ŞAHİD HAL ŞAHİDİ OLDUĞUNU MƏHKƏMƏDƏ İNKAR ETDİ

"Azadxeber.org" saytının baş redaktoru Nicat Əliyevin və başqalarının
məhkəməsi davam edir. Proses Bakı Ağır Cinayətlər Məhkəməsində hakim
Zeynal Ağayevin sədrliyi ilə keçir. Hakim audio və video çəkiliş
aparmağa icazə verməyib. Odur ki, prosesdən sonra "Azadxeber.org"
saytının baş redaktoru Nicat Əliyevin vəkili Abil Bayramov məhkəmə
baxışı barədə məlumat verərək iki şahidin dindirildiyini bildirib.
Xatırladaq ki, 2012-ci may ayının 20-də "EUROVİSİON" mahnı yarışması
ərəfəsində saxlanılan Nicat Əliyevə qarşı Cinayət Məcəlləsinin (CM)
234.1-ci (Satış məqsədi olmadan qanunsuz olaraq narkotik vasitələri və
ya psixotrop maddələri şəxsi istehlak miqdarından artıq miqdarda əldə
etmə və ya saxlama), 167-2.2.1-ci (qabaqcadan əlbir olan bir qrup
şəxs və ya mütəşəkkil dəstə tərəfindən müvafiq razılıq olmadan dini
təyinatlı ədəbiyyatı, əşyaları və dini məzmunlu başqa məlumat
materiallarını istehsal etmə, satış və ya yayma məqsədi ilə idxal
etmə, satma və ya yayma), 281.2-ci (bir qrup şəxs tərəfindən
hakimiyyətin zorla ələ keçirilməsinə, zorla saxlanılmasına və ya
Azərbaycan Respublikasının konstitusiya quruluşunun zorla
dəyişdirilməsinə və ya ərazi bütövlüyünün parçalanmasına yönələn açıq
çağırışlar etmə, habelə bu cür məzmunlu materialları yayma) və
283.2.3-cü (mütəşəkkil dəstə tərəfindən milli, irqi, sosial və ya dini
nifrət və düşmənçiliyin salınmasına, milli ləyaqətin alçaldılmasına,
habelə milli, irqi və ya dini mənsubiyyətindən asılı olaraq
vətəndaşların hüquqlarının məhdudlaşdırılmasına və ya üstünlüklərinin
müəyyən edilməsinə yönələn hərəkətlər, aşkar surətdə və ya kütləvi
informasiya vasitələrindən istifadə olunmaqla törədildikdə) maddələri
ilə yeni ittihamlar irəli sürülüb.

[@Nadir322]

Yaziq Azerbaycan