ସମ୍ୱଲପୁର ପୁସ୍ତକ ମେଳା 2025

ସମ୍ବଲପୁର ପୁସ୍ତକ ମେଳା: ସାହିତ୍ୟ ଓ ସଂସ୍କୃତିର ଜାଗୃତିରେ ଏକ ପଦକ୍ଷେପ
ସମ୍ବଲପୁର, ସାହିତ୍ୟ, ସଂସ୍କୃତି, ଓ ଜ୍ଞାନର ଏକ ପ୍ରମୁଖ କେନ୍ଦ୍ର ଭାବରେ ପରିଚିତ। ଏହି ସ୍ଥାନରେ ବିଗତ 25 ବର୍ଷ ଧରି ସେତୁ ଅନୁଷ୍ଠାନ ର ଉଦ୍ୟମରେ ଅନୁଷ୍ଠିତ ହୋଇ ଆସୁଥିବା ପୁସ୍ତକ ମେଳା ଏକ ସ୍ୱତନ୍ତ୍ର ଓ ପଠନ ଅଭ୍ୟାସ ର ପରିବେଶ ତିଆରି କରିଛି, ଯାହା ଐକାନ୍ତିକ ସାହିତ୍ୟର ଉନ୍ନତିରେ ଗୁରୁତ୍ୱପୂର୍ଣ୍ଣ ଭୂମିକା ନିବାହ କରୁଛି। ଏହା ପ୍ରାରମ୍ଭ ହୋଇଥିଲା ଗଙ୍ଗାଧର ମେହେର କଲେଜ ପଡ଼ିଆରେ, ଯାହା ଆରମ୍ଭରୁ ସମ୍ବଲପୁର ଓ ପାଶ୍ୱବର୍ତ୍ତି ଅଞ୍ଚଳର ସାହିତ୍ୟପ୍ରେମୀଙ୍କୁ ଆକର୍ଷଣ କରିଥିଲା। କିନ୍ତୁ, ବର୍ଷକ୍ରମେ ଏହାର ଭିଡ଼ ବୃଦ୍ଧି ଓ ପ୍ରସାର ପାଇଁ ଏହାକୁ ପି.ଏଚ୍.ଡି. ପଡ଼ିଆକୁ ସ୍ଥାନାନ୍ତର କରାଯାଇଛି।
ପୁସ୍ତକ ମେଳା କେବଳ ଏକ ଖରିଦ-ବିକ୍ରିର ସ୍ଥାନ ନୁହେଁ, ବରଂ ଏକ ସାହିତ୍ୟ ଓ ସଂସ୍କୃତି ମନ୍ଚ ଭାବରେ ଉପସ୍ଥିତ। ଏଠାରେ ପ୍ରକାଶକ, ଲେଖକ, ଓ ପାଠକମାନଙ୍କ ମଧ୍ୟରେ ଭାବ ଆଦାନ ପ୍ରଦାନ ହୋଇଥାଏ। ଗତ ବର୍ଷରୁ ନେସନାଲ ବୁକ୍ ଟ୍ରଷ୍ଟ ଅଫ୍ ଇଣ୍ଡିଆ ର ସହଭାଗିତା ଏହାର ଉତ୍ସାହ ଓ ପ୍ରସାରକୁ ଅଧିକ ସମୃଦ୍ଧ କରିଛି। ଏହାର ମାଧ୍ୟମରେ ସ୍ଥାନୀୟ ଲେଖକମାନଙ୍କୁ ଜାତୀୟ ମଞ୍ଚରେ ପ୍ରଦର୍ଶନ କରିବାର ସୁଯୋଗ ମିଳିଛି, ଏବଂ ପାଠକମାନେ ବି ଅନ୍ୟାନ୍ୟ ଅଞ୍ଚଳର ଜ୍ଞାନର ସହିତ ପରିଚିତ ହେଉଛନ୍ତି। ଗତ ବର୍ଷର ମେଳାରେ ବିଭିନ୍ନ ଚର୍ଚ୍ଚାଚକ୍ର, ପୁସ୍ତକ ମୋଚନ, ଓ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା, ଯାହା ଗତିବିଧିକୁ ଏକ ନୂଆ ମାନଚିତ୍ର ଦେଇଛି।
ପୁସ୍ତକ ମେଳା କେବଳ ଗ୍ରନ୍ଥର ଦୁନିଆ ନୁହେଁ, ଏହା ସମ୍ବଲପୁରର ସାମାଜିକ ଓ ସାଂସ୍କୃତିକ ଜୀବନର ଏକ ଅଖଣ୍ଡ ଅଂଶ। ଏହା ଏକ ମନ୍ଚ, ଯାହା ସାହିତ୍ୟପ୍ରେମୀଙ୍କୁ ଏକତ୍ର କରେ, ସମ୍ବାଦ କରାଏ, ଓ ସୃଜନଶୀଳତାକୁ ପ୍ରୋତ୍ସାହନ ଦିଏ। ଏହି ପଦକ୍ଷେପ ସମ୍ବଲପୁରକୁ ଏକ ସାହିତ୍ୟ କ୍ଷେତ୍ରରେ ଜାତୀୟ ଦର୍ଶନୀୟ ସ୍ଥାନରେ ପରିଣତ କରିବାରେ ସାହାଯ୍ୟ କରୁଛି। ନେସନାଲ ବୁକ୍ ଟ୍ରଷ୍ଟର ଆଭିର୍ଭାବ ସହ ସମ୍ବଲପୁର ପୁସ୍ତକ ମେଳା ଏକ ଜାତୀୟ ଓ ଆନ୍ତର୍ଜାତୀୟ ଗୌରବ ହୋଇ ଉପସ୍ଥିତ ହେଉଛି।
ଅବଶେଷରେ, ପୁସ୍ତକ ମେଳାର ଆୟୋଜନ କେବଳ ଏକ ଆନୁଷ୍ଠାନିକ କାର୍ଯ୍ୟକ୍ରମ ନୁହେଁ, ଏହା ସାହିତ୍ୟ, ସଂସ୍କୃତି, ଓ ଜ୍ଞାନର ପ୍ରତି ଏକ ଅଗ୍ରସର ଦୃଷ୍ଟିକୋଣ। ଆଗକୁ ସମ୍ବଲପୁରରେ ଏହା ଏକ ସଂସ୍କୃତିଗତ ଏବଂ ସାହିତ୍ୟକ ଜାଗରଣ ଆଣିବ ବୋଲି ଆଶା କରାଯାଏ।