القول الفصل بين التكييف الانفرتر والتكييف العادي بدون أي تعصب او خداع
HTML-код
- Опубликовано: 11 июл 2022
- #أفكار_جديدة_جدا
#تكييف
#إنفرتر
انفرتر ولا عادي
هنتكلم النهارده عن المكيفات الانفرتر والعادية
علشان لو ناوي تشتري مكيف دلوقتي او بعد فتره تبقى عارف هتشتري ايه وليه
اولا كده ايه هي تكنولوجيا الانفرتر
باختصار شديد المكيف القديم الموتور او الكباس او الكمبروسور بتاعه بيشتغل بسرعه واحدة بس وبيفصل لما يوصل للحرارة المطلوبة يعني يا شغال يا مطفي بمعنى ان التكييف لو وصل للحراره المطلوبه الموتور بيفصل
و لما الحراره تعلى الموتور بيرجع يشتغل ثاني بكل طاقته برضو، وكلنا عارفين ان الطاقة اللي بتقوم الكمبروسور من وضع الثبات بتكون اعلى طاقة او تيار مستهلك، زي طلعة العربية كده بتاخد بنزين عالي عن العادي.
الانفرتر بقى بيخلي الموتور شغال على طول ما بيطفيش بس الفكره انه بيوزع الطاقه بتاعته يعني في اول التشغيل لما تكون الحراره عاليه ومطلوب تنزل بها درجه كبيره بيشتغل بكل طاقته وبيبدا يهدا واحده بواحده لحد ما يوصل للحراره المطلوبه.
يهدى خالص اكتر ولما تبدا الحراره تعلى بعد كده في الاوضه بس مجرد انها بتطلع درجه او اقل بيكون هو شغال ثاني بدرجه بسيطه علشان ينزلها للدرجه اللي طلعت دي.
فالثبات في درجة الحرارة عند المكيف الانفرتر اعلى بكثير من الثبات عند الاجهزه الثانيه العاديه
ده طبعا غير توفير الكهرباء الواضح والصريح واللي انا شخصيا شايف ان هو ما يقلش عن مئه في المئه وهقارن بالمكيف اللي قدامي اللي هو شارب انفرتر بيستهلك في 300 ساعه ١٦٣ كيلو وات اما بقى الجهاز الثاني شارب واحد ونصف برده العادي بيستهلك ٣٤٥ كيلو واط في 300 ساعه دول
التكييف العادي فيه ٣ ميزات مش موجوده في التكييف الانفرتر.
الاولى انه بيقدر يخفض الحراره بسرعه اكتر يعني تحس ان الجو برد بزياده يعني الحراره معاه بتكون متقلبه شوية اما الانفرتر درجه الحراره في بتبقى ثابته جدا
والميزه الثانيه في التكييف العادي انه ارخص في السعر شويه تقريبا ٢٠٠٠ جنيه
والميزة التالتة انه اقوى في التبريد بمقدار درجة مئوية تقريبا عن المكيف الإنفرتر.
اما بقى اهم مميزات التكييف الانفرتر انه بيشتغل على كهرباء قليله يعني ممكن الفولت ينزل معك ل 140 و130 وتلاقي شغال، اه هو مش هيشتغل بنفس الكفاءه اللي بيشتغل بها وهو 220 فولت لكن هيبقى شغال برده اما التكييف العادي لو الكهرباء نزلت ب 160 او اعلى كمان حيفصل وهيفصل كل الاجهزة اللي في المنطقة كلها مش الشقة او البيت بس، والناس اللي قاعدين في القرى اللي الكهربا فيها ضعيفة عارفين انا اقصد ايه.
وطبعا في ميزه فنيه ثانيه في الانفرتر ان الموتور لما يشتغل بسرعه هادئه فتره طويله هيبقى مرتاح اكثر من انه يشتغل بسرعه عاليه فترات متقطعة.
باختصار كده تكييف الانفرتر حنين في تبريده وبينزل تدريجي بالحرارة، يعني مش متعب للصحه زي التكييفات العاديه حنين في الكهرباء بتاعته واستهلاكه هيوفر معك كثير هيوفر معك بناء على تجربتي الشخصية 120% في الكهرباء كل شهر يعني ممكن تشغله طول الليل وتلاقي نفسك مستهلك اربعه او خمسه كيلو في حين انه الثاني حياخذ معك كثير جدا مش اقل من عشره كيلو.
والمقارنة اللي ذكرتها في اول الحلقة
التكييف الشارب العادي استهلاكه ١.١٥ ك وات في الساعة
اما الانفرتر بيستهلك ٠.٥٤ ك وات في الساعة
يعني العادي اكتر من الضعف في الاستهلاك.
وكمان بيشتغل على كهرباء قليله غالبا مش هتحتاج تجيب له استبليزر بمبلغ وقدره، قد يتخطى فرق السعر بين المكيفين.
كمان مش هيوقع لك الكهربا البيت ولا الشارع اول ما تشغله
لان برده طلعته حنينه عامله زي طالعه العربيه اللي لها دبرياج كده وبتدوس واحده بواحده بالدبرياج انما التكييف العادي بيدوس مره واحده بيدي نتشه كبيره في الطلعه بتاعته علشان يشتغل عشان كده بيقوم موقع الحمل بتاع الكهرباء في البيت او البيوت المجاورة تحس ان اللمبات كلها طفت وقادت فجأة ولو في اجهزة شغالة ممكن تفصل، زي الكمبيوتر او المكيفات التانية.
الانفرتر تكنولوجيا جديده متميزه وعملت نقله كبيره في تشغيل المحركات كلها مش بس المكيفات الانفرتر تكنولوجيا متميزه جدا اوع تسمع لكلام اللي يقول لك انها مش مفيده او مش فارقه او حاجه وحشه او لسه جديده اوعى تصدق الناس دي...صدق بس اللي جرب الانفرتر اصحابك واعرف منهم ايه الفرق، اللي جرب مش اللي سمع، عشان للأسف احنا بنحب نفتي بدون علم.
اما بقى لو انت خائف تشتري التكييف علشان خايف على صحتك او على اولادك انهم ياخذوا برد وبتسمع لكلام الناس اللي بتقول لك انه خطر على الصحه اتفرج على الفيديو ده
وهتعرف ازاي تتعامل معه وازاي تاخذ كل مميزاته بدون ما تاخذ اي اضرار
نيجي بقى لاخر جزء في الفيديو وهو اشتري مين فيهم
باختصار كده التكييف الانفرتر هيوفر معاك كهربا كتير، يعني لازم تكون محتاج تشغله كتير عشان تحس بالتوفير، وكمان لو عندك الكهربا ضعيفة هات الانفرتر
اما لو المكيف هيتركب في مكان كهربته مظبوطه وشغله قليل ساعة ولا اتنين كل كام يوم، او اسبوع ولا اتنين كل كام شهر، يبقى انت مش محتاج مكيف انفرتر، وفرق السعر بينهم مش هتعرف تعوضه في فرق الكهربا الا بعد سنين. 
Наука
يعطيك العافية استاذ هاني على الشرح الوافي و السلس انت مش ليسانس انت هندسه تبارك الله 😄👌👍
﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾.
