني مدرورين بزاااف وبغيت شي حل ف اقرب وقت
@@MohammedDra-id4ll
الطبيب غير كذاب
حيث اللي كيهموا هو لخلاص
ما سوقوش التعويض ديالك
قولي ليه حاجة ، عمر اللي بغيتي في لوراق ولكن في حال كان شي مشكيل تتحمل المسؤولية
الى قال واخا
قضي الغراض
جزاك الله خيرا كثيراً يا صاحب القلب الطيب عارف كثرت عليك الاسئلة بزاااف غير سمحلي وبالنسبة يلا درت غير اللي كيتعوض شحال تقريبا يدوزولي المدة راني معرفت مندير علما كنت مصوب 4 الأمامية ولكن قبل منخدم دابا درت كنوبس الحمدلله وهوما درتهوم المدة هذ 5 سنوات بدات واحد السنة كتحال شويا بغيتك تنصحني واش ندير اللي كيتعوض والا ندير هذاك اللي مزيان وبغيت نعرف الثمن ديال كل واحد فيهوم باش ميزدوش عليا فالثمن بزاااف والله يحفظك
مشكور
مرحبا
سلام عفاك ايلا بغيت ندفع التحاليل الدم في الدوسي شنو ندفع لا فاكتور و النتيجة؟؟عافاك نتمنى تجاوبني
فقط الفاتورة كافية مع الوصفة وورقة العلاجات
شوف هنا سبق شرحتها
ruclips.net/video/n6Za70sJ1nI/видео.htmlsi=8iHMEaKfWEWdJC3z
@@CNOPS_CNSS بغيت نسولك في الدوسي ,انا ماعنديش كنوبس ,عندي أطلانطا سند يعني في جمع وثائق بحال بحال ,انتاج غا فاتورة و ووصفة طبية؟
غالبا غادي يكونوا لوراق بحال بحال
غير هو ضروري تسول عندهم قبل ما تدير تا حاجة ، حيث ممكن يكون عندهم شروط وتعويضات اخرى
خويا انا عندي امو عافاك منين نجيب الرقة لي يعمرهالي طبيب حيت اول مره
شريها منة المكتبة بي درهم
ولا يعطيوها ليك فابور في وكالة ديال سنيسيس
خوياا انا عندي cnss و axa واش تعويض ممكن ايكون 100%
ما نقدرش نضمن ليك ، لأنه اكسا عندها شروط خاصة كتكون محددة بينهم او بين المشغل
يعني ايخصك تسول عندهم شحال كيعوضوا
سنيسيس التعويض هو اللي شرحت
السلام عليكم عندي سؤال بغيت نعوض الفيكس دفعت لهم طلب بغيت نعرف الدوسي ديالي واش تقبل اليوم 22 المدينه اللي دفعت لها بعيده علي واش كاين شي طريقه باش نعرف الدوسي واستقبل وشكرا ولدي
تبعيه في الموقع
ruclips.net/video/7E9MtZOme0A/видео.htmlsi=6zMAe8lb2GPEyPiL
وايضا اتصلي بالناس ديال كنوبس هنا
0538002020
السلام عليكم يا اخي جزاك الله خيرا انا درت ليباك دبا 4 اشهر معنديش أمو مزال متبع مع طبيب واش يمكن ليا ندير أمو ونستافد من تعويض.. واش كاين شي حل أخور وشكرا جزاك الله خيرا
ممكن تدير امو او تستافد
منين تدير امو ضروري تطلب الموافقة المسبقة قبل ما تبدا العلاج
غير حاجة راه التعويض كاين فقط لأقل من 16 سنة فقط
خويا سؤال عافاك
أنا عطاني الطبيب جوج راديوات قبل وبعد قتيل العرق ولكن ماكتبش عليهم التواريخ . واش غايردو لي الملف واخا مكتوب فذاك الجدول دورقة العلاجات تواريخ الحصص لي درت عندو قتيل العرق ؟
ما عرفتش بالضبط كيفاش كتبهم
ولكن الراديوات ضروري يكون فيهم التاريخ
واش ضروري دير راديو قبل ماتعمر ضرسة
لعمارة لا ، قتيل العرق اه ضروري راديو
ruclips.net/video/-5Hr8XOZHt8/видео.htmlsi=h3y8M8A1AeDmv5OS
انا درت العمارة وقتل العرق ولكن بدون راديو صافي درت بناقص
ما غاديش تعوض في قتيل العرق لأنه ضروري الراديوا باش تتعوض
السلام درت السكانير ديال السنان ماشي راديو بانوراميك
باش نحيد الضرسة ديال العقل الثمن ديالو 900 درهم واش كتعوض عليه كنوبس وشحال قيمة التعويض
السكانير يعوض الثمن كيكون ب 1000 درهم
نتا درتيه ب 900 كيتعوض ب 80 في لميا من ديك 900
غير هو تشوف بعدا واش سكانير ولا شي نوع اخر ، الطبيب اللي كيحدد في الوصفة والتقرير
@@CNOPS_CNSSاخي راه مرجعوليش جاع 80 فالمئة رجعولي 64 درهم فقط جاتني ماشي منطقية بتاتا شنو خصني ندير فهاد الحالة ?
