Արման Նավասարդյան - Երկիր

հեղինակ
Ռուզան Հովասափյան
sound
The Last Samurai OST Suite #1 - Erhu Cover - Hans Zimmer
Շա՞տ է ցավում, երկի՛ր,
Իմ դիմացկուն տղա,
Իմ դյուցազուն տղա,
Բախտդ տուր իմ երգին։
Հաց կերե՞լ ես, երկի՛ր,
Իմ խռոված տղա,
Անհեր, անմեր տղա,
Ցավդ տուր իմ երգին։
Հեչ քնե՞լ ես, երկի՛ր,
Իմ մենավոր տղա,
Անքուն, հոգնած տղա,
Լացդ տուր իմ երգին։
Ցավը հե՞չ չի թողնում,
Իմ լուռ, անխոս տղա,
Ցավից խմող տղա,
Հեկեկա իմ տողում։
Երկի՛ր, իմ որբ տղա,
Խոսելս չի գալիս,
Երգս երգիդ համար
Էս ի՛նչ գին է տալիս...