عليه افضل الصلاة والسلام
Yassin 1
صل الله عليه وسلم
واحنا في مسجد؟؟؟؟؟؟ يوجد ٤٣٠٠ ديانة! توقفوا عن فشخ دينكم على كل شيء
اللهم صل على محمد وآل محمد
شرح مبسط ووافى احسنت يا هندسة
جزاك الله كل خير
ألف شكر على مجهود حضرتك والشرح الرائع
شكرا جزيلا على نصيحتك الجميلة والدليل العلمي الصحيح.
جزاك الله خيرا يا هندسة.
بارك الله فيك .شرح ممتاز
تحية لك من الجزائر
بارك الله فيك شرح شامل
شرح وافي
كفيت و وفيت اشكرك كثيرا مهندس
الله يخليك تسلم
وربنا يعلم اني دققت وتحريت عن كل معلومة في الفيديو ده ازاي
@@HanyMoh2017yt
جزاك الله خير اخونا هاني
الله يرحم والديك
سلام عليكم عندك معلومه اي سبلت يوافق أجواء العراق الحاره جداََ جداََ حيث تصل درجة ٥٥ في الضل
و ٧٠ في الشمس
وعليكم السلام ورحمة الله وبركاته
اولا يجب تركيب الوحدة الخارجية في مكان لا تصله الشمس، او تغطيتها بدون منع الهواء عنها.
ثانيا تحتاج كمبروسر T3 وليس T1 لانه يتحمل حرارة فوق ال٥٠
عندي مكيف tornado inverter به خاصية T3 وتبريده قوي جدا
أعتقد مكيف كارير يتحمل الى 55 درجة اذا كان موجود عندكم
اللهم صل وسلم وبارك على سيدنا وحبيبنا ونبينا محمد عبده ورسوله وعلى آله وصحبه وسلم تسليما كثيرا وبارك الله بكم ❤❤❤
السلام عليكم ورحمه الله وبركاته حضرتك ايه رايك في تكيف المصانع الحربيه
وعليكم السلام ورحمة الله وبركاته
معنديش أي فكرة عنها الصراحة
الله يبارك فيك
سلام عليكم
اخي الكريم افضل نوع تكييف فى مصر حاليا ١.٥ حصان كارير ولا شارب ولا تورنيدو وهل اشتري انفيرتر ولا عادي
وعليكم السلام ورحمة الله وبركاته
حاليا معرفش
بس عندي شارب انفرتر ١٠٠٪ ممتاز
وتورنيدو انفرتر ٩٠٪ رغم ان تبريده رهيب، يعتبر تلاجة، بس كماليات شارب اعلى منه
وتورنيدو عادي ياخد ٧٠٪ لان صوته اعلى وتبريده متقطع مش ثابت
لو غرفة 4×4 دور قبل الاخير لكن متحاوطة من الشمس من قدام والجنب ينفعلها تكيف كام حصان
هو عموما مساحة ١٦ متر هي الحد الاقصى اللي ممكن تكييف ١.٥ يشتغل فيها، لكنه مش هيقدر يوصل لاقصى درجات برودة، يعني لو قدر يوصل ل٢٥ او ٢٤ يبقى كويس جدا
والسقف في حد ذاته هو اكبر عائق لما يكون متعرض للشمس
اما الجدران بتبرد بسرعة لما الشمس تبعد عنهم.
بس الافضل تركب مكيف ٢.٢٥ حصان
لكن لو عايز توفر، ممكن ١.٥ يشتغل، بس الافضل تشغله على درجة حرارة عالية وقت سطوع الشمس في اي من الجدران مثلا تعمله ٢٦ او ٢٧ درجة
ولما الشمس تمشي، تقدر تشغله لحد ٢٤ او ٢٥ هيبقى كويس
هو مكيفات الخليج السبع نجوم والكفاءة 12 ده انفرتر ولى مكيف عادى موفر الكهرباء فقط
معرفهاش للأسف
تسلم
السلام عليكم غرفة ٣×٤ والكهرباء بتقطع دور ٣ اجيب مكيف كام حصان بحيث يوفر كهربا ويبرد الغرفة
مهو دور ٣ ده اخير ولا في ادوار فوقك؟
لو في ادوار فوقك يبقى هات ١.٥ حصان هيبقى تمام جدا
اما لو دور اخير والسقف مش معزول، يبقى هات ٢.٢٥ او اعزل السقف بصاج او بأي عزل ١٠٠٪ وهات ١.٥ عشان يوفر معاك كهربا
بالنسبة لقطع الكهربا، ايه علاقتها بالكلام؟
شكرآ جدآ
اقصد الكهرباء بتقطع وبتضعف
لو بتقطع كتير حاول قدر الامكان تفصل مفتاح التشغيل وقتها عشان متجيش عالية
لو مظبطش معاك هتحتاج استبلايزر ٥ كيلو اتوماتيك
ده هيظبط الكهربا وزيادة امان
هل خاصية ايكو الموجودة في وحدة التحكم تعني ان المكيف انفرتر اما خاصية الايكو شيء والانفرتر شيء اخر ؟؟؟؟
ايكو يعني اقتصادي
موجودة في كل المكيفات بغض النظر عن نوعه
راي حضرتك في تكيف فريش سمارت انفرتر واحد ونص حصان هو ولا جري افضل؟
هو موضوع المقارنات ده، اما نظري بناء على مواصفات واراء الناس
او عملي بناء على تجربة للجهازين في نفس الغرفة، او غرفتين ليهم نفس الظروف
وانا مجربتش حتى الجهازين في اي ظرف
بس الاتنين سمعتهم كويسة
المهم يكون الجهاز إنفرتر، ويتركب صح، وخدمة ما بعد البيع تكون كويسة
@@HanyMoh2017ytشكرا لحضرتك يا هندسة جزاك الله كل خير
الجري ٣ حصان سخن بارد ولا الشارب.. وهل الجري كويس في مصر ولا وحش
مجربتوش قبل كده ولا حتى شوفت عنه ريفيوهات، بس شارب مضمون
هو انه افضل في الانفرتر تورنيدو ولا شارب ولا فريش لمكان فيه الحرارة عاليه
شارب وتورنيدو قوتهم قريبة لبعض، لكن بحس تورنيدو اقوى في البرودة
بس يقال ان كباس تورنيدو الانفرتر t3 يعني اقوى
بس انا مش متأكد من المعلومة
شكران جزيلا
تكييف شارب 3 حصان انفرتر يشتغل على كهرباء 175 ل 180 ولا ميشتغلش لو سمحت
انا اتوقع ان قوة الكباس متفرقش
والتكييفات الحديثة كلها بتشتغل من اول ١٦٠ فولت
بس في العموم لازم برضو تكون مستعد انك تجيب له استبلايزر لو لا قدر الله مشتغلش كويس
شكرا
جوابت علي السؤال .اللي كنت هسالة ان كهربت البيت عندنا ضعيفة ودا بيسبب دربكة فالتكييف القديم ومبيبردش..بس هل الكهربه الضعيفة ممكن تسبب مشكل للجهاز
اكيد ضعف الكهربا هتفرق كتير
بس الانفرتر، خاصة شارب بيشتغل بأقل فولت حتى لو ١٥٠ فولت