غالبا ما عطاكش الفاتورة ديال السكانير ، داك الشي باش حسبوا ليك غير الزيارة
الى عندك الملف مصور رسلوا ليا هنا نشوف معاك
mpsccnops@gmail.com
الشكايات دير شكاية في الموقع ديال كنوبس شوف الجواب الاولي ديالهم اش يقولوا فيه
سي كمال ابنتي دات 15 سنة ازالت أربعة اضراس لعقل في مدة سنة دفعت ملف به ضرسين لكنوبس ارجعولي الملف مطالبين pré panoramique اللدي بحوزتي وتاريخه اكتر من سنة هل من حل وشكرا
الراديوا كيف قلت مدة الصلاحية ديالوا 6 اشهر فقط
شوف التاريخ ديال الراديو مع التاريخ ديال التحياد ، الى بيناتهم ما كاينش 6 اشهر راه مزيان راه يعتمد كدليل
الله يخليك انا درت التقويم لبنتي مكانش عندي cnss دبا طبيب طلب مني ندير رديو panoramique واش يمكلي دبا نتعوض عليه ندفعو cnss
لا التقويم اصلا باش تديريه خاص تا يوافقوا ليك سنيسيس
او باش يوافقو كتديري شي راديوات
الراديوات غادي يبان فيهم راه الابنة اصلا مصايباهم
كاين حاجة تقدري تديريها ، الى باقا كتعالج ، غادي يتقولي للطبيب يصايب ليك ملف ديال يبين ان الابنة تعالج حاليا او يوضح اش من مرحلة بالضبط وصلات او شحال باقي ليها في العلاج ، هنا راه ايوافقوا ليها تكمل او يعوضوها على اللي كملات
لوقت اي دارت التقويم مكانش عندي cnss
نعم مزال كتعالج
عفاك الأم ديالي دارت appareil والطبيب كتب ليها دير راديو غير apres ومني دفعت الضوسي ترفض واش في lappareil كنحتاجو راديو avant و apres بزوج باش اعوضونا ؟
في الاساس ما كنحتاجوش الراديوا كاع في لاباراي اللي كتركب او تحيد
في حال طلبوه المراقبة الطبية كيطلبوه بورقة رسمية
داك الساع عادي تحيد لاباراي تدير قبل
او تركبها او تدير بعد
التاريخ ماشي مشكيل حيث هوما اللي طلبوا
@@CNOPS_CNSS شكرا بزاف🙏
كيفاش ناخد حقي من صانع اسنان خرج عليا و فعمري 26 ans واش عندك شي حاجج تقدر تفيدني بيها 🙏
ما عرفتش كيفاش خرج عليك ؟ اشنوا دار بالضبط ؟ واش خسر ليك سنانك ولا شنوا
على اي غير معلومات اولية، صانع اسنان ما عندوش الاهلية انه يمارس طب الاسنان، يعني في حال كان صايب ليك شحاجة في فمك، راه واخا يكون صايبوا مزيان راه عندوا خرق قانوني اللي ممكن يأدي بيه للسجن
نتا الى كان دار ليك شي حاجة خايبة ، حاول معاه بالطرق السلمية يلقا معاك حل واخا يعرف هوا يتحمل من جيبوا تكاليف ديال اصلاح ما افسده عند طبيب اخر متخصص ، ما بغاش غادي تدوز للاجراءات القانونية