عندي اوقات كان يشتغل ب١٣٠
السلام عليكم ورحمه الله
طيب بعد اذنك انا ساكن في قرية محتاج حاجه كويسه تورنيدو ولا فرش احسن
تورنيدو وشارب عندي حلوين
واسمع ان فريش كويس كمان
المهم حجم الغرفة وعزلها
السلام عليكم ورحمة الله وبركاته
ممكن تقولي حضرتك الافضل اجيب شارب ولا تيورنيدو مع العلم شقه دور ثاني
طالما الشمس مش في السقف يبقى شارب
استهلاكه اقل في الكهربا وكماليات اعلى
تورنيدو بيشتغل تحت درجة حرارة عالية لان الكمبريسور بتاعه t3 الشارب t1
بس استهلاكه اقوى من الشارب في الكهربا
الجنرال والفوجي هم الافضل بس غالي ، الجري gree ممتاز صيني وسعره كويس بعده الميديا واليوجين سوبر
@@HanyMoh2017ytطيب ايش افضل مكيف انفرتر t3
هل من الممكن اشتري مكيف انفرتر في دور اخير
انا دور اخير
عندي ٣ مكيفات
اتنين انفرتر وواحد عادي
اضعفهم العادي
سيبك من كلام الناس
تنصحنى اشترى شارب ولا ال جى ولا كاريير
التلاتة سمعتهم حلوة في الشغل والخامة
بس انا مجربتش غير شارب
وهو افضل منهم في خدمة ما بعد البيع
مشكلة اذ فيه لوحات إلكترونية اي سي اعطال مشاكل
مش فاهمك
التجربة خير برهان فيه فني سعودي جرب الأثنين البرودة المكيف العادي اقوى اوما الإستهلاك فشيء بسيط جدا لايكاد يذكر
انا عندي ٣ تكييفات في الشقة
منهم اتنين انفرتر وواحد عادي
الفرق كبير جدا في استهلاك الكهربا، اكتر من الضعف
وكمان الأسوأ ان التكييف العادي برودته متقطعة، لانه بيوصل البرودة المطلوبة، ويفصل، ويرجع يشتغل بعد ما يرفع درجتين
يعني البرودة غير ثابتة
اما الانفرتر بيثبت درجة الحرارة
@@HanyMoh2017yt هو صحي اكثر الانفرتر عن تجربة خصوصا بالنسبة للأطفال
بس لازم فني ممتاز يركبه والا راح تواجه مشاكل لها اول ما لها نهايه
والفنيين الممتازين نادر جدا
@@HanyMoh2017yt😊
@@HanyMoh2017ytممم
حضرتك حسبت إن التكييف العادى مش بيفصل نهائى وده مش سليم فى حساب الفرق بينهم. وبالتالى فرق الاستهلاك مش هيكون سليم تماما.
العادي مش بيفصل نهائي ازاي؟
برنس
أخي العزيز مكيف الانفيرتر يحتاج تيار كهربائي مستمر حتى يصل البرودة المطلوبة
اللي هو ازاي يعني
هو بيحول التيار بنفسه
الشارب افضل او تورنيدو بالنسبة للأنفرتر
تورنيدو الكباس بتاعه تروبيكال T3 يعني يشتغل في درجة حرارة قاسية
وبالتالي سحبه للكهربا اعلىيجي ب١٠ او ٢٠٪ مثلا
بس مقدرش احكم لان عندي كل واحد في غرفة مختلفة في الحجم والعزل
@@HanyMoh2017yt كام حصان وازاي اعرف انه تي ٣مع العلم انا دور اخير لغرفة ارعة في خمسة؟
تكييف انفرتر بخليه على ٢٧ او ٢٨ تبريد وبنام .. بعد ساعتين تلاته بصحى من الحر ... دا فيه مشكله ولا ممكن اظبط فيه حاجه ؟
الايام دي الجو برد
والاوضة بقت بتوصل ٢٥ من غير تكييف
يعني الكمبروسور هيفصل اغلب الوقت لا محالة
ممكن تخليه ٢٥ بس توجه الهوا بتاعه بعيد عنك وتقلل سرعة المروحة على ٣ او ٤
هيظبط الحرارة ومش هيتعبك
طب احسن حاجه ايه من فضلك
@@HanyMoh2017yt 👍
حضرتك ال جي ولا شارب لو سمحت وانفرتر ولا عادي وبارد بس ولا بارد وساخن
مجربتش LG لكن اعرف انه كويس بس ضمانه مش اوي
انما شارب عن تجربة ممتاز وضمانه العربي كويس نسبيا رغم وجود بعض شكاوى عليه مؤخرا
الانفرتر افضل في كل الاحوال
الا لو تكييف هيشتغل ساعتين تلاتة في اليوم، خليه عادي عشان فرق السعر انت اولى به
انما لو هيشتغل اكتر من ٥ ساعات متواصلة، يبقى انفرتر
البارد ساخن افضل طبعا، حتى ينفع في الشتا كويس، ويوفرلك مكان الدفاية وفرق السعر تقريبا قريب لسعر الدفاية
كمان البارد ساخن بيكون مواسير الكويل بتاعته نحاس مش ألمونيوم
يعني افضل في الخامات كمان
جزاك الله خيرا انا ساكن في قرية في الدور الثاني تنصحني بايه L G أو شارب الاهم يكون موفر كهرباء الغرفة ٤×٤
👌
العداد العادي القديم متوصل عليه اتنين تكيف هل ينفع نركب الثالث ارجوك الرد
مظنش في مشكلة، خصوصا ان محدش هيشغل ٣ تكيفات في وقت واحد كل يوم
بتشغلى الاتنين مع بعض وهما كام حصان
فى فرق كبير فى التبريد وعن تجربة العادى تبريده افضل بكتير
تجربتي نتيجتها مختلفة
الانفرتر اقوى وثابت وصوته هادي
اما العادي درجة حرارة الغرفة متذبذب
شوية برد وشوية حر ومكتومة
صوته عالي او فاصل
منور الدنيا
نورك يا كبير
❤ ❤
المختصر المفيد...
كل التقنيات في المكيفات مصممه لدرجات حراره قصوى اقل من ٣٦
اهل المناطق الحاره.. لايعنيكم هذا الكلام ابدا... المهم.. خذ مكيف مصمم يبرد فقط بدون تقنيات... واذا قالك مختص التكييف الغرفه تحتاج مكيف ١٨ وحده.. هو صادق لاكن القانون اللي يحسب فيه لاينطبق على اهل الاماكن الحاره.. يعني خذ ٢٤ ... قانون حساب تكييف المساحه لاي مكان ... خذ النتيجه وحط عليها نصف او دبل
.... لان جميع المنتجات المقاومه للشمس ومنتجات التكييف.. من صنعها
اقصى حراره يعرفها ٣٧... وبالتوفيق للجميع
تنصحنا باي شركة جهاز تكييف انفرتر .
شارب او تورنيدو عن تجربة
@@HanyMoh2017yt مارأيك ب جنرال كولد انفنيتر؟
لو سمحت غرفه 3في 4دور اخير تحتاج تكييف كام حصان
لو تكييف ١.٥ هيبقى حلو بالليل
لكن بالنهار هيبقى ضعيف
الا لو عامل عزل قوي للسقف
لو مش هتعزل السقف، يبقى خليك في ٢.٢٥ اضمن
التكيف الانفرتر حنين في فكره تبريده وطريقته للتبريد مش ك تبريد التبريد بتاعه قوي جدا وكاد يكون اقوى من العادي
مفيش مقارنة اصلا بينهم وانا حاولت اكون حيادي شوية فقولت ان العادي كويس في التشغيل البسيط
@@HanyMoh2017yt ماشي وشكرا جدا على العموم انا كشفت كثير من الفيديو
هل ينفع اشغل وحدتين ع نفس الكومبريسور ؟
سمعت حد بيسأل قبل كده
بس مظنش انه ينفع
ولو نفع هيكلفك قرب تكلفة التكييف على بعضه ومش هتاخد نفس الميزات
انفرتر روعة
ياعم صدقنى انا مهندس مجرب
قصه التوفير بتيجى من غلق باب الغرفه ولم يثبت كلامك انه بيوفر وذلك باستخدام مقياس الامبير والحراره
الانفرتر صيانته غاليه جدا ولو مفيش له كارته بديله او اتاخرت اذن اركن المكييف لحد ماتيجى الكارته وللاسف ده كتير فى مصر لكن العادى لو الكرته موش موجوده او موديل غير متوفر بركب كارته صينى على كل الانواع وبيشتغل ولكن الانفرتر لو ماجتش الكارته البديله صعب تحويله الى كارته صينى زى العادى
الخلاصه التوفير انا بعمله بقفل باب الغرفه دائما
والله انا بتكلم عن تجربة ل٣ مكيفات عندي في شقتي منهم ٢ انفرتر وواحد عادي
والتوفير اكتر من ٥٠٪
وموضوع الصيانة سنة ولا اتنين كمان وهيبقى متوفرله كل حاجة
@@HanyMoh2017yt خضرتك بتتكلم عن تجربه فى بيتك وانا بكلمك عن تجارب لمهندس ميكانيكا قوى شغال بالسعوديه 35 سنه با ايدى عملى و10سنين فى مصر صاحب ورشه
الانفرتر لايفصل الكمبورسور ولكن يتغير استهلاك الكهربا
العادى يفصل كويس بقفل باب الغرفه
قطع غياره الاول قليله جدا وممكن بتركن على جنب لعدم توفرها والدليل انك بتقول هتتوفر مع الوقت القادم
العادى كل اموره موجوده ويمكن استبدال الكنترول بصينى بيركب على كل العادى سعره بلاش لايتجاوز 25 ريال
انا برد على الفديوا بتاعك اللى كله انحياز للانفرتر بشكل غير صحيح وانا بكلمك بخبره عاليه وقلت الكلام ده من اول ماطلع
فى سويتش يتحكم فى استلاك الطاقه بالعالى والمنخفض من 40 سنه موجود بناء على درجه حراره المبخر وبالتالى الضغط داخل المبخر
لو زادت الحراره زاد الضغط فيسمح للكهرباء تعدى بالكامل للمكييف ولو قلت الحراره قل الصغط فيسمح بااقل فى الكهربا للمكييف ولكن لما يصل المكييف فى الغرفه لدرجه الفصل بيفصل الكمبورسور تماما ويصبح الاستهلاك لمروحه فقط بالداخل ولكن الماكينه بره فاصله تمام ولكن الانفرتر لايفصل نهائيا بل بيقل فقط فى الاستهلاك حسب حراره الغرفه اتمنى اكون وصلت فكرتى
@@akalatoufa
واضح ان معلومات حضرتك فيها اخطاء كتير، او على الاقل حضرتك متحيز للتكنولوجيا القديمة وكاره للتكنولوجيا الحديثة ورافض الاعتراف بها.
اه انا خبرتي في المجال ضعيفة، لكن تجربتي العملية في شتى مجالات اهتماماتي قوية
واحنا الاتنين سواسية امام المشاهد، لان مفيش حد معاه ما يثبت انه مهندس او انه على صواب، الا بالمنطق.
بالمنطق بقى
المكيف الانفرتر عندي شارب، في غرفة معزولة تماما عن الشمس، عنده القدرة يشتغل ١٥ ساعة متواصلة باستهلاك ٦ كيلو وات فقط، بل اقل، وانا بعرف احسب الاستهلاك كويس.
المكيف التورنيدو الانفرتر بيستهلك ٧ كيلو تقريبا خلال ١٢ ساعة شغل متواصل، في غرفة غير معزولة السقف، وأحد الجدران.
المكيف العادي عندي تورنيدو، بيستهلك ٢ كيلو لساعتين شغل، ٤ كيلو وات مع ٤ ساعات شغل
لم اجربه لمدد طويلة
لكن اخي الاصغر عنده شارب عادي، استهلاكه ١ كيلو وات لكل ساعة شغل لمدة ١٠ ساعات متواصلة، يعني المعادلة واحدة.
وبيانات الاستهلاك على كل مكيف واضحة لكل ذي علم، قدرة المكيف الانفرتر عندي ١٦٥ كيلو وات تقريبا كل ٣٠٠ ساعة شغل
اما العادي بيكون فوق ال٣٠٠ كيلو وات
يعني تقريبا الضعف واكتر.
اما بقى قفل الغرفة او حرارة الكمبريسور والكلام اللي حضرتك ذكرته فهو خارج النطاق، لان المقارنة بتتم في نفس الظروف تقريبا، مش هنقارن مكيف واحنا فاتحين شباك ولا باب بمكيف قافلين معاه الباب.
وللعلم المكيف الانفرتر التورنيدو اشتغل مكان المكيف العادي قبل منه يجي شهر وكان استهلاكه اول ساعة عادي عن العادي، لكن بعد كده بيكون اقل منه بكتير.
نقطة اخيرة تثبت ان حضرتك لم تجرب الانفرتر في بيتك.
انه بيفصل عادي لما يحقق الدرجة المطلوبة، والفيديو الجاي تجربة عملية للتكييف عندي وهو بيفصل كمان.