خاصك اثبات انه هو فعلا اللي قام بالعمل، حيث ممكن ينكر يقول ليك عمري شفتك ، الاثبات اما بشهود، ولا كامرا عندوا تثبت انك حضرتي ، ولا ممكن تدي معاك مفوض قضائي يدير محضر معاينة،
من بعد ما تثبت أنه عالجك، داك الساع تدير شكاية لوكيل الملك بالنصب والاحتيال من طرف شخص ينتحل صفة طبيب اسنان، او داك الساع تشوف اش غادي يوقع ليه
لقيتي شهود ديجا عالحج ليهم او بغاو يوقفوا معاك راك تصيفطوا بي مرة
انا مقتلاتش ليا لعرق واش ميتقبلش ليا لملف😮
الى الفيكس راه يترفض ليك
الى باقي ما دفعتي رجعي ليها تشوف حل
ruclips.net/video/EjSs1a3PJWk/видео.htmlsi=BH9t0_9L7sJPr93y
@@CNOPS_CNSS الله يخليكم بغيت ندير فيكس 3 اسنان شنو الوتاؤق لي خاصني ندفع لكنوبس للتعويض
السلام عليكم سي عبد الرحيم دفعت ضوسي ديال السنان البريدج و درت راديوا صغير ديال الطبيب قبل و بعد و دبا ترفض ليا الضوسي بدعوى RADIO PANORAMIQUE واش غادي نحتاج غير راديو بانوراميك دبا صافي شكرا جزيلا خويا
لا ما يمكنش يترفض ليك على نوع الراديوا ، غالبا قالوا ليك الراديوا غير واضح
حاول تدير ليهم راديوا واضح اكثر او رسلوا مع الملف
رد البال مع ديال قبل الى كنتي مثلا مفيكسي كيفاش غادي تدير تحيد باش تدير راديوا ديال قبل
@@CNOPS_CNSS لا أسي عبد الرحيم محددوش ليا قبل أو بعد داروا ليا فالسبب الرفض فالموقع ديالهم radio panoramique فقط مع العلم أني درت ضرسة وحدة براديو صغير و تقبل سؤالي واش ندير راديو بانو راميك و نصيفط ؟
6900 درهم أسي عبد الرحيم تسلفناها كنتسناو التعويض و حصلنا الله المستعان
لا ما تديهاش في السيت اش مطلعين ، رجع عندهم اتلقا ورقة مع الملف فيها بالتفصيل اللي مطلوب ، صلحوا او غادي تتعوض
@@CNOPS_CNSS بارك الله فيك سي عبد الرحيم على المجهودات المبذولة
شكرا اخويا والله اخويا لدرت راديو لكبير هد سيمنة بي 350 درهم في الدخلة
بزااااااف مالوا غادي يرسمهم ؟؟
ديروا بيه شكايات ل ANAM
او ديروا شكاية تا للداخلية للسيد العامل ، راه المناطق الجنوبية بحكم الصعوبات خاصهم يبسطوا ليهم اكثر هو ستاغل البعد او بدا يشير
دير شكاية او تبعها او غادي تشوف
مكينش شي واحد لي كيجي يبغي يعمر شي سنة ؤمكديىش ليه راديو بي 350 درهم
بغيت نسولك اخويا انا قلت لطبية تغسل ليا سناني دارت ليا راديو بي 350 درهم قالت ليا عندك جير في العضم عندك 3 جيهات 400 درهم لجيها ؤلغسيل 550 درهم دات من عندي 1750 درهم في لغسيل في لخر عتاطني لوحدا خرا تعلمت فيا تصيدت اخويا بزاف
تماما في الداخلة العرض الصحي منعدم وخصوصا في طب الأسنان والأطفال.