@@HanyMoh2017yt واضح انت اللى منحاز لكلام غير عملى وعمال تقول ارقام من الكتالوجات ولعلمك انك لاتعلم عن الانفرتر الا انك منحاز لمعلومه نزلتها على صفحتك وموش عايز تطلع اى كلام فقط وبتقول عند اخوك وعندك وكله كلام موش مزبوط لان الانفرتر واتحداك بالعلم والمعلومه من مهندس بخبره السنين ان الكمبورسور لايفصل نهائيا وده دليل على عدم معرفتك ودى السقطه اللى انت وقعت فيها
ونرجع ونقول ان قصه الانفرتر بياخذ كهربا على اد درجه الغرفه يعنى لما بتبرد يقل الاستهلاك ولما تسخن يزيد الاستهلاك ولكن لايفصل نهائيا الكمبورسور ياعلامه
لا انا اعرفك ولا انت تعرفني ولكن المتابعين عارفين ان فيديوهات قناتي كلها صادقة
ومش بتكلم الا بعلم
وانا عندي ٢ تكييف افرتر بيفصلوا كمبريسور في وقت التشغيل في حال تحقيق درجة الحرارة
وعملت عنه فيديو واضح وصريح
ولما كنت بلاقي التكييف الانفرتر بيفصل، سألت الفني لاني كنت واخد معلومات ناقصة زي حضرتك كده، وكنت فاكر انه فيه عطل، وهو أكدلي انه بيفصل برضو، لانه قوي والغرفة صغيرة، اقل من ١٠ متر مربع
لو سمحت اي افضل lg ولا شارب
مجربتش LG لكن اكيد هو كويس
لكن اظن ضمان العربي افضل شوية
ممكن اعرف مواسير تكييف شارب نحاس ولا لا
حسب نظرتي للكويل الداخلي
لقيته كله المونيوم
حتى البارد ساخن برضو لقيته كده
لو سمحت هل ده عيب كبير فشارب ولا مش فارق كتير؟
و سمحت عايزه اجيب تكيف ميديا ١ونص حصان انفرتر بارد فقط
هل يكون مناسب لغرفه نوم مساحتها وسط يعني مش كبيره اوي ولا صغيره والشمس معرضه للغرفه من وجهه الغرفه من الخارج لاني الغرفه على الشارع مش دور اخير ولا في شمس على السقف
وبالنسبه للضمان لو اشتريت من أي موزع قريب عندي بيكون فيه فني تركيب هل الضمان لازم يتختم بختم الشركه عشان يكون الضمان ساري ولا لو جه فني من الشركه يركبه افضل عشان يكون ختم الشركه على الضمان ممكن تفيدني في موضوع الضمان دا لاني مش عارفه لو حد جه يركبه تبع الموزع دا حيكون فيه مشكله بالنسبه للضمان أو فيما بعد مش حينفع يكون له صيانه تبع الشركه وشكرا لحضرتك جدا
مفيش مشكلة خالص في الضمان من الموزع او من الشركة مباشرة
وبالنسبة لحجم الغرفة لازم نحدد هي كام في كام
لان وصفها انها لا كبيرة ولا صغيرة وصف متفاوت من شخص لشخص.
بس عموما التكييف ١.٥ حصان يقدر يبرد غرفة ٤ في ٤ يعني ١٦ متر بس متكونش دور اخير
ممكن تشتري من بي تك لان دايما تركيبهم مجانا
بتدفعي بس ٥٠ او ١٠٠ جنيه للفني من نفسك لو عايزة
طيب بعد اذنك سؤال بس ايه رأيك فتكييف انفرتر تورنيدو الواحد ونص حصان وايه افضل نوع تكييف انفرتر عموما وهل خاصية الانفرتر دي بتختلف من تكييف لاخر ولا كلهم واحد فنفس التوفير ؟
عندي التورنيدو الانفرتر والعادي كمان
الانفرتر ما شاء الله وحش
بيخلي الاوضة تلج
بنام فيه وهو على ٢٦ درجة
والايام دي ١٠ ساعات شغل بيستهلك ٣ كيلو وات
لان الجو حلو والغرفة صغيرة عليه
@@HanyMoh2017yt ال٣ كيلو دول يعملوا مثلا كام فالشهر فلوس وهل هو فالتوفير افضل ولا فيه نوع تاني ارجو الافادة
@@elmarghany2589
استهلاك ٣ كيلو ده رقم استثنائي
التكييف العادي لو في نفس الظروف ياخد ٧ ل ١٠ كيلو
سعر الكيلو حسب الشريحة
ابحث على جوجل عن سعر الكهربا وشوف تاريخ حديث
تقريبا في الشريحة الرابعة اقل من جنيه
@@HanyMoh2017yt طيب اخر استفسار انا اسف ايه افضل نوع انفرتر واكتر نوع تكييف بيوفر جامد من وجهة نظرك انت ؟
@@elmarghany2589
تحت امرك براحتك في اي سؤال اعرفه
بس انا مجربتش غير شارب وتورنيدو انفرتر وعادي
وقريبين لبعض جدا بس تورنيدي برودته اقوى من شارب
لكن شارب حنين شوية وحلو في النوم اكتر من تورنيدو بسبب شدة برودة الهوا بتاع تورنيدو
لكن في الحالتين مش هتندم
ايهالافضل تكيف l g ولا شارب
مجربتش LG لكنه معروف انه كويس جدا
ان لم يكن الافضل
لكن خدمة ما بعد البيع عليها ملاحظات
بتاح صل على آمون وعلى آل آمون
احتمال
شكرا اخي الكريم كنا في حديث كبير على التقنية الجديدة
حيث صديقنا قال يجب يدخل الكهرباء ٢٢٠ ثم يشغل على اقل من٢٢٠
وصديق اخر قال العكس انه يعمل حتى وإن لم يدخل له كهرباء220
يعني انت لم تذكر اكبر عيب في الانفيرتر وهو ان الكارتة الخاصة به معرضة للرطوبة والشمس والاتربة ولما بتخرب والصيانة مكلفة جدا جدا وده اكبر عيب في الانفيرتر
فعلا
لكن مع وضع الوحدة الخارجية في مكان مناسب
لا مشكلة
وكل الاجهزة والسيارات حاليا تعتمد على اللوحات الالكترونية
رغم تعرضها للشمس والرطوبة والحرارة
صح هو اكبر عيب في الانفيرتر الكارتة الام حساسة وقطع الغيار شبه منعدمة
@@HanyMoh2017yt الوحدة الخارجية وين مكانها المناسب مثلا
حيوفر كهربا والكارت برره في الشمس والتراب.. وغير يا فنان
ستصبح كل أجهزة التكييف أنفرتر
جربت الاثنين الانفرتر موفر صحيح لكن برودته ضعيفه وسيئة عكس العادي افضل بفرق ملحوظ جداً لذلك ما اشوف الانفرتر مناسب للي يحب الجو صاعق بارد وهذي نصيحتي 🤓
انا جربت العادي والانفرتر وشايف العكس
الانفرتر بيحافظ على برودة الجو باستمرار
اما العادي بيفصل ويستنى درجتين ارتفاع عشان يرجع يشتغل تاني
يعني الجو بيكون متقلب مش ثابت زي الانفرتر
ايش الشركات اللي جربتها
@@HanyMoh2017yt شنو افضل شركة للمكيفات
@@HanyMoh2017ytايش شركات الانفرتر اللي جربتها
يمكن الغرفه معرضه للشمس كثيرا او العزل الحراري قليل.
لانه اذا كانت غير معزوله جيدا فيصبح المكيف يشتغل ولا يخفض من قوته...
وعليه في هذه الحاله لا يكون اقتصادي
لو سمحت ايه احسن دلوقتي فريش ولا تورنيدو
مجربتش فريش
بس اسمع انه كويس
لكن تورنيدو انفرتر عن تجربة، قوي جدا
@@HanyMoh2017yt متشكر جدا جدا لحضرتك
@@HanyMoh2017ytتورنيدو ولا شارب؟
لو عاوز اركب تكيف فى شقه للشقة كلها 60 متر اجيب كام حصان
الافضل لكل غرفة تكييف مناسب
انا مثلا شقتي يجي ٧٠ متر
عندي ٣ غرف وصالة
في غرفتين فيهم تكيفين
والصالة تكييف
اوقات لو عندي ضيوف كتير، بشغل التلاتة وافتح الابواب على بعض
بيكون الجو كويس في الشقة كلها
عدا غرفة الانتريه المقفولة، والمطبخ والحمام
@@HanyMoh2017yt طيب الصاله مفتوحه على الحمام و المطبخ اجبلها تكيف اى
ممكن سؤال لو سمحت ازاي تعرف التكييف الانفرتر Free air والعادي
اول حاجة بيكون مكتوب عليه
وكمان لما بيشتغل بتلاقي صوت الوحدة الخارجية مختلف كل شوية
خاصة بعد اول ٣٠ ل٥٠ دقيقة
@@HanyMoh2017ytايش ميزه ال free air ؟
كيفية تنظيف المكيف الانفرتر?
زي العادي
بس الاضمن تنضيفة ببلاور الهواء فقط
ارجوك محتاج رد. دلوقتي انا بتقرف من التكييف بتاعي اللي مش انفرتر و انا نايم عشان فجاة بتلج لما علي وش الصبح الجو يتعدل و ده يشتغل. لو حرارة الجو نزلت عن الحرارة المطلوبة، هل الكباس الانفرتر بيقفل و لا بيعكس الدورة و يبقا بيدفي و لا ايه بالظبط؟ شكرا ربنا يباركلك
مش فاهم قصدك
هو الجو عندك بيقلب برد وحر كل شوية؟
بلدك ايه يعني؟
في وضع auto في الريموت عشان التكييف يشتغل حسب جو الغرفة
ملوش علاقة بالجو بره اصلا
الجو بره ممكن يخليه يشتغل بكفاءة لو كان غير حار
الصراحة جبنا تكييف انفرتر ولاسف التبريد ضعيف جدا انا في ثالثة ثانوي ادعولى ادخل هندسة حاسبات ان شاء الله 🥰
ضعف التبريد له اسباب كتير
ملوش علاقة بالانفرتر من عدمه
اخي الكريم هل يدفي في الشتاء
كل موديلات التكييف فيها بارد فقط
وفيها بارد ساخن
يعني تنصحني ركب في الشتاء في سوريا طبعن
❤
انت ليش ماحكيت ان طول الليل لو اشتغل لمكيف العادي في غرفه محكمة الاغلاق وبدرجة حرارة 26 مثلا فترة الفصل ربما تعادل مكيف الانفيرتير لان الساعه في المكيف العادي تقريبا بيشتغل فيها نص ساعه
ما هو برده المكيف الانفرتر لما الاوضه تبقى مقفوله ومحكمه الاغلاق هيوفر اكتر بكتير من وقت ما تكون بتتفتح كل شويه وتتقفل
المكيف العادي بيوفر في الوقت ده احسن من نفسه بس مش احسن من الانفرتر
بالظبط زي اللي راكب عربيه وعمال يجري بسرعه 160 ويقوم راجع تاني يقف خالص
ويرجع يطلع لنفس السرعه تاني ولما يحققها يرجع يقف تاني وهكذا
اما الانفرتر بقى ماشي بسرعه 160 شوية و120 شوية و 80 شوية، حسب الجو والظروف بيحدد سرعته
يعني هيوفر بنزين اكثر
هيوفر حمايه وعمر اطول للقطع بتاعته لانها شغاله بنص او ثلث قوتها
وكمان صوته هيبقى اهدى وهيوصل اسرع وهيكون ثابت اكتر
ياسيدي الفاضل مكيف 2 طن انفيرتير في احسن حالاته بيوصل ل 8 امبير ، المكيف العادي بيثبت عل 13.5 امبير لو افترضنا ان المكيف العادي بيفصل في الساعه نص ساعه يبقى نص 13.5 تقريبا 7 امبير وبكده يعادل مكيف الانفريرتير ويمكن افضل @@HanyMoh2017yt
تكييف شارب ام فريش
مجربتش فريش، شارب كويس جدا، تورنيدو كمان كويس عن تجربة
اما فريش اسمع انه كويس لكن مجربتوش
هايوفر في حاله واحده وهي حاله التشغيل المستمر لفتره طويله لكن للبيوت بنشغل ونطفي كتير حسب الاحتياج لذلك لن يوفر شيء ينفع فقط للمحلات والمولات والاماكن دائمة التشغيل
كلامك صح علميا مش عمليا
لان دلوقتي اللي عنده مكيف انفرتر هيشغله طول اليوم
انا شغلته ٤٨ ساعة متواصلة في البيت اول ٢٤ سحب يجي ١٥ كيلو تقريبا او اقل شوية
تاني ٢٤ ساعة سحب ٩ كيلو بس
والارقام دي مع بقية اجهزة البيت مش شغال لوحده
@@HanyMoh2017yt
ممتاز والله الله يبارك لك فيه👍
@@HanyMoh2017yt😮
عندي سؤال ممكن
اتفضل
الانفرتر يفضل تستخدمه في الغرف الي يبقى فيها المكيف شغال لفترات طويلة
اما اذا استخدامك للمكيف فقط اثناء النوم أفضل تاخذ مكيف عادي
هو النوم مش فترة طويلة؟
ده بخلاف ان الانفرتر بيثبت درجة الحرارة
غير التكييف العادي اللي بينزل ويطلع بالحرارة
والصوت العالي والفصل كل شوية
@@HanyMoh2017yt😊😊
لماذا لم نظهر كتابة تنزيل
لم اعد تستطيع تنزيل الفيديوهات
لم اعد استطيع بدلا من تستطيع
يعني تصحيح املائي
بتحملها من تطبيق ايه؟
جرب سناب تيوب
الكهرباء عندنا ساعات بتوصل ل ١٣٠ فقط
ان شاء الله يشتغل، بس طبعا كفاءته هتكون ضعيفة، لكن هيأدي الغرض، وممكن تعمل شكوى في شركة الكهربا عشان يظبطوها
الفيديو ممتاز وانا استفدت منه لكن للاسف الحاقدين في كل مكان
الحمد لله
المهم ان في ناس خدت معلومة
اهم عيوبه ان لوحة انفريتر تفسد ولاتتصلح وغير موجودة يعني مكيف لوح في زبالة ..عكس مكيف عادى تغير ببومبنه وتم كلام
قريبا لن يكون بهذا مشكلة مع انتشاره
ولا يمكن ان نرفض تكنولوجيا السيارات الحديثة لان بها كمبيوتر يتعطل
تكنو لوجيا تجاري وليس علم زي مثلا غاز 32 قابل للاشتعال وبحسب فنيين تركيب قالو أن طرف خارجي صاروخ انفجر
هو انت بتكتب من تطبيق ترجمة آلية
كلامك مش مترتب خالص ومش واضح
يعنى الجهاز الانفرتر مش بيفصل
دي معلومة منتشرة
وعرفت بعد الفيديو بتجربة عملية انه بيفصل
وده بيزود توفيره اكتر
وعملت فيديو له وهو بيفصل عندي
بس ما يبردون بشكل كويس و الغرفه ما تبرد بسرعه. العادي يثلج الغرفه. و اريد اسألك اذا عندنا مولد كهربائي ايهم احسن الانفرتر او العادي. انا اشوف ان تبريد المكيف العادي افضل من الانفرتر. في حكاية التبريد. ما يبرد احيان بشكل قوي انا احس بأني حران مع مكيفات الانفرتر. في الفيله الجديده تعاقدنا مع شركة تكييف ركبت لنا في البيت كله مكيفات انفرتر. و ما يبردون مثل العادي. متعب تبريدهم. و احيان احس اني حران مع الانفرتر. الان با اغير الي في غرفتي و راح اجيب واحد عادي.