شوف كيف قلت ليكم الشكايات للداخلية وايضا ل anam وأيضا لوزير الصحة
راه كيتخادوا بعين الاعتبار خصوصا في المناطق الصحراةوية، بربي تا يربيوه ولا يربيوها
راه اللي لقا علامن راه ىكينصب
بغيت ندير ليباك وطلب مني الطبيب 2 راديوات
واش ممكن نستافد من تعويضcnops هد الراديوات مع العلم انا سني أكبر من 16سنة
الراديوات كيتعوضوا
لكن ليباغ لا
@@CNOPS_CNSS شكرا جزيلا
لكن شنو غادي يدير ليا الطبيب في الضوسي ليقال ليا نجيب 2 راديوات
واش هو ليغادي يعمر ليا الاوراق ولا الطبيب ليغادي يدير ليا les radios
غادي يعمر ليك ورقة كنوبس او يكاشي فيها طبيب الاسنان
يعطيك وصفة لكلا راديو
تمشي تديري الراديوا او يعطيك اللي داار الراديوا الفاتورة او يكاشي في الوصفة وورقة كنوبس
انا عندي أمو و عندي وافا اسيرونس واش نعمرهم بجوج و نتعوض. انا درت بريدج جويت تلاتة الضروس بروتيز و بالراديو بانوراميك شنو نعمر جاوبني الله رحم ليك الوالدين
غالبا نتا من الناس ديال القييمين الدينين ، أه دفع ليهم بجوج باش تتعوض
دير فوطوكوبي او سير عند وفا هيا الاولى ، يشد الملف او يعطيك الاصلي ديه دفعوا لاسنيسيس
@@CNOPS_CNSS كيفاش القييمين الدينيين؟ سولت الشركة لخدام فيها قالو ليا السنان التعويض هو ألفاين درهم كحد اقصى في العام هادشي لسانيين معاهم
@@CNOPS_CNSS انا خلصت الطبيب 6400dh
السلام عليكم عفاك انا دفعت ملف ديال تقويم اسنان بنتي وخديت الموافقة ولكن رجعو لي كنوبص غي 200 درهم من 1000 درهم ديال ملف لي فيه دراسة راديو de profil
وحتى راديو de profil درتو ب 250 درهم رجعت لي كنوبص 95 درهم واش هادشي معقول ولا يكون شي خطأ؟وشكرا على التوضيح
شكرا ليك على المعلومات لكن الصراحة هادشي كيحز فالنفس التطبيب غالي جدا والتعويض هزيل جدا
للأسف كارثي
درت راديو بانوراميك عند طبيب اختصاصي ب 400dh
للأسف غلا عليك
خويا انا كنت حطيت ضوسي درت فيه راديو بانوراميك وعمرت التدويزة عند الطبيبة و تا دوا ء ودفعت ليهم قبل 24فشهر 2 لدابا مازال ماردوش عليا وفاش كانبغي ندخل السيت ديال كنوبس ماكايبغيش يخدم لي وماعرفت ماندير
الى دفعتيه قبل ما تسد ليك الحقوق حيث غالبا الحقوق غادي يكون تسدو ليك في 29/02/2024 الى كنتي ساليتي لقرايا
حاول تاصل بي كنوبس على هاد الرقم او سولهم على الملف فين هو بالضبط
0538002020
@@CNOPS_CNSS لا انا باقة كانقرا ودفعت قبل تاريخ ليخاصني ندفع فيه واخا انا نصوني ونشوف
سلام خويا الله يجازيك بالخير تقدر تجاوبني أنا حيدت ٢ضرسات ديال العقل وراديو ب200dh وعاد دوايات هادشي أخويا كلو ب 1119dh دابا خويا كنلقاهم عوضوني يلاه بamo 251 dh جاتني قليييلة بزاف إلا كان ممكن تشرحلي وشكرا بزاف
صعيب نحدد بالضبط لأنه خاصني نشوف الطبيب اش كتب
غير هو كفكرة اولية
نعتابر عندك سنيسيس
على الضرسات ردوا ليك 183,75
على الراديوا ردوا ليك 112
الدوايات نقولوا لا يعوضون
يعني ابسط تعويض خاصوا يكون 295,75 درهم
غادي ترسل ليا ايمايل او رسل ليا فيه واحد الملف كيعطيوه ليك في التطبيق ديال ما سنيسيس
باش نشوف معاك راه كيكونوا الاخطاء
mpsccnops@gmail.com
@@CNOPS_CNSS ok
سلام سولك أناكنت مصاوب دراس دبا مابقيتش قدرت عليه كاخنقني دبا بغيت صوب دراس أخرين مدا لي صوبت دراس 6سنوات واش مكلي ساوب دراس أخرا وشگرن جوبني
الى كنوبس اه تقدري ، ديري طلب الموافقة المسبقة او ديري معاه تقرير صغير من الطبيب يبين فيه سبب التجديد او دفعي او تسناي تا يجاوبوك
الى عندك سنيسيس لا، راه ما عندكش الحق تبدلي
ruclips.net/video/EjSs1a3PJWk/видео.htmlsi=paOywI3T9LfWh7OG
شوكرن علا معلوم مبروك رمضان
سلام عليكم.جزاك الله خيرا. عندي سؤال انا طلب مني طبيب الأسنان راديو بانوراميك فالأول باش نحيد ضروس العقل من بعد طلب مني denta-scan وفعلا درتو ب500درهم .هدشي قبل منحيد ضروس العقل قالي طبيب ضروري ندير الراديو الثاني عاد يقلع لي الضروس العقل .بغيت نعرف واش denta-scan كتعوضوا cnops? واش ندفع الراديو الاول والثاني في نفس ورقة العلاجات ?
ماشي مشكيل الراديوات بجوج في نفس الورقة ، غير ردي لبال ما يكونوش في نفس التاريخ عند نفس الطبيب
هاداك دونتا سكان بي صراحة ما عرفتش واش كيتعوض ، اللي عارف هو لبارنوراميك اللي شرحت ولا سكانير هادا كيدير في الاصل شي 1000 درهم
ويعوض ب 800 درهم
ضرس العقل حتى هي كتعوضها كنوبس
اه كتعوض
ruclips.net/video/n2JhhhGCQwA/видео.htmlsi=O16UCvS35Q89xtQf
واش كاين شي طبيب اسنان فالرباط تابع omfam
اه كاين المقر في الرباط فيه خدمة طبيب الاسنان
شوفهاد الرابط ورك على الصورة الرباط غادي يعطيك العنون بالضبط
omfam.org/omfam/
السلام عليكم عفاك عندي تساؤل نتمنى تجاوبني درت الفيكس ودارت راديو الصغير وعمري الطبيب منين مشيت دفعت في la CNSS ترفض منين مشيت نعرف السبب قالولي الراديو قبل وبعد مكاينش وهما كاينين من ضمن الوثائق وعاودت مشيت لطبيب وعاودتلو قالي ها هما راديوات قالي ديري الراديو لكبير ودرتو وعاودت دفعت وترفض من جديد ما عرفت شنو الحل كنتمنى تفدني الله يجزيك بالخير
الى كاين الرايراديوا الصغير قبل وبعد، او باين راه كافي
الطبيب فاش رجعتي ليه راه دار ليك غير ديال بعد وبالتالي سنيسيس اعتبروا انه قبل ما كاينش
غادي ترجعي للطبيب يعطيك راديوا قبل وبعد الصغير او يكون باين فيه السن ما كانش قبل ، او باين بعد التركيب
او غادي تديه لوكالة سنيسيس او تشوفي المدير ، او تقولي ليهخ طلبوا ليا هادوا في الملف او منين تعطيهم ليه قولي ليه يعطيك وصل التسليم (يعني ورقة تثبت أنك جبتي الراديوات)
باش ههاكا الى رفضوا ندوزوا للشكايات ، الرفض كيككون بورقة رسمية يكتبوا فيها سبب الرفض