يبقى في خطأ في التركيب او مساحة الغرفة اكبر من قدرة المكيف
لان تبريد الانفرتر اقوى من العادي اصلا
وبرودته مستمره لانه لا يفصل الا قليلا جدا
عندي الانفرتر قدر يخلي حرارة الغرفة ٢٠ خلال ساعة واحدة فقط
نقطة مهمة جدا لم تذكرها وهي الصيانة. فتكلفة صيانة الانفيرتر أغلى من العادي
مع الوقت هتبقى اقل
لان تكنولوجيا الانفرتر هتكون السائدة
لكن بالنسبة للصيانات العادية.
شحن وتنضيف ونقل اظن كلهم زي بعض
لان الانفرتر هو نفس العادي لكن فيه دايرة إلكترونية زيادة بس
@mustafahussein5599ليه
@mustafahussein5599 يعني العادي افضل ولا الانفرتر
سعر التكيف الشارب حصان ونصف بارد سخن انفرتر عامل كام دلوقتي أو سمحت يا باشا مهندس
معرفش بالظبط
بس شوف سعره كده على بي تك او امازون
34.600 جنيه في العربي نفسه بس النوع ده بالتحديد عليه طلب كبير فحضرتك بتبلغهم بالفون واول مايتوفر بيتصلوا بيك ..او بتشتريه من اي موزع معتمد ب 34.600-35000 ...في موزع متوفر عنده اسمه برايت للتكييف ..وابعد عن شركة الاندلس ال في القومية عشان قليلين الزوق واسلوبهم مش محترم
LG فقط 🙏💕
كل التكييفات كويسة والفوارق بينهم بسيطة
لو تبدأ اخي بقول السلام عليكم ورحمه الله وبركاتة
فهي تحية الاسلام
تحياتي
هو تقريباً مش مس يا عبقري
هو اي فتي وخلاص يا عبقري
@@HanyMoh2017yt يمكنك التعلم قبل التكلم ايها المتحذلق .
(
"متحذلق" في اللغة العربية تعني الشخص الذي يتصنع الحذق والقدرة في كلامه أو أفعاله، وقد يكون ذلك للتفاخر أو لإثارة الإعجاب. يمكن أن يوصف الشخص المتحذلق بأنه متكلف أو متباهي بمعرفته أو مهاراته بشكل مبالغ فيه.
في بعض السياقات، يمكن أن تستخدم الكلمة بمعنى سلبي للإشارة إلى شخص يحاول الظهور بأنه أكثر ذكاءً أو خبرة مما هو عليه بالفعل.)
اما الان
السؤال
ما حكم قول كلمة ألو قبل السلام عليكم في التليفون أو بصيغة أخرى أثناء مكالمة هاتفية هل تقديمنا لكلمة "ألو" على قول السلام عليكم حرام؟ ولكم جزيل الشكر.
الإجابــة
الحمد لله والصلاة والسلام على رسول الله وعلى آله وصحبه، أما بعـد:
فإن الابتداء بالسلام سنة عند الجمهور مرغب فيها، كما ذكر ابن العربي في التفسير وغيره، والسنة أن يبدأ بالسلام قبل كل كلام، كما قال النووي في المجموع وابن قدامة في المغني.
قال النووي: والأحاديث الصحيحة المشهورة وعمل الأمة على وفق هذا من المشهورات.
وعدم البداءة بالسلام خلاف الأولى، ويشرع للمجيب أن لا يكلم ولا يجيب من لم يبدأه بالسلام، لما في الحديث: من بدأ بالكلام قبل السلام فلا تجيبوه. رواه الطبراني وأبو نعيم وحسنه الألباني.
فهذا الحديث يفيد الترهيب من البداءة بغير السلام، ولكن لا يقال أن عدم البداءة بالسلام محرمة، لأن السلام من أصله ليس واجباً، وراجعي في الترغيب في السلام الفتوى رقم: 26757، والفتوى رقم: 22278، والفتوى رقم: 42715.
والله أعلم.
المصدر :
www.islamweb.net/ar/fatwa/51259/%D9%85%D9%86-%D8%A3%D8%AF%D8%A8-%D8%A7%D9%84%D9%87%D8%A7%D8%AA%D9%81
طب وبالنسبه لتكلفه الصيانه بتاعت الانفرتر يا جهبس يالي مش بتفتي زي باقي الناس
هو اللي بيسأل او بينتقد بأسلوب محترم بس اللي يستحق يترد عليه
اما اسلوبك يستحق البلوك
بصفتي صنايعي في اجهزة التبريد و التكييف اوجه لكم نصيحة
عندي في المنزل العادي و الانفرتر
ومن التجربتي سنتين انصح بشراء الانفرتر اوفر في استهلاك الطاقة و احسن
اخوكم من الجزائر و شكرا
كلامك سليم ١٠٠٪
وللأسف انت أكدتلي ان المصري بس هو اللي يهمه مصلحته حتى لو هيكون سبب في تضليل الناس
لان اغلب الفنيين المصريين بيقولوا عكس الكلام ده عشان عندهم خبرة في التعامل مع القديم، او عشان عندهم اجهزة قديمة وعايزينها تتباع
من فضلك اي جهاز تبريداحسن
من فضلك اي جهاز تبريداحسن
خويا ما رأيك في علامة Hisense
@@saci938
مجربتش غير تورنيدو وشارب
والاتنين كويسين
وكمان LG معروف انه كويس
رايي أن العادي أفضل من الانفرتر
كل واحد بيختار حسب ظروفه ومزاجه
الانفرتر ماينفع مع اجواءنا الحارة ماانصح فيه ابدا
بالعكس ده متميز جدا في الاجواء دي
عندي العادي والانفرتر، مفيش مقارنة بينهم
🥀🥀🥀🥀🥀
الكهربا بتضعف ف الارياف يبقي نجيب الا نفتنر ده😂
بالظبط كده
بيشتغل من ١٣٠ او ١٤٠ فولت
😂مش مهم مكيف انفرتر من عادي في استهلاك الكهربه اهم حاجه ان المكيف يبقا من ورا العداد
😂😂😂
انت كده هتضيع نفسك
يوفر النص تقريبٱ بس غير عملي مثل المكيف العديد حتا التبريد العادي اقوه
لا طبعا التبريد العادي مش اقوى
وانا عندي الاتنين والانفرتر اقوى كمان، وعن تجربة في نفس الغرفة
الفرق ان العادي بيشتغل بكل قوته علطول
أما الانفرتر بينزل قوتة لما يقرب من الحرارة المطلوبة، ودي ميزة
ده اللي اوهم الناس ان تبريد العادي اقوى
عندي الكهرباء ضعيفة بتوصل ل ١٦٠ او ١٧٠ ولما بشغل الكاتيل او الغلاية الاضاءه بتضعف جدا لكن لما بشغل التكييف ومعاه الكاتيل في نفس الوقت بيشتغلوا عادي جدا بدون فصل احدهم وحتي اللمبات بتضعف شوية وده دليل على ان التكييف الانفرتر اكيد افضل بكتير حتي بعد ما الكاتبل بيفصل تحس ان المراوح واللمبات سرعتها زدات والإضاءة عليت وطبعا التكييف شغال في كل الحالات بدون اي مشاكل 👌
فعلا
لانه بيسحب امبير قليل جدا لما يقرب من الحرارة المطلوبة.
بس الافضل انك تركب لها استبلايزر يرفع الجهد عشان تضمن حمايته وكفاءته
@@HanyMoh2017yt
فعلا بفكر في كده من فترة وان شاء الله اجيب مثبت تيار ١٥ كيلو يشيل الليلة كلها 👌
غير كابل الكهربا الواصل من الساعة للبيت وكبر قطره ل 6مللم . كابل الكهرباء عندك ضعيف .
عطل بالصمام الاليكتروني في تكييف الانفرتر بثمن شحن تكييف عادي
للاسف الانفرتر والعادي نفس الكهربا فرق بسيط خليك في العادي
فرق بسيط فعلا ٥٠٪ على الاقل بس
للاسف عندى الشارب الانفرتر بس للاسف جبتة اصغر من المطلوب للغرفة لالسف تبريد ضعيف بسبب هذة الغلطة وسماع نصيحة خطاء من احد الاشخاص
ابعاد الغرفة كام في كام في كام
طول عرض في ارتفاع
عزلها عامل ايه ولا الشمس ضاربة فيها
فيها عفش، اثاث ولا فاضية؟
حجم الغرفة ٣×٤ دور اخير فيها عفش فوق السطح مغطى بالصاج ولاكن الشمس بتتواجد بعض الوقت على سقف الغرفة
@@mohamedfarg6370
مساحة الغرفة ١٢ متر دور اخير مش كتير
وممكن تعزل السقف بدهان ابيض
انا هجرب اعمل عندي بلاستيك
لو نفع وفرق هعمل فيديو عنه
@@HanyMoh2017ytفكره جيده دهان ابيض
شكراً
@@HanyMoh2017ytنحتاج شرح عن عازل للسطح
بالنسبة للمكيف السبلت العادي مثل gree ١٨ الف وحدة
في بطاقة كفاءة الطاقة بيكون الاستهلاك السنوي ٦٩٠٠
كيف نحسب التكلفة الشهرية اذا المكيف شغال ٢٤ ساعة ؟
مع العلم ان تسعيرة الكهرباء ٠.١٨ هللة كيلو وات بالساعة
شكرا جزيلًا لك يافندم❤️
6400/365=17.5kWh per day
الصح انك تعمل تجربة عملية
تاخد قراية العداد قبل تشغيل المكيف مباشرة في اليوم
وترجع تاخد القراية تاني بعد فصله مباشرة
وقتها هتقدر تحدد المتوسط الحقيقي للاستهلاك اليومي
اللي ممكن يتغير شوية مع زيادة حرارة الجو او تقليل درجة حرارة المكيف او زيادة او نقصان عدد الاشخاص الموجودين في الغرفة
معلومة ناقصة في الفيديو
بإن كمبروسر تكييف الانفرتر يفصل احيانا اذا كان استمرار تشغيل الكمبريسور على اقل سرعة قادر على تخفيض درجة الحرارة عن الدرجة المطلوبة
يعني الكمبروسر في الانفرتر مش بيفصل خلاص
لا بيفصل في بعض الأحيان
@@HanyMoh2017ytطيب هل بالامكان تحول العادي الى انفرتر من الريموت ؟
يا باشا مهندس...مش معقول التكييف هيستهلك الكهرباء بالكيلو وات..ده يبقى خراب مستعجل.... إنت بتقول يستهلك 10 كيلو وات...يعنى 10*1000=10.000 وات فى الساعة طبعاً كلامك غلط.. يرجى تصحيح الفيديو لأن الكيلو وات..بيساوى ألف وات ...دا كده التكييف الواحد بيستهلك فى الساعة قد استهلاك محافظة.......
بلاش نرد من غير من نفهم
ده كلامي من اسكربت الفيديو
االتكييف الشارب العادي استهلاكه ١.١٥ ك وات في الساعة
اما الانفرتر بيستهلك ٠.٥٤ ك وات في الساعة
يعني العادي اكتر من الضعف في الاستهلاك.
والفرق بينهم وقت الفيديو كان ٢٠٠٠ جنيه مش ٥ ولا ١٠.
مكيف الانفرتر لايصلح في المناطق الخارةبتاتأ 😢 خسارة فلوس فقط
شغال معايا زي الفل
والعادي شغال عند اخويا بيموت
لان انا موفر ظروف مناسبة للوحدة الخارجية
لكن هو راميها على السطح
الانفرتر اقوى في التبريد من العادي
وانا عندي ٢ اتفرتر وواحد عادي
مبشغلش العادي لانه اضعف منهم واستهلاكه اعلى منهم
وبعدين فروق استهلاك الكهرباء....لا يساوي الفرق فى ثمن الانفرتر..اللي .بيوصل ل ١٠ آلآف جنية... تقعد أكتر من ١٠ سنين .تدفع في فرق كهربة التكييف العادى من الانفرتر.. وبعدين مش بيبرد كويس.. وفعلاً ما يستاهلش..العادى أفضل
يفرق ١٥٠ جنيه في الشهر تقريبا لو هيشتغل ١٠ ساعات في اليوم
بس ثبات البرودة وهدوء الصوت اهم من التوفير
كلامك ليس صحيح لان بطاقة كفاءة الطاقة الموجودة ع الجهازين ليست دقيقة لانها تتعامل مع المكيف العادي ع انه لا يفصل نهائيا وهذا غير صحيح لانه بيفصل لما يصل للتبريد المطلوب منه
نورت المحكمة
مين الهبيد اللي فهمك كده؟
بطاقة الطاقة بتحكم على المكيفات في ظروف متوسطة ودرجة تبريد متوسطة وظروف تشغيل متوسطة
وبالمناسبة انا عندي ٣ تكييفات منهم ٢ انفرتر وواحد عادي، وفرق استلاك الكهربا بينهم واضح وصريح، لدرجة اني مبشغلش المكيف العادي غير ٣ او ٤ مرات طول الصيف، بسبب كفاءة وهدوء وثبات وتوفير الانفرتر